Is fiú do chuid pleananna a thréigeadh Beidh The Traitors Ireland ar ais ar an scáileán Dé Domhnaigh an 30 Lúnasa

Friday, 07 Aug 2026 09:57

Is fiú do chuid pleananna a thréigeadh
Beidh The Traitors Ireland ar ais ar an scáileán Dé Domhnaigh an 30 Lúnasa
ar RTÉ One agus RTÉ Player
Beidh The Traitors Ireland Uncloaked air ais freisin chun léargas a thabhairt ar na heachtraí ar chúl an cheamara
Séasúr nua. Imreoirí nua. Rúin nua.
Bainfear sásamh diabhalta as!

Ní fada uainn anois é. Is gearr go n-osclófar geataí an chaisleáin arís agus go gcuirfear fáilte roimh ghrúpa nua strainséirí chun cluiche mór na muiníne agus na caimiléireachta a imirt. Beidh The Traitors Ireland ar ais ar RTÉ One agus RTÉ Player Dé Domhnaigh an 30 Lúnasa, sraith ina mbíonn leid le fáil i ngach comhrá, ar lag iad na comhaontais a bhunaítear agus ina bhféadfadh comrádaí gealgháireach a bheith ina Fhealltóir.

Is í Siobhán McSweeney a bheidh i bhfeighil an Chaisleáin arís agus is cinnte go dtarraingeoidh a tráthúlacht, a galamaisíocht agus a cuid éadaí neart airde agus í ag cur fáilte roimh na himreoirí isteach sa Chaisleán, agus is cinnte freisin gur mór a chuirfidh sí féin le corraíl an chluiche.

Is taobh istigh de bhallaí Chaisleán Bhaile Shláine a mbeifear i mbun na caimiléireachta agus a mbeidh uisce faoi thalamh arís i mbliana. Roghnófar cúpla duine chun bheith ina bhFealltóirí, iad i bhfolach i measc na bhFíréan. Beidh amhras faoi gach uile dhuine ón bpointe sin ar aghaidh. Ní bheidh a fhios ag aon duine an ag coinneáil cuideachta leis an namhaid atá siad agus ní bheidh duine ar bith le trust, d’fhéadfadh na Fealltóirí a bheith ciúin ciontach, nó níos measa fós, d’fhéadfaidís a bheith ag déanamh nead i do chluas.

Glacfaidh na himreoirí páirt i ndúshláin chun airgead a chur leis an gciste duaise suas le €50,000 fad a bheidh siad ag iarraidh déanamh amach cé a d’fhéadfadh feall a imirt orthu. Bíonn díospóireachtaí teasaí ag an mBord Cruinn i ndiaidh dhúnmharú na hoíche roimhe sin agus díbrítear duine den ghrúpa, duine a d’fhéadfadh a bheith neamhchiontach.

Cuirfidh Kevin McGahern The Traitors Ireland Uncloaked i láthair arís, clár ina bpléifear an ruaille buaille sa chaisleán. In éineacht le haíonna cáiliúla agus iad siúd a dúnmharaíodh nó a díbríodh, sceithfear gach rún faoin méid a tharlaíonn taobh thiar den cheamara de réir mar a phléann siad imeachtaí na hoíche.

Arna scannánú in RTÉ Luimnigh beidh agallaimh eisiacha agus míreanna nach bhfacthas cheana ar gach clár. Craolfar The Traitors Ireland Uncloaked díreach i ndiaidh The Traitors Ireland ar RTÉ One agus RTÉ Player.

Is éard a dúirt Teresa Smith Eagarthóir Coimisiúnaithe do Shiamsaíocht Fhíorasach RTÉ, “Tá ríméad orainn fáilte a chur arís roimh an lucht féachana chuig Caisleán Bhaile Shláine do shraith nua de The Traitors Ireland. Mheall an chéad sraith an lucht féachana ar fud na tíre agus beidh níos mó aicsin fós sa tsraith seo. Beidh neart eachtraí, scéiméireacht, feallanna agus ócáidí nach ligfear i ndearmad go brách i ndán don lucht féachana in The Traitors Ireland a bhuí leis an ngrúpa nua imreoirí, na cora nua, na bealaí nua leis an gcluiche a imirt agus neart eile nach mbeifear ag súil leis a fhágfaidh nár cheart é a chailleadh.”

Is éard a dúirt Mairéad Whelan, Léiritheoir Sraithe, Kite Entertainment, “Arís eile, bainfear leas as greann, cultúr agus pearsa mhuintir na hÉireann chun leagan Éireannach amach is amach eile de The Traitors a chur os comhair an lucht féachana. Is iomaí cor sa tsraith seo agus is iomaí deor a sileadh, díreach mar a bhíonn ag Cluiche Ceannais na hÉireann, ach ní mar a chéile an cluiche ar chor ar bith mar nach mar a chéile na himreoirí. Is iontach an cluiche a d’imir na Fealltóirí agus na Fíréin, baineadh súp as na bréaga a insíodh, na líomhaintí a caitheadh, na misin, na hócáidí díbeartha agus as corr croissant ar ndóigh. Ní fhéadfaimis a bheith níos bródúla astu ná as an bhfoireann chruthaitheach chumasach a bhí taobh thiar den cheamara, ní fhéadfaí é a dhéanamh gan iad.”

An mbeidh tú ar thaobh na bhFíréan nó ar thaobh na bhFealltóirí?

Beidh The Traitors Ireland agus The Traitors Ireland Uncloaked ar ais Dé Domhnaigh an 30 Lúnasa ar RTÉ One agus RTÉ Player.

-CRÍOCH-