Déanfaidh 32 leanbh ionadaíocht ar a gcontae sa Toy Show Parade

Bí ag féachaint anocht ag 9:35PM ar RTÉ One agus ar fud an domhain ar an RTÉ Player

#LateLateToyShow

Is é lá an Toy Show é agus an lá deiridh de sheachtain fógraí maidir le sceideal na Nollag agus inar tugadh le fios gurb é Home Alone!, an scannán Nollag sin a bhfuil an-tóir againn go léir air, an téama a bheidh ag Late Late Toy Show na bliana seo.

Déan cinnte nach mbeidh tú ar eitilt go Páras agus ag béiceadh ‘Kevin!’ an Aoine beag seo. Ina ionad sin, bí i dteannta Patrick Kielty agus neart Kevin McCallisters agus Wet Bandits a thiocfaidh le chéile chun teach mhuintir McCallister a chosaint! Run, Run Rudolph, is é seo an t-am is draíochtaí den bhliain agus an oíche is fearr chun an teaghlach go léir a thabhairt le chéile le bheith ‘eating junk and watching The Late Late Toy Show’ – agus ní stopfaidh aon duine thú!

I stíl cheart ‘I made my family disappear’, beidh neart rógaireachta ar siúl – daoine ag sleamhnú anuas an staighre, ag caitheamh liathróidí sneachta, ceol ó Wicked, agus neart ‘rocking around the Christmas Tree’. Beidh 250 leanbh páirteach i Late Late Toy Show na bliana seo, idir lucht tástála bréagáin, amhránaithe, cheoltóirí agus damhsóirí, agus is cinnte go mbeidh oíche lán le hiontais agus a ardóidh do chroí againn, oíche a tiocfaidh mianta croí chun fíre.

Ag labhairt dó roimh an gclár mór anocht, dúirt Patrick Kielty, “Tá mé ar bís chun an téama Home Alone a chur i láthair leanaí go léir na hÉireann anocht. Is é seo an téama scannáin is fearr uile i mo thuairimse. Chuaigh mé síos ag breathnú ar an seit i rith na seachtaine agus bhí deoirín beag áthais liom. Cuirfidh sé na gasúir mhóra siar ceart ar bhóithrín na smaointe. Bíodh néal agat sula dtosóidh an clár mar is an-oíche go deo a bheidh inti!”

Tá seit álainn cruthaithe ag dearthóirí léiriúcháin RTÉ agus beidh na gasúir mhóra in ann dul siar san am atá caite arís agus cistin Kevin, an seomra suí, an teach crainn agus ná déanadh muid dearmad ar sheomra codlata Buzz, a fheiceáil; cuirfidh The Late Late Toy Show cumha orainn i ndiaidh bhlianta na nóchaidí. Beidh neart ábhar iontais ann i gcaitheamh na hoíche agus is í seo ar ndóigh an cúigiú bliain den Toy

Show Appeal; tá tionchar imeartha ag an gcistíocht seo ar bhreis is 1.1 milliún leanbh, duine óg agus a dteaghlaigh i ngach aon chontae ar oileán na hÉireann.

Den chéad uair riamh ar The Late Late Toy Show, beidh leanaí ó gach aon chontae in Éirinn ag tabhairt aghaidh ar urlár an stiúideo lena mórtas as a gcontae a thaispeáint sa Toy Show County Parade! Bí ag súil le neart caisirníní agus luasctha, gleacaíocht agus mórthaibhseacht fad a bheidh an Maor Kielty ag iarraidh stiúir a choinneáil ar 32 leanbh!

Le héadaí a mbeadh Kate McCallister féin mórtasach astu, tá Rannóga Feistis agus Smididh RTÉ ag obair go dian dícheallach chun Chicago na n-iontas faoi Nollaig a chruthú chun go mbeidh leanaí ó ar fud na hÉireann ábalta an lucht féachana a chur faoi gheasa oíche Dé hAoine leis na cluichí a bhfuil siad ag spraoi leo amhail Beyblade X Xtreme Battle Set, Hot Wheels Monster Truck Epic Loop Bundle, agus na bréagáin áille agus bhoga FurReal Peanut the Playful Monkey agus Real FX Disney Stitch Puppet Interactive Toy.

I mír na leabhar den chlár, mír a bhfuil an-tóir go deo air, beidh na léitheoirí óga ag roinnt a gcuid scéalta miotaseolaíochta agus staire linn; déanfaidh siad léirmheas ar The Dictionary Story le Oliver Jeffers, The Story of Irish Rugby le Gerard Siggins agus Nina Peanut: Mega Mystery Solver le Sarah Bowie.

