Ceoltóirí agus amhránaithe 2FM Rising na bliana 2025 fógartha ag 2FM

Tá liosta cheoltóirí agus amhránaithe 2FM Rising na bliana 2025, liosta a raibh go leor ag súil leis, fógartha ag RTÉ 2FM inniu. Painéal saineolaithe a roghnaíonn na ceoltóirí agus na hamhránaithe gach bliain agus is iad Amble, Annie-Dog, BOLD LOVE, CamrinWatsin, Celaviedmai, Cliffords, ESSIRAY, F3miii, Fortúne Igiebor agus Pastiche grúpa na bliana 2025.

Fógraíodh an deichniúr ceoltóirí agus amhránaithe a roghnaíodh inniu le linn The Tracy Clifford Show agus tabharfaidh 2FM lántacaíocht dóibh go léir as seo go ceann bliana agus béim ar leith á leagan orthusan a mbeidh ceol nua eisiach le seoladh acu agus a bheidh i mbun agallaimh le linn Sheachtain Rising a bheidh ar siúl ó Dé Luain an 2 Nollaig go dtí Dé Domhnaigh an 8 Nollaig.

Is éard a dúirt Adam Fogarty, Stiúrthóir Ceoil 2FM: “Tá ríméad ar 2FM liosta 2FM Rising na bliana 2025 a fhógairt. Anois ina 8ú bliain (ó cuireadh tús leis in 2018) tá sé mar uaillmhian againn leanúint ar aghaidh ag cur leis an nós atá ag 2FM le fada an lá tacú le ceoltóirí, amhránaithe agus le ceol na hÉireann. Ag cur le hoidhreacht 2FM Rising – a chuir leithéidí Dermot Kennedy, Denise Chaila, For Those I Love, Fontaines DC, Jafaris, Pillow Queens, Kojaque, Biig Piig, Monjola, Gemma Dunleavy, Sello, Aby Coulibaly, Chubby Cat, Jordan Adetunji, New Dad, 49th & Main agus go leor eile os bhur gcomhair – táimid tiomanta i gcónaí dmo cheoltóirí agus amhránaithe nua Éireannacha iontacha a chur os comhair an lucht éisteachta, ar ceoltóirí agus amhránaithe iad atá ag déanamh a gcuid todhchaí cheol na hÉireann a mhúnlú. Táimid ag súil go mór le bliain iontach eile i gceol na hÉireann agus le 2FM Rising a chur os comhair lucht éisteachta in 2025.”

I measc cheoltóirí agus amhránaithe 2FM Rising blianta roimhe seo bhí Lyra, The Murder Capital agus Wild Youth. Chun sonraí cheoltóirí agus amhránaithe na bliana seo a fháil téigh chuig: www.rte.ie/2fmrising

Is éard a dúirt Keith Johnson, Stiúrthóir Margaíochta & Ballraíochta, IMRO: “Tá an-áthas ar IMRO a bheith i gcomhpháirtíocht arís le RTÉ 2FM Rising chun tacaíocht a thabhairt don chéad ghlúin eile de cheoltóirí agus amhránaithe cumasacha na hÉireann. Is túsphointe ríthábhachtach é tionscnamh Rising do cheoltóirí agus d’amhránaithe, tionscnamh a chuireann na hacmhainní agus an aird a theastaíonn uathu ar fáil ionas go bhfaighidh siad lucht éisteachta nua. Tá lúcháir orainn go gcuirfidh na cumadóirí amhrán agus na ceoltóirí iontacha seo a gcuid ceoil uathúil os comhair lucht éisteachta ar fud na hÉireann agus níos faide i gcéin sa bhliain 2025.”