Is ar Paul O’Donovan a bronnadh Pearsa Spóirt na Bliana

Is ar Katie George Dunlevy agus Linda Kelly a bronnadh Foireann na Bliana

Is ar Willie Mullins a bronnadh Bainisteoir na Bliana

Is í Róisín Ní Riain a ainmníodh mar Phearsa Spóirt Óg na Bliana

Craoladh Gradaim Spórt RTÉ 2024  ar RTÉ One agus ar an RTÉ Player os comhair lucht féachana beo sa stiúideo in RTÉ anocht (Dé Domhnaigh an 15 Nollaig 2024). Arna chur i láthair ag Joanne Cantwell, Darragh Maloney agus Jacqui Hurley, rinneadh éachtaí spóirt na hÉireann sa bhliain 2024 a cheiliúradh agus tugadh urraim dóibhsean a bhain na héachtaí sin amach, ar bliain dhochreidte amach is amach a bhí inti do chúrsaí spóirt na tíre.

Ainmníodh Paul O’Donovan mar Phearsa Spóirt na Bliana RTÉ, bliain inar éirigh leis a bheith ar an gcéad Oilimpeach as Éirinn a bhuaigh boinn ag trí chluichí Oilimpeacha as a chéile. Bhuaigh sé Bonn Óir i gcomórtas céaslaire beirte i bPáras – agus Bonn Óir i gcomórtas céaslaire aonair ag Craobhchomórtas Rámhaíochta an Domhain.

Ainmníodh Róisín Ní Riain mar Phearsa Spóirt Óg Spórt na Bliana RTÉ ós rud é gur bhuaigh sí dhá bhonn Pharailimpeacha, an Bonn Airgid agus an Bonn Cré-Umha ag Cluichí Parailimpeacha na bliana seo i bPáras sa Snámh Droma S13 100m agus sa Mheascra Aonair SM13 200m, agus bhuaigh sí dhá Bhonn Óir ag Craobhchomórtas na hEorpa sa Snámh Droma 100m agus sa Snámh Brollaigh 100m.

Fógraíodh gurb é Willie Mullins Bainisteoir na Bliana Spórt RTÉ ós rud é gurb é anois an chéad traenálaí curaidh ar gach aon taobh de Mhuir Éireann ó bhí ré Vincent O’Brien ann in 1954. D’éirigh leis freisin an líon is mó Grád 1 riamh a bhaint amach in aon bhliain amháin in 2024, lena n-áirítear ocht gcinn ag Cheltenham agus bhuaigh sé tuilleadh ag an Aintree Grand National le “I Am Maximus”.

Is iad Katie-George Dunlevy agus Linda Kelly a thug leo Foireann na Bliana Spórt RTÉ ó tharla gur bhuaigh siad bonn óir agus bonn airgid sa Rothaíocht Bhóthair ag Cluichí Parailimpeacha 2024 i bPáras agus ós rud é gur Curaidh Dhomhanda faoi dhó iad.

Agus ar deireadh, rinneadh an tOilimpeach agus dornálaí gairmiúil, Michael Carruth, a ionduchtú i nDámhachtain na Laoch Spórt RTÉ. Chun clabhsúr a chur le hoíche iontach do phobal spóirt na tíre tugadh urraim don dornálaí Marcmheáchain, a bhuaigh bonn Óir ag Cluichí Oilimpeacha na bliana 1992 in Barcelona, as an méid a bhain sé amach le linn a ghairme.

Is éard a dúirt Declan McBennett, Grúpcheannasaí Spóirt, RTÉ faoi ghradaim na hoíche anocht: “Ba bhliain dhochreidte amach is amach a bhí inti agus léiríonn an méid a bhuaigh lúthchleasaithe iontacha na tíre agus an chaoi ar bhuaigh siad iad go bhfuil na caighdeáin ag ardú agus ag ardú. Tá an rath sin ag teacht chun cinn in an oiread sin disciplíní agus cód anois gur as an mbliain 2024 a éireoidh éachtaí níos mó fós sna blianta amach romhainn de réir mar a spreagtar glúin nua a leithéid de ghaiscí as cuimse a chonacthas ar fud chainéil RTÉ i mbliana a dhéanamh iad féin.”

Mheall sé an saol mór cheana féin lena ghlór binn ach an meallfaidh sé na moltóirí lena scileanna damhsa chun go dtabharfaidh sé leis trófaí na liathróide gealra?

Beidh ar Mickey Joe Harte a ghiotár uaine a chur i leataobh ar feadh scaithimh mar go mbeidh sé ag baint deatach as a bhróga damhsa ar an ochtú sraith de Dancing with the Stars. Tosóidh an tsraith ar RTÉ One agus ar an RTÉ Player i mí Eanáir 2025.

Tharraing Mickey Joe Harte aird an náisiúin den chéad uair scór bliain ó shin, nuair d’éirigh leis an chéad You’re a Star a bhuachan. Ina dhiaidh sin, rinne sé ionadaíocht thar ceann na hÉireann ag comórtas na hEoraifíse i Ríge, an Laitvia sa bhliain 2023 nuair a chan sé an t-amhrán ‘We’ve Got the World Tonight’. Bhain sé an t-aonú háit déag amach ar an scórchlár leis an amhrán sin agus bhain sé barr na gcairteacha amach sa bhaile. Bhí sé ar an singil is mó díol an bhliain sin, a chinnte go mbeadh sé ar cheann de na hamhráin sin a chanfaí go deo na ndeor.

Is éard a dúirt Mickey Joe faoina chinneadh cultacha seacaineacha a chaitheamh air féin: “Cheap mé go raibh sé in am. Leis an bhfírinne a rá, ní cheapfainn go mbeinn chomh sásta céanna é a dhéanamh fiú cúpla bliain ó shin. Ach is dóigh liom, i bhfianaise chomh maith is a d’éirigh le Bambie Thug ag comórtas na hEoraifíse anuraidh, gur airigh mé go raibh scleondar deas ag baint leis uilig. Ceapaim gurb é anois an t-am ceart agus ní in aois na hóige atá mé ag dul!”

Ó laethanta na hEoraifíse i leith, tá neart cleachtaidh ag Mickey Joe ar an ardán agus choinnigh sé a áit i saol siamsaíochta na hÉireann. D’eisigh sé ‘We’ve Got the World Tonight’ arís mar dhíséad Gaeilge leis an DJ raidió Cathal Minogue agus chuaigh sé ar camchuairt in éineacht leis The 2 Johnnies. Chuaigh Mickey Joe i gcomhar leis an amhránaí eile as Dún na nGall, Rory

Gallagher, chun dísréad Nollag nua a scríobh agus a thaifeadadh, tá ‘Hey! Home For Christmas’, amuigh anois.

