TÚS Á CHUR AG RTÉ LE SÉASÚR ÚRNUA ATÁ LÁN DE DHRÁMAÍOCHT, SIAMSAÍOCHT AGUS SPÓRT
- Siamsaíocht den chéad scoth geallta le seónna agus tallann úrnua
- Breis is 40 uair an chloig de dhrámaíocht nua fhíorspéisiúil as Éirinn
- An líon is mó clár spóirt saorchraolta atá ar fáil do lucht féachana in Éirinn
- Íomhánna na gclár: https://we.tl/t-WijO98jkGC
Sheol RTÉ séasúr nua na gclár inniu. I measc an sceidil tá cláracha a bhfuil leagan amach úrnua orthu, réaltaí a bhfuil gealladh fúthu don todhchaí, uaireanta an chloig de dhrámaíocht a rinneadh sa bhaile agus nach bhféadfá a scaoileadh tharat chomh maith leis na cláracha is mó a thaitníonn linn a bheith ar ais arís ar an scáileán. Idir spórt agus cineálacha nua siamsaíochta, drámaíocht agus cláracha do dhaoine óga – ní féidir RTÉ a bhualadh le haghaidh siamsaíochta agus éalú ón saol le linn an tséasúir nua seo.
I measc na ndrámaí nua tá Kin ina bhfuil na príomhpháirteanna ag Clare Dunne, Aidan Gillen & Ciarán Hinds, agus Hidden Assets ina bhfeicfear Angeline Ball, Simone Kirby agus Peter Coonan. D’ éirigh thar barr go hidirnáisiúnta le Smother agus tá sé ar ais don dara sraith le teaghlach scanrúil Ahern. Is iad Dervla Kirwan, Gemma Leah-Devereux agus Seána Kerslake atá sna príomhpháirteanna. Ar na drámaí nua eile tá Harry Wild, ina bhfuil an phríomhpháirt ag Jane Seymour, sraith ghrinn dhrámaíochta, The Dry, agus Conversations with Friends, atá bunaithe ar an leabhar a scríobh Sally Rooney (údar Normal People).
Maidir le cúrsaí siamsaíochta, sraith úrnua tallainne is ea Last Singer Standing agus is é Nicky Byrne atá á chur i láthair. Beidh an Late Late Show ag teacht gar do 60 bliain ar an aer a cheiliúradh in 2022, agus oícheanta Satharn cuirfidh Angela Scanlon tús lena seó siamsaíochta úrnua Angela Scanlon’s Ask Me Anything. Beidh séasúr nua againn den Tommy Tiernan Show chomh maith agus tá seó speisialta beartaithe acu don Nollaig. Agus béim á leagan ar thallann nua de chuid na hÉireann a chur chun cinn, cuirfidh an séasúr atá amach romhainn guthanna nua agus malartacha os ár gcomhair i gcúrsaí siamsaíochta, drámaíochta agus spóirt. Chomh maith leis sin leanfaidh RTÉ ag díriú, le linn an tséasúir seo, ar scéalta na hÉireann a insint, agus dul i ngleic leis na saincheisteanna atá tábhachtach dúinn trí neart den ábhar réalaíoch agus cúrsaí reatha a chur ar fáil dúinn.
Drámaíocht
Is é RTÉ an baile do dhrámaíocht ar ardchaighdeán as Éirinn. Cuirfear beagnach 40 uair an chloig de dhrámaíocht úrnua ar fáil do lucht féachana idir Meán Fómhair 2021 agus Samhradh 2022.
Buaicphointe
Is ea an dráma nua coireachta atá suite in Éirinn, Kin, dráma a leanann an saol mar a chaitheann teaghlach ficseanúil é i mBaile Átha Cliath atá sáite i gcogadh drongchoirpeachta. Rinneadh an scannánú i mBaile Átha Cliath, agus tá foireann d’aisteoirí as Éirinn ann, lena n-áirítear Clare Dunne, Aidan Gillen, Ciarán Hinds, Sam Keeley, Emmett Scanlan, Maria Doyle Kennedy, agus aisteoir nua Yasmin Seky. Sraith ocht gcuid atá anseo agus tá sé ceannaithe cheana féin roinnt dreamanna idirnáisiúnta.
