Craoltaí beo de chláracha móréilimh ar RTÉ 2FM agus RTÉ Raidió na Gaeltachta

Tracy Clifford, Laura Fox, Máire Treasa Ní Dhubhghaill agus Bláthnaid Treacy

Cat Chubby | Balla Digiteach Idirghníomhach | Agus níos mó

#BTYSTE #BTYSTE2025

Tá ríméad ar RTÉ filleadh ar an RDS chun tacú le Taispeántas Eolaí Óg & Teicneolaíochta eile de chuid BT a bheidh ar siúl ón gCéadaoin 8 – Dé Sathairn an 11 Eanáir 2025.

I mbliana, beidh RTÉ ag tabhairt cuid de na cláracha raidió mór le rá ó RTÉ 2FM agus RTÉ Raidió na Gaeltachta beo ónár stiúideo raidió ag BTYSTE 2025, chomh maith le roinnt aíonna speisialta agus earraí iontacha. Feicfidh cuairteoirí ar shraith RTÉ freisin conas a chraoltar clár raidió ar an aer agus ar líne, agus triail a bhaint as do lámh ag ár mballa digiteach idirghníomhach úrscothach.

>>>NA BUAICPHOINTÍ

• Léiriú beo ar shearmanas oscailte (Dé Céadaoin) ó Chubby Cat, ealaíontóir de chuid RTÉ 2FM Rising, ar an bpríomhchéim
• Laura Fox, Tracy Clifford agus Bláthnaid Treacy ó RTÉ 2FM beo ó stiúideo RTÉ san RDS
• Beidh clár siamsaíochta éadrom RTÉ Raidió na Gaeltachta, Pé Scéal É, á chur i láthair ag Máire Treasa Ní Dhubhghaill beo ón BTYSTE

>>>AN SCEIDEAL

DÉ CÉADAOIN 8 EANÁIR

• 14.00: Léiriú Searmanas Oscailte Beo ó ealaíontóir Éirí Amach RTÉ 2FM, Chubby Cat ar an bpríomhchéim.

DÉARDAOIN 9 EANÁIR

• 12.00 – 15.00: Tracy Clifford beo ar RTÉ 2FM ón RDS

DÉ hAOINE 10 EANÁIR

• 9.00 – 12.00: Laura Fox beo ar RTÉ 2FM ón RDS
• 15.00 – 17.00: Pé Scéal É le Máire Treasa Ní Dhubhgaill ar RTÉ Raidió na Gaeltachta beo ón RDS

DÉ SATHAIRN AN 11 EANÁIR

• 9.00 – 12.00: Bláthnaid Treacy beo ar RTÉ 2FM ón RDS

Agus tá níos mó ann. Chun fanacht suas chun dáta maidir le gach rud atá ag tarlú ag RTÉ san RDS, lean muid ar Facebook, Instagram, TikTok agus X ag baint úsáide as #BTYSTE agus #BTYSTE2025

CRÍOCH

Mar eolas:

Neil O’Gorman, Bainisteoir Cumarsáide Corparáidí, RTÉ | E: neil.ogorman@rte.ie

Nótaí don Eagarthóir

Faoi Pé Scéal É le Máire Treasa Ní Dhubhgaill ar RTÉ Raidió na Gaeltachta.

Is clár siamsúil, spraoiúil é Pé Scéal É atá curtha i láthair ag Máire Treasa Ní Dhubhgaill agus a chraoltar gach Aoine idir 3-5 ar RTÉ Raidió na Gaeltachta. Beidh Pé Scéal É i lár an aonaigh ag comórtas Eolaí Óg na Bliana 2025. Beidh ceol beo againn ar an gclár chomh maith le comhráití le daltaí ó fud fad na tíre faoina dtionscadail éagsúla. Cloisfidh muid ó lucht eagraithe an chomórtais agus tabharfaidh muid cuairt ar Explorium freisin, an t-ionad náisiúnta spórt agus eolaíochta.

Tá an t-aon réalta déag agus na damhsóirí gairmiúla lena mbeidh siad ag damhsa sa chéad sraith eile de Dancing with the Stars, a fhillfidh ar RTÉ One agus ar an RTÉ Player Dé Domhnaigh an 5 Eanáir ag 6.30pm, fógartha ag RTÉ inniu.

Cuirfear fáilte roimh cheathrar damhsóirí gairmiúla nua chuig Dancing with the Stars i mbliana. Is iad sin: Maciej Zieba, Rebecca Scott, Daniela Roze agus Alex Vladimirov.

