Tá an suíochán is fearr fós faighte ag Spórt RTÉ do na Cluichí Oilimpeacha ar an teilifís, raidió agus ar líne

• Breis is 270 uair an chloig de chlúdach ar Tokyo 2020 le craoladh ar RTÉ 2
• 408 uair an chloig de chraoladh beo ar láithreán gréasáin Spórt RTÉ agus ar an aip RTÉ News

Tá clúdach ar na Cluichí Oilimpeacha ar an Teilifís, raidió agus ar líne fógartha inniu ag Spórt RTÉ Is iad cluichí Tokyo 2020 an chéad uair a bhfuil suíochán a bhfuil an-tóir go deo ag iriseoirí air faighte ag RTÉ le bheith ag tuairisciú ón taobh istigh ag ionad na gCluichí Oilimpeacha a bheidh ag breathnú amach ar dhroichead an bhogha ceatha, seachas a bheith ag tuairisciú ar na Cluichí, mar a bhíodh roimhe seo, as stiúideo eile in aice láimhe. Cuirfear tús leis an gclúdach beo ar na Cluichí Oilimpeacha ar RTÉ2, RTÉ Radio 1, Raidió na Gaeltachta agus ar an RTÉ Player ón 1:30 am ar an 23 Iúil nuair a rachaidh rámhaithe na hÉireann chun uisce agus craolfar Searmanas Oscailte na gCluichí ón 11:30 am.

Tá Spórt RTÉ faoi réir le bheith ag tuairisciú ar an bhfoireann is mó riamh atá curtha ag Éirinn chuig na cluichí. 116 lúthchleasaí atá ar fhoireann na hÉireann lena n-áirítear Kellie Harrington, Shane Lowry, Rory McIlroy, Paul O’Donovan & Fintan McCarthy, Annalise Murphy, Thomas Barr, Mark English, Phil Healy agus go leor leor eile.

Dúirt Declan McBennett, Grúpcheannasaí Spórt RTÉ: “Cuireann na Cluichí Oilimpeacha i dTóiceo dúshláin eagrúcháin nach bhfacthas a leithéid cheana os ár gcomhair ach fós féin déantar ceiliúradh ollmhór ar fud an domhain ar scil, sprid agus iarracht na lúthchleasaithe. Léireoidh RTÉ, mar is gnách leis, scéal ar leith na hÉireann i dtaobh na gcluichí agus tabharfaidh ardán don fhoireann is mó go dtí seo de chuid na hÉireann a bheidh in iomaíocht sna Cluichí Oilimpeacha. Guímid gach uile rath orthu agus iad ag déanamh ionadaíocht ar an tír seo le bród.”

RTÉ2 & RTÉ Player

Ar RTÉ2 a bheifear ag craoladh Tokyo 2020 ar an teilifís i mbliana agus beidh teacht ag an lucht féachana i bPoblacht na hÉireann ar an ábhar go léir chomh maith ar an RTÉ Player. Le fáinne geal an lae, rachaidh Jacqui Hurley agus Clare McNamara tríd na himeachtaí a bheidh ar siúl ar an gclár Tokyo 2020: Through The Night clár a bheidh á chraoladh beo ar feadh na hoíche as Tóiceo. Ón 9 am gach lá, cuirfidh Peter Collins clúdach ó aicsean beo ó lae i láthair ar an gclár Tokyo 2020: Daytime . Ón 7 pm, beidh Darragh Maloney inár dteannta chun na buaicphointí móra ó aicsean beo an lae ag Cluichí Oilimpeacha Thóiceo 2020 a chur i láthair.

Craolfar 270 uair an chloig de chlúdach ar an teilifís amháin (ag craoladh ag an am céanna idir RTÉ2 agus RTÉ Player). Beidh réimse breá de shaineolaithe ar na painéil le haghaidh Tokyo 2020 ar RTÉ2 agus RTÉ Player do na spóirt Oilimpeacha go léir lena n-áirítear lúthchleasaíocht, snámh, dornálaíocht, rámhaíocht, badmantan, rugbaí seachtar an taobh agus tabharfaidh siad tuairisc abhaile ar lúthchleasaithe na hÉireann.