D’éirigh thar barr ar fad níos luaithe i mbliana, le Smother agus tá sé ar ais anois le haghaidh an dara sraith. Ba í Kate O’Riordan a scríobh é, rinneadh an scannánú i gContae an Chláir agus tugann sé dúinn an chuid eile den scéal tarraingteach a bhaineann le teaghlach Ahern. Is í Dervla Kirwan atá i ról mhatrarc an teaghlaigh, Val, agus tá na haisteoirí Gemma-Leah Devereux, Niamh Walsh, agus Seána Kerslake ann chomh maith.
Tá Angeline Ball in éineacht le Peter Coonan sa dráma coireachta Hidden Assets, a ndearnadh scannánú air i Luimneach. Leanann sé an ceangal atá idir teaghlach saibhir as Éirinn, taisce de dhiamaint gharbha, agus buamála marfacha a tharlaíonn sa Bheilg.
Rinneadh an scannánú i mBaile Átha Cliath níos túisce i mbliana ar Harry Wild, dráma mistéire faoi ollamh Sasanach atá díreach tar éis dul ar scor agus a bhfuil an-suim aici sna cásanna coiriúla a thugtar le réiteach dá mac, atá ina bhleachtaire sna póilíní. Tá an phríomhpháirt ag Jane Seymour, agus rinne sí an tsraith ocht n-eipeasóid a léiriú chomh maith.
Is féidir linn a bheith ag tnúth i mbliana le sraitheanna arna gcomhléiriú ag RTÉ agus atá ar ardchaighdeán, ina measc an tsraith dhrámaíochta ghrinn, The Dry, a scríobh Nancy Harris, agus Conversations with Friends atá bunaithe ar an leabhar le Sally Rooney (údar Normal People). Sa tsraith chumhachtach dhrámaíochta Three Families cuirtear ar an eolas muid faoin saol atá ag cuid de na daoine a tháinig faoi thionchar na ndlíthe ginmhillte géara a bhí i bhfeidhm i dTuaisceart Éireann roimhe seo.
Is féidir leis an lucht féachana a bheith ag súil le neart aicsin arís ón dráma is fearr linn in Éirinn Fair City – agus an dream atá ag cur fúthu i Carrigstown ag tabhairt spléachadh dúinn ar a saol gach tráthnóna Dé Domhnaigh, Dé Máirt, Dé Céadaoin agus Déardaoin.
Tá RTÉ Radio 1 i gcónaí ag tacú leis an bhforbairt ar thallann nua scríbhneoireachta trí Drama on One agus tá sé mar aidhm aige guth a thabhairt do dhaoine as na pobail éagsúla a bhfuil cónaí orthu in Éirinn le go mbeidh siad in ann a gcuid scéalta féin a insint. Cuirfear béim arís i mbliana ar dhrámaíocht don raidió agus tacófar le tallann nua trí dheiseanna a thabhairt do réaltaí atá ag teacht chun cinn a gcuid oibre a chur ar taispeáint. Beidh dráma nua ar siúl gach seachtain ar Drama on One ina measc Séasúr Maeve Binchy – ina mbeidh sraith de chúig dhráma a scríobh Maeve go speisialta don raidió, agus a nglacfaidh cuid de na haisteoirí is mó cáil in Éirinn páirt iontu. Beidh mol digiteach ar Sheinnteoir RTÉ dírithe ar dhrámaíocht raidió Maeve agus é mar thacaíocht do shéasúr Maeve Binchy. San áireamh chomh maith beidh tráchtaireachtaí agus gnéchláracha, lena n-áirítear agallamh poiblí le Myles Dungan sa Cheoláras Náisiúnta i gcuimhne ar Maeve.
Ina theannta sin léireofar Wrong Number le Lucille Fletcher. Is í Garry Hynes, a bhfuil Gradam Tony buaite aici, agus atá ina Stiúrthóir Ealaíne ar an gcompántas amharclannaíochta an Druid, atá i mbun stiúrtha ar an dráma seo don raidió seo a léiríodh i dtosach i 1943, agus a d’iompaigh amach ina scéinséir noir. Beidh fáil ar an RTÉ Player ar neart sraitheanna boscraí úra de na drámaí is fearr, lena n-áirítear dráma de chuid na hÉireann, Dublin Murders – scéinséir síceolaíoch atá lonnaithe i mBaile Átha Cliath agus ina bhfuil dúnmharú linbh á fhiosrú. Tabharfar deis don lucht féachana taitneamh a bhaint as réimse de dhrámaí as Éirinn ar nós Smother, Love/Hate, The South Westerlies, Pure Mule, Striking Out agus Acceptable Risk.
