An fuirseoir agus aisteoir Michael Fry an chéad phearsa mhór le himeacht as Dancing with the Stars
Den chéad uair sna naoi mbliana ó thosaigh Dancing with the Stars, cuireadh an chéad bheirt as an áireamh i Seachtain a Dó seachas Seachtain a Trí.
Is é an fuirseoir agus aisteoir Michael Fry an chéad phearsa mhór a cuireadh as an iomaíocht ar Dancing with the Stars.
Agus é ag damhsa leis an damhsóir gairmiúil Kylee Vincent, ba do Michael a tugadh an scór ab ísle ar fad nuair a cuireadh scóir na moltóirí agus vótaí an phobail le chéile.
Seo mar a labhair Michael: “Bhí am ar dóigh agam agus bhí eagla mo chraicinn orm, ach bhí mé ag iarraidh é seo a dhéanamh agus rinne mé é agus eagla orm.”
Beidh Michael agus Kylee ag labhairt le Laura Fox ar 2FM ar 9.30 maidin amárach, an chéad agallamh craolta uathu i ndiaidh dóibh Dancing with the Stars a fhágáil.
Seo a leanas scóir na ndamhsóirí ar an oíche:
Beirt 1
I dtús an chláir ar fad, thug Rós Thrá Lí Katelyn Cummins agus an damhsóir gairmiúil Leonardo Lini faoi jeighbh a dhamhsa in éineacht le APT. le Rosé agus Bruno Mars. Agus iad ag barr an scórchláir an tseachtain seo caite, bhí caighdeán ard leagtha síos ag Katelyn agus Leonardo.
28 bpointe a fuair siad.
Beirt 2
Thug Jordan Dargan ón Apprentice sa Ríocht Aontaithe agus Rebecca Scott faoin Válsa Víneach a dhamhsa á thionlacan ag Diamonds and Roses le Kingfishr.
25 phointe a fuair siad.
Beirt 3
Is é The 5th le David Garrett an ceol a bhí ag Anne Cassin, duine de láithreoirí Nationwide, agus Robert Rowiński don Paso Doble.
18 bpointe a fuair siad.
Beirt 4
Rinne an t-aisteoir Stephanie Kelly ó Fair City agus Ervinas Merfeldas an Cha-cha-cha a dhamhsa, á thionlacan ag amhrán Britney Spears I’m a Slave 4 U.
19 bpointe a fuair siad.
Beirt 5
Chonaiceamar an Foxtrot ó Eric Roberts, duine de láithreoirí Ireland AM, agus Arianna Favaro agus an t-amhrán Daisies le Justin Bieber á dtionlacan.
22 phointe a fuair siad.
Beirt 6
Is é amhrán móréilimh Ed Sheeran, Sapphire, a bhí le cluinstin agus Michael Fry agus Kylee Vincent ag tabhairt faoin Samba a dhamhsa.
23 phointe a fuair siad.
Beirt 7
Is é an Cha-cha-cha a dhamhsaigh an t-amhránaí is scríbhneoir Brian Kennedy agus James Cutler, an t-amhrán Mr Electric Blue mar cheol acu.
13 phointe a fuair siad.
Beirt 8
Rinc an podchraoltóir Amber Wilson agus Alex Vladimirov an tangó trasna urlár an damhsa i dteannta Call Me le Blondie.
24 phointe a fuair siad.
Beirt 9
An American Smooth a bhí againn ón gceoltóir Tolü Makay agus Maciej Zięba i dteannta an amhráin Man I Need le Olivia Dean.
32 phointe a fuair siad.
Beirt 10
Thug Paudie Moloney agus Laura Nolan taispeántas de The Godfather Waltz le Carlo Savina agus Nino Rota dúinn.
23 phointe a fuair siad.
Beirt 11
Bhí Salsa againn ón iomróir Oilimpeach agus dochtúir Philip Doyle agus Daniela Roze chun gabháil leis an amhrán le Pitbull We Are One (Olodum Mix).
31 phointe a fuair siad.
Beirt 12
Chonaiceamar an Mhearchéim ó laoch na hEoraifíse Niamh Kavanagh agus Stephen Vincent agus Billy-A-Dick le Bette Midler á ngríosú.
28 bpointe a fuair siad.
Is fada muid ar fad ag fanacht le clár speisialta Sheachtain na Scannán a chraolfar Dé Domhnaigh an 18 Eanáir ó 6:30pm ar RTÉ a hAon.
-CRÍOCH-
Rayna Connery,
Ceannasaí Sinsearach Cumarsáide RTÉ
Kate Smyth,
Ceannasaí Cumarsáide RTÉ