Tugtar léargas i sraith faisnéise nua de chuid RTÉ ar cheann de na hospidéil is gnóthaí in Éirinn
Craolfar Any Given Day: Cork University Hospital den chéad uair Dé Céadaoin an 7 Eanáir ar RTÉ One agus ar an RTÉ Player ag 9:35pm
Taispeánfaidh RTÉ sraith faisnéise chumhachtach sé chlár den chéad uair ina rachfar níos faide ná na cinnlínte go bhfeicfear an méid a bhíonn ag tarlú i gceann de na hospidéil is mó agus is gnóthaí in Éirinn. Craolfar Any Given Day: Cork University Hospital Dé Céadaoin an 7 Eanáir ag 9:35pm ar RTÉ One agus ar an RTÉ Player.
Sa tsraith seo, ar caitheadh sé mhí á taifeadadh, tabharfar cead isteach in Ospidéal na hOllscoile, Corcaigh (CUH) dúinn chun léargas a fháil ar na mílte gairmithe a bhíonn ag obair gan staonadh de lá is d’oíche chun aire a thabhairt dá n-othair. Inseoidh an fhoireann agus na hothair a scéalta féin faoi sheirbhís sláinte i mbun cúraim ar an gclár Any Given Day.
Bíonn 4,000 lucht foirne ag obair in Ospidéal na hOllscoile, Corcaigh ar aon lá ar leith. Cuireann siad cúram ar fáil do thuairim is 800 othar cónaitheach, 800 othar seachtrach agus breis is 240 cás éigeandála ar aon lá ar leith. Bristear croíthe agus leigheastar croíthe, cailltear daoine agus tugtar daoine slán ar aon lá ar leith in CUH.
Cuirfear samplaí iontacha den chúram agus den éigeandáil os ár gcomhair i gcaitheamh na sraithe, Any Given Day: Cork University Hospital. Feicfidh an lucht féachana na foirne ag tabhairt aire do rothaí a bhí i dtimpiste thromchúiseach bóthair a tugadh ar héileacaptar chuig an ospidéal fad is atá cinntí casta le déanamh ag dochtúirí i rannóg eile faoi bhean atá ag iompar clainne atá tagtha chuid scanadh tábhachtach toirchis agus atá ag fáil cóireáil d’ailse. Sa Rannóg Éigeandála, bíonn an fhoireann ansin ag déileáil le gach rud ó ghortuithe spóirt go timpistí tromchúiseacha, lena n-áirítear othair a tugadh go práinneach chuig an ospidéal tar éis taomanna a bheith acu nó gortuithe trámacha baint dá gcliabhrach. Taispeántar gnáthaimh a bhfuil contúirt mhór ag baint leo freisin i rith na sraithe, ó idirghabhálacha éigeandála stróic go hobráidí casta, fad is atá a dteaghlaigh agus a ndaoine muinteartha, a bhfuil imní mhór orthu, ag fanacht le scéala.
Ón rannóg éigeandála ina bhfuil brú mór go dtí chomh cruinn beacht is a chaitear tabhairt faoi obráidí casta a athróidh saol othair, léirítear sa tsraith seo an chontúirt mhór agus na scéalta faoi athrú saoil a thagann chun cinn ar aon lá ar leith in Ospidéal na hOllscoile, Corcaigh. Leantar sealanna foirne agus aistear na n-othar ar fud an ospidéil i ngach clár, agus déantar gach scéal a insint bunaithe ar aon lá amháin. I dteannta a chéile, tagann na himeachtaí seo go léir le chéile chun scéal níos tochtmhara a insint faoi Ospidéal na hOllscoile, Corcaigh ar aon lá ar leith.
-CRÍOCH-