Seo chugaibh Láithreoir Nua RTÉ News
Seo chugaibh Láithreoir Nua RTÉ News Gael-Iarácach Reem El-Hassany fógartha ina láithreoir ar RTÉ news2day
Is í Reem El-Hassany as Luimneach an duine is déanaí atá curtha le foireann news2day an fómhar seo, an chéad uair aici clár teilifíse a chur i láthair. Is seirbhís nuachta news2day a dírithe go sonrach ar dhaoine óga agus clúdaítear scéalta nuachta de chuid na hÉireann agus áiteanna eile ar domhan a bheadh ina ábhar spéise ag daoine óga.
Tar éis gairm chun céimithe i ngnóthaí na meán cumarsáide agus in iriseoireacht ar fud na tíre, agus próiseas cuimsitheach éisteachtaí, roghnaíodh Reem le tabhairt ar an bhfoireann agus chuaigh i mbun craoltóireachta den chéad uair inniu, beo ar RTÉ2 agus ar RTÉ News.
Rugadh Reem san Iaráic ach tá cónaí uirthi i Luimneach ó bhí sí ina leanbh óg nuair a tháinig a muintir go hÉirinn. Chuaigh Reem chuig Ollscoil Hertfordshire sa Ríocht Aontaithe le bunchéim a bhaint amach sa chógaisíocht. D’oibrigh sí ina cógaiseoir ar feadh bliana sular shocraigh sí aghaidh a thabhairt ar an gCóiré Theas chun Béarla a mhúineadh do leanaí óga. Bhí a croí san iriseoireacht riamh agus chuaigh sí abhaile go Luimneach chun Máistreacht san Iriseoireacht a dhéanamh in Ollscoil Luimnigh. Fad a bhí sí i mbun staidéir, bhí Reem seasta i mbun deiseanna iriseoireachta a lorg, ó chláir raidió a chur i láthair sa mheánscoil go dtí a bheith ina cúntóir taighde in aontas na mac léinn sa choláiste.
Tá go leor ama caite ag Reem ag bácáil, ag cróiseáil agus i mbun go leor cineálacha ealaíon agus ceardaíochta ó thosaigh an tréimhse dianghlasála. Tá an-ríméad ar shiblíní Reem agus ar a col ceathracha óga í a fheiceáil ag cur news2day i láthair.
Beidh Reem i dteannta láithreoir news2day Mícheál Ó Scannáil, as Baile an Chaisleáin i gContae Loch Garman. Thosaigh Mícheál le news2day i Meán Fómhair
2020 agus d’oibrigh sé le RTÉ Sport, an samhradh seo, é i mbun tuairiscithe ar na Cluichí Oilimpeacha chomh maith leis an nuacht spóirt a chur i láthair ar Six One News RTÉ. Bhí sé ag obair do INM roimhe sin, agus chaith sé dhá bhliain ag tuairisciú don Irish Independent, Independent.ie agus The Herald. Roimhe sin arís, bhain an Garmanach ó dhúchas céim amach san Iriseoireacht in DCU agus ansin Máistreacht san Iriseoireacht Teilifíse agus Raidió in Griffith College. D’oibrigh Mícheál ar phodchraoltaí CLG do SportsJoe.ie chomh maith.
D’fhreastail Mícheál ar Ghaelscoil an Inbhir Mhóir agus ar Phobalscoil Ghuaire.
Craoltar news2day ó Luan go hAoine ag 4.20pm ar RTÉ2 agus RTÉ News. Chomh maith leis an lucht féachana óg a bhíonn ag féachaint ar an gclár sa bhaile, is iomaí seomra ranga sa tír a fhéachann ar an gclár ar líne agus úsáidtear é mar uirlis teagaisc. Féach ar Mhícheál agus Reem ar RTÉ news2day anseo: www.rte.ie/news2day agus lean ar twitter iad ag @news2dayRTE