Bhí ceol sa tionscadal ó na daoine sin atá spreagtha ag ceol blues agus a bhfuil tionchar ag ceol blues orthu ar nós Ray Charles agus Eric Clapton.
Bhí an tAisteoir Morgan Freeman a bhfuil Gradam Academy buaite aige in éineacht le Ceolfhoireann Coirme RTÉ aréir don Delta Blues Project a reáchtáladh i Halla Uí Raghallaigh ag Féile an Choláiste Ollscoile, Baile Átha Cliath.
Sa tionscadal idir Ceolfhoireann Coirme RTÉ agus an t-impreasóir snagcheoil agus ceoil blues David O’Rourke atá lonnaithe sna Stáit Aontaithe, bhí ceol ó cheoltóirí blues mór le rá, Robert Johnson, John Lee Hooker agus BB King ina measc chomh maith le ceol ó na daoine sin atá spreagtha ag ceol blues agus a bhfuil tionchar ag ceol blues orthu.
Tá an tUasal Freeman ina chomhbhunaitheoir agus ina chomhúinéir ar an Ground Zero Blues Club in Clarksdale Mississippi, atá measta a bheith ar an #1 Club Ceoil Blues ar domhan. Rinne sé cur síos ar an Delta Blues Project mar ‘rud speisialta do gach duine againn’
“Ní thosaíonn ná ní chríochnaíonn an grá atá agam don cheol le ceol blues. Is aoibhinn liom ceol siansa freisin. Téann an ceol sin i bhfeidhm ort agus meallann sé tú mar gheall ar an gcumas atá ag na ceoltóirí iontacha agus an nádúr tumthach atá i gceist. Mar sin bhí smaoineamh againn ag Ground Zero, ‘cén fáth nach dtógfaidh muid an chuid is fearr den cheol Delta Blues agus é a mheascadh le
heispéireas ceoil a chuirfidh ceolfhoireann shiansach den chéad scoth ar fáil’. Sin a rinne muid agus seo é, an t-eispéireas ceoil blues shiansaigh.”
Sa chéad chuid den cheolchoirm bhí ceol ón trumpadóir iontach Jeremy Pelt, a vótáil Jazz Journalists Association le gairid ar a shon mar ‘Thrumpadóir na Bliana’ agus ar éirigh lena albam is déanaí The Art of Intimacy Volume 2: His Muse, Uimhir 1 a bhaint amach sna cairteacha snagcheoil i mbliana.
Taispeánadh ceol ó Mississippi Delta sa dara leath den cheolchoirm agus bhí an t-amhránaí blues agus an giotáraí Anthony ‘Big A’ Sherrod páirteach ann. Bíonn seisean ar stáitse go minic sa Ground Zero Blues Club, chomh maith leis an drumadóir mór le rá Lewis Nash agus an pianódóir Caili O’Doherty a bhfuil duaiseanna buaite aici.
Is éard a dúirt Joe Csibi, Bainisteoir Ginearálta Cheolfhoireann Coirme RTÉ: “Is mór an phribhléid dár bhfoireann agus do Cheolfhoireann Coirme RTÉ an tionscadal seo a léiriú agus ceol na Delta Blues a thabhairt go hÉirinn. B’iontach an rud é caighdeán an ealaíontóra agus an cheoil a fheiceáil agus bhí an caidreamh idir an seánra ceoil seo agus an cheolfhoireann dochreidte! Maidir le Morgan Freeman – tá muid iontach buíoch de as a chuid ama, gealltanais agus creidimh sa tionscadal seo.”
