Rinne an stáisiún ceoil, ar “Ola don Chroí” é, ceiliúradh ar a bhreithlá le ceolchoirm cheiliúrtha

Beidh RTÉ lyric fm ag ceiliúradh 25 bliana ar an aer Dé Céadaoin an 1 Bealtaine. Tharla céad chraoladh an stáisiúin raidió seo atá dírithe go hiomlán ar cheol clasaiceach agus ar na healaíona ag meán lae an 1 Bealtaine 1999 agus tá fás agus forbairt ag teacht ar an tóir atá ag an lucht éisteacht ar RTÉ lyric fm le linn na 25 bliana sin.

Déanfar 25 bliana ar an bhfód an stáisiúin a cheiliúradh le ceolchoirm chéiliúrtha i Luimneach, baile RTÉ lyric fm, anocht (1 Bealtaine). Páirteach sa cheolchoirm beidh Ceolfhoireann Coirme RTÉ faoi stiúir David Brophy mar aon le ceoltóirí eile agus láithreoirí lyric fm. Craolfar an cheolchoirm beo ar lyric fm ón 7.30pm agus beidh an lucht éisteachta iad féin ábalta a bheith linn don cheiliúradh.

Sheol an tUachtarán Michael D. Higgins teachtaireacht chomhghairdis roimh an lá mór agus dúirt: “Le cúig bliana fichead, tá curtha go dáiríre ag lyric fm le tírdhreach cultúir na hÉireann. Tá ardán tugtha aige ní hamháin d’áilleacht agus d’éagsúlacht an cheoil chlasaicigh ach don réimse leathan ceoil a áiríonn an ceol traidisiúnta, an snagcheol, an ceol domhanda, ceol ceoldrámaí agus ceol scannáin.

Tá tarraingthe aige ar réimse ceoil atá thar a bheith éagsúil agus is ceann de láidreachtaí is mó an stáisiúin é sin. Trí ghlacadh go fonnmhar le saothair nua-aimseartha mar aon le cláir nuálacha agus lánléargais a chur ar fáil don lucht éisteachta ar fud na tíre, is cuid lárnach anois é an stáisiún inár dtobar ealaíne. Is ionann é agus an scoth de chraoltóireacht seirbhíse poiblí.”

Tháinig láithreoirí roinnt de chláir an stáisiúin is mó a thaitníonn leis an lucht éisteachta le chéile chun ceiliúradh a dhéanamh ar an lá mór ag an gcleachtadh do chur i láthair Cheolfhoireann Coirme RTÉ níos luaithe an tseachtain seo ina measc Marty Whelan, Aedín Gormley, Paul Herriott, Niall Carroll, Liz Nolan agus Lorcan Murray a bhí ar lámh chun an t-éacht mór a thréaslú le lyric fm.

Beidh ceol le Puccini, Rodgers & Hammerstein, Bizet, Morricone, Bernstein, John Williams, Strauss, Copland, Mascagni, Mancini agus neart eile mar chuid den cheolchoirm. Chun aoibhneas an cheoil agus an chumhacht atá aige chun daoine a thabhairt le chéile a cheiliúradh, áirítear i measc thaibheoirí na hoíche an soprán Celine Byrne, an teanór Emmet Cahill agus cór Our Lady Queen of Peace as Luimneach a bhuaigh comórtas RTÉ lyric fm Choirs na Nollag in 2023.

