Lucht féachana teilifíse níos mó ná leathmhilliún, sciar 77% den lucht féachana, ag féachaint ar RTÉ2
An t-imeacht beo is mó go dtí seo i mbliana le 360,000 sruth ceangailte leis an RTÉ Player
Bhí meánlucht féachana teilifíse 511,000 duine ag féachaint ar an gclúdach beo ar RTÉ2 ar an gcéad chluiche a bhí ag foireann Phoblacht na hÉireann i gCorn Domhanda na mBan. Is ionann sin agus sciar 77% den lucht féachana a bhí ag féachaint ar an teilifís, agus 360,000 sruth beo ceangailte leis an RTÉ Player. Maidin inné chuir foireann Phoblacht na hÉireann tús lena gcéad chluiche i gCorn Domhanda FIFA na mBan in aghaidh na hAstráile os comhair slua i Staid Accor in Sydney a díoladh amach agus na céadta míle ag féachaint ar an gcluiche ar fud an domhain.
Leis an líon sruthanna agus rátaí lucht féachana teilifíse ón gcéad chluiche Déardaoin, léirítear an tacaíocht atá ag dul i méid a thugtar d’fhoireann náisiúnta na mban de réir mar a bhí an leibhéal is airde riamh de lucht féachana beo ag tacú le spórt na mban. Tá an chéad cheann de na trí chluiche grúpa atá ag foireann Phoblacht na hÉireann ar an dara cluiche spóirt beo ba mhó a sruthaíodh ar an RTÉ Player. Rinneadh beagnach 490,000 sruth ar an gCluiche Ceannais i gCorn Domhanda FIFA na bhFear.
Leanfaidh láithreoirí RTÉ, Evanne Ní Chuilin, Peter Collins, Clare MacNamara agus Marie Crowe orthu ag cur na hanailíse is déanaí agus clúdach beo corraitheach ar fáil don lucht féachana lena n-áirítear an chéad chluiche grúpa eile a bheidh ag foireann na hÉireann in aghaidh Cheanada Dé Céadaoin seo chugainn an 26 Iúil ag 1pm. Craolfar an clúdach ar fad den chomórtas ar fud RTÉ2, 2FM, RTÉ Player, RTÉ,ie agus ar an gcainéal RTÉ News.
Bhí RTÉ ann gach céim den bhealach go dtí seo le linn feachtas cáilithe den scoth, agus leanfaimid de thacú le foireann Vera Pauw tríd an aicsean ar fad ón Astráil agus ón Nua-Shéalainn a chur ar fáil go saorchraolta don lucht leanúna an samhradh seo.
