Níl an próca óir ag íochtar an bhogha ceatha aimsithe ag an meitéareolaí Joanna Donnelly anocht agus is í an tríú aoi-dhamhsóir anois í a bhfuil bata is bóthar faighte aici ó Dancing with the Stars.

Ag labhairt di faoina tréimhse ar an seó, dúirt Joanna, “Bhí mo thréimhse ar an seó thar barr ar fad agus ar ndóigh casadh an fear spéisiúil cliste seo (Maciej) orm freisin. Is iontach an fear é.”

Nuair a fiafraíodh di an mbeadh drochshamhradh anois ag Éirinn de bharr go raibh sí curtha amach as an gcomórtas dúirt Joanna go magúil “Beidh – tá imeachtaí na Féile Pádraig ar ceal anois!” Fiafraíodh ansin di an molfadh sí d’aíonna eile a bheith páirteach sa gcomórtas agus dúirt sí, “Cinnte dearfa mholfainn, cé go bhfuil go leor ama i gceist, ní fhéadfá do chuid ama a chaitheamh ar bhealach níos fearr!”

Leanadh le téama mór na hEoraifíse ar Dancing with the Stars freisin agus thug na haoidhamhsóirí agus damhsóirí proifisiúnta ómós do roinnt de na hamhráin is mó le rá a casadh riamh sa chomórtas.

Dhamhsaigh na naoi gcúpla atá fanta le cuid de na hamhráin is mó a léiríodh riamh agus iad ag iarraidh na moltóirí agus an pobal a mhealladh. Bhí brú níos mó ná riamh i gceist áfach mar go mbeadh ar an dá chúpla leis an líon is lú pointí, idir pointí na moltóirí agus pointí an phobail, damhsa arís féachaint lena n-áit a choinneáil.

Ba iad an dá chúpla arbh éigean dóibh damhsa arís ná:

Joanna Donnelly agus Maciej Zieba

Aishah Akorede agus Robert Rowiński

Seo achoimre ar an méid a tharla sa séú clár:

Chuaigh an meitéareolaí Joanna Donnelly agus a páirtí damhsa Maciej siar san am atá caite go dtí an bhliain 1974 agus rinne siad jeighbh le hamhrán buacach iontach Abba, Waterloo.

Dúirt Arthur Gourounlian: “Bhí tú ar nós liathróid dioscó amuigh ansin! Rinne tú do dhícheall. Maith thú!”

Dúirt Karen Byrne: “A leithéid de thús leis an gclár! Theastaigh tuilleadh léimeanna ach bhí tú ag baint an-sult as agus thaitin sé go mór leis an lucht féachana a bheith ag féachaint ort.

23 pointe an scór a bronnadh ar Joanna agus Maciej.

Dhamhsaigh Danny O’Carroll, aisteoir i Mrs. Brown’s Boys, agus a pháirtí Salome Chachua Damhsa Bálseomra Comhaimseartha le hamhrán buacach na hÍsiltíre in 2019 agus amhrán mór le rá Arcade le Duncan Laurence.

Dúirt Arthur: “Cuireadh faoi gheasa mé! Cuireadh faoi dhraíocht mé!”

Dúirt Loraine Barry: “Fair plé duit a Danny, is léir go bhfuil an-mhuinín go deo ag Salome asat. Choinnigh tú leis an am. Bhí mé an-tógtha leis sin.”

36 phointe an scór a bronnadh ar Danny agus Salome.

Ní raibh an oiread céanna struis ar an lúthchleasaí Oilimpeach Jach Woolley ná ar a pháirtí gairmiúil Alex Vladimirov an tseachtain seo áfach de bharr gur bhain siad barr chlár na scór amach an tseachtain seo caite lena American Smooth agus ní bheidís sa Dance-Off cuma céard a tharlódh. Dhamhsaigh siadsan Paso Doble le hamhrán na Fionlainne a tháinig sa dara háit in 2023, Cha Cha Cha le Käärijä. Ní féidir Jack ná Alex a chur as an gcomórtas agus beidh siad ag dul ar aghaidh díreach go dtí an chéad bhabhta eile.