Fágfaidh Mickey Joe cnoic Dhún na nGall ina dhiaidh ar feadh tamaill agus tabharfaidh sé aghaidh ar shoilse geala an bhálseomra. Beidh ar dul i gcleachtadh ar bheith faoin spotsolas gan a ghiotár. Is éard a dúirt sé faoi sin: “Ní bheidh mo chrann taca agam, an giotár agus an micreafón. Tá nós agam a bheith ag caint le linn na ngigeanna agus an slua a ghríosadh. Níl le déanamh agat ach dul amach ansin, do chion a dhéanamh, damhsa agus a bheidh cinnte go ndéanann tú i gceart é. Ní bhfaighidh tú deis téamh suas roimh an ghig, caitear isteach sa bhearna bhaoil thú!”

Bí ag faire go bhfaighidh tú amach an féidir leis an bhfear a bhfuil seantaithí aige ar chomórtas na hEoraifíse an fuinneamh céanna a shaothraigh ‘douze points’ dó tráth a thabhairt go dtí urlár an damhsa!

Is é Mickey Joe an cúigiú duine cáiliúil atá fógartha. Fógraíodh Oilimpeach taecuando na hÉireann, Jack Woolley, ar maidin. Fógraíodh go mbeadh Mickey Joe páirteach sa tsraith ar RTÉ Today inniu le Maura Derrane agus Dáithí Ó Sé.

Fógraíodh i dtús na seachtaine seo gurb iad an fuirseoir, Gearóid Farrelly, an t-aisteoir ó Mrs. Brown’s Boys Danny O’Carroll agus iar-Miss Universe Ireland, Aishah Akorede an chéad triúr a bheidh san iomaíocht agus súil acu trófaí na liathróide gealra a thabhairt leo i dtús na bliana 2025. Fógrófar na cúig iomaitheoir cáiliúla eile a bheidh páirteach sa tsraith nua de Dancing with the Stars ar an Late Late Show oíche amárach, 9.35pm ar RTÉ One agus ar an RTÉ Player.

Beidh neart ócáidí gáifeachta, galántachta, agus teannais sa tsraith nuair a fhillfidh an séasúr nua ar RTÉ One agus ar RTÉ Player an mhí seo chugainn.

Is iad Jennifer Zamparelli agus Doireann Garrihy a chuirfidh Dancing with Stars i láthair arís i mbliana. Beidh an damhsóir gairmiúil a bhfuil Dancing with the Stars buaite faoi dhó aici, Karen Byrne, ar an bpainéal moltóireachta i mbliana i dteannta Loraine Barry, Brian Redmond agus Arthur Gourounlian.

-CRÍOCH-

Dáta: Déardaoin an 12 Nollaig 2024

Is féidir íomhánna ardghléine a íoslódáil anseo: https://we.tl/t-7j7mNsIu3t

Creidiúint ghrianghrafadóireachta: Barry McCall

Tuilleadh eolais:

Rayna Connery, Preasoifigeach Sinsearach RTÉ | rayna.connery@rte.ie

Éadaoin Nic Giolla Chomhaill, Preasoifigeach RTÉ | eadaoin.nicgiolla@rte.ie

Tá Jack, an tíotán taecuando é féin, réidh le tabhairt faoin tangó!

Tá sé fógartha gurb é an tOilimpeach Éireannach, Jack Woolley, an ceathrú duine cáiliúil a bheidh ag dul san iomaíocht in Dancing with the Stars nuair a fhillfidh an séasúr nua ar RTÉ One agus ar RTÉ Player an mhí seo chugainn.

Is é Jack an chéad lúthchleasaí riamh a rinne ionadaíocht ar son na hÉireann i taecuando ag na Cluichí Oilimpeacha. Throid sé den chéad uair d’Fhoireann na hÉireann ag Cluichí Oilimpeacha Tóiceo 2020 agus le déanaí, bhí sé san iomaíocht i gCluichí Oilimpeacha Pháras 2024 níos luaithe i mbliana. Mar aon lena éachtaí ag na Cluichí Oilimpeacha, bronnadh boinn airgid ar Jack ag Craobhchomórtais na hEorpa in 2022 agus ag na Cluichí Eorpacha in 2023, agus bhuaigh sé boinn chré-umha ag an Taekwondo Grand Prix in 2018 agus in 2022.

Is éard a dúirt Jack, “Táim ar bís. Ní dhearna mé a leithéid seo riamh cheana. Ceapaim go gcuideoidh an taecuando liom mar go bhfuilim solúbtha agus tá an-tuiscint agam ar mo cholainn féin, ach is rud nua uilig é cuimhneamh ar na steipeanna damhsa. Leis an taecuando, bím i mo sheasamh os comhair duine atá ag bogadh, agus braitheann an méid a dhéanaimse ar an méid a dhéanann siadsan. Táim á dtroid agus níl a fhios agat céard a tharlóidh. Ach leis seo, tá steipeanna agat a chaithfidh tú a dhéanamh in am. Rud nua uilig a bheidh ansin domsa. Tús maith leath na hoibre, mar ar an dea-uair, táim aclaí, ach ní fhéadfaidh mé talamh slán a dhéanamh de sin!’

Le teann magaidh, is éard dúirt sé faoin ngné is mó atá ag déanamh imní dó: “Leis an bhfírinne a rá, is mó imní a bhí orm faoi spraedhonnúchán a fháil! Bhí faitíos orm go mbeadh mé breacdhonn agus go mbeadh cuma sheafóideach orm. Ach d’éirigh go maith leis an gcéad ceann, mar sin, cá bhfios? B’fhéidir gur cineál diva a bheadh ionam ina dhiaidh seo, i ndiaidh spraedhonnúchán, mo chuid gruaige agus mo chuid smididh a fháil déanta gach seachtain ar an seó! Táim ag glacadh leis faoi láthair.”

