D’fhógair RTÉ 2FM inniu liosta na n-oirfideach don bhliain 2024 maidir le 2FM Rising. Painéal saineolaithe a roghnaíonn na hoirfidigh gach bliain agus is iad atá le háireamh i rang na bliana 2024 Big Sleep, Brad Heidi, Chubby Cat, Jordan Adetunji, Qbanaa, Saibh Skelly, Shee, Sick Love, Strabe agus The Cope.

Cuirfidh 2FM na hoirfidigh a roghnaíodh chun cinn i rith na bliana seo romhainn le béim faoi leith ar an gcuid a sheolann ceol nua agus agallaimh i rith Sheachtain Rising a bheith ar siúl ó Dé Luain, an 27 Samhain go dtí Dé Domhnaigh, an 3 Nollaig.

Dúirt Adam Fogarty, Stiúrthóir Ceoil ag RTÉ 2FM: “Is breá le 2FM liosta na n-oirfideach maidir le 2FM Rising 2024 a fhógairt. Is gné lárnach de bhunsraith agus de shaothar 2FM oirfidigh agus ceol as Éirinn a chur chun tosaigh agus féachtar, trí thionscnaimh bhunúsacha de leithéid 2FM Rising, le bonn treise a chur, ar fud ár gcuid ardán ar fad, faoin gcéad ghlúin chumasach eile atá ag saothrú an cheoil ar fud na hÉireann.

“Caitheadh dúthracht agus díograis ar feadh roinnt seachtainí leis an bplé shuaite chúramach ar an liosta seo agus is iontach an léiriú liosta 2FM Rising na bliana 2024 ar a bhfuil d’oirfidigh spleodracha ag teacht chun cinn in Éirinn agus de bheocht ina gcuid ceoil. Táthar ag tnúth le bliain iontach eile ceoil in Éirinn i rith na bliana 2024.”

Áirítear ar na hoirfidigh a luaitear ar liostaí maidir le 2FM Rising roimhe seo, Dermot Kennedy, Denise Chaila, Lyra, Pillow Queens, The Murder Capital agus Wild Youth.

Eolas faoi oirfidigh liosta na bliana 2024 maidir le 2FM Rising

Big Sleep

Tá aird á tharraingt ar Big Sleep ar fud na hÉireann agus thar sáile i rith na bliana 2023. Le linn dóibh a bheith ar scoil in éineacht a tháinig bunadh an ghrúpa seo as Baile Átha Cliath le chéile ar dtús agus casadh baill eile an ghrúpa orthu ag seónna beo ceoil sa chathair ina dhiaidh sin. Tá tréithe indie agus popcheoil ag rith leis an gcumasc fuaime idir ceol rac agus ceol sóil a bhíonn acu agus luann an banna ealaíontóirí de leithéid Big Thief, JJ Cale, Jamiroquai agus The Cure orthu siúd ar tháinig siad faoina n-anáil. Ní am socair seo ag an gceathrar ceolmhar. Ó thús na bliana seo, bhí siad ar chamchuairt le Somebody’s Child, tá siad á gcraoladh ar stáisiúin raidió go hidirnáisiúnta (BBC R1, Radio X, RTÉ 2FM), agus trácht speisialta orthu ag eagarthóirí Spotify in eagráin éagsúla dá gcuid (Hot New Bands, New Music Friday), chomh maith le turas a thabhairt ar fud na hEorpa gan ticéad fágtha gan ceannach dá gcuid seónna i Londain, i mBaile Átha Cliath agus i mBeirlín. Bliain ghnóthach a bhí sa bhliain 2023 ag an mbanna. Tá an dara EP le Big Sleep, Isn’t That Sweet, ar fáil anois.

Brad Heidi

Is fear déanta agus canta amhrán as Gaillimh é Brad Heidi ar bronnadh gradam “A New Local Hero” Raidió Údarás Craolacháin na hÉireann / Hotpress Irish Music Month air le gairid. Is tréan atá a cháil ag scaipeadh anois maidir le cumadh agus canadh a chuid amhrán. Tá Éire siúlta ag Brad i mbun a chuid buscála lena ghiotár agus mála mór lán go béal le hamhráin amach glan óna chroí. Thug Collective Mgmt suntas dó díreach roimh na srianta sóisialta agus tá Brad athraithe ón mbuscáil sráide anois agus seónna lán go doras déanta aige, mar shampla ar an Stáitse Mór ag Electric Picnic 2023, chomh maith le bheith ar stáitse roimh Billy Joel ag a cheolchoirm siúd le gairid i Hyde Park i Londain. D’eisigh sé EP dá chuid féin a bhí ar chairteanna oifigiúla na hÉireann do na halbaim agus ag Uimh. 2 ar chairt na nAlbam Neamhspleách. Bhí singlí dá chuid, Dancing In My Head agus Nobody But You, sna cairteanna Top 40 maidir leis an raidió in Éirinn. Tá máistreacht ag Brad ar TIKTOK freisin agus Aon Mhilliún sáraithe aige maidir le daoine a dtaitníonn a chuid leo. D’fhógair TIKTOK gurbh é an t-ealaíontóir é is mó a raibh lucht leanúna aige in Éirinn i rith na bliana 2022.

Chubby Cat

Tá stíl agus teacht i láthair dá cuid féin ag baint go neamhbhalbh le Chubby Cat a roghnaíodh le ceol ag Féile Eurosonic na hÍsiltíre. As Corcaigh ó dhúchas, ach sáite go daingean anois i saol an cheoil i mBéal Feirste, tharraing Chubby Cat aird in Éirinn cheana féin le singlí de leithéid Not a Vibe, Big Dog Barking, 21st Century Panic Attack, agus Baby Blue & Ache i dtús a ré, traiceanna a raibh stáisiúin raidió, blaganna agus eagarthóirí éagsúla DSP tógtha leo, ina measc New Music Friday de chuid Spotify, GLOW, UK & IE agus New Pop UK. Tugadh Chubby Cat san áireamh freisin ar Best of Fresh Finds 2022 – liosta seinnte de chuid Spotify International a théann i gcion go mór agus go fairsing – agus ainmníodh í ar an liosta Hot for 2023 le HotPress. Tá lucht éisteachta mór á mhealladh chuici féin ag Chubby Cat ag a cuid seónna beo agus bhí sí ar na hoirfidigh ba mhó a tharraing aird agus caint le gairid ag Seachtain Ceoil na hÉireann chomh maith lena roghnú le dul ar stáitse thar ceann na hÉireann ag Féile Eurosonic na hÍsiltíre i mí Eanáir. Bhí sí ar an stáitse ag seónna móra Crawlers and Tourist i mBaile Átha Cliath nuair a bhí an banna mór le rá sin anall as an mBreatain agus ar stáitse freisin ag Féile an Neamhspleáchais i gCorcaigh, ag féile Output i mBéal Feirste, ag an Mother Summer Block Party i mBaile Átha Cliath agus ag Sofar Sounds i mBéal Feirste.

Jordan Adetunji

Níl riail ná gnás nach bhfuil á sárú ag Jordan Adetunji, ar as Béal Feirste ó thús é, agus seánraí na rapála agus an R&B iarphonc á gcumasc ina chéile aige. Tá borradh mór faoin oirfideach Hip-Hop Éagsúil seo agus traiceanna dá chuid á n-áireamh le liostaí seinnte de chuid Spotify maidir le Alternative Hip Hop, Chillmatic, agus New Punk Tracks, chomh maith le rap uk agus Fresh Finds Rock. Tá ceol Jordan Adetunji á sheinm freisin ag Gary Lightbody as Snow Patrol ar an raidió, duine a d’fhógair “he is the next star” tar éis é a fheiceáil agus a chloisteáil beo ag ceolchoirm. Bhí trácht agus tuairisc ar a shaothar freisin in eagráin éagsúla de na hirisí Dazed, ID agus NME.

Qbanaa

I rith na bliana ó sheol sí an chéad singil dá cuid, Truth and Desire, tá ionad buanaithe ag Qbanaa di féin i measc réalta úra shaol an cheoil in Éirinn a leanann ag sú isteach réimsí nua tionchair, cultúir agus fuaime. Bhí tóir ar an singil is deireanaí ón ealaíontóir seo le gairid, Mundo En Mis Manos / World In My Hands, ag BBC Introducing, RTE 2FM, Nialler9, Hot Press agus GoldenPlec. Tá sé scríofa san idirtheanga ar a dtugann sí ‘Spanglish’ (meascán Spáinnise agus Béarla), buille scoir bhlianta na bhfichidí aici, le cur síos ar a teacht faoi bhláth agus í ag dul ar eachtra nua amach i mblianta na mban. Lonnaithe i mBaile Átha Cliath atá Qbanaa a chaith blianta a hóige ag taisteal anonn is anall idir seo agus Cúba, mar a mbíodh an ceol agus an damhsa salsa ina ndlúthchuid de shaol a hóige. Chanadh sí i gcór na scoile agus ag an Aifreann Spáinnise i lár chathair Bhaile Átha Cliath lena seanmháthair go dtí gur athraigh sí féin agus a máthair amach go bruach Bhaile Átha Cliath le cósta. Roghnaigh District Magazine í i rith an tsamhraidh don eagrán maidir le Future of Irish Music in 2023 agus bhí nuacht ag baint le Shrink uaithi i mí Iúil agus í ag ligean anáil popcheoil agus cheol druma agus doird ar a cuid fuaime – rud a chuaigh i gcion ar an toirt agus a tharraing aird Spotify, BBC Radio 1 agus RTE 2FM.

