Ceiliúradh á Dhéanamh ar 21 Bhliain de Dhuais Rogha Ceoil RTÉ
Ceiliúradh á Dhéanamh ar 21 Bhliain de Dhuais Rogha Ceoil RTÉ
Duais Rogha Ceoil RTÉ
I gcomhar le IMRO agus IRMA
Albam Éireannach na Bliana 2025 – Fógra faoin nGearrliosta
Seachtain de Scéalta Nua ar RTÉ 2FM
Beo i Sráid an Bhiocáire, Baile Átha Cliath ar an 5 Márta – agus á chraoladh ar RTÉ 2FM amháin Ticéid ar Díol Cheana Féin
Fógraíodh gearrliosta na bliana seo d’Albam Éireannach na Bliana 2025 Dhuais Rogha Ceoil RTÉ, i gcomhar le IMRO agus IRMA inniu ar an Tracy Clifford Show ar RTÉ 2FM.
Is é seo a leanas an gearrliosta:
· Amble – Reverie
· Bricknasty – Black’s Law
· Joshua Burnside – Teeth of Time
· CMAT – EURO-COUNTRY
· Dove Ellis – Blizzard
· Junior Brother – The End
· Just Mustard – WE WERE JUST HERE
· pôt-pot – Warsaw 480km
· Maria Somerville – Luster
· SPRINTS – All That Is Over
Mar chuid de ghealltanas leanúnach RTÉ ceol Éireannach a chur chun cinn, beidh 2FM ag ceiliúradh fhógra an ghearrliosta ar fud a sceidil inniu le Lá Mór Cheol na hÉireann ón 6am go meán oíche. Leanfar le seachtain d’fhógairtí agus gníomhaíochtaí i ndáil le Duais Rogha Ceoil RTÉ ar The Tracy Clifford Show ar 2FM,
lena n-áirítear tuilleadh eolais ar na duaiseanna ar fad, Amhrán Éireannach na Bliana ina measc:
Amhránaí Éireannach na Bliana – fógrófar an gearrliosta Dé Máirt an 20 Eanáir
(fógrófar an buaiteoir i Sráid an Bhiocáire ar an 5 Márta)
Oirfideach Nua Éireannach na Bliana – fógrófar an gearrliosta Dé Céadaoin an 21 Eanáir
(fógrófar an buaiteoir i Sráid an Bhiocáire ar an 5 Márta)
Albam Clasaiceach na hÉireann – fógrófar sonraí breise Déardaoin an 22 Eanáir
(fógrófar an buaiteoir roimh an searmanas beo)
Amhrán Éireannach na Bliana 2025 – fógrófar an gearrliosta Dé hAoine an 23 Eanáir
(fógrófar an buaiteoir i rith an lae ar 2FM ar an 5 Márta)
Beidh an vótáil phoiblí d’Amhrán na Bliana oscailte ó Dé hAoine, an 23 Eanáir – Dé Domhnaigh, an 22 Feabhra.
Deir Dave Reid, comhbhunaitheoir an Duais Rogha Ceoil – “Is díol suntais an réimse fairsing agus an éagsúlacht mhór a bhaineann le ceol in Éirinn faoi láthair, rud is léir ó bhuaiteoirí an Duais Rogha Ceoil le tamall anuas, Fontaines D.C., CMAT agus eile, atá ag cruthú chomh maith ar ardán an domhain. Táthar ag tnúth go mór lena sárchumas a thréaslú le hoirfidigh de chuid na hÉireann agus le ceiliúradh a dhéanamh orthu i gcomhar le RTÉ ar feadh na seachtaine seo d’fhógraí ar chlár Tracy Clifford ón 19 Eanáir go dtí go dtarlaíonn an 21ú seó beo do Dhuais Rogha Ceoil RTÉ Déardaoin, an 5 Márta, i Sráid an Bhiocáire.
