RTÉ ag ceiliúradh an uile rud Éireannach deireadh seachtaine seo na Féile Pádraig

Deireadh seachtaine seo na Féile Pádraig, tugann RTÉ cuireadh duit an uile rud Éireannach a cheiliúradh, idir an chuid is fearr de spórt na hÉireann, siamsaíocht agus craoladh beo ó pharáid na Féile Pádraig.

Chun ceiliúradh a dhéanamh ar ár n-oidhreacht agus ár bhféiniúlacht ar leith, beidh meascán de scéalaíocht na hÉireann, cláir faisnéise agus ceol le fáil ar RTÉ One, RTÉ2, RTÉ Player, Raidió RTÉ agus RTÉ ar líne chun siamsa a dhéanamh dár n-oileán. Pé rud a spreagann tusa an tseamróg a chaitheamh le bród tá rud éigin speisialta ag RTÉduitse deireadh seachtaine seo na Féile Pádraig.

Cuirfidh The Late Late Show tús leis an deireadh seachtaine ar RTÉ agus beidh ceiliúradh ar laochra agus gaiscígh na hÉireann leis na haíonna a bheidh i gcuideachta Patrick Kielty. Cuirfidh Patrick fáilte roimh fhoireann Phoblacht na hÉireann a cháiligh do Chorn an Domhain Italia 90 agus iad ag teacht le chéile ar an teilifís in Éirinn den chéad uair le 35 bliana.

Níos túisce an trathnóna sin ar RTÉ One ag 8pm, rachaidh Catherine Fulvio ar thuras tochtmhar ar Shlí Naomh Pádraig i dTuaisceart Éireann ar RTÉ One ag 8pm ar Catherine Fulvio’s St Patrick’s Way. Tabharfaidh Catherine an lucht féachana léi ar Shlí na nOilithreach, conair 132 ciliméadar a théann trí Chontae Ard Mhacha agus ar aghaidh go dtí tírdhreach álainn chósta an Dúin.

Oíche Dé hAoine, beidh Nationwide ag díriú ar amhráin, damhsa agus an Ghaeilge.Is í Bláthnaid Ní Chofaigh a chuirfidh an clár i láthair agus casfaidh sí féin agus an fhoireann le grúpa damhsóirí díograiseacha i nDún na nGall a thagann le chéile lena gcairde leis an tóir agus an paisean atá acu don damhsa a roinnt. I mBéal Feirste, tabharfaidh an tuairisceoir Niall Martin cuairt ar cheantar sa gcathair a bhfuil daoine ag foghlaim Gaeilge ann.

San oíche Dé Domhnaigh ar RTÉ One, beidh Kayleigh Trappe, Rhys McClenaghan, Danny O’Carroll agus Jack Woolley in éineacht lena gcuid páirtithe gairmiúla san iomaíocht don liathróid lonrach i mbabhta ceannais Dancing with the Stars, á chur i láthair ag Jennifer Zamparelli agus Doireann Garrihy. Déanfaidh gach cúpla dhá dhamhsa sa chraobh ceannais agus iad ar thóir theideal an bhua.Tabharfaidh

Hugh Wallace cuairt ar Rath Maolán i dTír Chonaill le maoirseacht a dhéanamh ar athchóiriú seantí lóistín cois farraige in The Great House Revival.

Beidh Paráid na Féile Pádraig ar ais ar shráideanna Bhaile Átha Cliath ar an Luan, 17 Márta agus craolfar é ar RTÉ One ag 12:15. Is iad Sarah McInerney, Dáithí Ó Sé, Emer O’Neill agus Thomas Crosse a chuirfidh craoladh na bliana seo i láthair agus beidh an pharáid ag ceiliúradh théama na bliana seo Eachtraí agus na hiontais a bhaineann leis.

Níos déanaí ar Lá Fhéile Pádraig, craolfar clár faisnéise a thugann dúshlán don ghnáthscéal. Sa Patrick – A Slave to Ireland insítear scéal an naoimh a rugadh sa mBreatain i gcomhthéacs Eorpach a linne. Léirítear sa gclár faisnéise go raibh naomh pátrúin na hÉireann ina chuid de ghluaiseacht radaiceach Críostaithe a thiontaigh ní hamháin na hÉireannaigh ar imeall an domhain ach go leor den Eoraip freisin, i dtreo na Críostaíochta. Siad Ciarán Hinds agus Ian Hart na scéalaithe sa gclár ina n-insítear an bealach gurb í an Eaglais a bhunaigh Naomh Pádraig in Éirinn ba chúis le síolrú an léinn chlasaicigh, na heolaíochta agus na fealsúnachta ar fud na hEorpa.

Dóibh siúd a dtaitníonn an spórt leo, craolfar Invictus oíche Dé Sathairn ar RTÉ2 ag 10:15pm, agus dóibh siúd ar fearr leo gáire agus rúndiamhaireacht, See How They Run an scannán a bheidh againn trathnóna Dé Luain na saoire bainc nuair a rachaidh an Cigire Stoppard (Sam Rockwell) agus an Constábla Stalker óg (Saoirse Ronan) i mbun fiosraithe ar dhúnmharú in amharclann sa West End ar RTÉ One ag 9:30pm.