I mí Lúnasa na bliana 2021, gan ach cúig lá caite i ndiaidh deireadh a bheith tagtha leis na Cluichí Oilimpeacha, cuireadh Jack san ospidéal mar go ndearnadh ionsaí air i mBaile Átha Cliath. Fuair sé go leor tacaíochta nuair a roinn sé slám grianghraf de féin agus nuair a rinne sé cur síos ar an eachtra ar na meáin shóisialta agus labhair sé go hoscailte ina dhiaidh sin faoin ionsaí ar The Late Late Show. Thug Jack cuntas thar a bheith macánta freisin ar na dúshláin mheabhairshláinte ar thug sé aghaidh orthu agus é san iomaíocht ag leibhéal ard.

Is é Jack an ceathrú duine cáiliúil atá fógartha. Fógraíodh an fuirseoir Gearóid Farrelly inné, fógraíodh an t-aisteoir Danny O’Carroll ó Mrs. Brown’s Boys Dé Máirt agus fógraíodh iar-Miss Universe Ireland, Aishah Akorede Dé Luain. Déanfar an chuid eile de na daoine mór le rá a bheidh páirteach sa tsraith nua de Dancing with the Stars a fhógairt gach lá an tseachtain seo.

Beidh neart ócáidí gáifeachta, galántachta, agus teannais sa tsraith nuair a fhillfidh an séasúr nua ar RTÉ One agus ar RTÉ Player an mhí seo chugainn.

Is iad Jennifer Zamparelli agus Doireann Garrihy a chuirfidh Dancing with Stars i láthair arís i mbliana. Beidh an damhsóir gairmiúil a bhfuil Dancing with the Stars buaite faoi dhó aici, Karen Byrne, ar an bpainéal moltóireachta i mbliana i dteannta Loraine Barry, Brian Redmond agus Arthur Gourounlian.

-CRÍOCH-

Dáta: Dé Céadaoin an 11 Nollaig 2024

Tuilleadh eolais:

Rayna Connery, Preasoifigeach Sinsearach RTÉ | rayna.connery@rte.ie

Éadaoin Nic Giolla Chomhaill, Preasoifigeach RTÉ | eadaoin.nicgiolla@rte.ie

Nótaí d’Eagarthóirí:

Is féidir íomhánna ardghléine a íoslódáil anseo: https://we.tl/t-VqH4PmRZxP

Creidiúint ghrianghrafadóireachta: Barry McCall

MAIDIR LE DANCING WITH THE STARS 2025

Sa tsraith seo ar RTÉ One cuirfear gáifeacht agus galántacht ar fáil gach oíche Dé Domhnaigh ó mhí Eanáir ar aghaidh agus beidh 11 pearsa mór le rá i dteannta damhsóir gairmiúil chun dreas damhsa beo a dhéanamh gach seachtain. Beidh ar gach beirt máistreacht a fháil ar sheánra damhsa difriúil gach seachtain, idir dhamhsa Charleston agus damhsa hip hap, agus ní bheidh ach seacht lá acu chun barr feabhais a chur ar an dreas damhsa sula ndéanann siad an damhsa beo don náisiún.

Cuirfidh sainphainéal de cheathrar moltóirí agus an pobal sa bhaile a bheidh ag breathnú ar an gclár scór ar fáil do gach beirt cháiliúla agus gnóthóidh an bheirt bhuacach an corn liathróide gealra, a bhfuil an oiread tóir air, ag deireadh na sraithe.

Is iad ShinAwiL a léiríonn Dancing with the Stars do RTÉ.

Is ábhar mór mórtais do Hyundai urraíocht a dhéanamh ar Dancing with the Stars.

Chun an nuacht is déanaí agus luaidreáin ón gcúlstáitse ar Dancing with the Stars a fháil, coinnigh súil ar na cainéil shóisialta:

Instagram: @RTEOne & @DWTSIrl

TikTok: @RTEOne

Facebook: @RTEOne

Twitter: @RTEOne @DWTSIrl

#DWTSIrl

Beidh Gearóid ag damhsa le páirtí comhghnéis sa séasúr nua de Dancing with the Stars

Tá sé i gceist ag an bhfuirseoir, podchraoltóir agus pearsantacht teilifíse, Gearóid Farrelly, fuadar a chur faoi bhoinn a bhróg damhsa in áit a bheith ag fuirseoireacht ar na boinn ar feadh scaithimh agus é ag tabhairt aghaidh ar an ochtú séasúr de Dancing with the Stars. Tosóidh an tsraith ar RTÉ One agus ar an RTÉ Player i mí Eanáir 2025.

Tá an-chur amach ag Gearóid ar bheith ar ardán ina ghairm fuirseoireachta, gairm a tháinig chun cinn go mór nuair a bhain sé an babhta ceannais den chomórtas So You Think You’re Funny? amach ag Féile Dhún Éideann. Tá an t-ardán roinnte aige le sárfhuirseoirí agus chuir sé tús le seónna do leithéidí Joan Rivers, Sarah Millican, Patton Oswalt, Neil Delamere agus Joanne McNally. Tá ardmholadh faighte aige as a chuid seónna aonair, lena n-áirítear an clú agus cáil a bhain sé amach dá chéad seó ag Féile Dhún Éideann, Turbulence.

Is éard a bhí le rá ag Gearóid faoi bhróga an fhir ghrinn a chur i leataobh le go mbainfidh sé triail as na bróga damhsa, “Tá scéin ionam. Bhuel, bhí scéin ionam sular casadh gach duine eile orm, i ndáiríre, ní raibh an oiread faitís riamh orm agus a bhí nuair a shiúil mé isteach sa seomra sin. Ach tá gach uile dhuine an-deas, táimid ag tarraingt le chéile go maith cheana féin agus táim ag baint sásamh as gach soicind de.”

Beidh Gearóid ag damhsa le fear eile ar an seó. Fógrófar a pháirtí damhsa Dé Luain an 16 Nollaig nuair a bheifear ag cur na réalta agus na damhsóirí gairmiúla ina mbeirteanna.

Is éard a dúirt Gearóid faoina pháirtí damhsa: “Dá mbeadh beirt fhear feicthe agamsa ag damhsa le chéile nuair a bhí mé i mo leaid óg aerach thabharfadh sé an oiread faoisimh dom. Rinneadh bulaíocht airsean freisin ar scoil mar gur damhsóir a bhí ann. Mar sin, táimid beirt sa bhád céanna. Tá sé iontach. Bhí beagán imní orm i dtosach faoi bheith i mullach an fhir seo, mar go bhfuilimse aerach agus níl seisean, agus ní raibh mé ag iarraidh go mbeadh sé míchompordach, nó go mbraithfeadh sé go raibh gá dó é seo a dhéanamh. Mar sin, bhí comhrá againn freisin agus tá seisean breá sásta é seo a dhéanamh ó thaobh na cóiréagrafaíochta.”

