Tabharfaidh an ceamaradóir faoi thoinn, Ken O’Sullivan, an lucht féachana ar thuras 20 bliain sa gclár Dolphins: Wonders of the Ocean, ag tosú le deilf aonair atá imithe amú i gCo. an Chláir go dtí saorthumadóireacht agus scannánaíocht le ráthanna fairsinge deilfeanna ar an bhfarraige mhór i dtuaisceart an Atlantaigh.
Léireoidh radhairc chineamatacha de na hainmhithe breátha seo ag fiach i ráthanna ollmhóra in uiscí na hÉireann léargais agus iompraíochtaí atá á scannánú den chéad uair.
D’fhill Ken O’Sullivan ar Chósta an Iarthair 20 bliain ó shin chun mian a chroí a bhaint amach agus a bheith ina cheamaradóir faoi thoinn. Nuair a tháinig Dusty, an deilf bholgshrónach aonair, chomh fada leis, thosaigh Ken ag taifeadadh an ainmhí álainn sin.
“Má bhí Fungi sa Daingean, bhí Dusty i gCo. an Chláir anois” a dúirt sé. “Bheadh sise inacuid de m’aistear chun domhan faoi fharraige na hÉireann a fhiosrú agus a scannánú agus níos mó a fhoghlaim faoi na speicis iontacha deilfeanna atá in uiscí na hÉireann. D’aimsigh mé an domhan álainn faoin bhfarraige in Éirinn agus nuair a tháinig mé ar an áit sin, d’athraigh mo shaol ó bhonn. Bhí fonn orm an áit sin a dhoiciméadú, agus tar éis cúpla bliain, d’éirigh liom an t-ábhar is fearr a fháil. Tá an oiread beocht sna farraigí anseo agus má bhíonn foighne agat, agus má oibríonn tú go crua, is féidir leat draíocht a aimsiú.”
De réir mar a théann an tsraith ar aghaidh, feiceann Ken agus a chriú go bhfuil gníomhaíocht an duine ag bagairt ar na hainmhithe sin anois in uiscí Atlantaigh na hÉireann. Tá truailliú ó thorann agus ró-iascaireacht i measc na mbagairtí caomhantais atá os comhair deilfeanna.
Tá radhairc áille de stair an dúlra i bhfarraigí na hÉireann le feiceáil sa tsraith de réir mar a thosaíonn Ken ag tuiscint go bhféadfadh go leor dár dtuiscint ar na hainmhithe breátha seo a bheith ró-rómánsaithe.
Tá níos mó imní ag baint le folláine an speicis. Faigheann Ken amach faoi go leor dúshláin atá ag cur isteach ar shaol na ndeilfeanna san Atlantach thoir-thuaidh, go háirithe an méadú atá ag teacht ar líon na ndeilfeanna a fhaigheann bás in uiscí na hÉireann gach bliain.
Cuirfear tús le Dolphins: Wonders of the Ocean an Domhnach seo, an 31 Lúnasa ar RTÉ One agus an RTÉ Player ag 6.30pm.
CRÍOCH
Chun tuilleadh eolais a fháil: Jennifer O’Brien | Cumarsáid RTÉ | Jennifer.OBrien@rte.ie |
