Ag leanúint de nasc a chothú le hÓige na hÉireann: Sceideal Úrnua Lae á Fhógairt ag 2FM

2FM Breakfast le bheith ar an aer níos faide maidineacha i rith na seachtaine idir 6am agus 10am

Beidh Doireann Garrihy ar an aer ar maidin ón 10am 

Beidh clár úrnua ag Demi Isaac agus Mikey O’Reilly ó mheán lae 

Beidh Katja Mia ag craoladh le linn sceideal lae 2FM feasta agus beidh Laura Fox beo ar Drive ag 3pm

Tá 2FM ag seoladh sceidil úrnua lae agus é d’aidhm aige nasc a chothú le daoine óga agus siamsaíocht a chur ar fáil dóibh ar bhealach nach ndearnadh riamh cheana.

Bunaithe ar thaighde forleathan i measc éisteoirí agus múnlaithe ag an méid a deir lucht éisteachta ó ar fud na hÉireann faoin méid a theastaíonn uathu ón raidió sa lá atá inniu ann, déanann an chliar nua  ról 2FM mar ghuth nua agus coiteann an aos óig in Éirinn a neartú arís; ghuth fírinneach, oscailte agus spleodrach i gcónaí. Leagtar béim níos láidre fós sa sceideal nua ar naisc a chothú, ar ócáidí sainiúla comhroinnte a spreagadh, ar mheanman an lae a ardú agus ar an muintearas atá mar chuspóir ag 2FM ina gcuid craoladh ar fad a chothú.

Beidh 2FM Breakfast, á chur i láthair ag Carl Mullan, Ros Purcell agus Aisling Bonner, ar an aer anois gach maidin go dtí an 10am agus beidh tuilleadh comhrá tráthúil agus rian ceoil do-sháraithe le cloisteáil ag na héisteoirí chun tús a chur leis an lá.

Beidh Doireann Garrihy ar ais sa sceideal lena clár nua as an bpíosa 2FM Morning with Doireann Garrihy ón 10am, clár ina mbeidh comhrá spéisiúil agus tráthúlacht Dhoireann féin le cloisteáil ar feadh dhá uair an chloig.

Beidh Demi Isaac ag craoladh 2FM Afternoon beo ónár stiúideo i gCorcaigh i gcomhar le Mikey O’Reilly a bheidh sa stiúideo i mBaile Átha Cliath ón meán lae. Roghnaíodh an bheirt acu trí chomórtas léirithe spéise a reáchtáladh sa stáisiún ar fad anuraidh.

Beo ón 3pm, beidh cruth nua agus mothú nua ag baint le 2FM Drive nuair a bheidh Laura Fox in éineacht le Katja Mia, atá ag tosnú go hoifigiúil le 2FM, ag coinneáil comhluadair le daoine agus iad ar an mbealach abhaile. Thosaigh Katja a cuid oibre ar an raidió ar 2FM i mí Deireadh Fómhair seo caite nuair a thosaigh sí mar ionadaí ar chlár ag an deireadh seachtaine. Le chéile craolfaidh an bheirt meascán níos mó ceoil misniúil agus déanfaidh siad sin ar bhealach iontaofa agus ar bhealadh arbh fhurasta dáimh a bheith agat leis, ar stíl láithreoireachta í a bhíonn á éileamh ag éisteoirí óga.

Lig do scíth agus cuir eolas ar na scéalta is déanaí ó shaol an cheoil i dteannta Beta da Silva ón 6pm ina mbeidh ceol nua, tograí nua, eolas faoi choirmeacha agus faoi fhadcheirníní nua agus rogha ceoil ó na séanraí ar fad.

Beidh meascán sa sceideal nua lae de ghlórtha a aithneofar agus d’fhuinneamh nua bríomhar agus réchúiseach i gcláracha oscailte, uileghabhálach agus bródúil spleodrach a chinnteoidh go mbraithfidh éisteoirí ceangal le cuisle na hÉireann.

Is éard a dúirt Dan Healy, Ceannasaí RTÉ 2FM: “Tá mé thar a bheith bródúil as sceideal nua 2FM agus an fhís taobh thiar de. Tá an t-uafás machnaimh, taighde, cruthaitheachta agus comhoibriú déanta le cliar a mhúnlú atá úr, tarraingteach agus a thugann fíorléargas ar an lucht féachana a bhfuil muid ag freastal orthu in Éirinn. An rud is iontaí ar fad faoin sceideal seo is ea an réimse glórtha agus léargais a thugann sé le chéile a chruthóidh eispéaras saibhir don éisteoir atá fírinneach agus uileghabhálach.

Is éard a dúirt Stiúrthóir Fuaime RTÉ, Patricia Monahan: “Is cuid lárnach an sceideal úrnua seo ar 2FM den bhéim a leagann muid ar níos mó ábhair a chur ar fáil don lucht éisteachta agus muid ag leanúint de straitéis fuaime RTÉ a chur i bhfeidhm. Baineann nasc a chothú leis an lucht éisteachta óg ar fud na hÉireann chomh maith le siamsaíocht a chur ar fáil dóibh le caint spreagúil, fuinnimh tógálach agus ceol den scoth, ceoltóirí Éireannacha ina measc, go dlúth le nádúr 2FM Cuirfidh an sceideal seo ar chumas 2FM céim thábhachtach eile chun cinn a thógáil agus tá muid ar bís go gcuirfidh muid os comhair an lucht éisteachta é i mí Bealtaine.

RTÉ 2FM – glór bunaidh aos óg na hÉireann. Spleodrach i gcónaí. Seolfar an sceideal nua lae Dé Máirt an 5 Bealtaine, 2026.

Tá Tracy Clifford fós ina cuid lárnach de theaghlach RTÉ agus fógrófar tuilleadh sonraí in am trátha.

Is éard a dúirt Dan Healy, Ceannasaí RTÉ 2FM: “Tá obair den scoth déanta ag Tracy le deich mbliana anuas ar 2FM. Ba mhaith liom buíochas a ghabháil léi agus a foireann as an gcraoladh raidió iontach atá déanta acu i rith an tréimhse sin.”