Saibh Skelly

Sa bhliain 2019, thosaigh Saibh Skelly, déagóir as Baile Átha Cliath, ag cur físeáin dá cuid buscála ar YouTube, leagan den amhrán When The Party’s Over le Billie Eilish a bhí ar an gcéad cheann. Nuair a rinne sí infheistíocht níos deireanaí an bhliain chéanna i gceamara físe, thug sí faoi deara go raibh aird á tharraingt ar a cuid físeán. Traic mealltach So What?, an chéad cheann a sheol sí sa bhliain 2023 agus lean Saibh uirthi ag tarraingt aird lucht craoltóireachta agus ag treisiú lena stádas ar dhuine de réalta úra na hÉireann. Is díol suntais traiceanna dá cuid a sheinm 16.5 milliún uair ar an raidió, 3.5 milliún uair ar YouTube, 3.67 milliún uair ar TikTok, chomh maith lena sruthchraoladh 2 milliún uair; agus anois, gairid tar éis a fheabhas a d’éirigh le ‘SAIBH X FIVE’, tá breis iontais á chur ar dhaoine ag Saibh Skelly le SLY arna chomhscríobh agus arna léiriú ag Ash Howes (Gabrielle Aplin, Kylie) agus Olivia Sebastianelli (Cosmic Gate, Purple Disco Machine). Popcheol nua-aimseartha atá ar SLY ach casadh bainte as.

Shee

Léiritheoir as Éirinn é David Sheerin a bhfuil cónaí air i gContae Luimnigh. As ceol clasaiceach house agus dioscó a fáisceadh é agus tá traiceanna eisithe aige trí Edible Records, Part 4 recs, & Friends agus Second Phase. Tá Barry Can’t Swim, salute, TSHA, LP Giobbi, Sarah Story, Danny Howard agus Young Marco le háireamh orthu sin atá ina gcrann seasta ag Shee.

Sick Love

Rebecca Geary a bhíonn chun tosaigh in Sick Love, in éineacht le Conor McLoughlin, Seán O’Connor agus Cormac O’Neill. Bíonn inspioráid acu ó Paramore, Blondie, No Doubt, Hole agus Garbage, chomh maith le hoirfidigh popcheoil de leithéid MARINA agus Haim, agus oirfidigh hip-hop de leithéid Cardi B. Tá an grúpa le dhá bhliain dírithe ar an gcéad cheirnín fada dá gcuid a cheapadh agus a léiriú tar éis dóibh teacht chun cinn go mór i dtús a ré le linn dóibh an tsraith tosaigh singlí a chur amach, sraith a chruthaigh go maith ó thaobh DSP agus léirmheastóireacht. Tá an t-albam le theacht amach ar Paragon Records i mí Bealtaine 2024 le singlí roimhe sin i mí Feabhra agus i mí Aibreáin. Rinne an grúpa an t-albam a thaifeadadh agus a léiriú i dteachaín feirme in Éirinn agus chuir siad chuige go dána ina gcuid cruthaitheachta agus ó thaobh na fuaime. Tá albam de thoradh ar a gcuid oibre ar a mbraitear dúthracht agus dílseacht do chroí agus d’anam Sick Love.

Strabe

Tháinig Strabe le chéile den chéad uair sé bliana ó shin ag Féile Ceoil Chorcaí. Luí leis na cineálacha céanna ceoil a tharraing le chéile iad ach ba ghairid gur tuigeadh do gach aon duine den bheirt go raibh an méid a bhí ar iarraidh uathu féin, maidir le fíorú a gcuid aislingí, á chruthú ag an duine eile. Bhí leathanaigh i ndiaidh a chéile ag Angelica, as Dún Éideann ó dhúchas, de liricí a bhí ag seasamh astu féin agus bhí togra aonair leictreonaice ag Emmet, Bleá Cliathach, gan glór ná guth a cheanglódh le chéile é. Trasnaíonn a gcuid amhrán dlúth agus inneach de réir mar a fhíonn an bheirt How Our Love Grows leis na snátha geala goinbhlasta i mbréidín an mhéala, an fhoráis agus na haibíochta.

The Cope

Is iad na healaíontóirí closamhairc David Anthony Curley agus Joe Furlong atá in The Cope. Casadh ar a chéile den chéad uair iad ag cóisir lá breithe i ndeireadh na bliana 2019 ag ar thosaigh cáirióice. Traiceanna clasaiceacha damhsa na 90idí, ceol house na Fraince agus na Beastie Boys a thug le chéile iad. Ba ghearr go raibh an bheirt i mbun cumadóireachta le chéile sa stiúideó atá ag David, The Clinic Recording Studios. De réir mar a thug siad a bhfuaim féin chun cinn as sin go ceann bliain go leith, bhí cruth á chur acu ar Dancer, an chéad albam dá gcuid. Ón gcleachtadh a bhí ag Joe ina dhordghiotáraí seisiúin le roinnt de na ceoltóirí is iomráití in Éirinn agus ón rath a bhí ar Otherkin, an banna lena mbíodh David roimhe seo, tuigeadh don bheirt go maith gur mhian leo go dtiocfadh an togra seo níos faide ná réimse an cheoil amháin. Tá físeáin ceoil curtha amach acu agus gearrscannáin, an péire is deireanaí acu a ndearna David an stiúrthóireacht orthu. Lig sin dóibh an domhan físe a chruthú ina maireann a gcuid ceoil. Tá cónaí ar dhuine acu anois i mBeirlín agus ar an dara duine in Antwerp agus beidh ceiliúradh á dhéanamh i mBaile Átha Cliath ag an mbeirt ar an gcéad albam, Dancer, a scaoileadh uathu le seó ar an 7 Nollaig in The Complex.

Cé leis a mbaineann sé…

Fógraíodh an téama a bhfuiltear ag súil go fonnmhar leis do Late Late Toy Show na bliana seo faoi dheireadh – agus níl aon cheann eile seachas elf clasaiceach na Nollag.

In éineacht le Patrick Kielty beidh Santa, Leon the Snowman, Papa Elf, agus a lán elves ceardlainne agus iad ag taisteal trí na seacht leibhéal den Candy Cane Forest, thar an bhfarraige titeann guma twirly-swirly, agus turas trí Thollán Lincoln don oíche is draíochta ar theilifís na hÉireann. Is é an bealach is fearr chun cheer Nollag a scaipeadh ná canadh os ard do chách le cloisteáil, agus beidh os cionn 170 taibheoir óg agus tástálaithe bréagán ag glacadh páirte i seó na bliana seo. Is as gach cearn d’Éirinn do na páistí, agus níl an elf is óige ach ceithre bliana d’aois.

Is é Smiling an ceann is fearr leis, agus roimh a chéad Late Late Toy Show, dúirt an t-óstach Patrick Kielty: “Tá an oiread sin sceitimíní orm as mo chéad Seó Bréagán agus tá áthas orm a nochtadh gur clasaiceach iomlán Nollag é téama na bliana seo – Elf, The Movie. Is traidisiún mór Nollag sa teach s’againne é suí síos chun féachaint air leis an teaghlach ar fad agus ní féidir liom fanacht le ligean do Buddy agus do na elves scaoilte i gCeardlann Seó Bréagán anocht. Tá roinnt páistí iontacha againn, bréagáin iontacha agus iontas álainn ag teacht ar do bhealach. Tá súil agam go mbeidh an oiread spraoi agat ag breathnú air agus muid chun é a dhéanamh!”

Níl aon áit cosúil le baile, le seit álainn anocht ina mbeidh Central Park i Nua-Eabhrac, The Toy Shop, Candy Cane Forest, agus Ceardlann Oifig an Phoist an scannáin, cruthaithe ag dearthóirí léiriúcháin RTÉ.

Coinníodh Ranna Feistis agus Smididh RTÉ gnóthach ag déanamh bróga ELF, cluasa elf saincheaptha, agus ag dearadh cultacha le dathanna saibhre veilbhite le roinnt míonna anuas.

Tá spás ann do gach duine ar an Liosta Deas, agus baineann seó na hoíche anocht le Bréagáin, Bréagáin, Bréagáin! Tá Squishmallows, LEGO, Dollhouse Gabby, Bluey, Goo Jit Zu, Cookeez Makery, Biggies, Beast Lab, agus Barbie Campervan i measc cuid de na tairiscintí is fearr anocht ag ceardlann Santa Toy Show.

Ina theannta sin, beidh roghanna bréagán éifeachtach ó thaobh costais le Barbie Fashionista Dolls, bréagáin ALDI Littletown Christmas Soft Stretchy agus bréagán DeLonghi Barista Coffee Machine – an féidir leis an ‘cupán caife is fearr ar domhan a tháirgeadh?’

Mar is gnáth, beidh bua láidir ag leabhair ar an seó, le formhór mór na dteideal do pháistí ó údair Éireannacha. I measc na mbréagán Éireannacha atá le feiceáil tá Arckit, CubeFun, 3D Model Croke Park, Little Angel Dollhouse agus Holotoyz Tattoos, Antics Board Game, agus Cluiche Boird Bainisteoir.

Beidh cúpla iontas ar Patrick agus The Late Late Toy Show – idir bheag agus mhór – ar a muinchillí don lucht féachana agus don lucht féachana araon.

Beidh liosta de na bréagáin atá le feiceáil ar fáil ar shuíomh gréasáin an seó www.rte.ie/latelate ndiaidh an chraolta. Bronnfar gach bréagán a bheidh le feiceáil ar an oíche ar charthanachtaí.

