Tá The Disconnect – sraith bhunaidh ar RTÉ Player – ar fáil anois
Sraith faisnéise faoi theacht in aois, a bhaineann leis an gcaidreamh atá againn le scáileáin
FÉACH AIR ANSEO: The Disconnect – RTÉ Player
Ón bhfoireann a chruthaigh sraith bhunaidh RTÉ Player I’m Fine, foireann a bhfuil gradaim buaite aici. InThe Disconnect, caithfear súil ar na hathruithe sochaíocha atá roimh dhaoine óga in Éirinn anois agus úsáid na meán sóisialta ag méadú mar an príomhbhealach atá ag daoine cumarsáid a dhéanamh agus iad féin a chur in iúl. Cuirtear an cheist leis “Conas a mhothaíonn siad faoi na hionchais atá ann, atá ag athrú, maidir leis an gcuma atá orthu, an cumas atá iontu agus a gcuid caidreamh?” Cuirtear na ceisteanna seo agus a thuilleadh nach iad ar ghrúpa Éireannach óg a d’fhás aníos i saol ina meastar an fón póca a bheith chomh tábhachtach céanna le bia nó uisce, geall leis.
Eipeasóid 1 – Overwhelmed
Cá bhfuil an líne idir bheith ag baint leas as na meáin shóisialta agus a bheith ag caitheamh na n-uaireanta fada ag scrolláil agus ag clóscríobh? Gheobhaimid roinnt tuairimí éagsúla ar an mbealach a bhfuil áit lárnach i saol sóisialta na linne seo déanta ag na meáin shóisialta agus ag fóin phóca dóibh féin, agus ar an tionchar a bhíonn aige sin.
Eipeasóid 2 – The Replacement
Cén t-athrú atá tagtha ar chumarsáid i ré seo na dteachtaireachtaí meandracha agus na bpostálacha meán sóisialta? Is cosúil gur féidir cúpla tapáil a dhéanamh ar an bhfón seachas caidreamh a dhéanamh aghaidh ar aghaidh le duine sa chuid is mó de chásanna. Anois agus an imní shóisialta agus an scoiteacht ag dul i méid, déantar fiosrú san eipeasóid seo ar an tionchar a imríonn na meáin shóisialta ar mheabhairshláinte agus ar fholláine.
Eipeasóid 3 – Reconnecting
Conas is féidir linn saol sóisialta atá níos sláintiúla a chaitheamh agus muid sáite i dtimpeallacht meán sóisialta atá ag síorathrú? San eipeasóid seo, cloisfimid faoi na teorainneacha atá ag teastáil le go mbeimis in ann idirdhealú a dhéanamh idir an chaoi a mbreathnaímid ar an saol mar atá agus an chaoi a mbreathnaímid ar an saol ar líne.