Áirítear ar lucht an phainéil Derval O’Rourke, Sonia O’Sullivan, Rob Heffernan agus David Gillick (i dTóiceo) sa Lúthchleasaíocht, Andrew Bree, Gráinne Murphy, Barry Murphy agus Earl McCarthy sa Snámh, Andy Lee, Kenneth Egan agus Eric Donovan sa Dornálaíocht chomh maith le Gillian Pinder (Haca), Claire Lambe (Rámhaíocht), Ciara Peelo (Seoltóireacht), Brian Nugent (Rothaíocht), Chloe Magee (Badmantan), Louise Galvin (Rugbaí Seachtar an Taobh), Tim McCarthy (Cispheil) agus neart eile.

RTÉ Radio 1, RTÉ 2FM & Raidió na Gaeltachta

Beidh an nuacht is déanaí agus tuairiscí ar feadh an lae ag RTÉ Radio 1 ag tosú ar Morning Ireland agus tabharfar an toradh a bhí ar na himeachtaí go léir a bhí ar siúl i gcaitheamh na hoíche a chaill tú chomh maith le tuairisciú beo a dhéanamh ar imeachtaí in am ceart ó stiúideo tiomanta raidió féin RTÉ in Ionad Craolacháin na gCluichí Oilimpeacha i dTóiceo. Déanfar ceangal leis an ionad seo maidir le haon imeachtaí boinn a bheidh ag tarlú i rith an lae ar chláir Claire Byrne; News At One; The Ray D’Arcy Show agus Drivetime.

Cuirfidh an clár Game On ar RTÉ2 clabhsúr ar nuacht, tuairiscí agus aicsean an lae ó chroílar na gCluichí.

Beidh Gearóidín Nic an Iomaire, Eagraí Spóirt RTÉ Raidió na Gaeltachta, i dTóiceo na Seapáine do na Cluichí agus beidh sí ag tuairisciú orthu gach lá, agus beidh clúdach beo aici dúinn freisin ar na comórtais is mó a mbeidh suim ag muintir na hÉireann iontu.

Ag an deireadh seachtaine, déanfar imeachtaí móra a chraoladh beo i gclársceidil na maidine. Déanfar craoladh cuimsitheach na cluichí ar Saturday Sport agus ar Sunday Sport araon anuas ar an aicsean ó Chraobhchómortas CLG agus gach spórt eile a bhíonn acu de ghnáth.

Cuirfear Television News Olympic Sport i láthair beo as Tóiceo gach tráthnóna.

RTÉ Ar Líne

Coinnigh le RTÉ Ar Líne agus leis an aip RTÉ News chun an t-aicsean is déanaí go léir a fháil ó Tokyo 2020. Le craoladh 24 uair an chloig in aghaidh an lae, déanfar na torthaí agus tuairimí lúthchleasaithe na hÉireann a fhoilsiú gach lá de réir mar a tharlaíonn siad, agus coinneoidh blaganna beo ar an eolas tú ar an aicsean go léir a tharla ag na Cluichí i rith na hoíche.

Le próifílí lúthchleasaithe, fís-agallaimh eisiacha agus anailís ó fhoireann saineolaithe RTÉ, chomh maith leis an nuacht is déanaí as an tSeapáin, is é RTÉ.ie/sport agus an aip RTÉ News do láithreán gréasáin tiomanta do Chluichí Oilimpeacha 2020 i dTóiceo.

Beidh ábhar agus físeáin eisiacha ag cuntais Twitter, Facebook agus Instagram RTÉ, lena n-áirítear agallaimh le lúthchleasaithe na hÉireann.