Siamsaíocht
I measc na mbuaicphointí oíche Dé Sathairn beidh Last Singer Standing arna óstáil ag Nicky Byrne. Seó cluiche nua atá anseo a fuair spreagadh ón karaoke agus beidh amhránaithe ó gach cearn d’Éirinn san iomaíocht ag iarraidh duais €25,000 a bhuachan. Páirteach ann mar phainéalaithe beidh na sár-réaltaí pop Nadine Coyle, Joey Fatone agus Samantha Mumba, agus iad ag tabhairt a gcuid tuairimí agus ag cur comhairle shaineolach ó thús deireadh na sraithe.
In éineacht leis sin craolfar clár nua oíche Dé Sathairn – Angela Scanlon Ask me Anything agus táthar ag tuar go mbeidh neart ábhar iontais agus tuilleadh rún á scaoileadh agus Angela i mbun cainte le haíonna a d’aontaigh go bhféadfadh sí iad a cheistiú faoi rud ar bith beo!
In Glow Up Ireland beidh Maura Higgins ag tabhairt dhúshlán na n-ealaíontóirí amaitéaracha smididh is fearr in Éirinn dul in iomaíocht le chéile, agus beidh na healaíontóirí gairmiúla smididh ón earnáil, Cathyanne Mac Allister agus Emma O’ Byrne, ag tástáil na n-iomaitheoirí.
In Hell Week – The Professionals glacfaidh 18 de na daoine is aclaí in Éirinn ó shaol an spóirt agus na siamsaíochta leis an dúshlán fisiciúil agus meabhrach, a bhfuil ráta teipe 90% aige. Tá ardú suntasach tagtha ar na cláracha atá i nGaeilge, agus is é intinn an Éireannaigh atá mar théama ag GAFA, sraith nua i nGaeilge faoi na rudaí a mbíonn muintir na hÉireann de shíor ag caint fúthu. Ón gcaoi a bhfuil muid chomh tógtha sin le cúrsaí aimsire – GAFA leis an Aimsir – go dtí ár bhfiosracht gan teorainn faoin Teaghlach Ríoga – GAFA leis na Royals – caitheann GAFA súil ar leith ar na rudaí a bhíonn i gcónaí mar chuid den chomhrá sa tír seo. Tosóidh RTÉ Raidió na Gaeltachta arís ar an gclúdach iomlán ar chláracha idirnáisiúnta, náisiúnta agus áitiúla.
Tá RTÉ ag leanúint de bheith ag cur siamsaíochta ar fáil, a bhfuil géarghá léi chun muid a thabhairt le chéile, agus ní fada anois go mbeidh The Late Late Show ag ceiliúradh 60 bliain ar an aer. Fillfidh séasúr nua de The Tommy Tiernan Show agus beidh Seó Speisialta Nollag ann. Beidh Today ag ceiliúradh 10 mbliana de chomhrá agus de shiamsaíocht bhríomhar um thráthnóna. Beidh láithreoir nua Emer O’Neill, a bhíodh ar Home School Hub roimhe seo, in éineacht le Dáithí agus Maura agus glacfaidh Sinéad Kennedy saoire mháithreachais.
Tiocfaidh tuilleadh de na cláracha siamsaíochta is ansa linn ar ais ar an aer, ina measc Soundtrack to my Life, á láithriú ag Bressie, agus sraith nua de DIY SOS le Baz Ashmawy. Beidh The Style Counsellors le Suzanne Jackson ar ais chomh maith, in éineacht le Suzanne tabharfaidh cuid de na daoine is tábhachtaí in earnáil an fhaisin nod nó dhó dúinn, ina measc banríon álainn an fhaisin, Eileen Smith.
