RTÉ le hómós a thabhairt do shaol Shinéad O’Connor ar an Teilifís, ar an Raidió agus ar Líne
I ndiaidh don amhránaí is scríbhneoir, Sinéad O’Connor, bás a fháil, tabharfaidh RTÉ ómós di ar fud gach ardán an deireadh seachtaine seo.
Teilifís:
- Sinéad O’Connor – Live at Vicar Street ar RTÉ One agus ar an RTÉ Player oíche Dé Sathairn. Don chlár speisialta uair an chloig seo, a taifeadadh beo in Vicar Street sa bhliain 2002, bhí banna ceoil iontach Shinéid in éineacht léi don léiriú inspioráideach agus spreagúil seo. Chas sí na hamhráin aitheanta Molly Malone, My Lagan Love, Nothing Compares 2 U agus Fire On Babylon ar an gclár freisin.
- Tabharfar ómós do Shinéad ar an gclár Up For The Match ar bhealach teilifíse RTÉ One oíche Dé Sathairn.
- Tá an t-ábhar seo a leanas ar fáil lena shruthú anois freisin ar an RTÉ Player:
The Meaning of Life with Gay Byrne (A craoladh ar dtús sa bhliain 2009)
Ar an gclár seo labhair an t-amhránaí is scríbhneoir Sinéad O’Connor faoin tionchar a bhí ag an tógáil chráifeach a bhí aici ar a saol agus faoi theacht chun cinn a cuid spioradáltachta féin. Féach anseo
For One Night Only – Sinéad O’Connor (A craoladh ar dtús sa bhliain 2012)
Ar an gclár seo thug Sinéad O’Connor Gay Byrne ar aistear ceoil a chuimsigh a gairm bheatha éagsúil iontach. Labhair sí go hoscailte faoin gcaoi a raibh sí ag streachailt le dúlagar, lena creideamh, faoin áit ónár eascair a grá don cheol, faoina caidreamh lena máthair, faoin trioblóid a tarraingíodh uirthi mar gheall nach raibh faitíos uirthi labhairt amach agus faoin méid a raibh sí ag súil leis amach anseo. Féach anseo
The Tommy Tiernan Show (A craoladh ar dtús sa bhliain 2020)
Casfaidh Tommy le John Bishop, Sinéad O’Connor agus Marty Morrissey agus casfaidh Lyra a hamhrán ‘Mother’. Féach anseo
Raidió:
- Beidh RTÉ Radio 1, 2FM agus RTÉ Lyric FM ag tochailt sna cartlanna ag iarraidh agallamh agus míreanna de Shinéad ag gabháil fhoinn thar na blianta a aimsiú.
- Tabharfar ómós freisin do Shinéad thar an deiridh seachtaine ar chláracha éagsúla Mystery Train ar RTÉ Lyric FM, Tús Áite ar RTÉ Raidió na Gaeltachta, The Ray D’Arcy Show agus The Brendan O’Connor Show ar RTÉ Radio 1 ina measc.
Ar Líne:
- Cuirfear cartlann choimeádta de roinnt de na taibhithe agus agallaimh a rinne Sinéad thar na blianta i láthair ar RTÉ.ie, ina gcaithfear súil siar ar méid ollmhór atá curtha aici le saol agus le ceol na hÉireann. Is féidir teacht ar an leathanach sin tríd an leathanach baile RTÉ.ie nó trí chliceáil anseo.
- Is ar The Late Late Show le Gay Byrne sa bhliain 1988 a cuireadh Sinéad inár láthair den chéad uair ar an teilifís agus sna 35 bliain ó shin i leith, bhí sí ar an gclár ar roinnt uaireanta. Sa bhliain 2019 labhair sí faoin gcaoi a raibh sí ag filleadh ar an Ioslam agus faoin gcaoi a n-aithríonn sí faoi bheith ag caitheamh hijab (féach anseo), chan sí leagan d’amhrán clasaiceach de chuid na Pogues, Rainy Night in Soho (féach anseo), agus chuir sí clabhsúr den scoth leis an seó nuair a chas sí an t-amhrán Nothing Compares 2 U a bhfuil clú agus cáil air (féach anseo). Bhí sí ar The Late Late Show den uair dheireanach sa bhliain 2020 nuair a labhair sí faoi aire a thabhairt do dhaoine eile (féach anseo).
Sinéad O’Connor – Live at Vicar Street ar RTÉ One agus ar an RTÉ Player ag 11:15pm Dé Sathairn an 29 Iúil.