Is éard a dúirt Gearóid faoin gcomhairle atá faighte aige ó chuid de na hiomaitheoirí a bhí ar an tsraith roimhe seo, “Bhí mé ar dhuine den lucht féachana ar Dancing with the Stars cheana. Bhí mé ann le tacú le Deirdre O’Kane, Fred Cooke, Kevin McGahern agus Bernard O’Shea, is cairde liom iad agus is aoibhinn liom an seó. Dúirt siad ar fad go raibh sé i measc na taithí is fearr a bhí acu riamh agus dúirt siad liom gan cuimhneamh an iomarca air, sult a bhaint as gach soicind de agus mé féin a chaitheamh isteach sa bhearna bhaoil.

Nuair nach mbíonn Gearóid ar an ardán cuireann sé an podchraoladh Fascinated i láthair, ina dtugann sé cuairt isteach d’aíonna, a bhfuil sé féin i measc a lucht leanta, chun comhrá a bheith acu faoina ngairm bheatha agus faoina gcuid oibre. Tá podchraoladh eile aige, Agony Rants, ina gcuireann sé comhairle ar chách i dteannta a chara a bhfuil comórtas na hEoraifíse buaite aici, Niamh Kavanagh.

Is é Gearóid an tríú duine cáiliúil atá fógartha. Fógraíodh Aishah Akorede, mainicín agus iar-Miss Universe Ireland, Dé Luain agus fógraíodh an t-aisteoir Danny O’Carroll as Mrs. Brown’s Boys inné. Déanfar gach duine eile den ochtar mór le rá atá fanta agus a bheidh páirteach sa tsraith nua de Dancing with the Stars a fhógairt gach lá an tseachtain seo.

Beidh neart ócáidí gáifeachta, galántachta, agus teannais sa tsraith nuair a fhillfidh an séasúr nua ar RTÉ One agus ar RTÉ Player an mhí seo chugainn.

Is iad Jennifer Zamparelli agus Doireann Garrihy a chuirfidh Dancing with Stars i láthair arís i mbliana. Beidh an damhsóir gairmiúil a bhfuil Dancing with the Stars buaite faoi dhó aici, Karen Byrne, ar an bpainéal moltóireachta i mbliana i dteannta Loraine Barry, Brian Redmond agus Arthur Gourounlian.

-CRÍOCH-

Dáta: Déardaoin an 10 Nollaig 2024

Tuilleadh eolais:

Rayna Connery, Preasoifigeach Sinsearach RTÉ | rayna.connery@rte.ie

Éadaoin Nic Giolla Chomhaill, Preasoifigeach RTÉ | eadaoin.nicgiolla@rte.ie

Nótaí d’Eagarthóirí:

Is féidir íomhánna ardghléine a íoslódáil anseo:  https://we.tl/t-0eURXf9fVf

Creidiúint ghrianghrafadóireachta: Barry McCall

MAIDIR LE DANCING WITH THE STARS 2025

Sa tsraith seo ar RTÉ One cuirfear gáifeacht agus galántacht ar fáil gach oíche Dé Domhnaigh ó mhí Eanáir ar aghaidh agus beidh 11 pearsa mór le rá i dteannta damhsóir gairmiúil chun dreas damhsa beo a dhéanamh gach seachtain. Beidh ar gach beirt máistreacht a fháil ar sheánra damhsa difriúil gach seachtain, idir dhamhsa Charleston agus damhsa hip hap, agus ní bheidh ach seacht lá acu chun barr feabhais a chur ar an dreas damhsa sula ndéanann siad an damhsa beo don náisiún.

Cuirfidh sainphainéal de cheathrar moltóirí agus an pobal sa bhaile a bheidh ag breathnú ar an gclár scór ar fáil do gach beirt cháiliúla agus gnóthóidh an bheirt bhuacach an corn liathróide gealra, a bhfuil an oiread tóir air, ag deireadh na sraithe.

Is iad ShinAwiL a léiríonn Dancing with the Stars do RTÉ.

Is ábhar mór mórtais do Hyundai urraíocht a dhéanamh ar Dancing with the Stars.

Chun an nuacht is déanaí agus luaidreáin ón gcúlstáitse ar Dancing with the Stars a fháil, coinnigh súil ar na cainéil shóisialta:

Instagram: @RTEOne & @DWTSIrl

TikTok: @RTEOne

Facebook: @RTEOne

Twitter: @RTEOne @DWTSIrl

Tá Buster Brady ó Mrs. Brown’s Boys meáite ar a dhícheall a dhéanamh amuigh ar an urlár!

Is é an t-aisteoir agus léiritheoir Danny O’Carroll, ar fearr aithne air as bheith i bpáirt Buster Brady ar an stáitse agus ar an scáileán in Mrs Brown’s Boys, an dara hiomaitheoir cáiliúil a bheith ag déanamh cúpla steip ar Dancing with the Stars. Craolfar an t-ochtú sraith ar RTÉ One agus ar an RTÉ Player i mí Eanáir 2025.

Tá caidreamh seanbhunaithe ag foireann aisteoirí Mrs. Brown’s Boys le Dancing with the Stars. Bhí duine eile den fhoireann sin, agus a aintín, Eilish O’Carroll, í féin páirteach sa chlár in 2019, agus chaith Rory Cowan air a bróga damhsa i dtús na bliana seo le súil go dtabharfadh sé leis trófaí na liathróide gealra, trófaí a bhfuil an-tóir air. Bhí sé páirteach freisin i seachshraith Mrs. Brown’s Boys All Round to Mrs. Brown’s agus in For Facts Sake agus tá sé ar camchuairt ar fud na tíre faoi láthair le Mrs. Brown’s Boys D’Live Show.

Is éard a bhí le rá ag Danny: “Bhí mé ag iarraidh páirt a ghlacadh in Dancing with the Stars le ceithre bliana anuas ach bhí mé i gcónaí ar camchuairt le Mrs. Brown’s Boys sa Ríocht Aontaithe i mí Eanáir, mar sin ní fhéadfainn é. Ach táimid ar camchuairt in Éirinn i mbliana den chéad uair le dhá bhliain déag, agus beidh mé ábalta an turas chuig na cleachtaí a dhéanamh, mar sin d’oibrigh sé amach go maith. Tá lúcháir orm go mbeidh mé in ann é a dhéanamh ar deireadh thiar!”

