Lucht leanúna Chiarraí agus Mhaigh Eo a bheidh ar Up For The Match agus iad ag pléascadh le sceitimíní i bPáirc an Chrócaigh an oíche roimh an gcluiche ceannais

Beidh Up For The Match – Live From Croke Park á chraoladh beo an Satharn beag seo ag 9.30pm ar RTÉ One agus ar RTÉ Player

Beidh na láithreoirí Jacqui Hurley, Dáithí Ó Sé, Louise Cantillon agus trí chéad duine de lucht leanúna Mhaigh Eo agus Chiarraí a bhfuil sceitimíní orthu beo as Páirc an Chrócaigh an Satharn beag seo le haghaidh Up For The Match – Live From Croke Park. Cuirfear tús leis an gclár ag 9.30pm ar RTÉ One agus RTÉ Player.

Dé Sathairn seo caite, craoladh Up For The Match RTÉ beo ó cheanncheathrú an CLG den chéad uair, agus táthar réitithe chun an seó ar fad a chur ar siúl arís an deireadh seachtaine seo an oíche roimh Chluiche Ceannais na hÉireann idir Ciarraí agus Maigh Eo.

Is éard a dúirt Jacqui Hurley: “Ba é seo an craobhchomórtas peile is fearr i gcuimhne na ndaoine, agus baineadh níos mó geite as daoine ná mar a bhainfeadh fál leictreach!! Sílim go bhfuil cuid mhaith de mhuintir na tíre ar bhreá leo go mbeadh an lá ag Maigh Eo faoi dheireadh, agus seans nach maífeadh muintir Chiarraí craobh amháin orthu, an maífeadh?!” 

Agus is éard a dúirt an Ciarraíoch, Dáithí Ó Sé: “Clár an-speisialta a bheidh ann domsa mar go mbeidh Ciarraí ag imirt sa chluiche ceannais agus go mbeidh roinnt de mo chuid laochra féin sa stiúideo… Jack O’Shea agus Ambrose O’Donovan gan ach beirt a lua. Beidh orm a bheith breá béasach agus táim cinnte go mbeidh lucht leanúna Mhaigh Eo ag faire go géar orm… Is fada liom go dtosóidh sé!”

Dúirt Louise Cantillon: “Ní raibh an oiread sin craice agam riamh an oíche roimh Chluiche Ceannais na hÉireann. Anois agus an jab déanta ag Luimneach, is fada liom go gcuirfear tús leis an bpeil an deireadh seachtaine seo. Is Ciarraígh go smior iad mo thuismitheoirí, mar sin beidh mé ag tacú leis an Ríocht, agus táim cinnte go mbeidh an-spraoi againn leis an lucht leanúna ar fad i bPáirc an Chrócaigh an oíche roimh an gcluiche. Nach iontach an ionad atá é agus nach iontach an bealach le réiteach do shárchluiche ceannais!”

Ar an gclár an Satharn seo beidh Conor Mortimer Mhaigh Eo agus buaiteoir Chraobh na hÉireann as Ciarraí, Darran O’Sullivan, iad beirt ag féachaint siar ar an uair dheireanach a ndeachaigh Ciarraí agus Maigh Eo san iomaíocht ar an lá is mó sa bpeil Ghaelach i gCluiche Ceannais na hÉireann 2006.

Chun an scéal a scaipeadh sa dá chontae, beidh Tim Moynihan Radio Kerry i dteannta Jacqui agus Dháithí chomh maith lena chomrádaí, captaen buacach Chraobh na hÉireann, Ambrose O’Donovan. Thar ceann Mhaigh Eo beidh Stephen Grealis Midwest Radio agus duine de na daoine is mó a bhfuil gean air i Maigh Eo, Martin Carney.

Sa stiúideo freisin Dé Sathairn beidh Mick Galwey Chiarraí, Pádraig O’Hora, iarpheileadóir de chuid Mhaigh Eo, David Brady, iarchaptaen ar fhoireann Mhaigh Eo, agus buaiteoir seacht n-uaire Chraobh na hÉireann, Jack O’Shea.

Tabharfaidh an fear grinn Neil Delamere a thuairim féin ar Chiarraí agus Mhaigh Eo in dhá scannán. Tabharfaidh Andy Leech, liriceoir agus ceoltóir ón mbanna ceoil Le Boom, léargas don lucht féachana ar thuras na bhfoirne go Páirc an Chrócaigh. Chomh maith leis sin, beidh fear mór na meán sóisialta, Tadhg Fleming agus a athair i mbun comhrá le Louise sa mbeár.

Ar deireadh, cuirfidh Aslan clabhsúr ar an gclár lena n-amhrán clasaiceach This Is.

Caith súil ar Up For The Match – Live From Croke Park amárach (Dé Sathairn) ag 9.30pm ar RTÉ One agus ar RTÉ Player

-CRÍOCH-

Sarah Neville, Cumarsáid RTÉ