Deireadh seachtaine lán le siamsaíocht, spórt agus ceol na hÉireann ar fud RTÉle haghaidh Lá Fhéile Pádraig.
The Late Late Show Show St Patrick’s Day Special
An babhta ceannais de Dancing with the Stars
Spórt beo – Comórtas Sé Náisiún na bhFear agus CLG
BellX1 i mbun ceoil ar RTÉ Radio 1
Clár faisnéise nua Turbulence – The Story of Ryanair
Craoladh beo ar na Oscars
Ní bheidh tada in easnamh ar RTÉ Deireadh seachtaine seo na Féile Pádraig agus ceiliúradh iontach á dhéanamh ar Éirinn: beidh na codanna is fearr de spórt, de shiamsaíocht, de chultúr, de cheol agus de sheanchas na hÉireann le fáil ar an teilifís, ar an raidió agus ar líne.
Beidh na himeachtaí ar fad ón deireadh seachtaine ar RTÉ, ó chraoladh beo ón St Patrick’s Festival Parade go deireadh seachtaine deiridh lán teannais Chomórtas Sé Náisiún na bhFear go dtí an babhta ceannais galánta de Dancing with the Stars. Déanfaidh RTÉ ceiliúradh ar fhéiniúlacht agus ar oidhreacht uathúil na hÉireann agus beidh ceol na hÉireann don uile dhuine le cloisteáil ar RTÉ Radio 1, ar 2FM, ar RTÉ lyric fm agus ar RTÉ Raidió na Gaeltachta.
Siamsaíocht Iontach
Bain sult as na dathanna agus as an spraoi ar St Patrick’s Festival Parade, beo ó Bhaile Átha Cliath ar RTÉ One agus ar RTÉ Player ó 12:15pm ar Lá Fhéile Pádraig. Beidh Doireann Garrihy i gcuideachta na foirne láithreoirí Dáithí Ó Sé agus Emer O’Neill chun an clúdach ar an bparáid i mbliana a óstáil. Is é “fréamhacha” téama na paráide agus beidh flótaí dochreidte le feiceáil, lena n-áirítear Sproí, VolkiDana, Buí Bolg agus Macnas. RTÉ News: Beidh píosaí scannánaíochta ó pháráidí timpeall na tíre le feiceáil ar fheasachán níos faide ar Six One.
Cuirfear tús le cóisir Lá Fhéile Pádraig oíche Dé hAoine le The Late Late Show ar RTÉ One agus ar RTÉ Player. Beidh an fuirseoir agus podchraoltóir Éireannach, Joanne McNally, i gcuideachta Patrick Kielty, mar aon leis an gceoltóir mór le rá Glen Hansard, an t-aisteoir Éireannach Jonathan Rhys Meyers, chomh maith le pearsantachtaí aitheanta eile Éireannacha.
Beidh clár iontach do theaghlaigh ar siúl Dé Domhnaigh ag 6:30pm ar RTÉ One agus Tolü Makay, Eric Roberts, Katelyn Cummins agus Paudie Moloney ag damhsa den uair dheireanach ar Dancing with the Stars. Déanfaidh gach duine cáiliúil na dreasanna is mó a thaitin leis na moltóirí ón séasúr a dhamhsa, chomh maith le damhsa taispeántais iontach agus iad ag iarradh an trófaí Gealra a bhuachan.
Spórt na hÉireann
Níl sé soiléir fós cé aige a bheidh an bua i gComórtas Sé Náisiún na bhFear 2026 an deireadh seachtaine seo agus beidh tráchtaireacht bheo ar Éire v Albain ó Staid Aviva (2:10pm) ar Saturday Sport ar RTÉ Radio 1 ar an lá deiridh den chomórtas. Cinnfear buaiteoir thrófaí na bliana seo leis an dá chluiche deiridh i gComórtas na Sé Náisiún, an Bhreatain Bheag v an Iodáil agus an Fhrainc v Sasana, a bheidh beo ar an teilifís ar RTÉ2 agus ar RTÉ Player ó 4:15pm.
Beidh aicsean beo ó na Cluichí Gaelacha ag RTÉ deireadh seachtaine seo na Féile Pádraig, agus Ciarraí ag tabhairt aghaidh ar Mhaigh Eo i dTrá Lí Dé Sathairn. Beidh tráchtaireacht bheo ar chluichí Shraith Allianz ar Saturday GAA Live ar RTÉ One agus ar RTÉ Player, ar Saturday Sport ar RTÉ Radio 1 agus ar Spórt an tSathairn ar RTÉ Raidió na Gaeltachta. Caithfear an pheil isteach ag 4pm. Beidh tuilleadh tráchtaireachta ar chluichí ó Shraithchomórtas Peile agus Iománaíochta Allianz ar Spórt an tSathairn, ar Spórt an Tráthnona agus ar Spórt an Lae feadh an deiridh seachtaine. Bí ag éisteacht le tráchtaireacht ar na trí cluiche seo, Dún na nGall v Ros Comáin ó 1:30pm, Pórt Láirge v Tiobraid Árainn agus Gaillimh v Muineacháin ó 3:45pm Dé Domhnaigh an 15 Márta.