Áirítear na bréagáin Éireannacha a raibh siad ag spraoi agus ag cruthú leo Stomp Rockets agus foireann fíodóireachta bráisléad Éireannach gan ach cuid acu a lua. Beidh liosta de na bréagáin go léir a taispeánadh ar an gclár ar fáil ar shuíomh gréasáin an chláir www.rte.ie/latelate i ndiaidh a chraolta. Tabharfar na bréagáin go léir a thaispeántar ar an oíche do charthanachtaí.

RTÉ Player

Sruthaigh saor in aisce é ar fud an domhain

In 2023, d’fhéach daoine in 158 tír ar an Late Late Toy Show ar an RTÉ Player. Bhí daoine in áiteanna amhail Londain, Nua-Eabhrac, Toronto, Maidrid, Amstardam, Beirlín, Sydney agus Auckland ag féachaint an oíche sin.

Sruthaigh The Late Late Toy Show anocht ar an RTÉ Player ag 9:35pm nó is féidir leat féachaint air ar do chaoithiúlacht nó féachaint arís air ar éileamh.

Cláraigh le cainéal YouTube The Late Late Show do na míreanna is fearr ón gclár.

Cainéil Meán Sóisialta RTÉ 

Beidh deis agat an spraoi ar fad sa chúlra a fheiceáil ar na cainéil oifigiúla meán sóisialta. Cuirfidh Taran & Aindriú ó RTÉ 2FM mír 30 nóiméad i láthair ar TikTok Live ag 6.30pm tráthnóna Dé hAoine le pasanna AAA! Labhróidh siad le Patrick ar chúl an stáitse, tabharfaidh siad ar thuras tú den seit agus casfaidh siad leis na daoine a thugann an oíche is fearr den bhliain chun fíre.

Is é #LateLateToyShow haischlib oifigiúil an chláir. Is féidir leat cuntais an Late Late Show a leanúint anois díreacha lena chinntiú nach gcaillfidh tú soicind amháin

féin den oíche is fearr uile den bhliain ar an teilifís – @latelaterte ar TikTok @latelaterte ar Instagram, @RTELateLateShow ar X agus @TheLateLateShow ar Facebook.

Teanga Chomharthaíochta na hÉireann (TCÉ)

Craolfar an Late Late Toy Show le Teanga Chomharthaíochta na hÉireann (TCÉ) beo ar an RTÉ News Channel agus ar an RTÉ Player. Don dara bliain, beidh láithreoirí atá Bodhar, Sarah-Jane O’Regan agus Jason Maguire i mbun an chlúdaigh TCÉ – agus beidh siad ag obair leis na hateangairí éisteachta, Ciara Grant agus Lisa Harvey-Coleman. Is fíorcheiliúradh é TCÉ The Late Late Toy Show ar Theanga Chomharthaíochta na hÉireann, tríú teanga oifigiúil na hÉireann! Beidh TCÉ The Late Late Toy Show ar fáil lena shruthú go gairid tar éis an chraolta bheo agus beidh sé ar fáil arís sa bhloc TCÉ Dé Céadaoin an 11 Nollaig.

Tráchtaireacht Fuaime

Beidh Tráchtaireacht Fuaime (AD) ar fáil freisin don athchraoladh Dé Domhnaigh an 8 Nollaig ag 15.05 ar RTÉ One, agus oíche Dé Luain ag 24:05 agus ina dhiaidh sin ar an RTÉ Player. Is iad Clara Murray agus Berni Stack a bheidh ina dTuairisceoirí Fuaime i mbliana.

An RTÉ Toy Show Appeal  

Ag obair i gcomhar le Fondúireacht Phobail na hÉireann, tá an RTÉ Toy Show Appeal ar ais don chúigiú bliain as a chéile chun feabhas a chur ar shaol leanaí agus a dteaghlaigh trí thionscnaimh tacaíochta riachtanacha, sláinte, folláine, súgartha agus cruthaitheachta a mhaoiniú. Go dtí seo tá €21.3m bailithe aige agus cúnamh tugtha aige do 302 carthanas éagsúil agus 492 deontas bronnta le linn na tréimhse sin. Thacaigh sé le 127 carthanas leanaí éagsúla anuraidh amháin agus meastar go bhfuil cabhraithe aige le breis agus 1.1 milliún duine in aghaidh na bliana ó bunaíodh é.

Is féidir leis an bpobal síntiús a thabhairt ag www.rte.ie/toyshowappeal, nó ar Revolut Pay, comhpháirtí síntiúis oifigiúil na hachainí.

Craolfar The Late Late Toy Show anocht ar RTÉ One agus ar an RTÉ Player ag 9:35PM.

-CRÍOCH-

6 Nollaig 2024

Grianghraif: [Creidiúint íomhá: Andres Poveda Photography]

Tuilleadh Eolais: Jilly McDonough, Preasoifigeach | jilly.mcdonough@rte.ie