Tá sé in am ag Kevin Dundon slán a hata buachalla bó a bhaint de agus bata agus bóthar faighte ag an séú aoi-dhamhsóir ó Dancing with the Stars

Is é an cócaire Kevin Dundon an séú aoi-dhamhsóir atá ag fágáil slán lena bhróga damhsa agus a hata Stetson i ndiaidh dó imeacht as Dancing with the Stars anocht.

Ag labhairt dó faoina thréimhse ar an seó, dúirt Kevin: “Mothaím iontach. Bhí an-spraoi agam leis seo. Bhí sé go hálainn aithne a chur ar an mbean seo – bhí Rebecca chomh foighneach le naomh!”

Dúirt Rebecca faoi Kevin, “Tá sé chomh cineálta, chomh flaithiúil, stóirín aoibhnis ceart é!”

Labhróidh Kevin agus a pháirtí proifisiúnta Rebecca Scott le Laura Fox ar 2FM ag 9.30am maidin amárach dá gcéad agallamh craolta tar éis an tseó a fhágáil.

Ba iad Kevin agus Aishah Akorede a bhí sa bhabhta díbeartha agus bhí orthu damhsa arís.

Seo achoimre ar an méid a tharla sa naoú clár:

Chaith Dancing with the Stars cor nach bhfacthas riamh cheana isteach tráthnóna Dé Domhnaigh agus cuireadh téama an-speisialta inár láthair. Seachtain an Cheoil Tíre!

Den chéad uair riamh sa seó, dhamhsaigh an seisear sa bhabhta ceathrú ceannais damhsaí le ceol tíre ag bualadh a gcos faoin urlár in ómós do cheann de na seánraí is mó a bhfuil tóir air sa tír, ar nós draíocht, bhí an t-urlár damhsa ar nós a bheith i measc honcaí-tonc Nashville don oíche!

Ba é an lúthchleasaí taecuando Jack Wooley agus a pháirtí gairmiúil Alex Vladimirov a chuir tús leis an oíche, ag damhsa Quickstep le hamhrán de chuid Dasha, Austin (Boots Stop Workin’) an t-amhrán mór le rá ó 2024.

Dúirt an moltóir Loraine Barry: Rinne tú an-jab den quick step. Maith thú.”

Dúirt an moltóir Arthur Gourounlian: Chuaigh sé seo i bhfeidhm orm níos mó ná mo chaife ar maidin! Bhí tú ar nós hairicín, rinne tú gan stró é agus bhí sé spleodrach! Dá mbeadh luasteorainn ag an urlár damhsa bheadh sé briste agat.”

35 phointe an scór a bronnadh ar Jack agus Alex.

Ansin, thug bean mhór na meán sóisialta Kayleigh Trappe agus a páirtí Ervinas Merfeldas faoin urlár le Rumba rómánsúil leis an amhrán I Will Always Love You, le Dolly Parton.

Dúirt an moltóir Brian Redmond: “Ar an iomlán, shíl mé go ndearna tú an-obair. Chonaic mé go raibh amanna ann nach raibh do cholainn chomh bog is a cheart di a bheith. . . .bhí amanna sa damhsa seo a bhí chomh teann le cóirséad Dolly Parton. Ach bhí an chuid eile thar cionn.”

Dúirt an moltóir Karen Byrne: “Tá an Rumba deacair agus bhí sé seo i bhfad níos deacra mar go raibh an ceol an-mhall. . . Tá seasamh an-mhaith agat. Nach iontach iad na cosa sin! Iontach ar fad!”

33 phointe an scór a bronnadh ar Kayleigh agus Ervinas.

Ní aon rud nua é taispeántas siamsúil don chócaire Kevin Dundon, agus é ag bogadh ar aghaidh go dtí seachtain a naoi lena pháirtí gairmiúil Rebecca Scott, dhamhsaigh siad Charleston le hamhrán de chuid Scooter Lee, Rompin’ Stompin’.

Is éard a dúirt Brian Redmond: “Ní sibh rogha gach duine i gcónaí ach maidir leis an dream a dtaitníonn sibh leo, taitníonn sibh thar barr uilig leo. Ní chreidim é seo ach bainim sásamh as bheith ag breathnú oraibh agus níl náire ar bith orm faoi.”

Dúirt Karen Byrne: “Caithfear píosa spraoi a bhaint as Charleston agus tá tú ag iarraidh meangadh a chur ar dhaoine. An ndearna sibh é sin? Cinnte rinne agus tuilleadh lena hais!”

21 phointe an scór a bronnadh ar Kevin agus Rebecca.

I ndiaidh an damhsa agus an scór dochreidte a fuair siad an tseachtain seo caite, dhamhsaigh an lúthchleasaí Oilimpeach Rhys McClenaghan agus a pháirtí gairmiúil Laura Nolan American Smooth le leagan Nathan Carter de Wagon Wheel.

Dúirt Karen Byrne, “Tá sé te bruite istigh anseo ach chuir sé sin cáithníní ar mo chraiceann. Is breá liom a bheith ag féachaint oraibh. Déanann tú ag breathnú chomh éasca é.”

Dúirt Loraine Barry: Bhí gach uile rud thar barr sa dreas damhsa seo… foirfeacht iomlán.”

39 bpointe an scór a bronnadh ar Rhys agus Laura.

Bhí iar-Miss Universe Aishah Akorede ag súil go mbeadh sí in ann an caighdeán céanna a choinneáil suas an tseachtain seo 10 bpointe a fháil den chéad uair an tseachtain seo caite nuair a dhamhsaigh sí féin agus a páirtí Robert Rowiński Jeighbh le hamhrán nua de chuid Lainey Wilson, Hang Tight Honey.