“Is iontach an t-am de bhliain seo nuair a bhíonn deis againn ceiliúradh a dhéanamh ar shároirfidigh ceoil na hÉireann le Duais Rogha Ceoil RTÉ. Tá albaim, amhráin agus
oirfidigh chomh maith agus atá sa domhan ar fad ag teacht chun cinn in Éirinn. Tar éis bliain eile den rath ag oirfidigh na hÉireann agus a gcuid ceoil, tá taitneamh le baint as cuid mhór ar fud na gcatagóirí uilig agus, mar a tharlaíonn i gcónaí, seoda nua le tabhairt faoi deara. Comhghairdeas leo siúd uilig a fuair ainmniúchán agus táim ag tnúth go mór le fáilte a chur rompusan, agus le héisteoirí 2FM, ag an seó beo i Sráid an Bhiocáire Déardaoin, an 5 Márta, ceann de na hoícheanta is fearr den bhliain. – Tracy Clifford, RTÉ 2FM
Fógrófar Albam Éireannach na Bliana 2025 beo as Sráid an Bhiocaire ar chlár speisialta idir 7-11pm ar RTÉ 2FM Déardaoin an 5 Márta arna chur i láthair ag Beta Da Silva. Mar chuid den chlár beidh roinnt de na ceoltóirí agus amhránaithe ar an ngearrliosta ag casadh beo. Fógrófar tuilleadh sonraí ar na daoine a bheidh páirteach go luath. Tá na ticéid ar díol anois ar https://www.ticketmaster.ie/choice-music-prize-tickets/artist/1541435
“Is breá le IRMA leanúint ag cuidiú leis an Duais Rogha Ceoil a bhfuil 21 bhliain de á cheiliúradh i mbliana. Bhí rath thar na bearta ar chúrsaí díolacháin maidir le ceol in Éirinn i rith na bliana 2025. Is iontach an t-am seo ag oirfidigh de chuid na hÉireann ar fud seánraí éagsúla agus iad uachtarach sna cairteanna in Éirinn agus i dtíortha eile ar fud an domhain. Tugann an Duais Rogha Ceoil deis dúinn aird a dhíriú ar cheoltóirí cumasacha nua atá ag teacht chun cinn i seánraí éagsúla agus ceiliúradh a dhéanamh orthu. Beidh na Gearrliostaí á bhfógairt an tseachtain seo agus is mian liom gairdeas a dhéanamh leo sin uilig a ainmnítear agus gach rath a ghuí orthu” – Willie Kavanagh, IRMA
—— —— —— ——
Déanfar an scoth de cheol taifeadta na hÉireann a cheiliúradh arís le Duais Rogha Ceoil RTÉ, an 21ú bliain ag an duais i mbliana. Tá an duais, a cuireadh ar bun sa bhliain 2005, ar cheann de bhuaicphointí na bliana i dtionscal
an cheoil in Éirinn faoin tráth seo. Déanfaidh painéal ar a bhfuil aon duine dhéag de dhaoine gairmiúla maidir le meáin chumarsáide an cheoil agus de shaineolaithe ar
an tionscal Albam Éireannach na Bliana a roghnú ó ghearrliosta ar a bhfuil deich gcinn d’albaim. Is liosta de na moltóirí le fáil ar http://www.choicemusicprize.ie
Gheobhaidh buaiteoir Albam na Bliana €10,000, duaischiste atá curtha ar fáil ag Eagraíocht um Chearta Ceoil na hÉireann (IMRO) agus Cumann um Cheol Taifeadta na hÉireann (IRMA). Gheobhaidh gach ceoltóir agus grúpa a bhainfidh áit amach ar an ngearrliosta gradam a coimisiúnaíodh go speisialta.
Is páirtnéirí oifigiúla maidir le Duais Rogha Ceoil RTÉ iad RAAP, Cultúr Éireann, FMC, Minding Creative Minds, Cultural & Creative Industries Skillnet agus Coimisiún na Meán.
#rtechoiceprize
CRÍOCH
Chun breis eolais a fháil, scríobh chuig: Duais Rogha Ceoil: Liza Geddes, Recode Publicity I lizageddes@gmail.com RTÉ: Neil O’Gorman neil.ogorman@rte.ie
Nótaí don Eagarthóir:
Is é David Reid, comhbhunaitheoir, a eagraíonn Duais Rogha Ceoil RTÉ. Tá Jim Carroll, Eagarthóir RTÉ Brainstorm & comhbhunaitheoir na duaise, ina chathaoirleach ar phainéal na moltóirí maidir le hAlbam Éireannach na Bliana. Is duais ar leith í seo mar go ndéantar moltóireacht ar Albam Éireannach na Bliana bunaithe go simplí agus ar fad ar an gceol (seachas a bheith bunaithe ar dhíolacháin agus chomh minic is a bhíonn sé le cloisteáil ar an raidió). Tá painéal nua moltóirí curtha i dtoll a chéile do gach ceann de na trí chatagóir. Beidh liosta iomlán de na moltóirí ar fad le fáil ar láithreán gréasáin Dhuais Rogha Ceoil RTÉ ag tosú ar an 19 Eanáir, agus ar feadh na seachtaine de réir mar a bheidh gach gearrliosta á fhógairt, chomh maith le tuilleadh eolais. Is í seo an t-aonú bliain is
fiche den duais. Is féidir buaiteoirí roimhe seo a fháil ar http://www.choicemusicprize.ie/past-prizes/
Beidh tú in ann an nuacht is déanaí ar fad maidir le Duais Rogha Ceoil RTÉ a fháil trí @choiceprize, @rte2fm, @rte agus @rteplayer a leanúint ar Twitter agus ar Facebook agus @explorerte agus @rte2fm ar Instagram trí úsáid a bhaint as #rtechoiceprize.
Is féidir tuilleadh eolais a fháil anseo: http://www.choicemusicprize.ie http://2fm.rte.ie/ http://www.rte.ie/ http://twitter.com/choiceprize