Tar éis comórtas léirithe suime, beidh Benny Bracken, Helen Galgey, Demi Isaac agus Mikey O’Reilly ag dul ós comhair an mhicreafóin

Beidh glórtha aitheanta Bhláthnaid Treacy, Emma Power, Graham Smyth, Jenny Greene, Dave Treacy agus Conor Behan le cloisteáil freisin mar chuid den sceideal nua fuinniúil ag an deireadh seachtaine.

Beidh buíon nua láithreoirí RTÉ 2FM ag tabhairt faoi na haerthonnta ar an Satharn, an 15 Márta agus an sceideal nua don deireadh seachtaine ag tosú ag 7am an mhaidin sin.

Reáchtáladh cuardach leathan le haghaidh láithreoirí nua fuinniúla agus tabharfaidh an mheitheal nua deireadh seachtaine seo an chéad ghlúin eile de thallann craoltóireachta na hÉireann leo.

Beidh Benny Bracken, Helen Galgey, Mikey O’Reilly agus Demi Isaac ag craoladh ar 2FM den chéad uair. Beidh na craoltóirí cumasacha seo a bhfuil cúlra acu ar fad sa tionscal ar cur a stíleanna sainiúla féin, a ngrá don cheol agus a gcuid dearcaí nua i láthair ar 2FM. Beidh Bláthnaid Treacy, Emma Power, Graham Smyth, Jenny Greene, Dave Treacy, Conor Behan agus Cormac Battle ag filleadh ar an gcraoltóireacht ar 2FM ag an deireadh seachtaine mar chuid den sceideal freisin.

Cuirfear tús leis an sceideal nua deireadh seachtaine nuair a bheidh Helen Galgey agus Benny Bracken ar an aer le 2FM Weekend Breakfast with Helen and Benny. Beidh Helen agus Benny ag coinneáil comhluadair leis na héisteoirí idir 7am agus 9am maidineacha Sathairn agus Domhnaigh. Beidh ceol, duaiseanna agus neart dea-ghiúmar le cloisteáil ón mbeirt i mBéarla agus i nGaeilge!

Éist le 2FM Weekend Morning with Bláthnaid Treacy idir 9am agus 12pm. Beidh duaiseanna móra le buachan, ceol den scoth, comórtais amhail an 60 Second Sports Sprint agus an What’s Wrong With Ye Quiz, beidh gach rud a bheadh uait le cloisteáil ó Bhláthnaid ar maidin ag an deireadh seachtaine.

Idir an 12pm agus 3pm craolfar an 2FM Weekend Afternoon with Demi and Mikey. Más amuigh ag siopadóireacht atá tú nó ag tiomáint ó chluiche go cluiche beidh Demi Isaac agus Mikey O’Reilly ann le cur leis an deireadh seachtaine idir cheol den scoth, dhuaiseanna iontacha agus neart gáire. Beidh Demi ag craoladh ó stiúideo RTÉ i gCorcaigh agus beidh Mikey lonnaithe i mBaile Átha Cliath.

Idir 3pm agus 6pm trathnóna beidh rian ceoil an deireadh seachtaine le cloisteáil ar 2FM Weekend Drive le Emma agus Graham. Ullmhóidh siad tú d’oíche Dé Sathairn agus don tseachtain atá ag teacht le clár an Domhnaigh. Beidh comórtais, ceol agus na scéalta is déanaí ó shaol na siamsaíochta acu ar an gclár.

Cuirfidh Jenny Greene rian ceoil oíche Dé Sathairn inár láthair agus casfaidh sí an ceol damhsa agus leictreonach is déanaí ó gach cearn den domhan. Coinnigh cluas le 2FM Electric Disco with Jenny Greene ón 6pm go dtí an 8pm. Beidh meascán iontach den cheol tráchtála agus club damhsa, chomh maith le hagallaimh leis na DJanna ceoil agus léiritheoirí is aitheanta ar domhan chomh maith le The Club Culture Guest Mix le cloisteáil ar 2FM Dance with Dave Treacy gach oíche Dé Sathairn idir 8pm agus 10pm. Ag tosú ag 10pm agus ag leanúint go dtí an 1am ar maidin, cuirfidh Mr. Spring an seó ceoil damhsa is nua-aimseartha i láthair ar The Spring Sessions ar 2FM.

