Os cionn 2.1 milliún duine sáite sa gcluiche agus an tír ar fad meallta ag The Traitors Ireland
Os cionn 2.1 milliún duine sáite sa gcluiche agus an tír ar fad meallta ag The Traitors Ireland
Sciar 70% ar an meán den lucht féachana 18-44 bliana d’aois ag faire ar an tsraith.
Os cionn 4 mhilliún sruthú déanta ar an gclár go dtí seo ar an RTÉ Player agus 590,000 sruthú déanta go dtí seo ar an gclár eile atá ag gabháil leis The Traitors Ireland Uncloaked.
Tháinig críoch dhrámatúil leis an gclár The Traitors Ireland an tseachtain seo tar éis ceithre seachtaine lán teannais, 24 imreoir thar a bheith spéisiúil agus 12 chlár chorraitheacha, agus d’fhan an lucht féachana dílis dó go dtí an deireadh.
Idir chraoladh agus sruthú, tá The Traitors Ireland agus a chomhchlár The Traitors Ireland Uncloaked tá breathnaithe ag os cionn 2.1 milliún duine orthu ar an teilifís* go dtí seo, agus os cionn 4 mhilliún sruth déanta orthu go dtí seo ar an RTÉ Player.
- Tharraing gach clár de The Traitors Ireland lucht féachana 557,000 duine ar an meán agus sciar 50% den lucht féachana. (Beo + VOSDAL)
- 732,000 duine a bhí ag breathnú ar chlár deiridh The Traitors Ireland le sciar 57% nuair a bhuaigh Oyin, Kelley agus Vanessa.
- Bhí sciar 70% ag an tsraith i measc an lucht féachana níos óige idir 18-44 bliana d’aois.
- Tá 4 mhilliún sruth déanta ar The Traitors Ireland ar an RTÉ Player cheana féin, agus shruthaigh 89,000 duine an clár deiridh beo.
- Tá The Traitors Ireland Uncloaked, ar a mbíonn rúin agus caint ar chúl téarmaí, sruthaithe 590,000 babhta go dtí seo, rud a léiríonn cumhacht an ábhair cuideachta agus na scéalaíochta ilardáin.
Dúirt Gráinne McAleer, Eagarthóir Coimisiúnaithe, Sraitheanna Fíorasacha agus Faisnéise, “Tá ríméad orainn go raibh an oiread sin daoine ag féachaint ar gach clár de The Traitors Ireland ar an teilifís líneach agus ar an RTÉ Player. Bhí ríméad ar leith orainn faoin méid daoine 15-34 bliana d’aois a bhí ag breathnú ar an gclár agus faoin méid daoine a bhí ag iarraidh an t-eolas is déanaí a fháil agus tuilleadh scéalta a chloisteáil ar The Traitors Ireland Uncloaked. Is iad Kite Entertainment a léirigh an tsraith agus d’éirigh thar barr leis an gcomhoibriú idir Kite agus RTÉ. Meabhraíodh arís eile don lucht féachana gurb é an cúram is mó atá orainn ná siamsaíocht a chur ar fáil chomh maith le daoine a chur ar an eolas. Ní éireodh leath chomh maith le The Traitors Ireland murach na nImreoirí den scoth a luigh isteach ceart ar an gcluiche agus a tharraing aird mhuintir na tíre agus a chuir siamsaíocht ar fáil dóibh le linn mhí Mheán Fómhair. Bhí duine éigin i measc na n-imreoirí a thaitin le daoine agus is ábhar mórtais dúinn go bhfuaireamar freagra chomh mór sin ón lucht féachana.”