Is éard a dúirt Brian: Níl aon fhaitíos ort roimh an obair chrua.”

Is éard a dúirt Karen: “Is aoibhinn liom an feisteas atá ort! Bhí sé sin ar fheabhas. Lig do scíth anois!”

Is éard a dúirt Loraine: “Cheap mé go raibh do chuid cosa thar cionn. Tá feabhas mór tagtha orthu agus ba chóir duit treabhsar leathair a bheith ort an t-am ar fad!”

35 phointe an scór a bronnadh ar Jack agus Alex.

Las Kayleigh Trappe, bean mór na meán sóisialta, agus a páirtí Ervinas Merfeldas suas an t-urlár lena Samba a dhamhsaigh siad le hamhrán na Cipire a tháinig sa dara háit in 2018, Fuego le Eleni Foureira.

Is éard a dúirt Karen: “Bhí tine fút! Chuir tú gothaí ort féin! Bhí fuinneamh agat! De bharr go mbeidh beirt ag damhsa arís, tá sé ar nós go raibh tú ag rá leat féin, ní bheidh mise ar dhuine acu sin!”

Is éard a dúirt Loraine: “Tá díocas ort. Thug tú faoi le díograis anocht. Bhí tú thar barr ar fad!”

30 pointe ar fad a bhronn na moltóirí ar Kayleigh agus Ervinas – an scór is airde atá faighte go dtí seo acu an séasúr seo.

Thug an fuirseoir Gearóid Farrelly agus a pháirtí gairmiúil Stephen Vincent faoi dhamhsa Bálseomra Comhaimseartha freisin le hamhrán Niamh Kavanagh, ar cara mór í le Gearóid, a bhuaigh an comórtas in 1993 leis an amhrán In Your Eyes. Bhí tuilleadh brú freisin ar Ghearóid mar go raibh Niamh ag suí sna suíocháin tosaigh sa stiúideo.

Dúirt Arthur: “Iontach an pháirtnéireacht í seo, i mo shúilese!”

Is éard a dúirt Brian: Bhí sé ag breathnú ar nós go raibh beagán brú ort ach bhí na harduithe thar barr.”

31 phointe an scór a bronnadh ar Ghearóid agus Stephen.

Ba í Yasmin Seky, aisteoir Kin, agus Simone Arena a thug faoin urlár ansin féachaint leis na moltóirí a mhealladh, moltóir na hAirméine go háirithe, Arthur Gourounlian. Dhamhsaigh siadsan Salsa leis an amhrán a bhí ag an Airméin in 2008 a bhfuil an-tóir air, Qélé, Qélé le Sirusho.

Dúirt Arthur: “Ar thaitin sé liom? Thaitin sé thar cionn ar fad liom! D’ardaigh sé mo chroí!”

Is éard a dúirt Brian: “Bhí na harduithe beagán místuama ach choinnigh tú ort agus le bheith féaráilte, is é seo an damhsa is fearr fós agat.”

32 phointe an scór a bronnadh ar Yasmin agus Simone.

Dhamhsaigh an gleacaí Oilimpeach Rhys McClenaghan, agus a pháirtí damhsa Laura Nolan Quickstep leis an amhrán a bhí ag an Iorua nuair a bhuaigh siad an comórtas in 2009, Fairytale le Alexander Rybak.

Is éard a dúirt Loraine: “Bhí an fráma iontach.”

Is éard a dúirt Karen: “An meangadh gáire sin a bhí ar ort lena léiriú dúinn nach raibh stró ar bith ort! “Cén uair a dhamhsóidh tú go dona??”

39 bpointe an scór a bronnadh ar Rhys agus Laura.

Válsa a dhamhsaigh an cócaire Kevin Dundon agus a pháirtí Rebecca Scoth leis an amhrán Amar Pelos Dois a bhuaigh an comórtas don Phortaingéil in 2017.