RTÉ Player  

Sruth Saor in Aisce ar fud an Domhain 

In 2023, tháinig lucht féachana domhanda ó níos mó ná 139 tír isteach chun féachaint ar The Late Late Toy Show ar RTÉ Player, le lucht féachana ó Londain go Nua-Eabhrac, Maidrid, Dubai, Sydney go Auckland. Sruthán The Late Late Toy Show anocht ar RTÉ Player ag 9:35pm.

Liostáil le cainéal YouTube The Late Late Show do na giotaí is fearr go léir, lena n-áirítear cuairt speisialta Santa ar Scoil an Teaghlaigh Naofa do na Bodhair sa Chabrach.

ISL

Craolfar The Late Late Toy Show le Teanga Chomharthaíochta na hÉireann (ISL) beo ar RTÉ News Channel agus ar RTÉ Player. Den chéad uair riamh, beidh beirt láithreoirí bodhra ar chlúdach ISL na bliana seo – Sarah-Jane O’Regan agus Jason Maguire – a bheidh ag obair le hateangairí éisteachta, Amanda Coogan agus Ciara Grant. Is ceiliúradh ceart é an Late Late Toy Show ISL ar Theanga Chomharthaíochta na hÉireann, An tríú teanga oifigiúil in Éirinn! Beidh an Late Late Toy Show ISL ar fáil freisin le sruthú go gairid tar éis an chraolta bheo.

Beidh Cur Síos Fuaime (AD) ar fáil don athchraoladh Dé Domhnaigh ag 3.15pm agus oíche Dé Luain ag 12.40, agus ina dhiaidh sin ar RTÉ Player. Craolfar leagan lán-inrochtana (le fotheidil, ISL agus AD) Dé Céadaoin 29 Samhain, a bheidh ar fáil le sruthú freisin. Is iad Clara Murray, Kevin Sherwin agus Berni Stack na Tuairisceoirí Fuaime i mbliana.

Beidh Cur Síos Fuaime (AD) ar fáil don athchraoladh Dé Domhnaigh ag 3.15pm agus oíche Dé Luain ag 12.40, agus ina dhiaidh sin ar RTÉ Player. Craolfar leagan lán-inrochtana (le fotheidil, ISL agus AD) Dé Céadaoin 29 Samhain, a bheidh ar fáil le sruthú freisin. Is iad Clara Murray, Kevin Sherwin agus Berni Stack na Tuairisceoirí Fuaime i mbliana.

Achomharc RTÉ maidir le Seó Bréagán 

Ag obair i gcomhar le Community Foundation Ireland, tá an RTÉ Toy Show Appeal ar ais don cheathrú bliain chun saol leanaí agus a dteaghlaigh a fheabhsú trí thacaíocht riachtanach, sláinte, folláine, súgradh agus tionscnaimh chruthaitheachta a mhaoiniú. Go dtí seo, tá €17.5m bailithe aige agus tacaíocht curtha ar fáil aige do 226 carthanas éagsúil agus 359 deontas tugtha aige le linn an ama sin.  Thacaigh sé le 147 carthanas leanaí éagsúla anuraidh amháin agus meastar gur chabhraigh sé le breis agus 1.1 milliún in aghaidh na bliana ó bunaíodh é.

Is féidir síntiúis a dhéanamh trí www.rte.ie/toyshowappeal agus tríd an aip Revolut.

Cainéil Shóisialta RTÉ

Catch go léir an excitement ó taobh thiar de na radhairc ar na bealaí sóisialta oifigiúla. Beidh Kayleigh Trapp iontach ag óstáil TikTok Live ag 6.30pm Dé hAoine, le pas AAA. Beidh Kayleigh le Pádraig i mbun cleachtaidh agus tabharfaidh sí ar thuras nach bhfacthas riamh cheana thú.

Tá an haischlib oifigiúil #LateLateToyShow. Is féidir leat an Late Late a leanúint anois chun a chinntiú nach gcailleann tú soicind amháin den oíche teilifíse is mó den bhliain – @latelaterte ar TikTok @latelaterte ar Instagram, @RTELateLateShow ar Twitter, @TheLateLateShow ar Facebook.

Craolfar The Late Late Toy Show anocht ar RTÉ One & RTÉ Player ag 9:35pm.

 

Seo fógra spreagúil a chuirfidh an-spéis i mbunscoileanna agus in iar-bhunscoileanna ar fud na hÉireann – seoladh Chomórtas Ceoil do Scoileanna Waltons RTÉ lyric fm 2024!

Tá sé ceithre bliana ó bhí an Comórtas Ceoil do Scoileanna deireanach ann, agus tá ríméad ar RTÉ lyric fm é a bheith ar ais i gcomhpháirtíocht le Waltons Music agus tacaíocht ón gCeoláras Náisiúnta.

Is deis iontach é Comórtas Waltons RTÉ lyric fm Music for Schools 2024 do ghrúpaí ceoil bunscoile agus iar-bhunscoile de suas le 40 dalta píosa taibhithe a fhorbairt atá spreagtha ag téama Chomórtas na bliana seo, Music Moves. Roghnófar dhá ghrúpa déag – sé ghrúpa bunscoile agus sé iar-bhunscoil – chun a bpíosa a léiriú i gCeolchoirm na gCraobhacha sa Cheoláras Náisiúnta ar an 8 Aibreán, 2024. Agus gheobhaidh seisear de na Buaiteoirí – trí bhunscoil agus trí iar-bhunscoil – luach €7,000 san iomlán de dhearbháin d’uirlisí ceoil agus trealamh ó Waltons Music dá scoileanna, lena n-áirítear dhá chéad duais de dhearbháin €2,000.

Tá gach bunscoil agus iar-bhunscoil i bPoblacht na hÉireann i dteideal cur isteach ar an gComórtas, agus ghlac na céadta scoil ó gach ceann de na 26 contae páirt ann sna blianta roimhe seo.

“Thug rannpháirtíocht sa Chomórtas áit dár ndaltaí, go fisiciúil agus go mothúchánach, nár shamhlaigh muid riamh go bhféadfaimis a bhaint amach. D’fhág sé go ndeachaigh muid níos faide ná an iarracht ab fhearr a bhí againn, agus nideoige cruthaitheach ceoil a aimsiú do gach páiste a bhí páirteach ann.” – Joan McNamara, Scoil Náisiúnta Chnocán Bán, Co. an Chláir.”

Mar sin, faigh do chaipíní smaointeoireachta agus tosaigh ag obair ar do phíosa iontrála nó amhrán, á léiriú ag grúpa uirlise, gutha nó measctha ó do scoil. D’fhéadfadh sé a bheith in aon stíl cheoil nó meascán stíleanna – bhí ceol clasaiceach, ceol traidisiúnta, snagcheol, popcheol, rac-cheol, rapcheol agus ceol tíre san áireamh sna hiontrálacha roimhe seo – agus is féidir le haon mheascán d’amhránaithe nó d’uirliseoirí a roghnaíonn tú iad a sheinm. Téann rud ar bith.

Arís eile, is é téama Chomórtas na bliana seo ná Music Moves. Is é dé hAoine, 9 Feabhra, 2024 an spriocdháta iontrála. Beidh an dá scoil déag sa Chraobh á bhfógairt againn anseo ar RTÉ lyric fm Dé hAoine, 16 Feabhra. Agus beidh Ceolchoirm na gCraobhacha sa Cheoláras Náisiúnta iontach ar an Luan, 8 Aibreán.

Téigh chuig leathanach gréasáin an Chomórtais Ceoil do Scoileanna, newschool.ie le haghaidh tuilleadh eolais, foirmeacha iontrála agus físeáin de chomórtais roimhe seo – agus tosaigh ag déanamh ceoil.

Tá Gradaim Black & Irish Gala (Gradaim BIG) ar ais don tríú bliain agus beidh siad níos mó agus níos fearr fós le comhpháirtíocht nua sna meáin le RTÉ, meáin náisiúnta seirbhíse poiblí na hÉireann.

Beidh Gradaim Gala Black & Irish faoi thiomáint ag RTÉ ar siúl Dé Sathairn an 2 Nollaig in Óstán an Osprey sa Nás, Co. Chill Dara, nuair a bhronnfar gradaim i 15 chatagóir.

Is féidir leat vótáil anois ar na hainmnithigh i ngach ceann de na catagóirí. Beidh an té is fearr atá ainmnithe ar an ngearrliosta, an t-ainmní leis na vótaí is mó a bheidh ar an eolas ar an oíche.

VÓTÁIL anseo.

Féach ar ár promo anseo.

Tá John Kelly ar ais le sraith nua ceithre chlár de The Works Presents Cuirfear ceathrar eile dár ndaoine cruthaitheacha is mó a bhfuil spreagadh iontu agus ar ábhar spreagtha iad féin le cartlann mhór na sraithe seo a bhfuil an-tóir uirthi a thosóidh Déardaoin an 23 Samhain.

Labhróidh an t-údar Joseph O’Connor, na healaíontóirí Patricia Hurl agus Mick O’Dea, agus an ceoltóir, cumadóir agus Stiúrthóir Ealaíne Crash Ensemble Kate Ellis le John Kelly faoin athrú ó bhonn a rinne saol na n-ealaíon ar a saol agus faoi mar a spreag sé iad tabhairt faoi na saothair atá á ndéanamh acu.

Le linn a gcuid cainte le John, tabharfaidh na pearsana cruthaitheacha mór le rá seo léargas ar na nithe a spreag an rathúlacht ina réimsí féin. Fiosróidh John na foinsí inspioráide a chothaíonn a gcuid próiseas cruthaitheach agus gheobhaidh sé amach faoi na tionchair a spreagann iad a gcuid saothar mór le rá a dhéanamh.

