Tá Fuadar Fúinn!  

Déan ceiliúradh ar fhilleadh na Féile Pádraig in éineacht le RTÉ 

Tá dhá bhliain caite anois againn i mbun ceiliúradh fíorúil agus chun filleadh na Féile Pádraig mar a bhí a cheiliúradh, craolfaidh RTÉ meascán de chláracha speisialta agus ábhar téamúil ar fud na teilifíse, ar an raidió agus ar líne, lena n-áirítear clúdach forleathan ar an gcéad mórshiúl Lá Fhéile Pádraig ón mbliain 2019. 

>>>BUAICPHOINTÍ  LÁ FHÉILE PÁDRAIG 

 Glac Páirt sa Mhórshiúl Náisiúnta 

Craolfar Mórshiúl Lá Fhéile Pádraig Bhaile Átha Cliath i mbliana beo ar RTÉ One agus ar an RTÉ Player agus déanfar é a shruthú beo ar RTE.ie, agus beidh na mílte lucht féachana in Éirinn agus ar fud an domhain i dteannta Bhláthnaid Ní Chofaigh, Des Cahill, Emer O’Neill agus Mícheál Ó Scannáil do mhórthaibhsiú beo ó shráideanna Bhaile Átha Cliath ón 12:15pm. 

Chomh maith leis an gclár níos faide den mhórshiúil ar RTÉ One agus ar an RTÉ Player, déanfar mórshiúil Lá Fhéile Pádraig a shruthú ar RTÉ.ie agus beidh sé ar fáil ar Chainéal RTÉ News agus ar Aip RTÉ News freisin.  Beidh rianaire speisialta Lá Fhéile Pádraig ar leathanach baile rte.ie freisin. 

Beidh clúdach ar RTÉ de na mórshiúlta Lá Fhéile Pádraig timpeall na tíre ar fud a chuid seirbhísí lena n-áirítear ar chlár speisialta Six One News.    

Clár Speisialta den Late Late Show  

Beidh an Late Late Show ag croílár an phléaráca ó tharla é ag craoladh beo ar Lá Fhéile Pádraig na bliana seo. Beidh óstach an tseó, Ryan Tubridy, ag seasamh an fhóid ar son na hÉireann agus é ag tabhairt daoine le chéile sa bhaile agus thar lear i gcomhair tráthnóna fíorspeisialta ar fad chun acmhainn grinn na tíre mar aon le cumas aisteoireachta, ceol traidisiúnta agus spórt na tíre a cheiliúradh.  

Tabhair Cluas Éisteachta Dúinn 

Cuirfidh Marty Morrissey agus Sinéad Ní Uallacháin clár speisialta dátheangach i láthair ar RTÉ Radio 1, ina gcuirfidh siad dhá uair an chloig lán de chomhrá, ceol agus siamsaíocht ar fáil don lucht féachana ón 9.00-11.00am. Ón 2.00-3.00pm, cuirfidh Fiachna Ó Braonáin The RTÉ Concert Orchestra Presents: New Irish Recordings, i láthair ina dtabharfar ardán do shaothair scríbhneoireachta agus do chóirithe ceolfhoirneacha nua le triúr ealaíontóirí atá i mbun an cheoil sa lá ata inniu ann, clár in ndéanfar na nithe Gaelacha a bhaineann le gach saothar a scrúdú go sonrach. Beidh Ray Cuddihy ar ais ón 3.00-4.00pm le heagrán eile de Mise Freshin, clár ina ndéantar na seánraí go léir a phlé idir cheol comhaimseartha agus cheol traidisiúnta. Rinneadh an clár a thaifeadadh le linn ceolchoirm bheo i Séipéal Pepper Cannister i mBaile Átha Cliath. 

Ar RTÉ 2FM, cuirfidh Jennifer Zamparelli Jenn’s Patrick’s Day Party i láthair i dteannta The Two Johnnies, clár speisialta ceiliúrtha ón 12.00-1.00pm.

Cuirfidh RTÉ lyric fm Paul Herriott i láthair ón gCeoláras Náisiúnta agus David Brophy i mbun Ceolfhoireann Shiansach Náisiúnta a stiúradh iad ag seinm dhá shaothar le Shaun Davey a bhfuil an-ghean orthu, The Brendan Voyage agus Granuaile, ina mbeidh Rita Connolly páirteach.  Dé Sathairn an 12 Márta ag 1pm tabharfar cuireadh do lucht éisteachta RTÉ lyric fm fáilte na nGael a chur roimh Aedín Gormley agus í ag díriú ar scannáin a rinneadh in Éireann agus lena mbaineann téama Éireannach leo, trí cheol ó rogha na scannán clasaiceach a chraoladh, scannáin amhail My Left Foot, The Commitments, Brooklyn, Dancing at Lughnasa, Barry Lyndon agus Michael Collins. 

Dé Domhnaigh an 13 Márta, cuirfidh Sunday Matinee taifeadadh nua de Peadar agus an Mac Tíre i láthair le Ceolfhoireann Coirme RTÉ, is í Aedín Gormley a bheidh i mbun reacaireachta.   