Maidir leis an spreagadh atá á fháil aige ó fhoireann aisteoirí Mrs. Brown’s Boys: “Bhain an tacaíocht atá gach duine ag tabhairt dom siar asam. Tá m’aintín Eilish ag impí orm fanacht istigh chomh fada agus atá mé in ann. Táim ag iarraidh mo dhícheall a dhéanamh. Ní damhsóir mé, mar sin is dúshlán dom é, ach déanfaidh mé gach is féidir liom a dhéanamh leis an mbabhta ceannais a bhaint amach… déanfaidh mé mo sheacht ndícheall!”

Is é Danny an dara hiomaitheoir cáiliúil atá fógartha don tsraith. Fógraíodh inné gurb í Aishah Akorede, mainicín agus iar-Miss Universe Ireland, an chéad iomaitheoir cáiliúil a bheidh ag tabhairt faoin urlár i mí Eanáir. Déanfar gach duine eile den naonúr mór le rá a bheidh páirteach sa tsraith nua de Dancing with the Stars a fhógairt gach lá an tseachtain seo.

Beidh neart ócáidí gáifeachta, galántachta, agus teannais sa tsraith nuair a fhillfidh an séasúr nua ar RTÉ One agus ar RTÉ Player an mhí seo chugainn.

Is iad Jennifer Zamparelli agus Doireann Garrihy a chuirfidh Dancing with Stars i láthair arís i mbliana. Beidh an damhsóir gairmiúil a bhfuil Dancing with the Stars buaite faoi dhó aici, Karen Byrne, ar an bpainéal moltóireachta i mbliana i dteannta Loraine Barry, Brian Redmond agus Arthur Gourounlian.

-CRÍOCH-

Dáta: Dé Luain an 9 Nollaig 2024

Creidiúint ghrianghrafadóireachta: Barry McCall

Tuilleadh eolais:

Rayna Connery, Preasoifigeach Sinsearach RTÉ | rayna.connery@rte.ie

Éadaoin Nic Giolla Chomhaill, Preasoifigeach RTÉ | eadaoin.nicgiolla@rte.ie

Nótaí d’Eagarthóirí:

MAIDIR LE DANCING WITH THE STARS 2025

Sa tsraith seo ar RTÉ One cuirfear gáifeacht agus galántacht ar fáil gach oíche Dé Domhnaigh ó mhí Eanáir ar aghaidh agus beidh 11 pearsa mór le rá i dteannta damhsóir gairmiúil chun dreas damhsa beo a dhéanamh gach seachtain. Beidh ar gach beirt máistreacht a fháil ar sheánra damhsa difriúil gach seachtain, idir dhamhsa Charleston agus damhsa hip hap, agus ní bheidh ach seacht lá acu chun barr feabhais a chur ar an dreas damhsa sula ndéanann siad an damhsa beo don náisiún.

Cuirfidh sainphainéal de cheathrar moltóirí agus an pobal sa bhaile a bheidh ag breathnú ar an gclár scór ar fáil do gach beirt cháiliúla agus gnóthóidh an bheirt bhuacach an corn liathróide gealra, a bhfuil an oiread tóir air, ag deireadh na sraithe.

Is iad ShinAwiL a léiríonn Dancing with the Stars do RTÉ.

Is ábhar mór mórtais do Hyundai urraíocht a dhéanamh ar Dancing with the Stars.

Chun an nuacht is déanaí agus luaidreáin ón gcúlstáitse ar Dancing with the Stars a fháil, coinnigh súil ar na cainéil shóisialta:

Instagram: @RTEOne & @DWTSIrl

TikTok: @RTEOne

Facebook: @RTEOne

Twitter: @RTEOne @DWTSIrl

#DWTSIrl

Oíche Dé Domhnaigh (15 Nollaig, 9.30pm), beo ar RTÉ One agus cuirfidh RTÉ Player, Joanne Cantwell, Darragh Maloney agus Jacqui Hurley Gradaim Spóirt RTÉ 2024 ó Studio 4 i láthair in RTÉ. I measc na nGradam atá á mbronnadh ar an oíche os comhair lucht féachana de réaltaí spóirt na hÉireann tá RTÉ Sport Sportsperson of the Year, Foireann Spóirt na Bliana RTÉ, Bainisteoir Spóirt na Bliana RTÉ agus Spórt RTÉ Young Sportsperson na Bliana. Tá ainmniúcháin na bliana seo do Bhainisteoir Spóirt na Bliana RTÉ liostaithe thíos.

AINMNITHE MAR BHAINISTEOIR SPÓIRT RTÉ NA BLIANA 2024

ANDY FARRELL – RUGBAÍ NA HÉIREANN

Thug an Sasanach craobh na Sé Náisiún ar ais d’Éirinn.

KIERAN MCGEENEY – PEIL ARD MHACHA

Threoraigh siad Contae an Úlloird go dtí a gcéad Sam Maguire le 18 mbliana anuas, rud a d’fhág nach raibh ach an dara bua Uile-Éireann acu riamh.

BRIAN LOHAN – IOMÁNAÍOCHT AN CHLÁIR

Thug fear na Sionainne an Clár aghaidh ar Chill Chainnigh sa chluiche ceannais, rud a thug a gcéad bhua do Liam McCarthy le 11 bliain.

WILLIE MULLINS – TRAENÁLAÍ SEAIMPÍNÍ

Ba é Vincent O’Brien an chéad traenálaí seaimpíní ar an dá thaobh de Mhuir Éireann i 1954. Taifead briseadh Grád 1s i mbliain lena n-áirítear 8 ag Cheltenham, phioc sé suas an Aintree Grand National le I Am Maximus freisin.

GER MANLEY – CAMÓGAÍOCHT CHORCAÍ

D’éirigh le hiar-iománaí Chorcaí bua Camógaíochta Sinsear na hÉireann a bhaint amach do Chorcaigh nuair a bhuaigh siad ar Ghaillimh i bPáirc an Chrócaigh.

DECLAN QUILL/DARRAGH LONG – PEIL CHIARRAÍ – COMHBHAINISTEOIRÍ

Chuir Ciarraí, faoi stiúir na gcomhbhainisteoirí Quill agus Long, deireadh le triomach Sinsir na hÉireann 31 bliain nuair a bhuaigh siad ar Ghaillimh sa chluiche ceannais i bPáirc an Chrócaigh.