Is iad seo a leanas na réaltaí agus té mbeidh siad ag damhsa leo ar Dancing with the Stars 2025 agus iad ag súil trófaí na liathróide gealra a thabhairt leo:

Joanna Donnelly agus Maciej Zieba

Tá súil ag an meitéareolaí, Joanna Donnelly, dul i bhfeidhm ar an lucht féachana i dteannta Maciej Zieba as an bPolainn, duine de na damhsóirí nua. Tá Maciej i mbun an damhsa Laidineach agus Bálseomra ó bhí sé cúig bliana d’aois agus is iarscoláire de chuid Robert Rowiński é, a chomrádaí ar Dancing with the Stars.

Rhys McClenaghan agus Laura Nolan

Beidh an tOilimpeach a bhfuil bonn óir buaite aige ar an gcapall corr, Rhys McClenaghan ag damhsa i gcomhar le Laura Nolan chumasach, atá le Dancing with the Stars ó 2020. Beidh Laura ar ais den chúigiú séasúr agus is cinnte go mbeidh sí dírithe ar an mbonn óir í féin agus í i bpáirt leis an gcuradh gleacaíochta Rhys.

Elaine Crowley agus Denys Samson

Tabharfaidh an craoltóir Elaine Crowley faoin urlár é leis an damhsóir gairmiúil as an Úcráin, Denys Samson, arb é seo a cheathrú séasúr. Beidh Denys ag súil cúpla cor a thabhairt ar a bhealach go dtí an babhta ceannais den tríú uair ar fad. Bhain sé an babhta ceannais amach i mbliana le láithreoir de chuid 2Fm Laura Fox agus roimhe sin leis an amhránaí Erica Cody in 2022.

Kevin Dundon agus Rebecca Scott

Tá an chef cáiliúil, Kevin Dundon, réidh le deatach a bhaint as a bhróga damhsa le cúnamh ó Rebecca Scott, damhsóir a bhfuil an-taithí aici agus arb é seo a céad uair ar Dancing with the Stars. Is iomaí craobh náisiúnta agus dhomhanda buaite ag Rebecca agus an domhan mór taistealta aici chun ionadaíocht a dhéanamh ar Shasana ag ardleibhéal. Bhí sí ina damhsóir compántais le déanaí ar chlár speisialta Blackpool de Strictly Come Dancing.

Yasmin Seky agus Simone Arena

Tá an t-aisteoir ón tsraith Kin, Yasmin Seky, réidh le dul i gcionn ar chách ar an urlár damhsa leis an damhsóir gairmiúil as an Iodáil Simone Arena, atá ar ais den dara séasúr. Bhí Simone ag damhsa leis an réalta ón tsraith RuPaul’s Drag Race UK, Blu Hydrangea, anuraidh agus d’éirigh leo an babhta ceannais a bhaint amach, mar sin déanfaidh sé a sheacht ndícheall i dteannta a pháirtí nua le súil go dtabharfaidh siad leo trófaí na liathróide gealra.

Kayleigh Trappe agus Ervinas Merfeldas

Beidh an bhean a bhfuil an-cháil uirthi ar TikTok, Kayleigh Trappe, ag damhsa leis an damhsóir gairmiúil as Éirinn, Ervinas Merfeldas. Is í seo an tríú bliain ag Ervinas ar an tsraith. Bhí Ervinas ag damhsa roimhe seo le Missy Keating, Stephanie Roche agus le déanaí leis an láithreoir teilifíse, Katja Mia in 2024.

Mickey Joe Harte agus Daniela Roze

Beidh an t-amhránaí Eoraifíse, Mickey Joe Harte, i bpáirt le duine de na damhsóirí gairmiúla nua, Daniela Roze. Tá an bheirt réidh le tabhairt faoin urlár damhsa. Is as Maigh Nuad Daniela, ar curadh uile-Éireann faoi chúig í sa damhsa Laidineach. Is minic ionadaíocht déanta aici ar Éirinn i gcomórtais idirnáisiúnta agus tá go leor craobhacha buaite aici.