Ceol na hÉireann
Tabharfar tús áite do cheol na hÉireann ar fud stáisiúin raidió RTÉ an deireadh seachtaine seo. Beidh BellX1, ceann de na bannaí ceoil is seasmhaí agus is mó cáil in Éirinn, ag casadh cuid de na hamhráin atá acu is mó a thaitníonn le daoine ar The Louise Duffy Sessions ag 3pm ar RTÉ Radio 1 ar Lá Fhéile Pádraig. Tiocfaidh Raidió na Gaeltachta agus 2FM le chéile don tsraith nua craoltaí speisialta, An Club, Lá Fhéile Pádraig. Beidh Hugh Carr agus Aindriú De Paor ag cur an chuid is fearr de cheol nua na hÉireann i láthair agus beidh neart craic agus comhrá ar an gclár ó 9pm. Beidh Mark Feehily ón mbanna Westlife ag ceiliúradh amhránaithe agus bannaí ceoil na hÉireann a bhain cáil amach ar fud an domhain – ó The Cranberries agus Enya go Snow Patrol agus Sinead O’Connor – in eagrán eile den chlár Mark Feehily’s Musical Icons ón 11am.
Ar RTÉ lyric fm, beidh Aedín Gormley ag díriú ar gach a bhaineann le hÉirinn, mar a dhéanann sí gach bliain, agus scannáin déanta in Éirinn agus bunaithe ar Éirinn, ó ‘Micheal Collins’ go ‘An Cailín Ciúin’, faoi chaibidil aici ar Movies and Musicals Dé Sathairn ag 1pm. Ar Lá Fhéile Pádraig beidh léirithe beo ó na ceoltóirí traidisiúnta Éireannacha is fearr, lena n-áirítear an fidléir Kevin Burke, an cláirseoir Fiana Ní Chonaill agus an bheirt Cormac Breathnach ar an bhfeadóg agus Martin Dunlea ar an ngiotár ar chlár speisialta Lorcan Murray’s Classic Drive ó 4pm. Ó 9pm ar RTÉ lyric, caithfidh Donal Dineen an tráthnóna ag cíoradh an ghréasáin shaibhir fuaime i ré órga i gceol na hÉireann in The Blue of the Night in Green.
Seanchas na hÉireann
Déantar ceiliúradh ar sheanchas na hÉireann ar fud na n-ardán le haghaidh fhéile náisiúnta na tíre. Craolfar Turbulence – The Story of Ryanair ar RTÉ One agus ar RTÉ Player Dé Luain ag 9:35pm. Is sraith faisnéise í ina n-insítear scéal Ryanair, faoin gcaoi ar tháinig athrú ó bhonn air ón tráth sin ina raibh sé ina aerlíne aon bhealaigh go dtí an lá atá inniu ann agus é anois ina mhórchomhlacht eitlíochta san Eoraip. Beidh an dara chlár ar fáil ar RTÉ Player níos déanaí an trathnóna sin. Beidh triúr aíonna eile ar The Tommy Tiernan Show oíche Dé Sathairn chun a gcuid scéalta a insint do Tommy.
Cuirfidh Hugh Wallace, nach maireann, an chéad eagrán i sraith nua de The Great House Revival i láthair oíche Dé Domhnaigh ag 9:25pm agus ag 11pm ar RTÉ One agus ar RTÉ Player, agus is féidir leis an lucht féachana breathnú ar na 98th Academy Awards beo agus daoine ag súil go n-éireoidh le Jessie Buckley gradam Oscar a bhuachan as a ról in ‘Hamnet’.
Beidh Comhfhreagraí Washington RTÉ, Jackie Fox, ag tuairisciú do RTÉ News ón Teach Bán Lá Fhéile Pádraig, agus an Taoiseach Micheál Martin ag tabhairt an bhabhla thraidisiúnta seamróige anonn ag Uachtarán na Stát Aontaithe, Donald Trump.
Ar an raidió Lá Fhéile Pádraig, inseofar scéalta agus béaloideas faoi Naomhphátrún na hÉireann ar Naomh Pádraig ar RnaG ag 9:15am agus cloisfear scéalta ón bhfuirseoir “giz a laugh” Enya Martin agus ón scátálaí fíorach Chraobh an Domhain Chloe Loane ar The Marty Morrissey Show ó 9am ar RTÉ Radio 1. Ar Adamstown at 21 ag 4pm, inseofar scéal an phobail sin in Iarthar Bhaile Átha Cliath Thiar a bheidh 21 bhliain ar an bhfód i mbliana. Ar RTÉ One, beidh deis ag an lucht féachana trí theach aoibhne eile in Éirinn a fheiceáil ar Home of the Year ag 7pm.
Féadfaidh tú a bheith cinnte de go mbeidh neart ag tarlú in Carrigstown ar Fair City le linn dheireadh seachtaine seo na Féile Pádraig. Agus cás cúirte Mondo ag druidim linn, tá muintir Rafferty ag iarraidh a ngreim a dhaingniú air agus a bplean é a chur faoi ghlas go deo a chur chun chinn.
Dé Céadaoin ag 7pm ar RTÉ One agus ar RTÉ Player, cuirfidh an láithreoir Bláthnaid Ní Chofaigh clár speisialta i láthair ar Nationwide faoi oidhreacht an cheoltóra agus an scéalaí Shane MacGowan.
Beidh rogha na scannán agus na gclár teilifíse Éireannach le fáil ar RTÉ Player le féachaint orthu am ar bith le linn dheireadh seachtaine na Féile Pádraig, ina measc cláir dhrámaíochta, cláir ghrinn, cláir fhíorasacha, cláir stíl mhaireachtála agus cláir shiamsaíochta, lena n-áirítear Father Ted, Normal People, Hardy Bucks, Other Voices agus go leor eile.
-CRÍOCH-