AIDAN O’BRIEN – TRAENÁLAÍ SEAIMPÍNÍ NA HÉIREANN AGUS NA RÍOCHTA AONTAITHE

In 2024, bhuaigh an traenálaí atá lonnaithe i dTiobraid Árann an traenálaí cothrom seaimpíní in Éirinn don 27ú huair agus traenálaí seaimpíní ar an árasán sa Bhreatain den seachtú huair. I measc na mbuaiteoirí suntasacha bhí an 10ú bua sa Epsom Derby, bua 400ú Grúpa1/Grád 1 agus bua 20ú Corn Póraitheoirí.

DAMIEN DUFF – SÍOL DHÉAGLÁIN

Thug finscéal peile na hÉireann shelbourne gan aithne ar theideal Premier Division Sraith SSE Airtricity den chéad uair le 18 mbliana.

-CRÍOCH-

Dáta: Dé Luain 9 Nollaig 2024

Cumarsáid RTÉ: Adam Thibault agus Fergus McCormack

Baineadh sásamh as Late Late Toy Show na bliana 2024 ón mBaile agus Thar Lear araon

Bhreathnaigh 1.6 milliún duine ar an gclár i gcaitheamh an deireadh seachtaine

Sruthaíodh an Late Late Toy Show 622,000 babhta ó 139 tír ar an RTÉ Player, an líon is mó riamh

Bailíodh breis is €4.9 milliún don Toy Show Appeal

Bhreathnaigh 18.4 milliún duine ar fhíseáin ar fud na n-ardán meán sóisialta ar fad

#LateLateToy Show

Tugadh Late Late Toy Show RTÉ, lenar bhain an téama Home Alone, díreach chuig tithe ar fud na hÉireann agus an domhain mhóir agus tá an meán lucht féachana teilifíse do chlár oíche Dé Aoine anois ag os cionn 1.6 milliún duine, lena n-áirítear daoine a bhí ag breathnú ar an gclár nuair a d’fheil sé dóibh féin é Dé Sathairn agus Dé Domhnaigh agus na daoine a bhreathnaigh ar an athchraoladh. Bhreathnaigh níos mó daoine ná mar a bhreathnaigh riamh ar an Late LateToy Show ar an RTÉ Player, a sruthaíodh 622,000 babhta in Éirinn agus thar lear, lena n-áirítear sruthchraoltaí den leagan i dTeanga Chomharthaíochta na hÉireann. Ghlac 250 leanbh seilbh ar theach mhuintir McCallister agus iad ag glacadh páirt i dtaispeántais bréagán, taibhithe de Wicked agus an chéad Toy Show County Parade.

Bhreathnaigh lucht féachana as 139 tír, lena n-áirítear sruthchraoltaí as 50 stát i Meiriceá agus as ocht gcríoch na hAstráile ar Brian Óg ag tabhairt faoin gcáirióice, ar Kevin agus é ag bronnadh leathdhosaen Liatroma ar Patrick agus ar Zara agus í ag roinnt fíricí faoin spás amuigh; rinneadh 21% de na sruthchraoltaí beo ó lasmuigh d’Éirinn.

Bhí neart á cheiliúradh ar ardáin shóisialta RTÉ freisin. Bhain an lucht féachana ar fud na n-ardán ar fad an-sult as na leanaí sin a thaispeáin na bréagáin agus na taibheoirí óga a bhí gléasta suas mar Kevin agus na Wet Bandits, as Paddy ar Chúl Stáitse ag deireadh an chláir, na

réaltaí Brian Óg, Dory agus as an leagan iontach de Thunderstruck agus tharraing an t-ábhar sin aird 1.4m duine ar fud TikTok, Instagram, Facebook, X agus BlueSky.

Bhí Patrick Kielty gléasta suas don chlár freisin, é in éide Kevin McCallister ag tráth amháin agus ina chrann Nollag agus ina iomrascálaí, gan ach cúpla ceann de na héidí áiféiseacha a chaith sé air féin a lua, is éard a dúirt an páiste mór é féin Patrick Kielty: “Ní chreidim go bhfuil sé thart go ceann bliain eile ach táim fós ar bís ón Toy Show draíochtúil a bhí againn oíche Dé hAoine. A bhuíochas sin do na leanaí iontacha a rinne éacht thar na bearta ar an oíche, a dtaibhléirithe, a dtaispeántais bréagán agus a bpearsantachtaí ar leith, agus daoibhse sibh féin sa bhaile as bheith ag breathnú ar an gclár agus as an méid a thug sibh ar an oíche. Tá sé dochreidte an méid a thug an lucht féachana sa bhaile don Toy Show Appeal i mbliana agus bhainfí an gus asat nuair a smaoiníonn tú ar an difear a dhéanfaidh sé sin do leanaí agus dá dteaghlaigh ar fud na hÉireann. Go raibh míle maith agaibh go léir as oíche dár saol a dhéanamh aisti.”

Léirigh líon ollmhór den lucht féachana a bhflaithiúlacht leis na síntiúis a thug siad don Toy Show Appeal, trínar bailíodh €4.9 milliún i mbliana. Bainfidh carthanachtaí páistí ar fud na hÉireann tairbhe as an maoiniú sin sa bhliain amach romhainn agus níos mó ná €26 milliún ar fad bailithe ó cuireadh tús leis an achainí in 2020.

Dúirt Denise Charlton, Príomhoifigeach Feidhmiúcháin Fhondúireacht Phobail na hÉireann: “Athrófar saol daoine óga i ngach contae a bhuíochas do fhlaithiúlacht lucht féachana The Late Late Toy Show. Thar ceann na Fondúireachta Pobail agus ár gcomhpháirtithe deonacha, pobail agus carthanacha, táim ag iarraidh buíochas ó chroí a ghabháil le gach duine a ghlac páirt san ócáid fhíordhraíochtúil teilifíse seo. Tosóimid anois, de réir mar choinníonn an t-airgead air ag teacht isteach, ar an obair chun gníomh dearfach a dhéanamh de chun go mbeifear ábalta freastal ar riachtanais riachtanacha, aghaidh a thabhairt ar shláinte agus ar fholláine, chomh maith le spraoi agus cruthaitheacht a chur chun cinn. Cuirfear tús le próiseas iarratais do ghrúpaí i mí Eanáir agus cuirfear na sonraí ar fad fáil ar ár suíomh gréasáin www.communityfoundation.ie”

Bhí The Late Late Toy Show ar fáil freisin i dTeanga Chomharthaíochta na hÉireann (TCÉ) oíche Dé hAoine ar an RTÉ News Channel agus ar an RTÉ Player, craolfar an Toy Show i dTeanga Chomharthaíochta na hÉireann arís sa bhloc TCÉ Dé Céadaoin ar RTÉ One. Bhí Tráchtaireacht Fuaime ar fáil don athchraoladh Dé Domhnaigh, a fhágann go bhfuil an Toy Show níos cuimsithí do lucht féachana Dall agus do lucht féachana a bhfuil Lagú Radhairc orthu. Craolfar an leagan Tráchtaireachta Fuaime arís anocht (Dé Luain) ar RTÉ One.