Beidh súil ag Conor Behan imní an Domhnaigh a ruaigeadh ar an 2FM Sunday Rewind with Conor Behan idir 6pm agus 8pm trathnóna. Téigh siar ar bhóithrín na smaointe ar feadh uair an chloig leis an Sunday Rewind agus éist le seanamhráin a tharraingíonn an slua, na seodra popcheoil agus na hamhráin chlasaiceacha nach bhfuil cloiste agat leis na cianta. Beidh neart iontais ann freisin. Más iad blianta na 2000í nó 2010í is ansa leat, beidh ceol ó na blianta sin a chuirfidh cumha orainn ar fad le cloisteáil ar Sunday Rewind.

Dúirt Dan Healy, Ceannasaí 2FM:‘Sheol muid an feachtas chun láithreoirí nua aimsiú do 2FM i mí Meithimh 2024 agus fuair muid ós cionn 550 iarratas ag an tús. Chruthaigh an tóir a bhí ar na poist sin an grá as cuimse atá ag daoine óga in Éirinn don raidió agus an fonn atá orthu iad féin a chur in iúl ar an ardán sin. Bhí sé de phribhléid againn freisin casadh le grúpa iontach daoine ilchineálacha as gach cearn den oileán. Bunaithe ar na hiarratais tosaigh, tugadh cuireadh do 145 duine teacht go dtí stiúideo 8 sa Lárionad Raidió in RTE le hagallamh gairid a dhéanamh. Tugadh cuireadh ansin do 40 iarrthóir freastal ar cheardlann léirithe aon lae agus ina dhiaidh sin chun roinnt cláir phíolótacha a thaifeadadh.”

I ndiaidh na gclár sin fuair na foirne nua – Demi agus Mikey agus Helen agus Benny – cuireadh a bheith mar chuid de mheitheal 2FM. Bhí an próiséas léirithe suime dírithe ar fhorbairt, ar dheiseanna agus ar ionadaíocht a chothú ionas go mbeadh 2FM ar an gclosardán is fearr don cheol Éireannach agus don cheol nua, don chaint agus don tsiamsaíocht.

Cuideoidh an fuinneamh nua, na glórtha ilchineálacha agus an t-ábhar siamsúil seo chun leanúint den cháil atá ar 2FM a bheith ag múnlu thodhchaí na craoltóireachta.”

– CRÍOCH –

Tá rogha grianghraf ar ardchaighdeán le fáil anseo le híoslódáil: https://we.tl/t-k1i7ZRweEI Grianghraif:  Andres Poveda

Dáta: Dé hAoine, 14 Márta 2025

Is féidir tuilleadh eolais a fháil ach teagmháil a dhéanamh le:

• Maureen Catterson, Bainisteoir Cumarsáide RTÉ | maureen.catterson@rte.ie
• Rayna Connery, Ceannasaí Cumarsáide Sinsearach RTÉ | rayna.connery@rte.ie
• Adam Thibault, Ceannasaí Cumarsáide RTÉ | adam.thibault@rte.ie

Notes to Editors:

I measc na gcláracha breise i sceideal deireadh seachtaine 2FM tá:

• 2FM New Music Show with Beta Da Silva ón 8pm-10pm gach Domhnach.
• 2FM Greene Room with Jenny Greene ón 10pm-meán oíche gach Domhnach.
• 2FM Cormac Battle ó mheán oíche-2am gach Domhnach.
• 2FM The Late Night Sessions ón 2am-6am gach Satharn agus Domhnach.

Coinnigh súil ar ár gcuid cainéal meán sóisialta chun na scéalta is déanaí a fháil:

• Instagram: @rte2fm
• TikTok: rte2fm
• Facebook: https://www.facebook.com/2fmofficial
• X: @RTE2fm