Jack Woolley agus Alex Vladimirov

Tá Oilimpeach taecuando na hÉireann, Jack Woolley ag dul i bpáirt le damhsóir gairmiúil a bhfuil neart taithí aici, Alex Vladimirov as an Astráil. Glac Alex páirt i gcúig shéasúr ar Dancing with the Stars na hAstráile agus glacfaidh sí páirt i leagan na hÉireann den chéad uair in 2025. Rugadh Alex san Úcráin agus bhog sí féin agus a muintir go dtí an Ghearmáin áit ar thosaigh sí ag damhsa in Cologne nuair a bhí sí sé bliana d’aois. Rinne sí staidéar ar gach uile chineál damhsa ansin sular shocraigh sí leanúint den damhsa Bálseomra agus Laidineach go gairmiúil. I ndiaidh di bogadh go Melbourne nuair a bhí sí 14 bliana d’aois bhuaigh sí Craobh Deich nDamhsa na hAstrála agus is iomaí comórtas buaite aici san Áis agus san Eoraip.

Gearóid Farrelly agus Stephen Vincent

Beidh an fuirseoir Gearóid Farrelly ag damhsa leis an damhsóir gairmiúil cumasach as Sasana, Stephen Vincent. Tá cur amach ag Stephen ar bhabhta ceannais Dancing with the Stars agus beidh sé féin agus Gearóid meáite ar thrófaí na liathróide gealra a bhuachan. Bhain Stephen an babhta ceannais amach i dteannta an tsnámhaí Pharailimpigh Ellen Keane sa bhliain 2022 agus bhí sé ag damhsa le daoine cáiliúla sna séasúir roimhe sin freisin amhail Yewande Biala, an Dr Marie Cassidy agus dhamhsaigh sé le Rosanna Davison níos túisce i mbliana.

Aishah Akorede agus Robert Rowiński

Beidh an spéirbhean chorónta agus iar-Miss Universe Ireland, Aishah Akorede, ag damhsa leis an damhsóir gairmiúil as an bPolainn, Robert Rowiński, a bhfuil páirt glactha aige i gcúig shraith de Dancing with the Stars go dtí seo. Tá an babhta ceannais bainte amach ag Robert faoi dhó, leis an amhránaí ceoil tíre, Cliona Hagan in 2019 agus le réalta na hEoraifíse, Brooke Scullion in 2023.

Danny O’Carroll agus Salome Chachua

Beidh Danny O’Carroll ó Mrs. Brown’s Boys ag damhsa le banríon an damhsa í féin, Salome Chachua. Tá an babhta ceannais bainte amach ag Salome faoi dhó cheana, le hamhránaí Wild Youth, David Whelan in 2024 agus leis an imreoir rugbaí seachtar an taobh, Jordan Conroy in 2022.

Cé gur bhain cuid de na damhsóirí cáiliúla atá ar ais linn i mbliana an babhta ceannais amach sna blianta atá caite, níl trófaí liathróide gealraí Dancing with the Stars crochta ag ceachtar díobh fós, mar sin, beidh aon duine dhéag ag súil sin a dhéanamh den chéad uair in Éirinn!

-CRÍOCH-

Dáta: Dé Domhnaigh an 15 Nollaig 2024

Is féidir íomhánna ardghléine a íoslódáil anseo: https://we.tl/t-Z1yy5gwXRW

Creidiúint ghrianghrafadóireachta: Barry McCall

Tuilleadh eolais:

Rayna Connery, Preasoifigeach Sinsearach RTÉ | rayna.connery@rte.ie

Éadaoin Nic Giolla Chomhaill, Preasoifigeach RTÉ | eadaoin.nicgiolla@rte.ie

Nótaí d’Eagarthóirí:

MAIDIR LE DANCING WITH THE STARS 2025

Sa tsraith seo ar RTÉ One cuirfear gáifeacht agus galántacht ar fáil gach oíche Dé Domhnaigh ó mhí Eanáir ar aghaidh agus beidh 11 pearsa mór le rá i dteannta damhsóir gairmiúil chun dreas damhsa beo a dhéanamh gach seachtain. Beidh ar gach beirt máistreacht a fháil ar sheánra damhsa difriúil gach seachtain, idir dhamhsa Charleston agus damhsa hip hap, agus ní bheidh ach seacht lá acu chun barr feabhais a chur ar an dreas damhsa sula ndéanann siad an damhsa beo don náisiún.

Cuirfidh sainphainéal de cheathrar moltóirí agus an pobal sa bhaile a bheidh ag breathnú ar an gclár scór ar fáil do gach beirt cháiliúla agus gnóthóidh an bheirt bhuacach an corn liathróide gealra, a bhfuil an oiread tóir air, ag deireadh na sraithe.

