Rochtain ar Sheirbhísí RTÉ do Dhaoine faoi Mhíchumas
Le hAlt26(1) den Acht um Míchumas 2005, ceanglaítear ar chomhlacht poiblí rochtain ar a sheirbhísí a sholáthar do dhaoine faoi mhíchumas i gcás ina bhfuil sé praiticiúil agus cuí déanamh amhlaidh.
I measc sheirbhísí RTÉ tá cainéil raidió agus teilifíse, suíomhanna ar líne, feidhmchláir ar líne, seirbhísí sruthaithe físe agus fuaime (beo agus ar éileamh), ceolfhoireann, líonraí tarchurtha agus foilseacháin amhail an RTÉ Guide. Sa mhéid is go bhfuil sé praiticiúil déanann RTÉ a dhícheall seirbhísí a chur ar fáil do dhaoine faoi mhíchumas.
Cuirtear fotheidil ag gabháil le cion ard dár gclár teilifíse ar mhaithe le daoine a bhfuil deacrachtaí éisteachta acu agus déantar cláir nuachta laethúla agus cláir aimsire sheachtainiúla, lena ngabhann teanga chomharthaíochta, a chraoladh ar RTÉ. Sa lá atá inniu ann, mar thoradh ar thabhairt isteach na teilifíse digití tá sé de chumas againn tráchtaireacht fuaime a chur isteach i gcuid dár gcláir.
Tá daoine bodhaire agus daoine nach bhfuil an éisteacht go maith acu in ann teagmháil a dhéanamh le RTÉ ar bhonn laethúil trí bhíthin seirbhís “téacs-theachtaireachta” ar leith (087-798 9128) agus seoladh ríomhphoist (subtitle@rte.ie) agus seoltar cruinniú bliantúil in RTÉ leis na grúpaí ionadaíocha go léir.
Tá an chuid is mó dár seirbhísí téacs-bhunaithe ar líne caint-chumasaithe.
Maidir le daoine a úsáideann cathaoir rothaí agus a thugann cuairt ar stiúideonna RTÉ ar fud na tíre, tá rochtain le haghaidh cathaoireacha rothaí ar fáil inár gcuid stiúideonna go léir agus i ngach limistéar poiblí agus i ngach oifig phoiblí.
Má bhíonn deacracht ag duine faoi mhíchumas i ndáil le rochtain a fháil ar aon sheirbhís de chuid RTÉ déanfaimid ár ndícheall cúnamh a thabhairt chun aghaidh a thabhairt ar an tsaincheist lena mbaineann. Más rud é nach féidir an tsaincheist a réiteach is féidir gearán foirmiúil a dhéanamh.
Gearán a dhéanamh faoi Rochtain ar Sheirbhísí
Le hAlt 26(1) den Acht um Míchumas 2005, ceanglaítear ar chomhlacht poiblí rochtain ar a sheirbhísí a sholáthar do dhaoine faoi mhíchumas i gcás ina bhfuil sé praiticiúil agus cuí déanamh amhlaidh. Má mheasann duine den phobal gurb amhlaidh, le linn do RTÉ a sheirbhísí a sholáthar, go ndéanann sé idirdhealú in aghaidh duine faoi mhíchumas, is féidir gearán a sheoladh chuig complaints@rte.ie.
Oifigeach Rochtana RTÉ
Tá RTÉ an-tiomanta don inrochtaineacht agus tugtar faoi chúrsaí mhíchumais agus faoi cheiliúradh a dhéanamh ar ár bpobail uile le meon dearfach.
Tá Oifigeach Rochtana ceaptha ag RTÉ de réir an Achta um Míchumas 2005 (Alt 26).
Feidhmíonn an tOifigeach Rochtana ina phointe teagmhála agus is é an tOifigeach atá freagrach as cúnamh agus treoir a chur ar fáil, nó a eagrú, do dhaoine faoi mhíchumas ar mian leo teacht ar sheirbhísí a chuireann RTÉ ar fáil.
Cuireann Oifigeach Rochtana RTÉ comhairle agus treoir ar fáil freisin d’fhostaithe/fostaithe féideartha chun socruithe réasúnta a aithint agus a chur i bhfeidhm, nuair is gá.
Cinntíonn an tOifigeach Rochtana go gcuirtear an inrochtaineacht chun cinn ar ár gcuid cainéal agus ardán agus oibríonn sé lenár bhFoireann Rochtana lena chinntiú go bhfuil teacht ar ár dteicneolaíochtaí agus ar ár gcampas.
Is iad seo a leanas sonraí teagmhála Oifigeach Rochtana RTÉ:
Tracey Carr | Ríomhphost: accessfeedback@rte.ie | Teileafón: 01 208 3434