Líon an-mhór daoine sa lucht féachana níos óige ag féachaint ar an gcluiche – 87% de dhaoine idir 15-34 bliana d’aois.
Bhí breis is aon mhilliún duine in Éirinn ag féachaint ar Chluiche Ceannais Chraobhchomórtas Peile Sinsear na hÉireann inné i bPáirc an Chrócaigh nuair a fuair Áth Cliath an ceann is fearr ar a gcuid sean-naimhde agus ar na curaidh reatha Ciarraí. Bhí 971,000 duine ar an meán ag féachaint ar The Sunday Game Live ar RTÉ2 agus rinneadh 181,000 sruth a cheangal leis an RTÉ Player.
B’ionann lucht féachana RTÉ agus sciar 77% de na daoine a bhí ag féachaint ar an teilifís ag an am. Baineadh an bhuaic amach sa chlúdach teilifíse ag 5.06pm nuair a bhí 1,096,000 duine ag féachaint agus 1,125,000 duine a d’fhéach air san iomlán.
Rinneadh 181,000 sruth ar an RTÉ Player, ardú 50,000 ar chluiche ceannais na bliana anuraidh agus b’ionann an 971,000 duine ar an meán a bhí ag féachaint ar RTÉ2 agus ardú breis is 100,000 duine ar anuraidh (862,000). 87% de Dhaoine Fásta idir 15-34 bliana d’aois a bhí ag breathnú ar an Teilifís ag an am, a bhí ag breathnú ar chlúdach beo RTÉ2.
Mheall buaicphointí agus léirmheas na hoíche aréir ar an mbliain Peile le Jacqui Hurley agus a cuid aíonna ar The Sunday Game meánlucht féachana 171,000 duine go dtí RTÉ2, arbh ionann é agus sciar 21%. Idir an dá linn, bhí 322,000 duine ar an meán ag féachaint ar Up For the Match le Jacqui agus Des Cahill ar RTÉ One oíche Dé Sathairn.
Maidir le figiúirí an lae inné, dúirt Grúpcheannasaí Spóirt RTÉ, Declan McBennet “Ó tharla coimhlint mhór a bheith idir na foirne seo le fada an lá agus mar gheall ar shárchaighdeán na n-imreoirí a bhí ag imirt inné, ní iontas ar bith é go raibh breis is milliún duine ag féachaint ar an gcluiche agus go raibh oiread eile arís ag coinneáil súil air ar an raidió agus ar na hardáin dhigiteacha. Bíonn an-chluiche go deo ann i gcónaí nuair a bhíonn Ciarraí agus Áth Cliath ag imirt, agus níorbh aon eisceacht an lá inné”.
Leanfar leis an aicsean beo spóirt ar RTÉ an tseachtain seo le Corn Domhanda FIFA na mBan, ceithre lá Rásaíochta as Gaillimh, Éire v An Iodáil i Sraith na Náisiún ó Staid Aviva agus Sraith na hÉireann Beo agus ar ndóigh beidh trí Chluiche Ceannais Camógaíochta na hÉireann i bPáirc an Chrócaigh á gcraoladh beo againn Dé Domhnaigh seo chugainn.
Beidh tráchtaireacht, tuairiscí agus tuairimíocht bheo ar Saturday Sport agus Sunday Sport ar RTÉ Radio 1, agus ar Spórt an tSathairn agus ar Spórt an Lae ar RTÉ Raidió na Gaeltachta, an deireadh seachtaine seo.
