Glórtha úra, fuinneamh nua agus ceol úr ag dul beo ar an aer ar 2FM.
Glórtha úra, fuinneamh nua agus ceol úr ag dul beo ar an aer ar 2FM.
Bí in éineacht le Carl Mullan, Roz Purcell, Aisling Bonner, Laura Fox, Tracy Clifford agus Doireann Garrihy gach maidin ón 6am.
Bí linn Dé Luain i gcomhair sceideal nua an lae ar 2FM Is é 2FM an stáisiún raidió is mó a bhfuil tóir air i measc daoine 15-34 bliana d’aois ar fud na tíre.
Dé Luain seo chugainn, an 24 Feabhra, beidh sceideal nua de chláir iontacha 2FM ag dul ar an aer beo gach lá ón 6 ar maidin.
Chun tús a chur leis an mhaidin, éist leis an gclár nua 2FM Breakfast with Carl, Roz & Aisling idir 6am agus 9am. Tá Carl Mullan, Roz Purcell agus Aisling Bonner faoi réir le tús breá a chur leis an lá le sceitsí grinn, neart comórtas agus neart gáire go cinnte.
Beidh Laura Fox linn gach maidin i rith na seachtaine le 2FM Morning with Laura Fox idir 9am agus 12am, don chraic is fearr agus neart cainte go meán lae. Níl aon áit eile ann ach 2FM go bhféadfaidh éisteoirí na cluichí lúbthachta glóir Autotune Fortune agus What the Fox? ar fiú €5,000 in aghaidh an lae iad a imirt.
Le linn am lóin tabhair cluas do 2FM Afternoon with Tracy Clifford idir 12pm agus 3pm. Idir amhráin nua agus na hamhráin mó a bhfuil tóir orthu, chomh maith le ceol ó sheisiúin Stiúideo 8, beidh rogha ag Tracy don uile dhuine.
Leis an turas abhaile trathnóna a ghiorrú, is féidir éisteacht le 2FM Drive with Doireann Garrihy idir 3pm agus 6pm trathnóna. Le Doireann ar an stiúir, cloisfear meascán de cheol an lae, scéalta siamsaíochta agus dea-ghiúmar a chuideoidh le gach duine an turas abhaile a dhéanamh. Bí ag súil le spraoi, neart fuinnimh agus gáire go leor.
Cuirfear tús le sceideal nua bríomhar 2FM don deireadh seachtaine le ceathrar láithreoirí nua an stáisiúin, Benny Bracken, Helen Galgey, Mikey O’Reilly agus Demi Issac, a bheidh ag láithriú ó stiúideo Chorcaí, ar an Satharn, an 15 Márta.
Dúirt Dan Healy, Ceannasaí 2FM: “Tá mé ar bís ár sceideal nua laethúil a sheoladh idir ghlórtha nua agus aitheanta ar 2FM. Cuireann muid fáilte ar ais roimh Dhoireann a chuirfidh ár gclár nua Drivetime i láthair agus tá muid ag tnúth le Carl, Roz agus Aisling a bheith ar an aer ar maidin. Tá an sceideal nua dírithe ar lucht éisteachta an lae inniu agus beidh béim ar leith ar cheol Éireannach agus ar cheol nua, ar an uileghabhálacht agus ar an tsiamsaíocht nuálach. Más ag tosú an lae atá tú nó ar do bhealach abhaile ón obair, beidh rud éigin úr, nua agus iontach ag 2FM le freastal ort”.
Ar an Late Late Show anocht ar RTÉ 1, beidh Doireann Garrihy ag caint leis an láithreoir Patrick Kielty faoi bheith ag filleadh ar an raidió. Éist freisin leis an Brendan O’Connor Show ar RTÉ Radio 1 ar an Satharn nuair a bheidh Demi Isaac ag caint faoina bhfuil romhainn ar a clár nua ar 2FM ar an 15 Márta.
Cuireann íomhá nua an stáisiúin, fuinneamh úrnua, glórtha ilchineálacha agus ábhar siamsúil inár láthair le cáil 2FM as bheith ag múnlú thodhchaí na craoltóireachta agus ag tacú le mianta seirbhíse poiblí mar an closardán is fearr don cheol Éireannach agus don cheol nua, don chaint agus don tsiamsaíocht.
RTÉ 2FM an stáisiún raidió is mó a bhfuil tóir air i measc lucht éisteachta na ndaoine 15-34 bliana d’aois sa tír seo. Tá ardú tagtha le himeacht bliana ar sciar 2fm den lucht éisteachta 15-34 bliana d’aois – 12.1% i gcomórtas le 11.7% bliain ó shin.*
Dúirt Patricia Monahan Stiúrthóir Fuaime in RTÉ: “Seo tús le ré nua spleodrach in 2FM agus beidh an fhoireann úrnua ag mealladh éisteoirí agus ag cur siamsaíochta ar fáil dóibh ar feadh an lae. Is muide, cheana féin an stáisiún raidió is mó a n-éisteann daoine idir 15 agus 34 sa tír leis. Tá muid ag tnúth le leanúint ar aghaidh ag déanamh ionadaíochta ar an lucht éisteachta sin ar na haerthonnta trí mheascán den cheol nua agus den cheol Éireannach, den tsiamsaíocht agus de ghlórtha inchineálacha a chur ar an aer. Bhí an fuinneamh, an chruthaitheacht agus an nuálaíocht i measc fhoireann 2FM le roinnt seachtainí iontach agus is fada linn go mbeidh na héisteoirí iad féin páirteach ann. Ós muid an t-aon stáisiún a dhíríonn go sonrach ar dhaoine idir 15 – 34 bliain d’aois, tá ról tábhachtach ag 2FM sa réimse s’againne agus is ábhar bróid dúinn a bheith ag leanúint dár nós láithreoirí nua a chothú tríd an sceideal nua seo.”
– CRÍOCH –