Sa chéad chlár, casfaidh John Kelly le Joseph O’Connor, údar, scríbhneoir scripte agus drámadóir a rugadh i mBaile Átha Cliath. Tá a chuid saothair ficsin aistrithe go 40 teanga – úrscéalta lena n-áirítear Cowboys and Indians, Inishowen, Star of the Sea, agus a úrscéal is déanaí My Father’s House. Bronnadh an Gradam Irish PEN ar Joseph in 2012 as an méid ollmhór atá curtha aige le saol na litríochta, agus ceapadh ina Ollamh Frank McCourt don Scríbhneoireacht Chruthaitheach in Ollscoil Luimnigh é in 2014.

Labhróidh Joseph faoin iarracht níos mó a rinne sé a bheith ina scríbhneoir níos dírithe nuair a rugadh a chlann, agus faoin spreagadh a fhaigheann sé ó scoláirí de gach aois agus cúlra lena gcuid léargas nua. Bíonn sé ag machnamh ar a chuid scríbhneoireachta mar cheird agus uaireanta, airíonn sé nach bhfuil chomh maith is atá ag éirí leis tuillte aige.

Le linn na sraithe freisin, cuimhneoidh Patricia Hurl, atá ina cónaí i mBaile an Bhriotaigh i gCo. Uíbh Fhailí, siar ar cheangal gairmiúil agus pearsanta araon a dhéanamh le healaíontóirí mná níos sine eile. Tráchtfaidh Kate Ellis, atá lonnaithe i mBaile Átha Cliath, faoin saol laistigh de Crash Ensemble. Déanfaidh Mick O’Dea, a rugadh i gCo. an Chláir ach atá ina chónaí anois i gContae Mhaigh Eo, cur síos ar an ábhar inspioráide a fuair sé ón stair dá chuid saothair.

Bí ag féachaint ar an tsraith nua de The Works Presents Déardaoin an 23 Samhain ag 11.15pm ar RTÉ One agus ar an RTÉ Player.

Tá Patrick ag fáil Toy Show réidh, agus é ag cur roimhe féin don oíche is mó den bhliain le beagán cabhrach ó na saineolaithe.

Seiceáil ár mblaisín i mbliana mar tugtar cuireadh do gach duine a bheith Toy Show Ready!

The Late Late Toy Show | Dé hAoine 24 Samhain, 9.35pm – RTÉ One & RTÉ Player

-ISL: Cainéal Nuachta RTÉ
-Beo & ar éileamh ó áit ar bith ar domhan ag http://www.rte.ie/player
-Arís agus arís eile Dé Domhnaigh 26 Samhain le Cur síos Fuaime, Dé Domhnaigh 26 Samhain | 3.15pm | RTÉ a hAon

RTÉ AG DÍRIÚ AR AN AERÁID DO SHEACHTAIN NA hEOLAÍOCHTA 2023

I gcomhar le Fondúireacht Eolaíochta Éireann

www.rte.ie/scienceweek | #seachtainnaheolaíochta

Tá Seachtain na hEolaíochta ar ais arís, agus i mbliana, tá RTÉ ag díriú ar an Aeráid

Beidh gníomhú ar son na haeráide agus todhchaí an chine daonna chun tosaigh de réir mar a bheidh RTÉ ag ceiliúradh Sheachtain na hEolaíochta 2023 le raon leathan d’ábhar téamach ar fud theilifís agus raidió RTÉ agus ar líne, lena n-áirítear RTÉ News agus acmhainn thiomnaithe ar líne ar www.rte.ie/scienceweek, ón Domhnach, an 12 Samhain – an Domhnach, an 19 Samhain.

Tá go leor i ndán do dhaoine fiosracha ar RTÉ le linn Sheachtain na hEolaíochta, idir a bheith ag foghlaim tuilleadh faoin bpláinéad seo againne sa chlár 10 Things to Know About a bheidh ag teacht ar ais, agus ag fáil tuiscint ar an gcumhacht agus an tionchar, atá ag dul i méid, atá ag Intleacht Shaorga ar ár saol sa chlár faisnéise uair an chloig Game Changer: AI & You. Chomh maith leis sin, beidh Tomorrow Tonight ar siúl, ar dráma faisnéise réamhscriptithe é atá suite 27 bliain sa todhchaí, ina dtreoróidh Mark Little agus Carla O’Brien thú trí na scéalta nuachta te bruite ar oíche chorraitheach sa bhliain 2050, tráth a bhfuil an pláinéad ag pointe géarchéime de dheasca an athraithe aeráide. Anuas air sin ar fad, beidh tuilleadh sraitheanna, gearrthóg agus podchraoltaí ar fáil ó RTÉjr.

Faigheann RTÉ ar an Aeráid, do Sheachtain na hEolaíochta 2023, tacaíocht ó Fhondúireacht Eolaíocht Éireann.

A mBEIDH AR SIÚL: Seo an méid a bheidh ar siúl ar theilifís agus raidió RTÉ, ar RTÉ Player agus ar RTÉ.ie.

• BUAICPHOINTÍ: Teilifís, RTÉ PLAYER + 2FM
• BUAICPHOINTÍ: NUACHT AGUS CÚRSAÍ REATHA RTÉ
• BUAICPHOINTÍ: CLÁRACHA DO DHAOINE ÓGA

>>> BUAICPHOINTÍ: Teilifís, RTÉ PLAYER + 2FM

Tomorrow Tonight – Dé Céadaoin, an 15 Samhain (9.35pm, RTÉ One agus RTÉ Player)

An bhliain 2050 atá ann agus tá ceannairí an domhain tagtha le chéile sna Náisiúin Aontaithe i Nua-Eabhrac do chruinniú mullaigh aeráide cinniúnach. Tá lear mór bearta ceangailteacha nach raibh aon súil leo chun gníomhú níos fearr ar son na haeráide a thionscnamh ar fud an domhain faoi chaibidil, agus tá muintir an domhain ag fanacht ar thoradh na cainte…

Beidh Mark Little agus Carla O’Brien ag cur Tomorrow Tonight i láthair, ar dráma faisnéise réamhscriptithe é atá suite 27 bliain sa todhchaí, ina dtabharfar treoir don lucht féachana i leith na scéalta nuachta te bruite ar oíche chorraitheach, tráth a bhfuil an pláinéad ag pointe géarchéime de dheasca an athraithe aeráide!

As stiúideo i mBaile Átha Cliath, beidh painéal iontach saineolaithe agus mínitheoirí grafaice réaltachta breisithe ag baint brí as réimse saincheisteanna casta don lucht féachana. Ag an am céanna, beidh foireann tuairisceoirí fánaíochta ag nascadh isteach beo trí shaitilít chuig an stiúideo, ag cur anailís agus freagairtí ar an bpointe ar fáil as láithreacha éagsúla ar fud an domhain, de réir mar a chuireann siad le chéile an pictiúr cuimsitheach domhanda.

I gcaitheamh an chláir, cloisfimid faoi éifeachtaí tubaisteacha an téimh dhomhanda agus ardú leibhéal na farraige ar ghnáth-theaghlaigh sa bhaile agus thar lear, déanfar anailís ar ghéarchéim dhomhanda na ndídeanaithe aeráide atá le feiceáil go láidir anseo in Éirinn, agus casfar le Príomh-Ionchúisitheoir Chúirt Idirnáisiúnta na Coireachta Aeráide, agus í ag tabhairt ceannairí gnó agus polaiteoirí araon chun cuntais as gníomhartha séanta agus moille a rinne siad san am atá caite.

Tuairisceofar ar dhea-nuacht sa chlár seo freisin, lena n-áirítear geilleagar tuaithe na hÉireann, a raibh nuálaíocht ag baint leis agus ar tháinig borradh faoi in ainneoin an mheatha a tháinig ar ghníomhaíochtaí traidisiúnta na déiríochta agus na feirmeoireachta beostoic. Chomh maith leis sin, sa Bhrasaíl, feicimid foraois bháistí athbheoite na hAmasóine, ar fágadh freagracht ina leith faoi cheannairí pobail dúchais ag deireadh na 2030í.

Sula gcraolfar Tomorrow Tonight ar RTÉ One agus ar an RTÉ Player, reáchtálfar imeacht beo sa Project Arts Centre Dé Máirt, an 14 Samhain, a bheidh á chur i láthair ag Mark Little in éineacht le Colin Murphy, an Dr Cara Augustenborg, Diane O’Connor, Maeve Strone, Eoin Warner agus an Dr Abigail Ruth Freeman.

Déanfar an t-imeacht a thaifeadadh agus cuirfear ar fáil mar phodchraoladh é amach anseo. Cliceáil anseo chun tuilleadh eolais agus ticéid a fháil.

FÉACH AR Tomorrow Tonight ag 9.35pm Dé Céadaoin, an 15 Samhain, ar RTÉ One + ar an RTÉ Player

Game Changer: AI & You – Déardaoin, an 16 Samhain (10.15pm, RTÉ One agus RTÉ Player)

Game Changer: AI & You: Is clár faisnéise nua uair an chloig é seo, a chraolfar ar RTÉ One Déardaoin, an 16 Samhain, a rinneadh i gcomhar le Fondúireacht Eolaíochta Éireann do Sheachtain na hEolaíochta. Sa chlár faisnéise, beidh an t-iriseoir Anne-Marie Tomchak ag féachaint ar mar atá taithí an duine á hathrú ag an teicneolaíocht seo agus ar mar is gá dúinn dul in oiriúint d’fhonn a bheith in ann cumhacht agus tionchar na hIntleachta Saorga ar ár saol, cumhacht agus tionchar atá ag dul i méid, a láimhseáil.

