D’fhéach lucht féachana níos mó ná aon mhilliún duine in Éirinn ar bhua iontach Luimnigh in aghaidh Chill Chainnigh i gCluiche Ceannais an lae inné i gCraobhchomórtas Iomána Sinsear na hÉireann i bPáirc an Chrócaigh. Thiúnáil 830,000 duine ar an meán isteach ar The Sunday Game Live ar RTÉ2 chomh maith le lucht féachana 9,000 duine breise ar RTÉ2+1.Is ionann lucht féachana RTÉ2 agus sciar 71% de na daoine a bhí ag breathnú ar an teilifís ag an am. Baineadh an bhuaic amach sa chlúdach teilifíse nuair a bhí 936,000 duine ag féachaint air ag 4.46pm agus d’fhéach 1,125,000 duine air san iomlán.
Rinneadh 193,000 sruth ar an RTÉ Player, ardú ón 109,000 sruth a bhí ag an gcluiche cinniúnach anuraidh agus d’fhéach 830,000 duine ar an meán ar RTÉ2, rud a bhí ar an líon ba mhó lucht féachana ó bhí an bhliain 2019 ann. Bhí 77% de Dhaoine Fásta idir 15-34 bliana d’aois a bhí ag breathnú ar an Teilifís ag an am ag breathnú ar chlúdach beo RTÉ2. Tarraingníodh meánlucht féachana 177,000 duine chuig athbhreithniú agus buaicphointí na bliana anuraidh ar an bhliain Iomána ar the Sunday Game le sciar 21%.
Le linn do Ghrúpcheannasaí Spórt RTÉ, Declan McBennett, a bheith ag caint ar fhigiúirí an lae inné, dúirt sé “Bhí sé tuillte ag an tír ar an iomlán taitneamh a bhaint as nádúr dinimiciúil an chluiche ceannais. Le déine fhoireann Chill Chainnigh sa chéad leath agus taispeántas cumhachta agus scileanna fhoireann Luimnigh sa dara leath, léiríodh na hardchaighdeáin a bhfuil súil leo anois. Don mhilliún duine nó níos mó a bhaineann taitneamh as an taispeántas chomh maith leis na daoine sin a bhí i láthair agus na daoine a bhí ag éisteacht ar an raidió, is clabhsúr oiriúnach é ar an séasúr iomána idirchontae.”
Leanfar le clúdach ollmhór CLG RTÉ an deireadh seachtaine seo le Cluiche Ceannais Peile na hÉireann nuair a thabharfaidh Áth Cliath aghaidh ar a sean-naimhde agus na curaidh reatha, Ciarraí. Beidh an t-aicsean beo ar fad ag Joanne Cantwell ar the Sunday Game Live ón 2.30pm ar RTÉ2 agus ar an RTÉ Player agus cuirfidh Jacqui Hurley the Sunday Game i láthair an tráthnóna sin ón 9.30pm, ar RTÉ2 agus ar an RTÉ Player freisin.
Beidh Des Cahill in éineacht le Jacqui oíche Dé Sathairn don chlár Up For The Match de réir mar a bheidh siad ag cur an eolais ar fad ar fáil do chluiche mór an Domhnaigh. Beidh tráchtaireacht bheo, tuairiscí agus tuairimí ó Pháirc an Chrócaigh ar na cláracha Saturday Sport agus Sunday Sport ar RTÉ Radio 1 chomh maith ar Spórt an tSathairn and Spórt an Lae on RTÉ Raidió na Gaeltachta, agus coinneoidh RTÉ.ie/sport an lucht tacaíochta ar an eolas faoin aicsean go léir.