Saol agus Spiorad an Ealaíontóra Imogen Stuart nochta in ‘Imogen from the Heart’
Sa chlár faisnéise ealaíon úrnua spéisiúil seo, Imogen from the Heart, déantar cur síos ar shaol duine de na healaíontóirí is mó a bhfuil tóir uirthi in Éirinn, Imogen Stuart. Is é a garmhac Emile Dinneen a spreagadh an clár faisnéise seo a thaifeadadh a bheidh le craoladh Déardaoin an 7 Nollaig ag 10.15 pm ar RTÉ One. Tá 13 bliana caite aige i mbun scannánaíochta ar Imogen atá anois sna nóchaidí agus í fós gnóthach i mbun cruthaitheachta.
Fiosraítear gnéithe éagsúla dá saol ar leith sa chlár faisnéise seo ó fhás aníos le linn an Dara Cogadh Domhanda i gcroílár Bheirlín na Naitsithe, a pósadh le duine de chuid theaghlach Maud Gonne sa domhan boihéamach agus í ag éalú ón bpósadh sin sna 1960idí, go dtí a cuid oibre ina dealbhóir in Éirinn.
Le linn a gairme, a mhair 70 bliain, chruthaigh Imogen bailiúchán saothar thar na bearta atá le feiceáil i spásanna poiblí agus bailiúcháin phríobháideacha ar fud an domhain. Inniu, breathnaítear ar Imogen mar dhuine de na dealbhóirí is bisiúla in Éirinn. Tá a cuid dealbh le fáil i ngach cearn d’Éirinn ina measc The Fiddler of Dooney and Children in Stigh Lorgan, Co. Bhaile Átha Cliath, Saint Brendan the Navigator i mBeanntraí, Co. Chorcaí, agus Pangur Bán in Áras an Uachtaráin i bPáirc an Fhionnuisce i mBaile Átha Cliath.
Le linn an scannáin, tugann Imogen cuairt ar Ghleann Dá Loch, áit a bhfuil a hiníon Siobhán, a fuair bás i dtimpiste chairr sna 1980idí, curtha. Gheobhaidh an lucht féachana léargas pearsanta ar an gcaoi ar dhéileáil sí leis an mbás agus tragóid agus í ag roinnt a tuairimí faoi chúrsaí teaghlaigh, ealaíne, reiligiúin agus brí na beatha.
Bí ag féachaint ar Imogen from the Heart Déardaoin an 7 Nollaig ag 10.15 pm ar RTÉ One agus ar an RTÉ Player.