Imeachtaí Spóirt Dheireadh Seachtaine na Féile Pádraig

Beidh deireadh seachtaine lom lán de spórt saorchraolta againn ag tosú in Treviso oíche Dé hAoine (RTÉ2 agus RTÉ Player) nuair a imreoidh Éire an Iodáil sa U20s Six Nations. Ar an Satharn féachfaidh fir na hÉireann – cé gur caolsheans atá ann – leis an tríú Six Nations Championship as a chéile a thabhairt leo má chlaíonn siad an Iodáil sa Róimh (RTÉ2 agus RTÉ Player) agus ar Saturday Sport ar RTÉ Raidió1 beidh tráchtaireacht iomlán ar an gcluiche ag Michael Corcoran. Beidh clúdach beo ag RTÉ 2 agus ag an RTÉ Player ar an gcluiche idir an Fhrainc agus Albain trathnóna Dé Sathairn.

Ar an Satharn freisin, beidh clúdach ar chluichí sa Allianz League, an cluiche idir Ciarraí agus Ard Mhachaar Saturday GAA Live as Trá Lí ar RTÉ2 agus ar an RTÉ Player. Beidh tráchtaireacht agus tuairiscí ag Saturday Sport agus Sunday Sport ar RTÉ Radio 1 agus déanfaidh Allianz League Sunday oíche Dé Domhnaigh ar (RTÉ2 agus ar RTÉ Player) achoimre ar chluichí eile an deireadh seachtaine.

Cuirfear clabhsúr le deireadh seachtaine na Féile Pádraig trathnóna Dé Luain ar RTÉ2 agus ar an RTÉ Player nuair a chaithfidh Against The Head súil siar ar chomórtas spleodrach Guinness Six Nations Championship. Beidh blaganna beo, súil chun cinn agus tuairiscí ar imeachtaí móra spórt an deireadh seachtaine saoire bainc ar fad ag Spórt RTÉ ar líne chomh maith leis na buaicphointí ó ardáin meán sóisialta RTÉ, suíomh idirlín RTÉ agus aip RTÉ News.

Raidió RTÉ

Ar RTÉ Radio 1, ar Lá Fhéile Pádraig, bí i gcomhluadar Marty Morrissey ón 9am agus é ag tabhairt camchuairte timpeall na tíre agus níos faide ó bhaile le labhairt le daoine faoi cheiliúradh na Féile Pádraig. Beidh Hannah Quinn Mulligan ag iarraidh tús a chur le cur prátaí na bliana in Potato Planting on St. Patrick’s Day ag 11am. Beidh Mik Pyro agus a bhanna ceoil i dteannta Louise Duffy ón 12 meán lae do Studio 8 session an-speisialta. Beidh Olé – The Story of “Put ‘Em Under Pressure” ar an aer ag 2pm; bí in éineacht leis an láithreoir Will Leahy agus a chuid aíonna Larry Mullen, Moya Brennan, Ray Houghton agus go leor eile agus iad ag dul siar ar bhóithrín na smaointe faoi chumadh, taifeadadh agus rath an amhráin aitheanta peile seo.

Níos déanaí ar RTÉ Radio 1, más ceol atá uait le beocht a chur ionat, beidh Gig on One na seachtaine seo ag 6pm ag craoladh taifead de The Scratch beo ón Staid Náisiúnta a reáchtáladh mar chuid de Tradfest 2025.

Ar RTÉ 2FM, cuirfear tús leis an sceideal nua ag 7am agus foilseofar na sonraí ar fad maidin amárach. Ar RTÉ Lyric FM in The Lyric Feature Gig ar an Satharn an 16 Márta ag 6pm, fillfidh Louis de Paor ar an áit ar chaith sé a óige, suas le dhá scór bliain ó shin nuair a bhí cónaí air go deireanach i gCorcaigh agus tugann sé chun cuimhne gaolta agus áiteacha a bhí ar eolas aige chomh maith le cuid de na scríbhneoirí as Corcaigh a raibh tionchar acu ar a chuid oibre féin. Tosóidh RTÉ Raidió na Gaeltachta Lá Fhéile Pádraig ag dul isteach sa chartlann leis an gclár Naomh Pádraig – Caint agus Seanchas, áit a gcloisfidh éisteoirí scéalta agus seanchas faoi Naomh Pádraig ón 9:15am. Dóibh siúd ar suim leo drámaíocht craolfar leagan drámatúil den ghearrscéal Lá Fhéile Pádraig ón leabhar ‘An Grá agus an Ghruaim’ le Seosamh Mac Grianna arna léiriú ag compántas drámaíochta Aisteoirí Ghaoth Dobhair ag 1:30pm.

RTÉ Player

Don deireadh seachtaine atá ann téigh sa tóir ar scoth an ábhair Éireannaigh ar an RTÉ Player. I measc an ábhair a bheidh ar fáil le sruthú beidh neart cnuasach ina measc cláir faisnéise choiriúlachta, cláir Ghaeilge agus scoth na scannán Éireannach. Beidh siad seo a leanas le fáil ar an RTÉ Player freisin: The Festival Parade, Patrick: A Slave To Ireland agus Catherine Fulvio’s St Patrick’s Way ar fáil pé áit a bhfuil tú. Tá Breacaí (Doodle Girl as Gaeilge) curtha ar an RTÉ Player an tseachtain seo freisin – bíonn Breacaí agus a cara Pencil ag taisteal trí leathanaigh iontacha agus aisteacha a gcóipleabhair léaráidí.

-CRÍOCH-