Déanfar iniúchadh ar na forbairtí dearfacha i réimsí amhail cúrsaí sláinte, cúrsaí oideachais agus gníomhú ar son na haeráide, agus déanfar tagairt freisin do na pointí diúltacha – sciúirse na mífhaisnéise agus na ndomhainbhrionnuithe, an bhagairt atá ann do phoist, an bhuairt eiseach faoi intleacht shaorga ag éirí níos éirimiúla ná muid féin, agus an chaoi a bhfuil sé ag éirí níos deacra dúinn an méid atá fíor a aithint ón gcur i gcéill mar gheall ar acmhainní na hIntleachta Saorga.

Le linn an chláir:

• Rachaidh Anne-Marie go Cornwall chun casadh le Ameca, an róbat duiniúil is sofaisticiúla ar domhan.
• Tabharfaimid cuairt ar an áit mhór foghlama, Ollscoil Oxford, áit a ndéanfaidh Micheal Wooldrige, Ollamh le Ríomheolaíocht, plé ar an tionchar a bheidh ag an Intleacht Shaorga ar an gcine daonna.
• Déanfaidh David Brophy Ceolfhoireann Choirme RTÉ a stiúradh agus iad ag déanamh taispeántas speisialta de ‘Silicon’, píosa ceoil a cumadh le hIntleacht Shaorga.
• Buailfimid le Remie Michelle Clarke, aisteoir gutha a bhfuil cáil idirnáisiúnta uirthi, a fuair amach gur clónáladh a ghlór trí Intleacht Shaorga a úsáid, rud a chuir a slí bheatha i mbaol.
• Nochtfaidh Reality Defender, ceann de phríomhchuideachtaí braite domhainbhrionnuithe an domhain, na contúirtí a bhíonn roimh dhaoine aonair agus roimh shochaithe de thoradh mífhaisnéise agus meáin chúbláilte.
• Taispeánfaidh David Nason mar is féidir le huirlisí IS a bheith úsáideach chun an domhan a dhéanamh níos inrochtana dóibhsean a bhfuil lagú radhairc orthu.
• Labhróidh Abeba Birhane, an t-ollamh i gColáiste na Tríonóide a bhfuil áit bainte amach aici ar liosta IS Time100, faoin mbealach a bhfuil Intleacht Shaorga claonta ó nádúr mar gheall ar na sonraí atá ina n-ábhar oiliúna di, agus faoin méid is gá a dhéanamh d’fhonn tionchar na claontachta sin a mhaolú.
• Ina theannta sin, foghlaimeoimid faoin méid atá déanta ag an Intleacht Shaorga ar son taighde ceannródaíoch i réimse an chúraim sláinte agus an ghníomhaithe ar son na haeráide.

FÉACH AR Game Changer: AI & You ag 10.15pm, Déardaoin, an 16 Samhain ar RTÉ One + RTÉ Player

Heated (Clár 4) – 8.30pm, Déardaoin, an 16 Samhain (RTÉ One, RTÉ Player)

I sraith nua sé chuid RTÉ, Heated, déanfar iniúchadh ar impleachtaí an athraithe aeráide do shaol na ndaoine mar atá sa tír seo – inseofar scéalta dóchais, inspioráide agus iarrachta praiticiúla agus muid ar ár ndícheall chun gearradh siar ar astaíochtaí. Sna scéalta seo, táthar ag féachaint le teacht ar an bpointe trasghearrtha idir an t-athrú aeráide agus an gníomhú ar son na haeráide – do dhaoine aonair, do theaghlaigh, do phobail agus d’earnáil na tionsclaíochta.

Beidh trí scéal ag na láithreoirí Hannah Quinn Mulligan, Michelle McKeown agus Rónán Ó Dálaigh dúinn gach seachtain, a bhainfidh le gnéithe praiticiúla, faisnéiseacha nó inspioráideacha den ghníomhú ar son na haeráide.

I gclár a ceathair, cuirfear na ceisteanna a leanas:

• An bhféadfadh sé gurb iad micrea-aonaid chumhachta hidrileictreacha díreach an rud a theastaíonn ó go leor daoine ar fud na tíre a bhfuil réiteach fuinnimh ghlais féinleorga á lorg acu?
• An bhféadfadh breosla a bhfuil fuíollábhar ann astaíochtaí díobhálacha a laghdú faoi 90% – gan tionchar a imirt ar fheidhmiú feithicle ar bith. Is dócha go gceapann tú go bhfuil sé rómhaith le bheith fíor, ach an é an réiteach é?
• An bhféadfadh sé gur Caiféanna Deisiúcháin an réiteach ar fhadhb na sochaí indiúscartha a cruthaíodh de dheasca an tomhaltachais agus an ábharachais? Is ionann caifé deisiúcháin agus ionad cruinnithe pobail, áit ar féidir le daoine a gcuid earraí briste a thabhairt, amhail fearais tí, éadaí, rothair, nó earraí leictreonacha, chun go ndeiseodh oibrithe deonacha oilte iad saor in aisce, trína gcuirtear chun cinn an inbhuanaitheacht agus trína laghdaítear diomailt trí dhaoine a spreagadh lena gcuid giuirléidí a dheisiú agus a athúsáid seachas iad a chaitheamh uathu.

FÉACH AR Heated (Clár a 4) – 8.30pm, Déardaoin, an 16 Samhain (RTÉ One, RTÉ Player)

10 Things To Know About – Dé Luain, an 13 Samhain (8.30pm, RTÉ One, RTÉ Player)

Beidh “10 Things to Know About…” le feiceáil arís Dé Luain an 13 Samhain ag 8.30pm ar RTÉ One, nuair a bheidh na láithreoirí Kathriona Devereux, Fergus Mc Auliffe agus Jonathan McCrea ag taisteal ar fud na tíre chun casadh leis na taighdeoirí atá ag obair ar chuid de na dúshláin is suntasaí atá roimh an tsochaí – amhail tuilleadh crann a chur chun cuidiú linn ár spriocanna aeráide a bhaint amach, agus bealaí feabhsaithe chun galair uisce-iompartha a rianú agus aghaidh a thabhairt orthu i dtobair phríobháideacha na tíre.

Clár 1 – Crainn

Tá stádas tábhachtach, miotasach fiú, ag crainn in Éirinn le fada an lá, agus deirtear gurbh iad na crainn an inspioráid do chéad aibítir scríofa na Gaeilge, ar tugadh Ogham uirthi. Sa chlár seo, casfaidh Kathriona Devereux le Stephen O’Neill (Ollamh Comhlach le Béarla, Ollscoil Mhá Nuad) i bhforaois i gCill Mhantáin chun a thionscadal ‘Literature and Ireland’s Trees’ a phlé, a bhfuil sé mar aidhm leis béim a leagan ar thábhacht na gcrann i scríbhneoireacht agus cultúr na hÉireann agus an ceangal atá againn leis an dúlra a athbheochan.

An féidir le rud chomh simplí le crann a chur a bheith ina chabhair i dtaca le rud chomh casta leis an athrú aeráide, i ndáiríre? Casfaidh Kathriona le David Styles (Ollamh Comhlach le hAgrai-Inbhuanaitheacht, Ollscoil na Gaillimhe), a léiríonn a chuid taighde ar cheapadh carbóin gur gá an méid céanna crann agus a bheadh comhionann le 16,500 Páirc an Chrócaigh a chur gach bliain d’fhonn na spriocanna aeráide atá againn a bhaint amach.

D’fhéadfadh crainn dhúchasacha na hÉireann ról suntasach ina leith sin a imirt, agus buailfidh Jonathan McCrea le Oliver Sheridan ó Teagasc chun tuilleadh a fháil amach faoin obair chun crainn beithe agus fearnóige ar chaighdeán níos fearr a tháirgeadh agus chun an acmhainn a bhaineann leo a uasmhéadú. Agus de dheasca chríonadh siar na bhfuinseog,
galar fungasach a meastar a scriosfar 90 faoin gcéad de chrainn fuinseoige an Stáit leis, ar tuairiscíodh le déanaí é gur ionfhabhtaíodh crainn ar thailte Theach Laighean leis, casfaidh Jonathan le Dheeraj Rathore chun taighde a phlé maidir le crainn a bhfuil tuilleadh teacht aniar iontu ó thaobh na haeráide agus i gcoinne galair a phórú.

FÉACH AR 10 Things To Know About – Dé Luain, 13 Samhain (8.30pm, RTÉ One, RTÉ Player)

The People There To Catch Us, clár faisnéise nua a bheidh ar siúl Dé Luain an 13 Samhain ag 8pm ar RTÉ One agus RTÉ Player.

Tá athrú ag teacht ar chóireáil d’ailse, agus is athrú chun feabhais é. Tá taithí phearsanta ar an ailse ag Tom Hope as Contae na Mí agus ag Rachel O’Mahony a bhfuil cónaí uirthi i gContae an Chláir, agus roinnfidh siad sin linn trína gcuid scéalta, ón uair a diagnóisíodh iad go dtí an t-am i láthair, tráth a n-oibríonn siad le daoine eile atá ar a n-aistear féin leis an ailse i gclár faisnéise nua dar teideal The People There To Catch Us.

