Teresa Smith Fógartha ina hEagarthóir Coimisiúnaithe do Shiamsaíocht Fhíorasach
Tá sé fógartha ag RTÉ gurb í Teresa Smith an tEagarthóir Coimisiúnaithe agus go mbeidh dualgas aici maidir le Siamsaíocht Fhíorasach tar éis comórtas poiblí. Spreagfar leis an bpost eagarthóireachta sinsearach seo forbairt agus scéalta Siamsaíochta Fíorasaí RTÉ ag obair i gcomhpháirtíocht le hearnáil chruthaitheach na hÉireann. Tá an ceapachán seo i gcomhréir le Straitéis Treo Nua RTÉ agus gealltanas RTÉ coimisiúnú ón earnáil léiriúcháin neamhspleách a mhéadú.
Is Léiritheoir Feidhmiúcháin í Teresa a bhfuil an-taithí aici agus a bhfuil cúlra láidir aici maidir le Siamsaíocht Fhíorasach agus Forbairt Ábhar ar fud ardáin chraolta agus dhigiteacha araon. Is ceannaire cruthaithe í maidir le maoirseacht a dhéanamh ar léiriúcháin ardphróifíle, agus í ina Léiritheoir Feidhmiúcháin ar na formáidí domhanda Traitors, First Dates, DIY SOS agus Home of the Year agus na formáidí Éireannacha Keys to My Life, Home Rescue, High Road Low Road, The Complaints Bureau, Cheap European Homes agus Best Place To Be. Sular oibrigh sí in RTÉ, d’oibrigh Teresa san earnáil léiriúcháin neamhspleách ar feadh roinnt blianta.
Dúirt Teresa Smith, “Tá lúcháir orm an ról seo a thógáil i dtréimhse atá fíorthábhachtach do RTÉ agus tá mé ag súil le bheith ag oibriú leis an tallann iontach atá againn in earnáil neamhspleách na hÉireann chun smaointe a aithint agus a chothú do lucht féachana na hÉireann.”
Dúirt Alan Tyler, an Ceann Siamsaíochta, “Is léiritheoir feidhmiúcháin an-chumasach í Teresa a bhfuil an-taithí aici agus creidiúintí aici ó First Dates go High Road Low Road agus an clár Traitors atá le teacht. Tá an-áthas orm fáilte a chur roimpi chuig an bhfoireann iontach ina hEagarthóir Coimisiúnaithe nua do Shiamsaíocht Fhíorasach.”
Dúirt Steve Carson, an Stiúrthóir Físe, “Táimid ar bís go bhfuil Teresa ag glacadh leis an bpost don tSiamsaíocht Fhíorasach Físeáin. Tá dea-theist aici maidir le formáidí siamsúla a fhorbairt agus a choimisiúnú, agus beidh sí anois i gceannas ar chláracha i gcroílár ár straitéise chun freastal ar lucht féachana ar an teilifís agus lucht úsáide an RTÉ Player á fhás aici.”
CRÍOCH