Déanfar oirfidigh agus cumadóirí na hÉireann a cheiliúradh in The Full Score i gcaitheamh na seachtaine. Ar bhuaicphointe ar leith beidh ceolchoirm d’Amhráin Ghaeilge á gcasadh ag Gavan Ring agus Fiachra Garvey in Wigmore Hall i Londain. Sruthófar an cheolchoirm freisin ar RTÉ.ie/culture. Beidh taibheoirí, cumadóirí agus ealaíontóirí Éireannacha ar Weekend Drive Evelyn Grant le linn dheireadh seachtaine na Féile Pádraig, Dé Sathairn an 19 agus Dé Domhnaigh an 20 Márta, chomh maith le rogha de thaifeadtaí ó lipéad RTÉ lyric fm. 

Ar RTÉ Raidió na Gaeltachta cuirfidh Séamus Ó Scanláin clár Lá Fhéile Pádraig i láthair ar stair agus ar sheanchas faoi Naomhphátrún na hÉireann ag 9.15 am, agus ag 11.00am craolfar leagan drámatúil den ghearrscéal Lá Fhéile Pádraig le Seaosamh Mac Grianna ó chomplacht drámaíochta Aisteoirí Ghaoth Dobhair.  Tar éis mheán lae, craolfar An Saol ó Dheas beo ón mórshiúil i mBéal Átha an Ghaorthaigh i gceantar Gaeltachta Chorcaí.  Tá cáil ar an áit de bharr spiorad mór pobail a bheith ann agus léiríonn ceiliúradh na Féile Pádraig sin gach bliain.  Tá siad ar ais tar éis dhá bhliain agus mura mbeidh siad ar bís.  An tráthnóna céanna, beidh Rónán Ó Snodaigh agus Myles O’Reilly sa stiúideo in éineacht le Liam Ó Maonlaí agus ní ceol traidisiúnta go díreach a bheidh acu ach comhráití faoi chumhacht an cheoil sa tsraith Cuan an Cheoil.   

Ar an RTÉ Player agus ar RTÉ.ie 

Chomh maith le Mórshiúil Lá Fhéile Pádraig a shruthú, beidh idir dhrámaíocht agus mhórphearsaí na hÉireann ar an RTÉ Player mar chuid den ábhar roghnaithe. Is iomaí gné a bhaineann le bheith Gaelach agus tá na gnéithe sin go léir faoi thionchar tuairimí, dearcthaí agus cultúir nua, déanfar spléachadh ar mar is ‘Éireannach’ ann sa lá atá inniu ann agus ar an gcaoi a mhúnlaíonn inimirce an tuiscint atá againn ar an bhféiniúlacht agus ar an mbaile. Idir an dá linn, beifear ag ceiliúradh ealaíona agus cultúr na hÉireann ar rte.ie/culture i gcaitheamh an deiridh seachtaine agus craolfar buaicphointí ó Fhéile Lá Fhéile Pádraig Bhaile Átha Cliath. 

>>> DÉ hAOINE AN 18 MÁRTA AR RTÉ RADIO 1 

Beidh sceideal lán téamúil ar ais ar RTÉ Radio 1 agus Marty Morrissey ar ais ón 9.00 – 11.00am le meascán breá de chomhrá, ceol agus siamsaíocht ón 9.00-11.00am. Ón 2.00-3.00pm beidh Fiachna Ó Braonáin ar ais le Ceolfhoireann Coirme RTÉ chun taifeadtaí ceoil nua ó albam nua na bliana 2020 The Lost Brothers a bhfuil moladh faighte aige, After the Fire, After the Rain a chur i láthair, chomh maith le ceol úrnua ón amhránaí agus scríbhneoir Karan Casey, ceol a spreag mná na réabhlóide 100 bliain ó shin. Tabharfaidh Fiachna cluas freisin do léirithe nua de shaothair thraidisiúnta ón gceoltóir agus cumadóir, Saileog Ní Cheannabháin, i dteannta Ailbhe Nic Dhonncha agus Pádraic Keane. Beidh Ray Cuddihy ar ais arís san áit ar stop sé ón 3.00-4.00 lena chlár Mise Freshin ina mbeidh ceol comhaimseartha agus traidisiúnta a taifeadadh le linn ceolchoirm bheo i Séipéal Pepper Cannister i mBaile Átha Cliath.

>>>BUAICPHOINTÍ EILE 

Sunday Miscellany (RTÉ Radio 1) 

Tabhair cluas éisteachta d’eagrán speisialta de Sunday Miscellany ar an 13 Márta ina mbeidh Art Ó Súilleabháin ag caint faoin nGaeilge a mhúineadh dá chuid daltaí in Washington agus faoi chrosa Bríde a dhéanamh leo.  

Buaicphointí RTÉ Choice Music Prize  

Craolfaidh RTÉ clár teilifíse aon uair a chloig ar RTÉ Choice Music Prize ar RTÉ2 ag 23.00 Dé Domhnaigh an 13 Márta ina mbeidh taibhithe ó sheachtar de na ceoltóirí agus amhránaithe ar an ngearrliosta chomh maith le hagallaimh ó Bhláthnaid Treacy. 

Spórt Beo  

Ná déan dearmad go mbeidh neart spóirt ar siúl an deireadh seachtaine seo chugainn agus an deireadh seachtaine in dhiaidh sin ar RTÉ, ar an teilifís, raidió agus ar líne, lena n-áirítear aicsean ó na Sé Náisiúin agus cluichí ó Shraithchomórtas Peile agus Iománaíochta Allianz. 

Chun tuilleadh eolais a fháil ar Fhéile Lá Fhéile Pádraig ar RTÉ lean RTÉ ar Twitter, Facebook, Instagram agus  LinkedIn trí úsáid a bhaint as #rtestpatricksday