Tá a gcuid scéalta fite fuaite le hobair eolaithe a bhfuil spriocanna den sórt céanna acu, atá ag forbairt cóireálacha pearsantaithe d’othair agus atá ag obair chun saol daoine eile a bhfuil ailse orthu a fheabhsú. Trí na comhráite a bheidh acu, feicfimid mar atá na bearnaí idir an obair sna saotharlanna agus taithí phearsanta na n-othar le hailse á ndruidim. Cuirtear i láthair sa scannán an pobal atá ann le cúnamh a thabhairt. Tá eagraíochtaí ar nós Precision Oncology Ireland, Cúram, The Patient’s Voice, agus go leor eile ag obair i mbealaí éagsúla chun cabhair a thabhairt do dhaoine le linn tréimhse a d’fhéadfadh a bheith fíordhúshlánach.

Bíonn gach othar éagsúil óna chéile, agus bíonn gach cineál ailse éagsúil freisin – agus le cuir chuige nua, is féidir le daoine saol maith a bheith acu, nuair atá ailse orthu agus tar éis ailse a bheith orthu.

FÉACH AR The People There To Catch Us ag 8pm Dé Luain, an 13 Samhain ar RTÉ One + RTÉ Player.

>>> AR AN RTÉ PLAYER FREISIN

Beidh réimse cláracha agus sraitheanna á gcraoladh againn freisin a mbeidh Gníomhú ar son na hAeráide mar théama acu, amhail:

• Home Grown
• What Planet Are You On?
• Food Matters
• Will Ireland Survive 2050?
• Eco Eye
• Hot Air: Ireland’s Climate Crisis
• Back From The Brink
• Ear to The Ground
• Buaicphointí Bhabhta Ceannais Junk Kouture Chathair Bhaile Átha Cliath 2023
• My Best Sustainable Life
• Future Island Live
• Galapagos: Conservation in Practice

>>>AGUS AR RTÉ 2FM

Ar fud 2FM, beidh Beautiful Day á chur i láthair ag Fionnuala Moran, ina dtabharfar gnáthleideanna praiticiúla duit a chuideoidh leat athruithe beaga a dhéanamh ar féidir difríocht mhór teacht astu; amhail an rud a d’fhéadfá a dhéanamh le héadaí nach bhfuil úsáid á mbaint astu agus an chaoi a bhféadfadh carr-roinnt a bheith fiúntach ar go leor bealaí éagsúla.

Beidh tú in ann taitneamh a bhaint as an gcéad eagrán ag 7.30am Dé Luain, an 13 Samhain.

>>> BUAICPHOINTÍ: NUACHT AGUS CÚRSAÍ REATHA

Féile Eolaíochta agus Teicneolaíochta na Gaillimhe – Dé Domhnaigh, an 12 Samhain

Beidh Comhfhreagraí an Iarthair le RTÉ, Pat McGrath, ag tabhairt cuairt ar fhéile Teicneolaíochta agus Eolaíochta na Gaillimhe, a bheidh ar siúl ar feadh coicíse i mí na Samhna chun bheith ag teacht le Seachtain na hEolaíochta. Lá Taispeántais a bheidh ann ar an Domhnach ar champas Ollscoil na Gaillimhe. Meastar go bhfreastalóidh na mílte ar cheardlanna, léirithe agus taispeántais idirghníomhacha ar réimse topaicí, amhail eolaíocht leighis, réalteolaíocht 3T, fiadhúlra agus carranna uathrialaitheacha. Fógrófar Pearsa Eolaíochta na Gaillimhe don Bhliain 2023 freisin.

Gnó na hEolaíochta – Dé Máirt, an 14 Samhain

Beidh Comhfhreagraí an Iarthair le RTÉ, Pat McGrath, ag féachaint ar earnáil na bhfeistí leighis/na teicneolaíochta leighis i nGaillimh agus san Iarthar, agus ar an tionchar eacnamaíochta a bhí ag fás na hearnála seo, agus déanfaidh sé iniúchadh ar mar atá sé sin ag múnlú beartas rialtais agus vice versa.

Feirmeoireacht & Eolaíocht – Dé Céadaoin, an 15 Samhain

Beidh cás-staidéar ag an gComhfhreagraí Talmhaíochta agus Gnóthaí Tomhaltóirí le RTÉ, Joe Mag Raollaigh, i dtaobh mar a léiríodh go laghdaíonn forbhia nua d’eallaigh aschur meatáin ó anáil eallaí faoi 30%, agus go laghdaíonn sé aschur meatáin ó sciodar faoi 80%. Beidh sé seo ar siúl ag an am céanna le comhdháil na Roinne Talmhaíochta, “Eolaíocht na Talmhaíochta agus an Athraithe Aeráide i nGníomh”. Baineann an chomhdháil le dul chun cinn eolaíochta a chuideoidh chun an lorg carbóin atá ag feirmeacha na hÉireann a laghdú.  Tá sé ráite ag Teagasc agus ag comhlachtaí feirmeoireachta eile roimhe seo go dteastóidh an teicneolaíocht atá ann faoi láthair AGUS teicneolaíochtaí nua chun an laghdú 25% ar astaíochtaí a bhaint amach.

TUILLEADH Ó NUACHT AGUS CÚRSAÍ REATHA RTÉ

Cógaslanna an Dúlra

Ón seanchas áitiúil chuig an tsaotharlann, tá eolaithe i gColáiste na Tríonóide, Baile Átha Cliath, ag féachaint le húsáidí teiripe agus tráchtála neamhshaothraithe phlandaí dúchasacha portaigh na hÉireann a chur chun tairbhe, agus iad ag úsáid taifid scríofa páistí scoile a d’fhás aníos in Éirinn sna 1930í mar thúsphointe.  Is é is aidhm don tionscadal ceannródaíoch ná chun ‘scaoileadh le cógaslanna an dúlra’ agus, ar deireadh thiar, chun leigheasanna nár nochtadh go dtí seo a chur ar fáil ar an margadh.

Cur Ceist ar an Eolaí – freagraí ar do chuid ceisteanna maidir leis an athrú aeráide.

Ceisteanna eolaíochta a bailíodh ó dhaoine sa phobal ar ardáin shóisialta RTÉ News i rith Sheachtain na hEolaíochta – á bhfreagairt ag foireann eolaithe ó Choláiste na hOllscoile, Corcaigh, sna seachtainí atá amach romhainn.

Sraith Mhíniúcháin i dtaobh Béarlagair Aeráide

Cuirfear tús leis an tSraith Mhíniúcháin i dtaobh Béarlagair Aeráide, a cruthaíodh d’ardáin meán sóisialta RTÉ agus do láithreán gréasáin RTÉ, le linn Sheachtain na hEolaíochta chun míniú a thabhairt ar théarmaí agus ar choincheapa a úsáidtear go coitianta nuair atá an t-athrú aeráide á phlé. Sa treoir chabhrach seo, míneofar téarmaí amhail “Athrú Aeráide Antrapaigineach”, míneofar an difríocht idir “Oiriúnú” agus “Maolú”, déanfar sainmhíniú ar “Neodracht”, agus eile.

>>> BUAICPHOINTÍ: CLÁRACHA DO DHAOINE ÓGA

Tá roinnt cláracha den scoth againn, inar féidir le leanaí spraoi a bheith acu fad atá siad ag foghlaim faoi chúrsaí eolaíochta.

Sa chlár Space Camp Challenge, i gcomhar le Fondúireacht Eolaíochta Éireann, rachaimid chuig Lárionad Spáseitilte Marshall de chuid NASA i ‘gCathair na Roicéad’, Alabama, áit a mbeidh taithí ar fheabhas ar fad ag ochtar déagóirí agus iad ag fáil amach cibé a bhfuil an mianach ceart iontu le bheith mar chéad spásaire na hÉireann.  Tosófar an misean ag 3.50pm Dé Luain, an 13 Samhain ar RTÉ2 & ar an RTÉ Player. Beidh fáil ar an mboscra iomlán ar an RTÉ Player ón Luan ar aghaidh freisin.

FÉACH ar an mblaisín anseo: (33) ÚRNUA: Space Camp Challenge 🚀 🪐 🚀 | Ag tosú an 13 Samhain |@RTEKids – YouTube

Beidh go leor turgnaimh den scoth ar Let’s Find Out agus beidh pleananna ceachta ar fáil do mhúinteoirí, fiú – cén fáth nach mbainfeá triail astu ar scoil?

LÉIGH faoi san iomlán: Let’s Find Out: Féach ar na cláracha agus faigh na pleananna ceachta anseo! (rte.ie)

Tar agus buail le hAdaimh Atom Town agus féach ar an draíocht agus iontas a bhaineann leis an gcruinne. Cas le pobal carachtar iontach bunaithe ar na Dúile sa Tábla Peiriadach.

LÉIGH tuilleadh anseo: RTÉjr TV: Is iad na dúile bun agus barr an scéil in Atom Town! (rte.ie)

Is ionann Claaaass Science agus sraith cúig Scannán YouTube ó chumarsáidithe eolaíochta den scoth, ina bhfreagróidh siad na ceisteanna atá agat faoin uile shórt, idir hormóin agus gruaig.

FÉACH ar na cúig cinn acu ar fad anseo: Foghlaim (rte.ie)

Ireland’s Future Is Mine

Samhlaigh dá mbeadh cead ag leanaí a mbaile féin a leagan amach arís nó leas a bhaint as a samhlaíocht chun an domhan a dhéanamh níos inbhuanaithe. Mar a tharlaíonn sé, is é sin go díreach a rinneamar ar Ireland’s Future Is Mine trí leas a bhaint as an gcumhacht a bhaineann le Microsoft Education Edition. Chuir na céadta scoil isteach ar an gcomórtas, agus ghlac dhá scoil páirt i mBabhta Ceannais ríomhspóirt. Is féidir leat an clár a shruthú, agus tá na ceachtanna fós ann don uile dhuine!