Dúirt Brian Redmond: Aishah le ceannlitir A! Ní raibh tú in ann coinneáil le Robert, bhí tú beagán mall agat ba jeighbh mhaith a bhí anseo agus bhí go leor rudaí beaga gleoite tíre ag baint leis.”

Dúirt Loraine Barry, “Cinnte bíonn níos mó spraoi ag cailíní fionna. Chomh maith leis an spraoi, bhí go leor fuinnimh agat don jeighbh sin. Bhain mé taitneamh as an damhsa ó thús go deireadh. Iontach ar fad!”

32 phointe an scór a bronnadh ar Aishah agus Robert.

Bhí ar aisteoir Mrs. Brown’s Boys, Danny O’Carroll damhsa arís an tseachtain seo caite, agus an tseachtain seo bhí súil aige nach amhlaidh a bheadh an scéal an tseachtain seo nuair a dhamhsaigh sé Quickstep lena pháirtí Salome Chachua leis an amhrán Ring of Fire le Johnny Cash.

Dúirt Arthur Gourounlian: Bhí sé lán le spraoi, bhí sé sciobtha agus bhí sé iontach.”

Dúirt Loraine Barry, “Bhí sibh ag bualadh bhur gcosa faoin urlár go cinnte dearfa. Rinne sibh bhur ndícheall agus sin é an méid atá uainn.”

30 pointe an scór a bronnadh ar Danny agus Salome.

Tháinig an babhta bliantúil de Dhamhsa na Foirne ar ais i seachtain a naoi! I ndiaidh a ndamhsaí aonair, roinneadh an seisear deireadh in dhá fhoireann de thriúr. Dhamhsaigh siad arís sna foirne ag iarraidh a scór ó na moltóirí a ardú.

Chuaigh aon phointe a fuair siad i nDamhsa na Foirne i dtreo an scóir a fuair siad ina n-aonar mar sin bhí an damhsa seo an-tábhachtach go deo.

Ba iad Kevin, Kayleigh agus Jack a bhí ar Fhoireann Footlose ag damhsa leis an amhrán Footloose le Kenny Loggins.

Dúirt Loraine, “A Thiarcais – bhí sé sin dochreidte. Ar fheabhas!”

Thug Brian moladh do Kevin nuair a dúirt sé gur “ceannaire ceart” é agus thaitin ardú Jack agus Ervinas go mór le Arthur agus dúirt sé cé chomh “ilchumasach agus láidir” a bhí siad.

35 phointe an scór a bronnadh ar Fhoireann Footloose.

Ar Fhoireann Timber bhí Danny, Aishah agus Rhys ag damhsa le hamhrán de chuid Pitbull agus Kesha, Timber.

Dúirt Loraine, “Bhí sé seo ar leibhéal iomláin difriúil – na harduithe, na cleasa, an sioncronú!”

Dúirt Arthur, “Bhí sé sin draíochtúil. Aishah – bhí tú lonrach agus i gceannas ar an urlár damhsa.”

39 bpointe an scór a bronnadh ar Fhoireann Timber agus is iad a bhuaigh an babhta.

Ba Hoe-Down a bhí i ndamhsa an lucht gairmiúil leis an amhrán The Girl’s Gone Wild le Travis Tritt.

Craolfar babhta leathcheannais Dancing with the Stars – nó Oíche Eagla Dé Domhnaigh seo chugainn an 9 Márta, 6:30pm ar RTÉ One agus ar RTÉ Player.

-CRÍOCH-

Dáta: Dé Domhnaigh an 2 Márta 2025

Creidiúint ghrianghrafadóireachta: Kyran O’Brien

Tuilleadh eolais:

Rayna Connery, Ceannasaí Cumarsáide Sinsearach RTÉ

Éadaoin Nic Giolla Chomhaill, Ceannasaí Cumarsáide RTÉ

Nótaí d’Eagarthóirí:

MAIDIR LE DANCING WITH THE STARS 2025

Spleodar agus gliondar tráthnóna an Domhnaigh ó mhí Eanáir amach, ceanglaíonn aon duine iomráiteach déag le damhsóirí proifisiúnta ar an tsraith seo ar RTÉ One go dtugann faoi dhamhsa beo seachtain i ndiaidh seachtaine.

Beidh ar gach beirt máistreacht a fháil ar sheánra damhsa difriúil gach seachtain, idir dhamhsa Charleston agus damhsa hip hap, agus ní bheidh ach seacht lá acu chun barr feabhais a chur ar an dreas damhsa sula ndéanann siad an damhsa beo don náisiún.

Déanann painéal ceathrar moltóirí saineolais, agus an lucht féachana sa bhaile, gach dreas damhsa a mharcáil agus tugann an cúpla buacach an liathróid thrilseach a shantaíonn siad ar fad leo ag deireadh na sraithe.

Is iad ShinAwiL a léiríonn Dancing with the Stars do RTÉ.

Is ábhar mór mórtais do Hyundai urraíocht a dhéanamh ar Dancing with the Stars.

Beidh ar do chumas a bheith i lár an aicsin agus é ag tarlú beo ar an Dancing with the Stars tracker ar www.rte.ie/entertainment

Chun an nuacht is déanaí agus luaidreáin ón gcúlstáitse ar Dancing with the Stars a fháil, coinnigh súil ar na cainéil shóisialta:

Instagram: @RTEOne & @DWTSIrl

TikTok: @RTEOne

Facebook: @RTEOne

Twitter: @RTEOne @DWTSIrl

#DWTSIrl