Soilse! Ceamara! Aicsean! Beidh 98ú searmanas na ngradam Oscar á chraoladh beo agus RTÉ ag tacú leis na hÉireannaigh atá ainmnithe.
Soilse! Ceamara! Aicsean! Beidh 98ú searmanas na ngradam Oscar á chraoladh beo agus RTÉ ag tacú leis na hÉireannaigh atá ainmnithe.
Beidh RTÉ ag tacú le Jessie Buckley, Retirement Place, Blue Moon, Element Pictures, Ed Guiney agus Andrew Lowe agus Richard Baneham roimh an oíche is mó i dtionscal na scannán
Beidh clúdach ar feadh an deireadh seachtaine ar ardáin uile RTÉ ar an teilifís, raidió agus na meáin shóisialta
Beidh Retirement Plan, atá ainmnithe do Oscar, á chraoladh den chéad uair ar an teilifís ar RTÉ 1 agus tá sé ar fáil ar RTÉ Player
Tá suim ar leith ag muintir na hÉireann i searmanas Oscars® na bliana seo. Tar éis di Golden Globe, Gradam Actor, IFTA agus BAFTA a bhuachan dá léiriú ar Agnes Hathaway in Hamnet cheana féin i mbliana, tá Jessie Buckley as Ciarraí ó dhúchas ainmnithe don Ghradam don Bhanaisteoir is Fearr. Beidh RTÉ ag coinneáil an lucht leanúna ar an eolas roimh an oíche mhór féin chomh maith le galántacht na hócáide féin a thaispeáint.
Tá an gearrscannán Retirement Plan a fuair tacaíocht ó RTÉ agus Fís Éireann, agus a raibh John Kelly atá lonnaithe i mBaile Átha Cliath i mbun stiúrtha air agus atá á ghuthú ag Domhnall Gleeson, ainmnithe don Ghearrscannán Beochana is Fearr. Beidh sé le feiceáil roimh shearmanas na Oscars ar RTÉ1 ar an Satharn an 14 Márta ag 10.50i.n. Tá sé ar fáil le sruthú freisin ar RTÉ Player.
Cuireadh maoiniú ar fáil don scannán beochana seo faoi scéim Frameworks, príomhscéim gearrscannáin beochana RTÉ agus Fís Éireann, faoin ndéantar infheistíocht bliain i ndiaidh bliana i dtallann nua ar oileán na hÉireann. Tá scannáin ar ardchaighdeán leanúnach a bhfuil gradaim buaite acu ar fud an domhain léirithe faoin scéim seo. Cuireann RTÉ agus Fís Éireann maoiniú ar fáil do líon áirithe gearrscannán beochana gach bliain agus bhí Retirement Plan ar cheann de na scannáin a roghnaíodh in 2024.
Tá Bugonia, comhléiriú leis an gcomhlacht Éireannach Element Pictures, ainmnithe don Scannán is Fearr, agus tá Richard Baneham ar an ngearrliosta do na Maisíochtaí Físe is Fearr don scannán Avatar: Fire and Ash. Tá dhá ainmniúchán faighte ag Blue Moon, a taifeadadh in Éirinn agus a léiríodh i gcomhar le Wild Atlantic Pictures atá lonnaithe i mBaile Átha Cliath
Beidh blaiseadh de Hollywood le fáil ar RTÉ an deireadh seachtaine seo nuair a bheidh 98ú searmanas na Oscars® ar an aer mar aon le clúdach ar ardáin físe, fuaime agus ar líne.
Beidh na Gradaim an Acadaimh, a bheidh á gcur i láthair ag Conan O’Brien, beo as Amharclann an Dolby in Ovation Hollywood, ar siúl ar an Domhnach an 15 Márta ag 11i.n. agus le feiceáil ar RTÉ One agus RTÉ Player.
Beidh buaicphointí den oíche is mó i dtionscal na scannán le feiceáil ar an Luan an 16 Márta ag 9.30i.n. ar RTÉ2 agus beidh an searmanas ar fad le fáil ar éileamh ar RTÉ Player.
Beidh Evelyn O’Rourke, Comhfhreagraí Ealaíon agus Meán RTÉ, ag tuairisciú beo ó Hollywood de réir mar a bhíonn réaltaí na hÉireann ag teacht go Hollywood agus beidh clúdach leanúnach ar an teilifís, raidió agus na meáin shóisialta.
Beidh fáil ag láithreoir RTÉ 2FM Emma Power ar an uile áit in Los Angeles roimh an ócáid. Tabharfaidh sí an t-eolas is déanaí dúinn ar 2FM ar feadh an deireadh seachtaine ó chairpéad uaine chóisir Oscar Wilde agus cairpéad dearg na Oscars chomh maith le hagallaimh leis na pearsaí is cáiliúla ó thionscal na scannán. Beidh Emma le cloisteáil beo freisin ar chlár Oliver Callan ar RTÉ Radio 1 maidin Dé Luain agus déanfaidh sí cur síos ar na scéalta ar fad faoi na buaiteoirí ón oíche roimhe.
Beidh James Patrice beo ar an gclár Today as Cill Airne áit a mbeidh sé ag caint le cuid de chairde agus de ghaolta Jessie Buckley nuair a bheidh liosta na mbuaiteoirí ón Domhnach foilsithe.
Ar RTÉ Lyric FM, beidh Aedín Gormley ag tabhairt cuairt ar an gcairpéad glas agus ag breathnú ar scannáin a léiríodh in Éirinn nó a raibh téamaí Éireannacha acu, ó Michael Collins go dtí an Cailín Ciúin, The Banshees of Inisherin go dtí My Left Foot agus ó Odd Man Out go dtí Brooklyn. Beidh trácht ar scannáin faoin ngorta mór, Arracht agus Black ’47 chomh maith le ceol ó na scannáin Once agus The Commitments and scéalta beochana den scoth in Song of the Sea agus Wolfwalkers. Ceiliúradh a bheidh ann ar scannáin Éireannacha ar an gclár Movies and Musicals le Aedín Gormley ar an Satharn an 14 Márta idir 1i.n. agus 4i.n.
Beidh clár speisialta ar Arena ar RTÉ Radio 1 ina gcraolfar agallaimh leo siúd atá ainmnithe do Oscar i láthair na n-éisteoirí. Tá an clár ar fáil le héisteacht siar leis ar rte.ie/radio/arena, agus i measc na mbuaicphointí tá comhráití leis na réaltaí seo a leanas: Emma Stone (Bugonia), atá ainmnithe don Bhanaisteoir is Fearr, Wagner Muora (The Secret Agent) atá ainmnithe don Aisteoir is Fearr, Stellan Skarsgard (Sentimental Value) atá ainmnithe don Aisteoir Tacaíochta is fearr, Ryan Coogler (Sinners) atá ainmnithe don Stiúrthóir is Fearr, agus Maggie O’Farrell (Hamnet) atá ainmnithe don Script Scannáin curtha in Oiriúint is Fearr.
Beidh an nuacht ar fad ó chúl téarmaí le fáil ar chuntais Instagram, Tik Tok, X agus Facebook RTÉ. Beidh na scéalta ar fad faoin gcúlchaint agus faoin bhfaisean ón oíche is mó i séasúr na ngradam le fáil ar RTÉ Entertainment agus RTÉ Lifestyle.