Is iad ShinAwiL a léiríonn Dancing with the Stars do RTÉ. Is iad Jennifer Zamparelli agus Doireann Garrihy a chuirfidh an tsraith i láthair.

Is ábhar mór mórtais do Hyundai urraíocht a dhéanamh ar Dancing with the Stars.

Chun an nuacht is déanaí agus luaidreáin ón gcúlstáitse ar Dancing with the Stars a fháil, coinnigh súil ar na cainéil shóisialta:

Instagram: @RTEOne & @DWTSIrl

TikTok: @RTEOne

Facebook: @RTEOne

Twitter: @RTEOne @DWTSIrl

#DWTSIrl

Tá galántacht agus galamaisíocht geallta agus is cinnte mbeidh damhsa den scoth é féin geallta nuair a thabharfaidh Joanna faoin urlár damhsa é

Is í an meitéareolaí, Joanna Donnelly, an t-iomaitheoir cáiliúil deiridh a bheidh ar Dancing with the Stars na bliana seo. Tosóidh an tsraith ar RTÉ One agus ar an RTÉ Player Dé Domhnaigh an 5 Eanáir ag 6:30pm.

Tá 25 bliain caite ag Joanna ag obair ina meitéareolaí agus tá an lucht féachana coinnithe ar a suaimhneas aici fiú nuair a bhí an aimsir is stoirmiúla geallta.

Anois, tá sí réidh le triail a bhaint as rud éigin iomlán nua an aimsir seo – ar urlár an damhsa! Is éard a dúirt Joanna: “Táim réidh le cúpla steip a dhéanamh! Táim ag féachaint ar an gclár le blianta agus níl uaim anois ach foghlaim le damhsa. Bhí ceacht damhsa Ghaelaigh agam sa bhliain 1979 agus chaith mo mháthair an t-airgead a bhí curtha i leataobh aici feadh na bliana ar fheisteas damhsa ach ní dhearna mé ach Feis amháin agus ansin d’éirigh mé as. Níor lig sí dom dearmad a dhéanamh air sin! Tá an-tóir aici ar Dancing with the Stars agus, mar sin, níl aon dabht agam go dtabharfaidh sí tacaíocht dom.”

Tá croí Joanna istigh san aimsir, bíodh sí os comhair an scáileáin uaine nó ná bíodh. Scríobh sí an leabhar The Great Irish Weather Book chun glúin nua daoine a bhfuil an-suim acu san aimsir a spreagadh.

Is í Joanna an damhsóir cáiliúil deiridh atá le fógairt. Fógrófar na hiomaitheoirí cáiliúla agus na damhsóirí gairmiúla lena mbeidh siad ag damhsa Dé Luain an 16 Nollaig. Ar an Late Late Show oíche Dé hAoine, fógraíodh gurb iad an craoltóir agus láithreoir Ireland AM Elaine Crowley, an chef cáiliúil Kevin Dundon, an buaiteoir bonn óir ar an gcapall corr sna Cluichí Oilimpeacha Rhys McClenaghan, an t-aisteoir mná Yasmin Seky agus réalta meán sóisialta Kayleigh Trappe cúigear den aon duine dhéag a bheidh san iomaíocht agus súil acu trófaí na liathróide gealra a thabhairt leo.

Fógraíodh i dtús na seachtaine seo gurb iad an t-amhránaí Eoraifíse Mickey Joe Harte, Oilimpeach taecuando na hÉireann, Jack Woolley, an fuirseoir, Gearóid Farrelly, an t-aisteoir ó Mrs. Brown’s Boys Danny O’Carroll agus iar-Miss Universe Ireland, Aishah Akorede an chéad cúigear a bheidh san iomaíocht agus súil acu trófaí na liathróide gealra a thabhairt leo i dtús na bliana 2025.

Beidh neart ócáidí gáifeachta, galántachta, agus teannais sa tsraith nuair a fhillfidh an séasúr nua ar RTÉ One agus ar RTÉ Player an mhí seo chugainn. Is iad Jennifer Zamparelli agus Doireann Garrihy a chuirfidh Dancing with Stars i láthair arís i mbliana. Beidh an damhsóir gairmiúil a bhfuil Dancing with the Stars buaite faoi dhó aici, Karen Byrne, ar an bpainéal moltóireachta i mbliana i dteannta Loraine Barry, Brian Redmond agus Arthur Gourounlian.