Leanfaidh an tsiamsaíocht ar RTÉ Radio 1 le Mise Freisin – taispeántas ceoil spraíúil atá ag imirt leis na seánraí agus a chuirfidh Ray Cuddihy i láthair. Léireoidh an clár na cosúlachtaí atá ag ceol traidisiúnta na hÉireann, ceol tíre na hÉireann, agus hip hop na hÉireann le chéile. Buailfidh Brenda Donoghue bóthar arís sa chlár Like Family, agus í ag féachaint ar an saol trí shúile ghnáth-theaghlaigh de chuid na hÉireann.
Ar RTÉ 2FM cuirfidh an clár nua maidine le Doireann, Donncha agus Carl tús gealgháireach agus suáilceach leis an lá do na héisteoirí. Sheol RTÉ tionscnamh nua an séasúr seo chun tallann grinn ceannródaíoch a thóraíocht, lena chinntiú gur ar RTÉ a fheicfidh agus a chloisfidh an lucht féachana na haghaidheanna nua ar dtús. Tá sé mar mhisean againn tallann nua ghrinn a thabhairt chun solais le sraith taispeántas a ligfidh don dream nua atá ag teacht chun cinn a bheith i lár an aonaigh agus a gcuid tallainne a léiriú. Beidh cuid den dream a bhfuil aithne mhaith againn orthu ag filleadh chomh maith: Tá The 2 Johnnies ar ais le sraith eile dá gcuid smaointe fánacha aisteacha agus bainfidh Oliver Callan tuilleadh gáire asainn le Callan Kicks ar an Teilifís agus ar an Raidió araon, agus é ag baint ina bhealach féin, as an dream atá go mór sa nuacht in Éirinn agus thar lear.
Agus ina chlár nua féin, The Years – déanfaidh Callan cuid de na príomhimeachtaí i stair na hÉireann a athchruthú, agus é ag fáil dearcadh dhaoine ó shaol an lae inniu maidir leis na himeachtaí sin. Ar an RTÉ Player freisin beidh an Corcaíoch Sinéad Quinlan, agus í ag breathnú ar ghnáthimeachtaí an tsaoil ar an mbealach spéisiúil sin nach bhfuil ag aon duine eile agus é ag teacht sna sála ar an tsraith dá cuid Seriously, Sinéad?, a raibh an-tóir air.
Cláracha do dhaoine óga
Sraith úrnua is ea Storybud ina dtabharfaidh roinnt daoine cáiliúla – ina measc Jason Byrne agus Doireann Garrihy –athinsint ar chuid de na scéalta is iomráití do pháistí ach go mbeidh cor sa scéal anois. I measc na mbuaicphointí eile tá an scannán X marks the spot – dráma grinn nua do pháiste a scríobh Carol Walsh agus atá á stiúradh ag Hugh O’Conor, agus The Imagination Machine, ina bhfuil meascán dochreidte d’aicsean beo agus CGI. Beidh Will Sliney’s Storytellers ag tabhairt spléachadh ar an ealaíontóir greannán clúiteach Will Sliney agus go leor carachtair iontacha nach bhfacthas riamh cheana sa seó ealaíne nua seo, atá éagsúil.
Spórt
Is ag RTÉ a bheidh an rogha is mó den spórt atá saorchraolta do lucht féachana in Éirinn, ar an teilifís, an raidió, agus ar líne agus mar thoradh ar chomhpháirtíochtaí straitéiseacha le TG4 agus Virgin Media beidh luach an airgid á fháil ar an táille cheadúnais. Ar na buaicphointí tá craobh na Sé Náisiún, Craobhchomórtais chlub CLG, Sraith na Seaimpíní, Cáilitheoirí Chorn an Domhain i gcluichí na bhfear agus na mban, Cluichí Idirnáisiúnta an Fhómhair, Corn an FAI, Sraithchomórtas SSE Airtricity agus Rásaíocht Capall. Tabharfaimid chugat an gliondar agus an briseadh croí, idir na foirne as Éirinn atá ar stáitse an domhain agus na foirne áitiúla a dhéanann ionadaíocht ar a bparóistí. Geallaimid sceideal lán d’imeachtaí áitiúla agus náisiúnta agus i dteannta a chéile, bainfimid taitneamh as gach nóiméad draíochtúil.