Dúirt Ann-Marie Power, Grúpcheannasaí Ealaíon agus Cultúir: “Tá RTÉ lyric fm i gcroílár an ábhair ealaíon agus cultúir a chuireann RTÉ ar fáil do lucht éisteachta na hÉireann mar aon lenár gcláir theilifíse, an clár Arena ar RTÉ Radio 1, ceol beo le Ceolchoirm Coirme RTÉ, RTÉ.ie/culture, sainchláir cheol na ndaoine agus ceoil thraidisiúnta mar aon le himeachtaí amhail an Oíche Chultúir agus na RTÉ Folk Awards. Tá RTÉ, ina eagraíocht náisiúnta meán seirbhíse poiblí, mórtasach as bheith ag cur réimse ar leith d’ábhar ealaíon agus cultúir ar fáil agus táimid thar a bheith sásta go bhfuil ceangal agus fás déanta ag lucht éisteachta lyric fm le 25 bliana anuas agus táimid ag tnúth leanúint den fhorbairt sin amach anseo.”

Mar aon le taibheoirí a bhfuil tóir mhór orthu a bheith páirteach i gceolchoirm bhreithlae lyric fm, cuirfear trí phíosa nua ceoil a choimisiúnaigh RTÉ lyric fm i mbliana agus atá scríofa ag ceoltóirí as Éirinn os comhair an phobail den chéad uair. Tá an saothar nua ceolfhoirne seo dírithe ar na téamaí cumha, dóchas agus athbhreith.

Déantar machnamh in The Curragower Falls, saothar le Fergal Lawler, cumadóir as Luimneach agus drumadóir The Cranberries, ar chuimhní cinn na hóige le bruach na Sionainne. Léirítear in A New Day Rising leis an gcumadóir as Corcaigh Paul Frost an t-áthas a bhaineann le dúiseacht ar maidin agus a bheith ag éisteacht le fuaimeanna an dúlra agus an dóchas dochloíte a thugann siad. Is faoin gceangal cumhachtach atá idir ceol Éireannach agus an cholainn agus damhsa an saothar Bualadh an cheoil, bualadh an chroí le Zoe Conway, cumadóir agus fidléir as Dún Dealgan.

Is éard a dúirt Sinéad Wylde, Ceann RTÉ lyric fm: “Tháinig RTÉ lyric fm chun cinn ó ghiolcadh an ghealbhain ar an 1 Bealtaine 1999 agus cuireann ceiliúradh 25 bliana ar an bhfód an stáisiúin cumha orm de bharr go raibh mé ar fhoireann RTÉ lyric fm ag an am. Thar ceann gach duine i lyric fm, ba mhaith liom mo bhuíochas a chur in iúl dár lucht éisteachta ar an lá speisialta ceiliúrtha seo. Táimid tar éis fás agus nascadh a dhéanamh lenár lucht féachana go bhfuilimid anois mar chuid lárnach de shaol ár n-éisteoirí – breithlaethanta, póstaí, tús nua, na chéad laethanta ar scoil, an chomaitéireacht ar maidin agus tráthnóna, dinnéir faoi sholas coinnle, amanna éadóchais agus tráthanna sonais – tá bród agus pribhléid ar RTÉ Lyric FM an cúlra ceoil a sholáthar.

Gné lárnach dár seirbhís is ea taithí an cheoil bheo agus táimid tiomanta don chumadóireacht iontach cheoil a bhíonn ar siúl ar fud na tíre i gCorcaigh, i Loch Garman, i mBaile Átha Cliath, i Luimneach, i nGaillimh agus in áiteanna eile a thabhairt caol díreach isteach ag tithe ár n-éisteoirí.

Ar an gcomóradh speisialta seo, ba mhaith liom ómós a thabhairt do gach duine i lyric fm, comhghleacaithe san am atá thart agus sa lá atá inniu ann a oibríonn go díograiseach chun freastal ar ár gcuid éisteoirí. Ó na daoine a chabhraigh le haitheantas an stáisiúin a mhúnlú ó na laethanta is luaithe go dtí an lá atá inniu ann. Treisíonn an méadú atá ag teacht ar an lucht éisteachta go bhfuil áit luachmhar anois ag RTÉ lyric fm i saol lucht éisteachta na hÉireann.”

Lorcan Murray, láithreoir le RTÉ lyric fm, ag seoladh an stáisiúin in 1999.