-CRÍOCH-

Dáta: Dé Sathairn an 14 Nollaig 2024

Is féidir íomhánna ardghléine a íoslódáil anseo: https://we.tl/t-MINXyWJE8n

Creidiúint ghrianghrafadóireachta: Barry McCall

Tuilleadh eolais:

Rayna Connery, Preasoifigeach Sinsearach RTÉ | rayna.connery@rte.ie

Éadaoin Nic Giolla Chomhaill, Preasoifigeach RTÉ | eadaoin.nicgiolla@rte.ie

Nótaí d’Eagarthóirí:

MAIDIR LE DANCING WITH THE STARS 2025

Sa tsraith seo ar RTÉ One cuirfear gáifeacht agus galántacht ar fáil gach oíche Dé Domhnaigh ó mhí Eanáir ar aghaidh agus beidh 11 pearsa mór le rá i dteannta damhsóir gairmiúil chun dreas damhsa beo a dhéanamh gach seachtain. Beidh ar gach beirt máistreacht a fháil ar sheánra damhsa difriúil gach seachtain, idir dhamhsa Charleston agus damhsa hip hap, agus ní bheidh ach seacht lá acu chun barr feabhais a chur ar an dreas damhsa sula ndéanann siad an damhsa beo don náisiún.

Cuirfidh sainphainéal de cheathrar moltóirí agus an pobal sa bhaile a bheidh ag breathnú ar an gclár scór ar fáil do gach beirt cháiliúla agus gnóthóidh an bheirt bhuacach an corn liathróide gealra, a bhfuil an oiread tóir air, ag deireadh na sraithe.

Is iad ShinAwiL a léiríonn Dancing with the Stars do RTÉ.

Is ábhar mór mórtais do Hyundai urraíocht a dhéanamh ar Dancing with the Stars.

Chun an nuacht is déanaí agus luaidreáin ón gcúlstáitse ar Dancing with the Stars a fháil, coinnigh súil ar na cainéil shóisialta:

Instagram: @RTEOne & @DWTSIrl

TikTok: @RTEOne

Facebook: @RTEOne

Twitter: @RTEOne @DWTSIrl

#DWTSIrl

Fógrófar Elaine Crowley, Kevin Dundon, Kayleigh Trappe, Rhys McClenaghan agus Yasmin Seky ar an Late Late Show anocht

Tá an chéad chúigear damhsóirí cáiliúla eile a bheidh ag glacadh páirt sa tsraith nua de Dancing with the Stars fógartha! Bhí Elaine Crowley, Kevin Dundon, Kayleigh Trappe, Rhys McClenaghan agus Yasmin Seky ar an Late Late Show anocht

Labhair gach duine de na daoine cáiliúla le Patrick Kielty faoi bheith ag dul san iomaíocht do thrófaí na liathróide gealraí, trófaí a bhfuil an-tóir air, nuair a fhillfidh an tsraith nua ar RTÉ One agus ar an RTÉ Player an mhí seo chugainn. Bhí Karen Byrne in éineacht leis an gcúigear cáiliúil. Fógraíodh le déanaí go mbeidh Karen ina moltóir nua agus ar phainéal Dancing with the Stars. Thug Karen, a bhuaigh an comórtas faoi dhó le linn seacht séasúr, léargas ar an méid atá ag teastáil chun trófaí na liathróide gealra a thabhairt leat, ní hamháin uair amháin ach faoi dhó.

Seo iad na damhsóirí:

ELAINE CROWLEY

Tá Elaine Crowley réidh leis an cha-cha-cha a dhéanamh ar an scáileán!

Tá Elaine ar dhuine de na láithreoirí teilifíse is mó a bhfuil tóir uirthi sa tír. Bhí ról lárnach aici i sceideal lae Virgin Media le fiche bliain anuas agus is comhláithreoir í faoi láthair ar Ireland AM in éineacht le Martin King. Chuir Elaine tús lena gairm bheatha sa seomra nuachta agus leis an bpearsantacht chairdiúil thaitneamhach atá aici, d’éirigh léi bogadh i dtreo an réimse siamsaíochta sa deireadh agus chuir sí cláracha i láthair ar nós Midday agus a clár cainte féin, Elaine.

Tugadh moladh do Elaine as bheith an-ionraic faoi na deacrachtaí pearsanta a bhí roimpi le linn a gairme beatha agus labhair sí go macánta faoi dhiagnóis a fháil go raibh diosfóiria uirthi agus faoin gceann is fearr a fháil ar thréimhsí dorcha ina saol.