Fógrófar sonraí iomlána chláracha spóirt uile RTÉ i dtús Mheán Fómhair ag an am céanna a gcuirfear tús le séasúr 2021/ 22 den Chraobhchomórtas United Rugby Championship (URC) , a bheidh le feiceáil den chéad uair ar RTÉ.
Cláracha Fíorasacha
Cuirfidh sraitheanna fíorasacha agus cláracha faisnéise RTÉ an séasúr seo réimse leathan agus éagsúil ar fáil don lucht féachana, idir ábhar atá neamhbhalbh agus croíúil araon. Beimid ag dul i ngleic leis na hábhair a chaithfear a phlé, ag breathnú go macánta ar an dóigh a mairimid, a n-oibrímid agus a mbíonn spraoi againn, agus ag ceiliúradh ár n-uathúlacht trí shúil a chaitheamh ar na nithe agus ar na daoine is ansa linn. I measc na mbuaicphointí beidh Keelin Shanley: Faraway, Still Close, clár faisnéise i dtaobh Keelin Shanley nach maireann; Cocooned, ina mbreathnófar ar an gcaoi a ndearna na glúnta is sine “cuibhriú” le linn na gcéimeanna tosaigh de phaindéim an choróinvíris; agus in Ireland’s Dirty Laundry, cloisfear ó na daoine a d’oibrigh sna Magdalene Laundries, a bhfuil aon oiread drochchlú orthu. Tabharfar sonraí iomlána sceideal RTÉ ar Dhomhnach na seachtaine seo agus beidh sé ar fáil i gcló, ar líne, ar an aer, agus ar RTE.ie.
Na hEalaíona agus Cultúr
Léireofar i sraith speisialta le Ceolfhoireann RTÉ cóiriú nua ar cheol David Bowie. Léireofar Taking Flight ar RTÉ lyric fm. Seo sraith nua-choimisiúnaithe de mhachnamh fuaime ar shaothar Patrick Kavanagh a chraolfar ar Classical Daytime le Niall Carroll. Chomh maith leis sin cuirfidh Green White Enamel tús le sraith nua de The Lyric Feature agus léargas á thabhairt ar shaol agus ar shaothar an fhile, Ethna McCarthy. Cuirfidh The Lyric Concert le Paul Herriott Séasúr Cheolfhoireann Shiansach Náisiúnta RTÉ 2021-2022 i láthair, ag tosú an 10 Meán Fómhair ag 7pm.
Cuirfear sraith cláracha faisnéise lena n-áirítear ceann faoi Brian Friel agus ceann eile faoi Mícheál Ó Súilleabháin chomh maith le clár faisnéise speisialta chun 100 bliain de Ulysses a chomóradh, ar an aer sa séasúr atá amach romhainn.
Fógrófar na sonraí iomlána maidir le sceideal Ealaíon agus Cultúir RTÉ go luath i mí Mheán Fómhair.
Dúirt Dee Forbes, Príomh-Stiúrthóir RTÉ: “Inniu rinneamar rogha na gclár do na míonna amach romhainn a chur i láthair le béim ar leith ar dhrámaíocht agus ar shiamsaíocht, rud a chiallaíonn go mbeidh 40 uair an chloig de dhrámaíocht áitiúil as Éirinn ar ár scáileáin sna míonna amach romhainn agus i dtús na bliana 2022. Chomh maith le seónna siamsaíochta agus leagain amach nua, beidh fáilte á chur againn roimh aghaidheanna agus roimh ghuthanna nua ar an aer agus muid ag tacú le tallann nua na hÉireann agus á thóraíocht. Beidh scéal na hÉireann á insint againn le rogha den scoth d’ábhar réalaíoch agus de chúrsaí reatha, cláracha do dhaoine óga, ealaíon agus cultúr il-ardáin agus, ar ndóigh, tuilleadh fós ó Spórt RTÉ, an baile go cinnte atá ag an spórt saorchraolta in Éirinn. Cuireann an séasúr nua seo cás láidir chun cinn maidir leis an ngá atá leis an gcraoltóireacht seirbhíse poiblí a chothú, don ghlúin atá ann faoi láthair agus do na glúnta atá le teacht.”