Seo chugaibh an t-ochtar a bheidh in iomaíocht sa chomórtas TV Home Cook Today RTÉ

Cuirfear tús leis an vótáil ag 4pm inniu (Dé Céadaoin an 29 Aibreán)

Tá an t-ochtar a bheidh in iomaíocht sa chomórtas TV Home Cook fógartha ar Today RTÉ Tá cócairí neamhghairmiúla as Corcaigh, Baile Átha Cliath, Gaillimh agus Maigh Eo ar an ngearrliosta don chéad chomórtas agus beidh an pobal ábalta vóta a chaitheamh ón 4pm inniu.

I mí an Mhárta chuir an clár Today, a chuireann Daithí Ó Sé, Maura Derrane agus Sinead Kennedy i láthair, tús leis an turas ar thóir cócairí baile as gach cearn den tír a bhfuil bua na cócaireachta acu agus ar daoine mór cainte iad le páirt a ghlacadh i gcomórtas nua cócaireachta. Is í an cócaire Trisha Lewis a bhí ag déanamh meantóireacht orthu agus b’éigin do na hiomaitheoirí aistriú ó chistin an bhaile go cistin na teilifíse — iad ag cócaireacht, ag roinnt a cuid oidis agus ag cur a bpearsantacht i láthair lucht féachana náisiúnta.

Bhí an comórtas oscailte do chócairí neamhghairmiúla a bhfuil grá acu do bhia agus an-fhonn orthu sin a roinnt – más ag cócaireacht don teaghlach, do chairde nó don phobal atá siad.

Is éard a dúirt meantóir an chomórtais agus an cócaire Trisha Lewis: “Bhí caighdeán den scoth i measc na gcócairí baile agus chruthaigh siad fuinneamh spreagúil a thabharfadh ardú croí duit i gcistin Today. Is onóir dom a bheith i mo mheantóir acu agus tá mé thar a bheith bródúil astu.”

Seo a leanas an t-ochtar iomaitheoirí:

• Gwen Delaney (65), Cill Fhionntáin, Baile Átha Cliath 13 – Múinteoir agus Bainisteoir Naíscoil Bracken Hill, Binn Éadair
• Aoife Cheung (31) – Bainisteoir Oifige agus Úinéir Gnó
• Shane Tallon (42), Seantreabh, Baile Átha Cliath 9 – Comhairleoir Réitigh
• Rosaria Manchese (33), Baile an Mhanaigh, Corcaigh – Oibrí Tacaíochta Teaghlaigh
• Dee Freney, (42), Maigh Eo – Oideachasóir d’Aosaigh
• Gerald Daniels (50), Baile an Mhistéalaigh, Corcaigh – Bainisteoir Táirgíochta
• Kay Lehane (41), Dún ar Aill, Contae Chorcaigh – Múinteoir Bunscoile
• Margaret Leahy (65), Conamara, Gaillimh – Uinéir Fable Tours

Fógraíodh ceathrar de na hiomaitheoirí ar Today inné agus fógrófar an ceathrar eile inniu. Cuirfear tús leis an vótáil ar RTÉ.ie ag 4in inniu ag RTE.ie/tv/homecook Caith Vóta do ‘TV Home Cook’ Today

Tá físeáin de gach duine de na cócairí baile agus iad i mbun oibre i gcistin an Today Show ar fáil le féachaint orthu ach dul chuig Cainéal YouTube RTÉ Player agus ar chuntais Instagram agus Facebook RTÉ Today show.

Cuirfear críoch leis an mbabhta vótála sin ag 6pm Dé Máirt an 5 Bealtaine agus fógrófar ceathrar iomaitheoirí do bhabhta leathcheannais an chomórtais Dé Céadaoin an 5 Bealtaine. Gheobhaidh an ceathrar deiridh deis dul ag cócaireacht beo ar Today sula gcuirfear tús arís leis an vótáil i lár na Bealtaine. Gheobhaidh beirt de na cócairí baile áit sa bhabhta ceannais a chraolfar beo agus beidh siad ag cócaireacht in aghaidh a chéile Dé Luain an 25 Bealtaine. Fógrófar buaiteoir TV Home Cook 2026 Today beo ar an gclár Dé Máirt an 26 Bealtaine

Féach ar an gcócaire Trisha Lewis ag míniú na gcéad chéimeanna eile: //www.instagram.com/reel/DXrdnaQjNf3/?utm_source=ig_web_copy_link&igsh=MzRlODBiNWFlZA==