Is éard a dúirt Alan Tyler, Grúpcheannasaí RTÉ don tSiamsaíocht, Greann agus Ceol: “Is clár ar leith amach is amach The Late Late Toy show. Ní bhfaighfeá bréagáin, leanaí, coileáin, éachtaí, taibhithe, leabhair, athrú éide, an Nollaig, Patrick Kielty agus craoladh teilifíse beo in aon áit amháin eile. Tá ríméad orainn gur bhain an lucht féachana, beag beann ar aois, sa bhaile agus thar lear, sásamh arís as an obair chrua agus an dúthracht ba bhun leis an Toy Show i mbliana. Táimid umhal freisin agus thar a bheith buíoch do phobal na hÉireann a thug síntiúis fhlaithiúla d’achainí an Toy Show, síntiúis a mbeidh tionchar díreach acu ar shaol Leanaí agus a dteaghlaigh ar fud na tíre. Déanfaimid arís an bhliain seo chugainn é!”

An bhean dlí agus an spéirbhean chorónta Aishah ag fáil faoi réir le bheith ag bheith ag casadh ar an urlár!

Tá sé tugtha le fios gurb í Aishah Akorede, mainicín agus iar-Miss Universe Ireland, an chéad iomaitheoir cháiliúil a bheidh ag tabhairt faoin urlár sa hochtú sraith de Dancing with the Stars. Fillfidh an tsraith a bhfuil tóir mhór uirthi ar RTÉ One agus ar an RTÉ Player i mí Eanáir 2025.

Bronnadh Miss Universe Ireland ar Aishah in 2023 agus tá Máistir Dlí aici i Rialachas Corparáide Idirnáisiúnta ó Ollscoil na Banríona, Béal Feirste. Tá sí i mbun cáilíocht a bhaint amach faoi láthair sa Rialachas Cairte.

Is éard a dúirt Aishah ar bheith ag tabhairt faoi Dancing with the Stars: “Le bheith fírinneach faoi, is é an rud is mó a bhfuil mé ag tnúth leis ná a bheith ag foghlaim le bheith ag damhsa ar nós damhsóir bálseomra. Rinne mé beagán bailé nuair a bhí mé ag éirí aníos ach ní dada é sin lena hais seo… Rinne mé bailé ó bhí mé ceithre bliana d’aois go dtí go raibh mé cúig bliana déag, ach b’éigean dom éirí as. Táim ar nós imreoir sacair nár éirigh léi dul leis an ngairm phroifisiúnta mar gheall go raibh mo ghlúin gortaithe agam. Ach chuaigh mé ar ais go dtí an bailé le linn na paindéime nuair a bhí 24 bliana d’aois. Tá mé 25 bliana d’aois anois agus is mise an tseanchailleach sa rang. Nach bhfuil sé craiceáilte é sin a thabhairt ar bhean 25 bliana d’aois!

Dúirt sí chomh maith: “Ní duine mé atá uafásach iomaíoch, cé go gceapann daoine go bhfuil na cailíní i saol na mórthaibhseachta thar a bheith iomaíoch. Is cuma céard a dhéanann mé sa saol, déanaim é gan bheith ag súil leis an iomarca. Ní bhíonn mé ag iarraidh ach sult a bhaint as an taithí sin agus cibé cén toradh a bhíonn air. Tá súil agam ar ndóigh go n-éireoidh liom an comórtas a bhuachan ach mura mbuann féin, is cuma mar tá mé chomh buíoch go bhfuair mé deis a bheith páirteach ann.”

Tá neart taithí ag Aishah ar bheith ar an teilifís. Ghlac sí páirt sa tsraith Discovery+, Beauty and the Geek UK, agus go deimhin is í a bhuaigh an tsraith sin, in éineacht le comrádaí ‘geek’ Martin.

I ndiaidh di Miss Universe Ireland a bhuachan, bhunaigh Aishah ‘Recrowned Ireland’, tionscnamh ceartais shóisialta neamhbhrabúis a fhéachann le tionchar fadtéarmach a imirt ar phríomhábhair imní na sochaí. Féachann an eagraíocht le spás sábháilte a chur ar fáil do mhná in Éirinn a bhfuil cineálacha éagsúla mí-úsáide fulaingthe acu chun go n-aireoidh siad compordach, muiníneach agus airdeallach.

Is iad Jennifer Zamparelli agus Doireann Garrihy a chuirfidh Dancing with Stars i láthair arís i mbliana. Beidh an damhsóir gairmiúil a bhfuil Dancing with the Stars buaite faoi dhó aici, Karen Byrne, ar an bpainéal moltóireachta i mbliana i dteannta Loraine Barry, Brian Redmond agus Arthur Gourounlian.

Beidh Aishah beo sa stiúideo ar The Laura Fox Show ag 10.30am maidin Dé Luain an 9 Nollaig. Déanfar gach duine eile den deichniúr mór le rá a bheidh páirteach sa tsraith nua de Dancing with the Stars a fhógairt gach lá an tseachtain seo.

-CRÍOCH-

Dáta: Dé Luain an 9 Nollaig 2024

Creidiúint ghrianghrafadóireachta: Barry McCall

Tuilleadh eolais:

Rayna Connery, Preasoifigeach Sinsearach RTÉ | rayna.connery@rte.ie

Éadaoin Nic Giolla Chomhaill, Preasoifigeach RTÉ | eadaoin.nicgiolla@rte.ie

Nótaí d’Eagarthóirí:

MAIDIR LE DANCING WITH THE STARS 2025

Sa tsraith seo ar RTÉ One cuirfear gáifeacht agus galántacht ar fáil gach oíche Dé Domhnaigh ó mhí Eanáir ar aghaidh agus beidh 11 pearsa mór le rá i dteannta damhsóir gairmiúil chun dreas damhsa beo a dhéanamh gach seachtain. Beidh ar gach beirt máistreacht a fháil ar sheánra damhsa difriúil gach seachtain, idir dhamhsa Charleston agus damhsa hip hap, agus ní bheidh ach seacht lá acu chun barr feabhais a chur ar an dreas damhsa sula ndéanann siad an damhsa beo don náisiún.

