Ba ar John Shortt a bronnadh Pearsa Spóirt Óg na Bliana
Ba ar Chiarraí a Bronnadh Foireann na Bliana
Bainisteoir na Bliana bronnta ar bhainisteoir Shamrock Rovers Stephen Bradley
Chuir Rory McIlroy dea-chríoch leis an mbliain ab fhearr a bhí aige riamh agus é ainmnithe mar Phearsa Spóirt na Bliana tráthnóna inniu (Dé Sathairn, 20 Nollaig, 2025) beo ar RTÉ One agus RTÉ Player ag Gradaim Spóirt RTÉ. I mbliana a bhuaigh McIlroy Comórtas na Máistrí faoi dheireadh, agus é ar an séú duine riamh leis an gCaithréim Mhór de na ceithre craobhchomórtas mhóra a bhuachan. D’éirigh leis Gradam Pearsa Spóirt na Bliana RTÉ a bhaint amach den dara uair freisin, agus an gradam céanna buaite aige siar in 2014.
Bronnadh Gradam Spóirt RTÉ do Phearsa Spóirt Óg na Bliana, ar an snámhaí John Shortt ní ba luaithe an oíche sin. Bhain an Gaillmheach óg bonn óir amach sa Snámh Droma 200m ag Craobhchomórtais Ghearrchúrsa na hEorpa agus bhuaigh sé dhá bhonn óir ag Craobhchomórtas Sóisir an Domhain.
Bronnadh Gradam Spóirt RTÉ do Bhainisteoir na Bliana ar Stephen Bradley mar thoradh ar an rath a bhí ar Shamrock Rovers faoina stiúir. D’éirigh leis an bhfoireann an Sraithchomórtas agus Corn FAI araon a bhuachan i mbliana den chéad uair ó 1987, agus cháiligh siad do Shraith Chomhdhála Europa chomh maith.
Bhuaigh Foireann Chiarraí a 39ú teideal Uile-Éireann an samhradh seo i ndiaidh dóibh an lámh in uachtar a fháil ar Dhún na nGall sa chluiche ceannais chun Corn Mhig Uidhir a thabhairt ar ais chuig an Ríocht. Bhuaigh an fhoireann trófaí shraith Peile Allianz i mbliana chomh maith. Bronnadh Gradam Spóirt RTÉ d’Fhoireann na Bliana orthu anocht.
Rinneadh an húcálaí aitheanta Éireannach, an captaen Ciarán Fitzgerald a ionduchtú i Halla Laochra Spóirt RTÉ anocht chomh maith.Ba é a iar-chomhimreoir Donal Lenihan a bhronn an trofaí ar iar-chaptaen na Leon, a bhain an Choróin Thriarach amach d’Éirinn faoi dhó agus a bhuaigh Craobh na gCúig Náisiún le linn a ghairme.