Is éard a dúirt Elaine: “Níl aon rud i ngiorracht dá leithéid déanta agam riamh, gan trácht ar os comhair an oiread sin daoine. Ach dúirt mo dheirfiúr is sine liom nár thug mé dúshlán dom féin le blianta fada anuas. Is féidir leat agallamh a chur ar na polaiteoirí. Is féidir leat gach rud a dhéanamh ar Ireland Am ach tabhair dúshlán duit féin den chéad uair riamh. Mar sin rang na bliana 2025, scaoil chugam é. Céard é an rud is measa a d’fhéadfadh tarlú?”

KEVIN DUNDON

Tá an chef Kevin Dundon chun a scileanna teasaí ón gcistin a thabhairt chuig urlár an damhsa!

Tá aithne ag gach duine i measc lucht na gcócairí in Éirinn ar Kevin atá ina chef cáiliúil, láithreoir agus údar. Is fearr aithne ar Kevin as sraitheanna teilifíse a chur i láthair ar nós Guerrilla Gourmet and Heat agus is údar é freisin agus tá roinnt leabhar cócaireachta foilsithe aige. Réitigh Kevin bia d’uachtaráin na hÉireann agus na Stát Aontaithe agus do Bhanríon Eilís II nach maireann. Bhí sé le feiceáil ar chláracha éagsúla ar theilifís na hÉireann, na Breataine, Cheanada agus Mheiriceá. Sheol Kevin a phodchraoladh féin, Under The Grill, le déanaí in éineacht leis an iriseoir Caoimhe Young.

Is éard a dúirt Kevin: “Táim ar bís. Ó tharla go bhfuil mé anois chun foghlaim le damhsa, tá súil agam go mbeidh mo bhean chéile anois in ann taitneamh a bhaint as bheith ag damhsa liom ag bainiseacha agus ní dhéanfaidh mé amadán ceart díom féin! Táim beagáinín neirbhíseach ó tharla go bhfuil sé sách deacair na gluaiseachtaí a fhoghlaim. Tá sé casta. Táim comhordaithe agus mé i mo chócaire, ach tá mé ciotach ar mo chosa. Is é an American Smooth mo chéad damhsa agus tá mé chun tabhairt faoi mar a bheadh risotto á réiteach agam, go deas mall le beagán fuadair sa deireadh.”

KAYLEIGH TRAPPE

Tá an bhean a bhfuil an-cháil uirthi ar Tik Tok, Kayleigh Trappe réidh le casadh agus béiceadh ar urlár an damhsa!

Is réalta meán sóisialta as Contae Mhuineacháin í Kayleigh. Is iarmhúinteoir bunscoile í agus tá os cionn 400,000 duine á leanúint agus tá na milliúin ‘is maith liom’ tugtha di ar TikTok agus Instagram mar gheall ar a físeáin sceitse grinn ina mbíonn sí ag beolbheachtú go foirfe le gearrthóga cultúir pobail agus nóiméid aitheanta faoi dhaoine cáiliúla as Éirinn.

Tharraing cuid de na sceitsí is cáiliúla dá cuid aird orthu siúd a ndearna sí aithris orthu, lena n-áirítear Nadine Coyle, foireann aisteoirí Derry Girls, Peter Crouch agus Abbey Clancy i measc daoine eile.

Is éard a dúirt Kayleigh: “Tá sceitimíní orm. Tá sé fíorait go háirithe mar go bhfuil cleachtadh agam a bheith taobh thiar den cheamara go breá compordach sa bhaile agus anois beidh mé faoi gháifeacht agus galántacht. Athrú mór a bheidh ann ach is fada liom tús a chur le himeachtaí na liathróide gealra! Ní raibh an cineál galántachta sin mar chuid de mo shaol riamh ach tá an oiread sin tacaíochta ó mo theaghlach agus cairde sa bhaile i Muineachán. Is fada liom go mbeidh mé i lár an aicsin ar fad.”

RHYS MCCLENAGHAN

An mbeidh seaimpín na gcapall corr Rhys McClenaghan in ann caithréim mhór ghealra eile a bhaint amach i mbliana?

