Seo chugaibh The Grumpy Onion (An tOinniún Cantalach), an réalta mór ar líne is nuaí in Éirinn nach bhfuil uaidh ach clú agus cáil a bhaint amach. Is sraith bheochana úrnua do RTÉ KIDSjr é The Grumpy Onion (An tOinniún Cantalach) ina leantar é agus é ag iarraidh cáil mhór a bhaint amach dó féin ar líne. Craolfar é den chéad uair Dé Luain an 15 Meitheamh ar RTÉ KIDSjr i mBéarla ag 9:40am agus ag 10:40 i nGaeilge le dhá eagrán den chlár i ndiaidh a chéile, agus is féidir féachaint ar an tsraith ghreannmhar seo ar RTÉ Player.
Ní mór duit a bheith ar VegTube má tá tú ag iarraidh a bheith i do réalta ar líne. Tá sé socraithe ag tionchaire mór nua na hÉireann “Grumpy Onion/An tOinniún Cantalach” mar sin gur air sin a chuirfidh sé tús lena shaol nua. Bainfidh an Grumpy Onion/an tOinniún Cantalach triail as cócaireacht, na hearraí nua atá faighte a thógáil amach as na boscaí agus cluichí a imirt, ach an gcuirfidh an bealach taghdach atá leis bac ar é a bheith ina thionchaire den chéad scoth? Beidh ort a bheith ag féachaint lena fháil amach!
Bí i dteannta Grumpy Onion/an Oinniúin Chantalaigh agus a chomharsana, na tionchairí móra ar líne Tricky Tomato, Curious Cabbage agus Limber Leek (buaiteoir na gcluichí Veggielympics agus réalta damhsa), agus ar deireadh, Postato, do shraith lán le heachtraí iontacha.
Is é An tOinniún Cantalach, sraith 12 chlár, an chéad sraith bheochana ó Whackala. An t-aisteoir ar stáitse agus scáileán, David Pearse, a bheidh i mbun ghuth The Grumpy Onion agus is iad Marcus Lamb agus Gráinne Bleasdale a dhéanfaidh guthú ar na carachtair i nGaeilge.
Beidh an tsraith ar fáil i mBéarla agus i nGaeilge ar RTÉ KIDSjr agus RTÉ Player.
Caith súil ar The Grumpy Onion (An tOinniún Cantalach), Dé Luain, an 15 Meitheamh le dhá eagrán i ndiaidh a chéile ón 9:40am agus craolfar an clár arís ag 13:35pm i rith na seachtaine ar RTÉ KIDSjr, le dhá eagrán i ndiaidh a chéile ag 9:55am i rith na seachtaine ar RTÉ2. Craolfar dhá eagrán de An tOinniún Cantalach i ndiaidh a chéile ag 10:40am ar an 15 Meitheamh agus craolfar an clár arís ag 17:55pm i rith na seachtaine ar RTÉ KIDSjr, le dhá eagrán i ndiaidh a chéile ag 9:45am i rith na seachtaine ar RTÉ2.
CRÍOCH
Jade Carpenter, Ceannasaí Cumarsáide, RTÉ