Is éard a dúirt Karen: Ba cheart duit a bheith an-bhródúil asat féin.” Tá mé an-sásta leis an dul chun cinn atá déanta agat. Tá mé ag ceapadh go bhfuil Rebecca an-tógtha go deo leat.”

Is éard a dúirt Brian: Tá a fhios agam go bhfuil tú ceaptha a bheith ag feasbhsú de réir a chéile ach tá tú cinnte ag feabhsú de réir a chéile!”

Is éard a dúirt Loraine: “Bhí sé sin slachtmhar, álainn. Do dhamhsa is fearr go dtí seo!”

25 phointe ar fad a bhronn na moltóirí ar Danny agus Salome – an scór is airde atá faighte acu go dtí seo.

Charleston a dhamhsaigh iarMiss Universe Ireland, Aishah Akorede agus a páirtí Robert Rowiński le hamhrán mór-ráchairte Ooh Aah… Just a Little Bit a chas Gina in 1996 don Ríocht Aontaithe.

Dúirt Arthur: “Chuir tú fonn damhsa orainn anocht!”

Is éard a dúirt Karen: Bhí na harduithe sin dochreidte. Thaitin sé go mór liom.”

30 pointe an scór a bronnadh ar Aishah agus Robert.

Chuir buíon Dancing with the Stars fáilte roimh ionadaí is nuaí na hÉireann sa gComórtas Eoraifíse EMMY chuig teaghlach na hEoraifíse agus d’iarr siad uirthi na línte vótála a oscailt go hoifigiúil.

Bí ag éisteacht le Laura Fox maidin amárach ag 9:30 ar 2FM chun an t-agallamh a rinneadh le Joanna ar í a chur amach as an gcomórtas a chloisteáil.

Bí ag faire ar Dancing with the Stars an tseachtain seo chugainn do Sheachtain an Ghrá – Dé Domhnaigh an 16 Feabhra ón 6:30pm ar RTÉ One agus ar an RTÉ Player.

-CRÍOCH-

Dáta: Dé Domhnaigh an 9 Feabhra 2025

Creidiúint ghrianghrafadóireachta: Kyran O’Brien

Tuilleadh eolais:

Rayna Connery, Preasoifigeach Sinsearach RTÉ | rayna.connery@rte.ie

Éadaoin Nic Giolla Chomhaill, Preasoifigeach RTÉ | eadaoin.nicgiolla@rte.ie

Nótaí d’Eagarthóirí:

MAIDIR LE DANCING WITH THE STARS 2025

Spleodar agus gliondar tráthnóna an Domhnaigh ó mhí Eanáir amach, ceanglaíonn aon duine iomráiteach déag le damhsóirí proifisiúnta ar an tsraith seo ar RTÉ One go dtugann faoi

dhamhsa beo seachtain i ndiaidh seachtaine. Beidh ar gach beirt máistreacht a fháil ar sheánra éagsúil den damhsa gach seachtain, an Charleston nó hip hap mar shampla, agus ní bhíonn acu as seacht lá le snas a chur ar damhsa sula mbíonn orthu a dhéanamh beo os comhair mhuintir na tíre ar fad.

Déanann painéal ceathrar moltóirí saineolais, agus an lucht féachana sa bhaile, gach dreas damhsa a mharcáil agus tugann an cúpla buacach an liathróid thrilseach a shantaíonn siad ar fad leo ag deireadh na sraithe.

Is iad ShinAwiL a léiríonn Dancing with the Stars do RTÉ.

Is ábhar mór mórtais do Hyundai urraíocht a dhéanamh ar Dancing with the Stars.

Beidh ar do chumas a bheith i lár an aicsin agus é ag tarlú beo ar an Dancing with the Stars tracker ar www.rte.ie/entertainment

Chun an nuacht is déanaí agus luaidreáin ón gcúlstáitse ar Dancing with the Stars a fháil, coinnigh súil ar na cainéil shóisialta:

Instagram: @RTEOne & @DWTSIrl

TikTok: @RTEOne

Facebook: @RTEOne

Twitter: @RTEOne @DWTSIrl

#DWTSIrl