Faigh tuilleadh amach anseo: Ireland’s Future Is MINE (rte.ie)

Tá a fhios ag gach mac máthar go dtaitníonn sé leis na Body Brothers a bheith ag damhsa, a bheith ag bogadh, ach is maith leo a bheith ag foghlaim faoi rudaí nua freisin. D’fhoghlaim siad faoi na baill den cholainn, faoi ainmhithe, agus anois, tá sé in am súil a chaitheamh ar aireagáin.

Déan na 3 sraith ar fad a shruthú ar an RTÉ Player anseo: Body Brothers – RTÉ Player (rte.ie)

PODCHRAOLTAÍ RTÉjr

Beidh clár speisialta de Ecolution, an podchraoladh faoi ghníomhú ar son na haeráide do dhaoine óga, ar siúl ón gCéadaoin, agus bainfidh sé le heolaíocht saoránach.

CLÁRAIGH anseo: https://www.rte.ie/radio/podcasts/series/30942-ecolution/

Tá an Science of Sense Podcast ag teacht ar ais le sraith úrnua, The Science of Sense Does the Environment.

Beidh fáil ar na sé chlár ar fad Déardaoin anseo: https://www.rte.ie/radio/podcasts/series/36955-the-science-of-sense/

Chun tuilleadh a fháil, téigh chuig www.rte.ie/scienceweek agus coinnigh súil ar chainéil meán sóisialta RTÉ ar Facebook, X, Instagram agus TikTok.

Bíonn 1,995,000 éisteoir, nó 48% den lucht éisteachta fásta 15+, ag éisteacht le seirbhísí raidió RTÉ gach seachtain agus tá 16 de na 20 clár raidió is fearr a chraoltar in Éirinn ag RTÉ, de réir na bhfigiúirí is déanaí ar lucht éisteachta raidió ó CNLÉ. Is é RTÉ Radio 1 fós an t-aon stáisiún a bhfuil lucht éisteachta seachtainiúil breis agus +1 milliún (1,382,000) aige. (+12,000 Tréimhse ar Thréimhse agus +16,000 Bliain ar Bhliain) Bíonn 727,000 duine fásta 15+ (+30,000 Tréimhse ar Thréimhse) ag éisteacht le RTÉ 2FM gach seachtain. Tá 313,000 éisteoir (+15,000 Tréimhse ar Thréimhse) ag RTÉ lyric fm ar bhonn seachtainiúil.

Is éard a dúirt Kevin Bakhurst, Príomh-Stiúrthóir RTÉ: “Níl aon dabht ann gur tréimhse thar a bheith dúshlánach a bhí inti do RTÉ. Ba mhaith liom mo bhuíochas a chur in iúl mar sin d’éisteoirí sheirbhísí raidió RTÉ as seasamh le RTÉ an t-am ar fad agus is mór an pléisiúr dom fáilte a chur roimh na 16,000 éisteoir breise atá ag Radio 1, na 49,000 éisteoir breise atá ag 2fm agus na 7,000 éisteoir breise atá ag RTÉ lyric fm (Bliain ar Bhliain). Chuir foireann agus láithreoirí RTÉ réimse éagsúil ábhair ar fáil agus tá sé soiléir go bhfuil an t-ábhar ag tarraingt níos mó agus níos mó daoine. Agus muid ag ullmhú chun treo straitéiseach nua a leagan amach do RTÉ, is moladh iad na figiúirí éisteachta is déanaí ar an éileamh leanúnach agus ar luach na meán seirbhíse poiblí, díreach ón lucht éisteachta ar a bhfreastalaímid.”

RTÉ Radio 1

Bíonn 880,000 duine ag éisteacht le RTÉ Radio 1 ar laethanta i rith na seachtaine.

• Is é an clár Morning Ireland fós an clár raidió is mó a n-éistear leis agus ba é 463,000 líon na n-éisteoirí a bhí aige sa tréimhse seo (+23,000 Tréimhse ar Thréimhse)
• 347,000 duine a éisteann leis an Nine O’Clock Show gach lá i rith na seachtaine (+13,000 Tréimhse ar Thréimhse)
• Éisteann 331,000 duine (+8,000 Tréimhse ar Thréimhse) le Today with Claire Byrne ó Luan go hAoine
• 213,000 duine a éisteann leis an Louise Duffy Show (+1,000 Tréimhse ar Thréimhse)
• Tá 303,000 éisteoir ag News at One.
• Éisteann 187,000 duine (+4,000 Tréimhse ar Thréimhse) leis an Ray D’Arcy Show sa tráthnóna i rith na seachtaine ar RTÉ Radio 1
• 219,000 éisteoir a thiúnálann isteach chuig Drivetime.
• Bíonn 335,000 duine ag éisteacht le The Brendan O’Connor Show ar an Satharn agus bíonn 323,000 duine ag éisteacht leis ar an Domhnach.
• 206,000 éisteoir atá ag Saturday with Colm Ó Mongáin.
• 191,000 duine (+10,000 Tréimhse ar Thréimhse) a éisteann le Sunday Sport ar RTÉ Radio 1
• 272,000 éisteoir atá ag Sunday with Miriam.

Is éard a dúirt Peter Woods, Ceannasaí RTÉ Radio 1: “Tréimhse mhaith í seo do Radio 1. Is moladh é ón lucht éisteachta agus is aitheantas é ar chuspóir aontachta an stáisiúin ar fud na nuachta agus cúrsaí reatha, an spóirt, an cheoil agus an aschuir cultúir i gcoitinne – rud nach bhfuil a shárú le fáil; aitheantas idirnáisiúnta do Blackrock Boys, séasúr drámaíochta Beckett atá ann faoi láthair, na Gradaim Ceoil Tíre. Tá an méid sin ar fad á chur chun cinn ag na láithreoirí agus thar aon ní eile ag na foirne léirithe. Is iad na foirne léirithe agus a ndúthracht i leith craoltóireacht seirbhíse poiblí atá taobh thiar de gach ní anseo. Táimid buíoch den mhuinín atá ag na héisteoirí ionainn.”

RTÉ 2FM

• 149,000 duine a bhíonn ag éisteacht leis an gclár, 2FM Breakfast with Doireann, Donncha, and Carl gach maidin i rith na seachtaine (+11,000 duine Tréimhse ar Thréimhse)
• 136,000 éisteoir (+3,000 Tréimhse ar Thréimhse) atá ag Jennifer Zamparelli ar 2FM.
• 113,000 éisteoir (+6,000 Tréimhse ar Thréimhse) atá ag Tracy Clifford
• Tá Drive It with The 2 Johnnies ag cur ábhar siamsaíochta ar fáil i gcónaí don lucht éisteacht ar fud na tíre gach tráthnóna agus is 151,000 éisteoir a bhíonn acu (+11,000 Tréimhse ar Thréimhse)
• 118,000 duine (+7,000 Tréimhse ar Thréimhse) a bhíonn ag éisteacht le Laura Fox at Weekends ó 9-12 ar an Satharn agus 114,000 duine (+12,000 Tréimhse ar Thréimhse) a éisteann leis an gclár ar an Domhnach
• 123,000 éisteoir (+20,000 Tréimhse ar Thréimhse) atá ag Roz & Emma ar 2FM ó 12-3pm ar an Satharn agus 101,000 éisteoir (+12,000 Tréimhse ar Thréimhse) atá acu ar an Domhnach

Is éard a bhí le rá ag Dan Healy, Ceann Straitéis Raidió RTÉ agus RTÉ 2FM: “Leanann 2FM ag cur leis an lucht éisteachta atá acu le linn sheacht lá an sceidil. Tá méadú go dtí 12.4% tagtha ar an sciar de dhaoine idir 15 agus 34 bliain atá ag éisteacht an tréimhse seo mar gheall ar chláracha den scoth a chuireann Doireann, Donncha, agus Carl, Jennifer Zamparelli, Tracy Clifford agus The 2 Johnnies i láthair ar laethanta le linn na seachtaine. I ngach margadh raidió, bíonn cláracha raidió na maidine ina gcnámh spairne ríthábhachtach do stáisiúin raidió, agus táim an-sásta don fhoireann Bricfeasta go bhfuil ag éirí go maith leis an gclár i gcónaí, clár a bhfuil ardú 11,000 duine ar a chuid éisteoirí ó bhí an suirbhé deireanach ann. Tháinig ardú 11,000 éisteoir freisin ar an gclár, The 2 Johnnies, ar clár é a ndéanann daoine iarracht cheart éisteacht leis agus a chuireann deireadh láidir leis an sceideal lae ar 2FM.

D’éirigh go hiontach le sceideal nua an deiridh seachtaine freisin Dé Sathairn agus Dé Domhnaigh araon do Bhláthnaid Treacy, Laura Fox, Roz agus Emma agus Aifric O’Connell. Tháinig ardú 20,000 éisteoir ar chlár Roz Purcell agus Emma Power a bhíonn ar siúl Dé Sathairn (12pm go 3pm) – clár atá ar an aer ó mhí Feabhra. Bhí roinnt míonna dúshlánacha ag RTÉ ach mar is gnách bhí foireann 2FM dírithe go hiomlán ar fhreastal a dhéanamh ar an lucht éisteachta níos óige in Éirinn.”