Dúirt Seán Mac Giolla Phádraig, Eagarthóir Bainistíochta Físeáin, RTÉ, “Is sraith í The Traitors Ireland ar féidir le gach duine a raibh baint acu léi a bheith mórtasach aisti. Tá áthas ar leith orainn an láidreacht tallainne a fheiceáil ar fud gach disciplín éagsúil a d’oibrigh le Kite Entertainment chun an tsraith a léiriú. Is léiriúchán de scoth an domhain atá ann i ndáiríre. Bhí an-áthas orainn freisin an paisean agus an díograis i leith na sraithe a fheiceáil ó na foirne ar fud RTÉ idir chlár Oliver Callan ar RTÉ Radio 1 agus foireann díolacháin RTÉ; agus na foirne fógraíochta, margaíochta, meán sóisialta, cumarsáide agus teicneolaíochta a d’oibrigh go crua chun an taithí is fearr de The Traitors Ireland a chur ar fáil don lucht féachana. Tá ríméad orainn freisin faoin tóir a bhí ag an lucht féachana ar The Traitors Ireland Uncloaked, ar comhléiriúchán é idir Kite Entertainment agus Saotharlann RTÉ. Tá leibhéal eile ar fad bainte amach ag an dá sraith sin maidir le comhoibriú idir comhlachtaí san earnáil neamhspleách agus RTÉ agus táimid ar bís faoi na deiseanna a bhaineann leis sin agus muid ag leanúint de bheith ag cur leis ábhar a chuireann muid ar fáil don lucht féachana agus éisteachta.”
Idir imirt dhrámatúil, nochtaí corraitheacha agus clár cuideachta a chuir neart ábhar suimiúil eile ar fáil, choinnigh The Traitors Ireland an tír ar fad san amhras agus ag faire.
-CRÍOCH-
Nótaí d’Eagarthóirí
Is iad Kite Entertainment a léiríonn The Traitors Ireland.
Is ábhar mórtais ag Very urraíocht a dhéanamh ar The Traitors Ireland agus ar The Traitors Ireland Uncloaked.
*Figiúr faire 1 nóiméad do The Traitors Ireland (Beo + VOSDAL**) (RTÉ One, RTÉ One +1) agus The Traitors Uncloaked (Beo + VOSDAL) (RTÉ One, RTÉOne+1, RTÉ2, RTÉ2+1, Athchraolta)
**Áirítear le Beo + VOSDAL amharc beo agus amharc uair níos déanaí a tharla an lá céanna leis an gcéad chraoladh.
Is Beo + VOSDAL iad na figiúirí ar fad a luaitear.
Is iad IDTV agus POSVIDEO i gcomhar le hAonad Cruthaitheach RTL a chruthaigh agus a d’fhorbair The Traitors (teideal na hÍsiltíre: De Verraders). Tá an-tóir ar an bhformáid go hidirnáisiúnta ó seoladh an tsraith san Ísiltír ar RTL 4 in 2021 i bhfianaise go bhfuil a leaganacha formáide áitiúla féin curtha in oiriúint ag níos mó ná 30 críoch. I measc na leaganacha idirnáisiúnta a rinneadh ag úsáid na formáide sin tá leagan Studio Lambert na Stát Aontaithe don tseirbhís sruthaithe NBC Universal Peacock a bhuaigh Emmy agus an leagan do BBC One sa Ríocht Aontaithe a bhuaigh BAFTA. Tá earraí bolscaireachta do The Traitors, a bhfuil ag éirí go maith leo, lena n-áirítear cluiche boird, cluiche cártaí agus éadaí, ar fáil freisin, agus tá The Traitors Live Experience beo anois i Londain.
Tá go leor gradam buaite ag an tsraith seo a bhfuil an-tóir ag an lucht féachana uirthi agus ainmníodh The Traitors arís le déanaí mar fhormáid K7 na bliana in 2024 agus bronnadh Gradam Formáid Idirnáisiúnta C21 ar an bhformáid don Óstach is Fearr i bhFormáid Teilifíse. Bronnadh duais Rose d’Or nó “an Rós Órga” don tSraith Siamsaíochta agus Réaltachta is Fearr ar leagan na hÍsiltíre De Verraders roimhe sin. Is iad All3Media International a bhíonn ag déileáil leis na cearta téipe agus formáide agus a dhéanann The Traitors IP a cheadúnú.
Tá tuilleadh eolais le fáil ó:
Sharon Sorohan | Ceannasaí Cumarsáide Sinsearach RTÉ | Sharon.sorohan@rte.ie