Micheal D. Higgins: Ireland’s Ninth President ina mbeidh píosaí scannánaíochta agus agallaimh as Cartlann RTÉ a chlúdaíonn seachtó bliain
Féach air Dé Céadaoin an 19 Samhain ag 9:35pm ar RTÉ One agus ar an RTÉ Player
Bainfear úsáid as píosaí scannánaíochta ó Chartlann RTÉ thar thréimhse seachtó bliain i gclár faisnéise nua ar RTÉ One chun breathnú ar na daoine, na háiteanna agus na heachtraí a raibh tionchar acu ar shaol polaitíochta an Iar-Uachtaráin Micheál D. Ó hUigínn. Scrúdófar go hiarbhreathnaitheach – ina chuid focal féin agus i bhfocail na ndaoine a bhfuil aithne acu air agus a d’oibrigh leis – saol agus saothar Mhichíl D. i gcaitheamh na mblianta.
Óna óige go dtí an lá atá inniu ann, taispeánfar sa chlár faisnéise seo an tionchar a bhí ag Cogadh na Saoirse agus ag Cogadh na gCarad ar a theaghlach, rud a chur lena phaisean don chomhionannas agus do chearta daonna. Caitear súil siar ar a ghairm i nGaillimh nuair a toghadh an T.D. de chuid Pháirtí an Lucht Oibre do Ghaillimh Thiar i 1981, an chéad Teachta Dála de chuid Pháirtí an Lucht Oibre a toghadh ann ó na 1920idí.
Breathnaítear sa chlár faisnéise ar chuid de na hagallaimh phaiseanta agus bhríomhara a thug sé ar chláir raidió agus teilifíse RTÉ, agus rachfar ar chúl stáitse i gcomhaireamh na vótaí, i ndíospóireachtaí teilifíse, agus in agallaimh a tugadh i gcaitheamh na mblianta.
Cuirfidh an craoltóir agus an t-iriseoir Áine Lawlor agallamh ar dhaoine a raibh an-tionchar acu ar shaol Mhichíl D., ina measc an tIar-Uachtarán Mary Robinson; Leo Varadkar, a bhí ina Thaoiseach le linn a chuid ama san oifig; an scríbhneoir agus an stiúrthóir Neil Jordan; Niall Stokes, eagarthóir na hirise Hot Press, áit a raibh Micheál D. ina cholúnaí; an t-aisteoir agus an gníomhaí Martin Sheen as Hollywood; agus a chara Eamon Gilmore, Iar-Cheannasaí ar Pháirtí an Lucht Oibre.
Maidir leis an tacaíocht a thug an tUachtarán Ó hUigínn do na healaíona, dúirt, Neil Jordan: “Leabaíodh an smaoineamh sa chultúr gur cearta seachas sáile iad na healaíona agus sílim gurb é Micheál D. Ó hUigínn ba chúis leis sin.”
Craolfar Micheal D. Higgins: Ireland’s Ninth President ag 9:35pm Dé Céadaoin an 19 Samhain ar RTÉ One agus beidh sé ar fáil le sruthchraoladh ar an RTÉ Player.
