Beidh Our Farm: A GIY Story ar fáil ar RTÉ One agus RTÉ Player ón 3 Márta
Beidh Our Farm: A GIY Story ar fáil ar RTÉ One agus RTÉ Player ón 3 Márta ar aghaidh Ó ghairdín daingean go feirm don phobal, léirítear sa tsraith nua sé chuid seo, an fhírinne lom a bhaineann le táirgeadh bia sa lá atá inniu ann.
Seolfaidh RTÉ sraith nua sé chuid ina nglacfaidh Mick Kelly, bunaitheoir GIY (Grow It Yourself) páirt. Rachaidh Mick i ngleic leis an dúshlán is uaillmhianaí a cuireadh os a chomhair go dtí seo: a léiriú gur féidir leis an bpobal córas athghiniúnach do tháirgeadh bhia áitiúil ar an mórchóir a chur ar bun in Éirinn. Ní caitheamh aimsire a bheadh sa chóras seo. Is múnla seasmhach agus inbhuanaithe ó thaobh an gheilleagair a bheadh ann do tháirgeadh bia sa todhchaí. Cuirfear tús le Our Farm: A GIY Story an 3 Márta ar RTÉ One agus RTÉ Player. Sa tsraith seo léirítear an dul chun cinn a dhéanann Mick agus a fhoireann agus iad ag iarraidh gairdín daingean atá tréigthe agus foircthe le fiailí a athrú go hiomlán. Tá an gairdín lonnaithe in Eastát na Coirre Móire, suíomh stairiúil i bPort Láirge. Tá siad ag iarraidh feirm a dhéanamh den ghairdín seo a bheadh ábalta pobal a bheathú, poist a chur ar fáil agus athrú a dhéanamh ar an mbealach a tháirgtear bia áitiúil, chomh maith leis an gcaoi a dháiltear agus a dhíoltar é. Faoi láthair, tá roinnt dúshlán roimh an tír a bhaineann le bia: míshláinteachas mar gheall ar aiste bia, slándáil an tsoláthair bia, athrú aeráide, cailliúint bithéagsúlachta agus costas bia ag dul in airde. Sa tsraith seo pléitear an fhéidearthacht a bhaineann le múnla nua ina mbeadh an trédhearcacht, an athghiniúint, an tséasúracht agus an ceangal leis an bpobal ag a chroílár. Léirítear an fhírinne lom a bhaineann le táirgeadh bia sa lá atá inniu ann in Our Farm: A GIY Story. Dúirt Mick Kelly, ‘Bhí tábhacht ag baint le cruthú na feirme bige seo mar go raibh muid ag iarraidh a thaispeáint gur féidir córais áitiúla bia a dhearadh a oibríonn sa lá atá inniu ann. Ach bhí sé chomh tábhachtach céanna é a chraoladh. Tá muid ag iarraidh aird a tharraingt ar an obair a chaitear a dhéanamh ar fheirm bheag chun slánbhia atá áitiúil agus séasúrach, agus a cuireadh in ithir atá beo, a chur ar fáil do chustaiméirí. Tá muid ag iarraidh go dtuigfear an chumhacht agus an tionchar a bhaineann leis na cinntí bia a dhéanann daoine. Sa tsraith seo dírítear ar mhuinín a spreagadh i ndaoine chun athruithe beaga ach cumhachtacha a
dhéanamh agus iad ag plé le bia.’ -CRÍOCH- Dáta: 27 Feabhra 2026 Nótaí chuig na hEagarthóirí: Is é Scéal Creative a léirigh Our Farm: A GIY Story do RTÉ Nasc chuig Íomhánna do Chlár 1: https://we.tl/t-w7DSjoZGW2 Chun tuilleadh eolais a fháil téigh i dteagmháil le: Jade Carpenter, Ceannasaí Cumarsáide