“Má théann an cluiche ar aghaidh – agus is cinneadh é sin don FAI, an comhlacht náisiúnta spóirt ábhartha – craolfaidh RTÉ é de réir a chuid oibleagáidí conarthacha atá dá bhrí sin ina n-oibleagáidí ceangailteacha de réir dlí agus ar ndóigh mar gheall ar ár dtiomantas ginearálta tacaíocht a thabhairt d’fhoirne náisiúnta na hÉireann.
Go bunúsach, is é an comhlacht náisiúnta cuí – sa chás seo an FAI – atá freagrach as na cinntí a bhaineann le foireann náisiúnta sacair na hÉireann a bheith páirteach in aon chomórtas. Dá bhrí sin, tá na cinntí a bhaineann le craoladh na n-imeachtaí seo ag brath ar chinntí den chineál sin.
Ní hionann cinneadh RTÉ sa chás seo agus an cinneadh a ghlac RTÉ maidir le Comórtas Amhránaíochta na hEoraifíse, agus ar cheann de na príomhchúiseanna leis sin tá go bhfuil an Comórtas sin faoi úinéireacht an EBU agus á reáchtáil aige. Sa chás sin, fágtar an próiseas roghnúcháin faoi chraoltóirí náisiúnta/meáin náisiúnta na seirbhíse poiblí (PSManna) agus is iad sin a shocraíonn cén t-amhrán/ealaíontóir a dhéanfaidh ionadaíocht ar a dtír sa Chomórtas. Mar gheall air sin is é an PSM amháin a dhéanann cinneadh faoi an nglacfaidh siad páirt nó nach nglacfaidh. In Éirinn, is léir go bhfuil an fhreagracht ar RTÉ mar PSM náisiúnta na hÉireann, agus mar bhall den EBU. Mar sin, bhí RTÉ in ann cinneadh neamhspleách a dhéanamh i dtaobh an mbeifí páirteach i gComórtas Amhránaíochta na hEoraifíse agus an gcraolfaí nó nach gcraolfaí é.”
CRÍOCH
Eolas breise: Neil O’Gorman | Bainisteoir Cumarsáide Corparáide, RTÉ | neil.ogorman@rte.ie
