Labhraíonn tuismitheoirí Kirsty Ward, bean Éireannach a dúnmharaíodh, amach “Is gá go mbeidh a ainm ar eolas ag daoine”

Labhraíonn tuismitheoirí Kirsty Ward, bean Éireannach a dúnmharaíodh, amach “Is gá go mbeidh a ainm ar eolas ag daoine” Anocht, ar RTÉ Prime Time ar a 9:35pm ar RTÉ One agus ar an RTÉ Player.Labhraíonn tuismitheoirí Kirsty Ward, bean Éireannach a dúnmharaíodh, amach “Is gá go mbeidh a ainm ar eolas ag daoine”

Anocht ar Prime Time, cuirfear agallamh ar thuismitheoirí Kirsty Ward, bean Éireannach ar dhúnmharaigh a páirtí Éireannach í sa Spáinn i mí Iúil 2023. Labhraíonn a teaghlach faoin bpianbhreith a gearradh ar an marfóir, faoi na húdair imní a bhí acu go luatha i dtaobh chaidreamh a n-iníne agus faoin tionchar a bhí ag bás Kirsty ar a mac atá sna déaga. Dhúnmharaigh Keith Byrne Kirsty Ward, máthair 36 bliain d’aois a raibh páiste amháin aici, i seomra óstáin in Salou na Spáinne, i mí Iúil 2023.Ciontaíodh Byrne as dúnmharú i dtriail le giúiré Spáinneach agus gearradh téarma príosúnachta 15 bliain air anuraidh. Agus iad i mbun cainte leis an láithreoir Miriam O’Callaghan, dúirt tuismitheoirí Kirsty Ward, Jackie agus John, nár chreid siad riamh go raibh a n-iníon i mbaol a báis, cé go raibh amhras orthu faoin gcaidreamh sna míonna roimh a bás. Dúirt Jackie Gough, máthair Kirsty, “Cheap mé go mb’fhéidir go mbrisfeadh sé a croí…níor cheap mé riamh go raibh sí i mbaol.”

San agallamh atá le craoladh ar RTÉ One agus ar an RTÉ Player, cuimhníonn Jackie agus John ar an lá a fuair siad amach go bhfuair Kirsty bás. Bhí Seán sa bhaile ina aonar, agus é ag téarnamh ó obráid croí oscailte. Bhí Jackie amuigh leis an iníon is óige acu, Zoe. “Chomh luath agus a tháinig mé abhaile, ba léir go raibh rud éigin cearr,” arsa Jackie. Cuimhníonn Jackie gur thuig sí an méid a tharla nuair a chonaic sí an bheirt Gharda i ngnáthéadaí. “Dúirt mé, ‘Cad atá déanta aige?’” arsa sise agus í ag smaoineamh siar. “Bhí a fhios agam”. Sa chlár a chraolfar anocht, labhróidh tuismitheoirí Kirsty faoin tionchar buan a bheidh ag bás a hiníne ar a dteaghlach, faoin bpian a d’fhulaing siad de bharr thoradh na cúirte, agus faoina diongbháilteacht a chinntiú nach ndéanfar beag is fiú de shaol Kirsty ná de chúinsí a báis. Cuid den chúis gur aontaigh Jackie agus John labhairt go poiblí ná gur mian leo feasacht a ardú ar na comharthaí rabhaidh a bhaineann le hiompar comhéigneach agus smachtúil. “Fillfidh sé abhaile am éigin amach anseo nuair a bheidh a théarma príosúnachta thart. Gheobhaidh sé post. Beidh caidreamh eile aige,” arsa Jackie. “Ní mór ainm Keith Byrne a bheith ar eolas ag daoine, agus go dtuigfidh siad a chontúirtí agus atá sé.” Dúirt athair Kirsty, John, “Seo é an cás atá romhainn. Is Joe O’Reilly eile é seo. Is (Richard) Satchwell eile é seo. Tá na tréithe céanna ag baint leo go léir. Nochtadh é sin ar fad sa chúirt”. Féach ar chlár iomlán Prime Time anocht, an 8 Eanáir, ar a 9:35pm ar RTÉ One agus ar an RTÉ Player agus léigh an tuairisc ar líne ar RTÉ.ie/primetime.

-CRÍOCH-