Young Forever: The Death of Ageing? Á craoladh Dé Luain an 13 Aibreán agus an 20 Aibreán ar RTÉ One agus RTÉ Player
Tá daoine ar fud an domhain ar bís le deireadh a chur leis an lorg a fhágann na blianta ar an duine. Idir chóireálacha aeistéitice áilleachta ceannródaíocha agus clinicí a bhfuil d’aidhm acu fad a chur le saol an duine, tá eolaithe, fiontraithe agus billiúnaithe na teicneolaíochta ag infheistiú saibhreas aisteach le súil fad a chur le saol an duine, agus b’fhéidir fiú an t-aosú féin a mhoilliú.
Bíonn brú gan stad gan staonadh ar mhná a bheith ag dul in aois na hóige, agus tá cleachtadh maith ag Kathryn Thomas ar an mbrú sin ós rud é go bhfuil os cionn fiche bliain caite aici cur cláracha i láthair ar scáileáin teilifíse na hÉireann. Tá borradh tagtha ar an mbrú sin i ré na meáin shóisialta, agus an brú anois ar gach uile bhean, ní hamháin ar na daoine sin a bhíonn i mbéal an phobail.
I gcaitheamh Young Forever: The Death of Ageing?, sraith nua as an bpíosa ina bhfuil dhá chlár a chraolfar ar RTÉ One agus RTÉ Player, fiosróidh Kathryn an iliomad roghanna atá ag daoine agus iad sa tóir ar fhad a chur lena n-óige agus saol níos faide chaitheamh, ó athruithe laethúla a dhéanamh ar a gcaoi a gcaitheann siad an saol go teorainneacha na heolaíochta fadsaolaí.
Casfar daoine uirthi feadh na sraithe a bhfuil straitéisí acu, straitéisí a chuirfeadh iontas ort, an próiseas aosaithe a mhoilliú agus labhraíonn sí le heolaithe atá ar thús cadhnaíochta a oibríonn chun tuiscint níos fearr a fháil ar an gcaoi agus ar an bhfáth a théimid in aois.
Ní léir an teorainn idir an saol poiblí agus an saol príobháideach, agus mar sin cruthaítear cultúr ina ndéantar breithniú seasta ar an gcuma atá ar dhaoine agus ina gcaitear leis an aosú mar rud éigin nár mhór a cheilt nó nár mhór a throid agus ní mar phróiseas nádúrtha.
An féidir fanacht óg go deo? An bhféadfadh sé gur gearr nach mbeidh aon duine ag dul in aois?
Craolfar Young Forever: The Death of Ageing? ar RTÉ One agus ar RTÉ Player an 13 Aibreán agus an 20 Aibreán ag 9.35pm