Cuirfidh sainphainéal de cheathrar moltóirí agus an pobal sa bhaile a bheidh ag breathnú ar an gclár scór ar fáil do gach beirt cháiliúla agus gnóthóidh an bheirt bhuacach an corn liathróide gealra, a bhfuil an oiread tóir air, ag deireadh na sraithe.

Is iad ShinAwiL a léiríonn Dancing with the Stars do RTÉ.

Is ábhar mór mórtais do Hyundai urraíocht a dhéanamh ar Dancing with the Stars.

Chun an nuacht is déanaí agus luaidreáin ón gcúlstáitse ar Dancing with the Stars a fháil, coinnigh súil ar na cainéil shóisialta:

Instagram: @RTEOne & @DWTSIrl

TikTok: @RTEOne

Facebook: @RTEOne

Twitter: @RTEOne @DWTSIrl

#DWTSIrl

Tá clár nua cúrsaí reatha i nGaeilge ag tosnú ar RTÉ One – Fóram

Fóram – RTÉ ONE – Dé Domhnaigh 10:30am (ag tosnú an 8 Nollaig)

Tá Dáil nua ar na bacáin agus tá clár nua cúrsaí reatha i nGaeilge ag tosnú ar RTÉ freisin – Fóram, curtha i láthair ag Caoimhe Ní Laighin. Cén chomhdhéanamh a bheidh ar an Rialtas, nua agus cén srian a chuirfidh na dúshláin idirnáisiúnta airgeadais agus polaitíochta ar an Rialtas seo? Beidh Thomas Byrne (Fianna Fáil), Mairéad Farrell (Sinn Féin0 agus Barry Ward (Fine Gael) i measc na n-aíoanna a thabharfaidh aghaidh ar na ceisteanna seo, Dé Domhnaigh ag 10:30am ar RTÉ One.

Presenter Bio: Caoimhe Ní Laighin

Tá Caoimhe ag obair mar iriseoir Ilmheán le Nuacht RTÉ agus Nuacht TG4 le sé bliana déag anuas, agus is beag ábhar sa bhaile nó thar lear nach bhfuil tuairisiú déanta aici air, polaitíocht, eacnamaíocht, athrú aeráide, sochaí agus cultúr. tuairisciú ar scéalta polaitíochta, eacnamaíochta, teicneolaíochta, sóisialta agus cultúir. Le gairid is í Caoimhe a chuir i láthair na cláir sa tsraith Scannal faoi bhás Savita Halappanavar.

-CRÍOCH-

RTÉ Communications, RTÉ News & Current Affairs : Laura Fitzgerald

Bronnfaidh Joanne Cantwell, Darragh Maloney agus Jacqui Hurley Gradaim Spóirt RTÉ 2024 beo ó Stiúideo 4 in RTÉ ag 9:30pm Dé Domhnaigh seo chugainn, an 15 Nollaig. I measc na nGradam atá á dtabhairt amach ar an oíche beo ar RTÉ One os comhair lucht féachana de réaltaí spóirt na hÉireann, tá RTÉ Sport Sportsperson of the Year, Foireann Spóirt na Bliana RTÉ, Bainisteoir Spóirt na Bliana RTÉ agus Duine Spóirt Óg na Bliana RTÉ Spórt. Tá ainmniúcháin na bliana seo d’Fhoireann Spóirt na Bliana RTÉ liostaithe thíos.

AINMNITHE D’FHOIREANN SPÓIRT RTÉ NA BLIANA 2024

IOMÁNAÍOCHT AN CHLÁIR
Bhí foireann iomána an Chláir ina Seaimpíní Uile-Éireann i mbliana nuair a bhuaigh siad ar Chill Chainnigh, agus bhuaigh siad an cúigiú craobh don Banner County agus an chéad cheann ó 2013.

PEIL ARD MHACHA
Thug foireann peile Ard Mhacha leo an dara gradam Uile-Éireann i bPeil Shinsir an chontae tar éis dóibh an ceann is fearr a fháil ar Ghaillimh i mbliana.

PEIL CHIARRAÍ
Bhí foireann Shinsir Peile na mBan Chiarraí ina Seaimpíní na hÉireann i mbliana agus an bua acu ar Ghaillimh, rud a chuir deireadh le fanacht 31 bliain go bhfillfeadh an chraobh ar an Ríocht.

CAMÓGAÍOCHT CHORCAÍ
Fuair foireann Camógaíochta Chorcaí an ceann is fearr ar Ghaillimh i gcluiche ceannais na hÉireann chun craobhacha sinsir an chontae a bhuachan ar ais.

SHELBOURNE FC
In 2024, rinneadh SSE Airtricity League de Sheaimpíní Príomhroinne na bhFear de Shelbourne den chéad uair le 18 mbliana.

FOIREANN RUGBAÍ FHIR NA HÉIREANN
Choinnigh foireann rugbaí fhir na hÉireann craobh na Sé Náisiún i mbliana.

DEALBHÁIN DHÚBAILTE ÉADROMA FHIR NA HÉIREANN
Choinnigh an bheirt a bhí comhdhéanta de Paul O’Donovan agus Fintan McCarthy a dteideal Oilimpeach ag Cluichí na bliana seo i bPáras.

KATIE GEORGE DUNLEAVY & LINDA KELLY
Thug an fhoireann Parailimpeach boinn Óir agus Airgid abhaile leo sa Rothaíocht Bóthair ag Cluichí Pháras 2024 na bliana seo agus is Seaimpíní Domhanda Dúbailte iad.

FOIREANN SEALAÍOCHTA MEASCTHA 4X400M NA HÉIREANN
Thuill an fhoireann ina bhfuil Rhasidat Adeleke, Sharlene Mawdsley, Christopher O’Donnell agus Thomas Barr Óir ag Craobhacha na hEorpa sa Róimh i mbliana.

-CRÍOCH-

Dáta: Dé Domhnaigh 8 Nollaig 2024

Tuilleadh eolais:
Adam Thibault, Cumarsáid RTÉ. adam.thibault@rte.ie
Fergus McCormack, Cumarsáid RTÉ. fergus.mccormack@rte.ie