Fógraíonn Nuacht RTÉ John Kilraine mar Chomhfhreagraí Londain

Tá áthas ar Nuacht RTÉ ceapachán John Kilraine mar Chomhfhreagraí nua i Londain a fhógairt. Bhí ról ag John mar Chomhfhreagraí Bhaile Átha Cliath le Nuacht RTÉ le breis agus 15 bliana, ag tuairisciú go háirithe géarchéim na príomhchathrach do dhaoine gan dídean agus tithíochta.

Beidh sé freagrach as tuairisciú ar fud ardáin teilifíse, raidió agus dhigiteacha NUACHT RTÉ ar ghnóthaí polaitiúla, sóisialta agus eacnamaíocha i Londain agus sa Bhreatain Mhór i gcoitinne.

Thosaigh sé ag obair le RTÉ in 2003 mar iriseoir agus thuairiscigh sé go forleathan ar Bhinse Mahon lena n-áirítear an tuarascáil deiridh. Chomh maith lena ról mar Chomhfhreagraí Bhaile Átha Cliath, thug sé tuairisc ar chuairt an Uachtaráin Micheál D Ó hUigínn ar Pheiriú, ar an gColóim agus ar Chúba in 2017 mar fhísiriseoir.

Is céimí de chuid Choláiste na Tríonóide, Baile Átha Cliath é John Kilraine a rugadh i Londain, a bhfuil céim onóracha aige sa Bhéarla agus sa Stair agus tá Dioplóma Iarchéime san Iriseoireacht aige ó Ollscoil Chathair Bhaile Átha Cliath. D’oibrigh sé roimhe seo mar iriseoir do roinnt eagraíochtaí meán lena n-áirítear TV3, Sunday Independent, 98FM agus The Irish Press.

Agus é ag freagairt dá cheapachán, dúirt John Kilraine: “Tá caidreamh na hÉireann leis an mBreatain ag athrú go háirithe i ndiaidh an Bhreatimeachta ach is é an comharsa is tábhachtaí atá againn i gcónaí. Tá sé ar cheann de na comhpháirtithe trádála is mó atá againn agus an ceann scríbe don líon is mó dár n-eisimircigh. Ansin tá an iliomad nasc cultúrtha agus spóirt ann. Is freagracht mhór é an post seo ach is deis iontach é agus táim ag súil go mór leis”.

Beidh Seán ag cur tús lena ról nua sna seachtainí amach romhainn.