RTÉ lyric fm 

• 58,000 duine (+1,000 Tréimhse ar Thréimhse) a éisteann le Marty in the Morning
• 46,000 duine (+4,000 Tréimhse ar Thréimhse) a éisteann le Classical Drivetime le Niall Carroll
• 47,000 duine a éisteann le The Full Score le Liz Nolan/Aedin in the Afternoon (Dé hAoine)
• 63,000 duine (méadú +8,000 Tréimhse ar Thréimhse) a éisteann le Classic Drive le Lorcan Murray
• 56,000 duine (+7,000 Tréimhse ar Thréimhse) a éisteann le Movies and Musicals le hAedín Gormley
• 27,000 éisteoir (+2,000 Tréimhse ar Thréimhse) atá ag Opera Night
• 33,000 éisteoir (+7,000 Tréimhse ar Thréimhse) atá ag Daybreak
• 46,000 éisteoir (+3,000 Tréimhse ar Thréimhse) atá ag Hamilton Scores
• 43,000 éisteoir (+2,000 Tréimhse ar Thréimhse) atá ag Seán Rocks ar an Domhnach

Is éard a dúirt Sinéad Wylde, Ceann RTÉ lyric fm: “Thug an tréimhse seo ardú misnigh d’fhoireann RTÉ lyric fm; tá an líon daoine a éisteann ar maidin le Marty in the Morning fós ag ardú agus tá ardú 9,000 éisteoir tagtha freisin ar an gclár Classical Daytime le Niall Carroll (Bliain ar Bhliain). Cuireann an clár Classic Drive le Lorcan Murray fáilte roimh 8,000 éisteoir breise (Tréimhse ar Thréimhse) agus é ina dteannta ar feadh an tráthnóna. Tháinig feabhas mór ar an líon daoine a bhíonn ag éisteacht ag an deireadh seachtaine le 9,000 éisteoir breise (Bliain ar Bhliain) ag Daybreak, 7am – 10 am, agus 10,000 éisteoir breise (Bliain ar Bhliain) ag Opera Night. Tá draíocht chineamatach fós i gceist leis an gclár Movies and Musicals le hAedín Gormley agus ardú 7,000 éisteoir (Tréimhse ar Thréimhse) bainte amach aige. Leis na figiúirí is déanaí seo, is fíor anois níos mó ná riamh mantra RTÉ lyric fm gur ‘Ola don Chroí’ é.”

Sa bhliain 2050 sinn agus i gceanncheathrú na Náisiún Aontaithe i Nua-Eabhrac, tá ceannairí thíortha an domhain cruinnithe le chéile ag cruinniú mullaigh faoi chúrsaí aeráide arb é an dea-thoradh nó an drochdheireadh a bheidh air. Tá bearta ceangailteacha éigeantacha á bplé dírithe ar ghníomhaíocht níos éifeachtúla maidir leis an aeráid a thabhairt i bhfeidhm ar fud an domhain agus an saol ar fad ag fanacht le toradh an chruinnithe.

Dráma scripteáilte faisnéise is ea Tomorrow Tonight atá suite 27 bliain ó inniu. Mark Little agus Carla O’Brien na láithreoirí a choinníonn an lucht féachana ar an eolas faoi na scéalta nuachta is deireanaí, ar an bpointe boise agus iad ag teacht chun cinn, ar an oíche chinniúnach seo agus an pláinéad ar thob a threascartha mar gheall ar an athrú aeráide.

Sa stiúideo teilifíse i mBaile Átha Cliath, tá scata suntasach saineolaithe ag míniú na gceisteanna casta agus córais ghrafaice réaltachta breisithe in úsáid chun eolas a leagan amach go soiléir don lucht féachana. An tráth céanna, tá meitheal iriseoirí ar fud na bhfud ag cur tuairiscí isteach le ceangal satailíte idir iad agus an stiúideo. Cuireann siadsan lón anailíse i láthair go fuinniúil agus tuairisc láithreach ar a bhfuil ag titim amach in áiteanna éagsúla ar fud an domhain. De réir mar a dhéanann, tá léargas cuimsitheach faoi chás an domhain á chur i dtoll a chéile acu.

I rith an chláir, cloistear faoi na torthaí tubaisteacha atá ag an téamh domhanda agus ag ardú leibhéal na farraige ar ghnáthdhaoine agus ar theaghlaigh in Éirinn agus thar lear, déantar iniúchadh ar an ngéarchéim maidir le lucht dídine ar fud an domhain agus a thoradh gar do bhaile ar oileán na hÉireann agus feictear an tArd-Ionchúisitheoir sna Cúirteanna Breithiúnais Idirnáisiúnta maidir le Coireanna Aeráide agus í ag agairt freagrachta agus cuntasaíochta ar cheannairí gnó agus ar cheannairí polaitíochta araon as ucht moill agus diúltú gníomhú nuair a bhí acu beart a dhéanamh níos luaithe.

Beidh dea-scéalta á gcur i láthair freisin ar an gclár, mar shampla tuairisc ar an nuálaíocht is cúis le borradh eacnamaíochta faoin tuath in Éirinn in ainneoin dul ar gcúl na déiríochta agus shaothrú an bheostoic. Agus, sa Bhrasaíl, feictear borradh agus beocht in athuair ar fhoraois báistí na hAmasóine, ceantar agus foraois ar socraíodh i mblianta deireanacha na 2030idí gurb iad na ceannairí bundúchasacha a shocródh a mbeadh i ndán dóibh.

Ag caint ar an gclár dó, dúirt an láithreoir Mark Little: “Is minic a fhágann an chaint ar ghéarchéim na haeráide daoine ina staic le teann eagla. Is dóigh liom go mbeidh an meascán suntasach seo idir clár faisnéise agus clár drámaíochta ina spreagadh ag an lucht féachana maidir le tuiscint ar a bhfuil de chumhacht acu féin maidir le saol níos fearr a mhúnlú san am atá romhainn.”

Chuir an láithreoir Carla O’Brien leis sin: “Tá súil agam go mbeidh an leas a bhaintear as cineálacha éagsúla teicneolaíochta, mar shampla réaltacht bhreisithe (AR) ar Tomorrow Tonight ina bhuntáiste ag an lucht féachana maidir le tuiscint níos grinne ar na fíricí agus ar léargas lucht eolaíochta ar an gceist is cinniúnaí ar fad de cheisteanna móra na linne sin againn féin.”

Féach Tomorrow Tonight Dé Céadaoin, an 15 Samhain ag 9.35 i.n ar RTÉ One agus ar RTÉ Player.

Beidh Nell Mescal, Ye Vagabonds, Cormac Begley, agus go leor eile páirteach sa tsraith nua bheo cheoil ina léireofar taispeántais agus comhráite ag cuid de na sainchomharthaí stairiúla is áille radhairc in Éirinn.

Sa tsraith úrnua ceithre chlár seo, Anam – Songs for Hearts & Minds, tabharfar an lucht féachana ar aistear ceoil nach ndéanfar dearmad air. Cuirfear tús leis an tsraith Déardaoin an 2 Samhain ag 11pm ar RTÉ2 agus comhcheanglófar taispeántais bheo inspioráideacha le háilleacht shainchomharthaí stairiúla iontacha na hÉireann.

Léiríodh an tsraith i gcomhar le Other Voices agus Oifig na nOibreacha Poiblí agus cuirfear tús leis an tsraith i gCaisleán na Cathrach, Co. Thiobraid Árann le taispeántais phearsanta ó na cumadóirí amhrán Lisa Hannigan, Paul Noonan, agus Gemma Hayes a thiocfaidh le chéile chun roinnt clasaicí simplí, leaganacha d’amhráin is ansa linn agus seoda nár eisíodh a chasadh.

Chomh maith le Caisleán na Cathrach, tabharfar cuairt sa tsraith ar Ionad an Bhlascaoid i nDún Chaoin, in aice le baile spioradálta an Daingin in Iarthar Chiarraí. Sna cláir ina dhiaidh sin, beidh taispeántais ar siúl i dTeach mórga Bhaile an Chaisleáin i gCill Dara, an chéad teach i stíl Phallaidiach is mó in Éirinn, agus i gCaisleán Dheasumhan sa Chaisleán Nua, Co. Luimnigh.

Déanfar ceiliúradh sa tsraith ar an méid atá ar tí tarlú ó thaobh an cheoil de in Éirinn agus beidh taispeántais iontacha le cloisteáil ó cheoltóirí cumasacha atá ag teacht chun cinn in Éirinn, an t-amhránaí is scríbhneoir Nell Mescal, an réalta phopcheoil a thosaigh amach ag taifeadadh ceoil ina seomra leapa, Ezra Williams agus an grúpa ceoil tíre malartach Kingfishr ina measc.

Bainfidh an lucht féachana taitneamh freisin as taispeantais ó Chormac Begley, Anna Mieke, Ye Vagabonds agus daoine eile.

Clár 1: Caisleán na Cathrach, Tiobraid Árann

Is iad Lisa Hannigan, Gemma Hayes & Paul Noonan a bheidh i mbun ceoil

Clár 2: Ionad an Bhlascaoid

Is iad Ye Vagabonds, Sam Amidon, Cormac Begley, Muireann Nic Amhlaoibh,

Billy Mag Fhloinn & Gerry O’Beirne a bheidh i mbun ceoil.

Clár 3: Caisleán Dheasumhan, Luimneach

Is iad Nell Mescal, God Knows & Kingfishr a bheidh i mbun ceoil

Clár 4: Teach Bhaile an Chaisleáin, Cill Dara

Is iad Anna Mieke & Ezra Williams a bheidh i mbun ceoil

Bí ag féachaint ar an tsraith nua, Anam – Songs for Hearts & Minds Déardaoin an 2 Samhain ag 11pm ar RTÉ2 agus ar an RTÉ Player