Is gleacaí agus Oilimpeach bonn óir é Rhys as Contae an Dúin. Aithnítear Rhys go forleathan mar dhuine de speisialtóirí capall corr is fearr na linne seo, bhain sé cáil amach nuair a bhí sé ar an gcéad ghleacaí riamh a bhain bonn óir Oilimpeach amach sa spórt sin ar son na hÉireann ag Cluichí Oilimpeacha Pháras 2024. Bhí an oiread sin bainte amach aige roimhe sin, bhí sé ar an gcéad ghleacaí Éireannach riamh le dul san iomaíocht i gcluiche ceannais na hEorpa agus le bonn Eorpach a bhuachan agus le bonn cré-umha domhanda a bhuachan freisin in 2019. Bhuaigh sé bonn óir ar an gcapall corr ag Craobhchomórtais Eorpacha 2019 agus bonn óir eile ag Craobhchomórtais Dhomhanda 2023. Tá Rhys ina sheaimpín freisin ag na Cluichí Comhlathais ar an gcapall corr. Ainmníodh é ina Phearsa Spóirt na Bliana RTÉ in 2023.

Is éard a dúirt Rhys: “Tá áthas an-domhain orm tabhairt faoin dúshlán nua seo agus tá mé ag súil go mór le roinnt scileanna gleacaíochta a thabhairt chuig urlár an damhsa. Tá mé chun aghaidh a thabhairt ar mo chuid traenála do chomórtas na bliana 2025 ar bhealach difriúil. Ghlac mé roinnt ama chun taisteal a dhéanamh agus nuair a chuirfidh mé tús le mo chéad bhloc traenála do Chomórtais LA, beidh roinnt spraoi agam a fháil amach le damhsa a dhéanamh! Le cúnamh Dé agus le treoir ó mo pháirtí damhsa gairmiúil, beidh mé in ann bua na gcapall corr a thabhairt chuig urlár an damhsa chomh maith!”

YASMIN SEKY

Tá an t-aisteoir ón tsraith Kin, Yasmin Seky, réidh le dul i bhfeidhm ar chách ar urlár an damhsa!

Is aisteoir í Yasmin Seky as Baile Átha Cliath. Is fearr aithne ar Yasmin as an gcéad ról suntasach a bhí aici sa straith dhrámhaíochta ar RTÉ, Kin, agus í i bpáirt Nikita. D’éirigh le carachtar Yasmin a bheith sáite i ndomhan corraitheach mhuintir Kinsella nuair luigh duine de na príomhcharachtair, Viking, a shúil uirthi. Bronnadh Gradaim Teilifíse RTS na hÉireann don Tallan Nua is Fearr uirthi as a ról in Kin. Tá sí ag obair i dTuaisceart Éireann i láthair na huaire ar dhráma coiriúlacht úrnua do Channel 5, The Puzzle Lady, i dteannta Phylis Logan (Downtown Abbey). Is i bpáirt Becky Baidwan a bheidh Yasmin.

Is éard a dúirt Yasmin: “Táim beagáinín neirbhíseach ó tharla nach bhfuil dada dá leithéid seo déanta cheana agam. Ach táim ar bís freisin. Is dóigh nach bhfuil mórán idir an chaoi a dtugtar driuch faitís agus sceitimíní faoi deara i nduine, níl mé cinnte cé acu atá i gceist liomsa! Sílim gur spreag an imní a bhíonn orm ó am go ham mé le páirt a ghlacadh. Má dhéanann tú praiseach de rud nuair a bhíonn tú ag aisteoireacht os comhair an cheamara tugtar deis eile duit ach ní thabharfar ach deis amháin duit é seo a dhéanamh!”

Fógrófar an t-aonú duine déag, an duine deiridh a bheidh ag glacadh páirt in Dancing with the Stars 2025, maidin Dé Domhnaigh. Fógraíodh i dtús na seachtaine seo gurb iad Mickey Joe Harte, Oilimpeach taecuando na hÉireann, Jack Woolley, an fuirseoir, Gearóid Farrelly, an t-aisteoir ó Mrs. Brown’s Boys Danny O’Carroll agus iar-Miss Universe Ireland, Aishah Akorede an chéad cúigear a bheidh san iomaíocht agus súil acu trófaí na liathróide gealra a thabhairt leo i dtús na bliana 2025.

Beidh neart ócáidí gáifeachta, galántachta, agus teannais sa tsraith nuair a fhillfidh an séasúr nua ar RTÉ One agus ar RTÉ Player an mhí seo chugainn. Is iad Jennifer Zamparelli agus Doireann Garrihy a chuirfidh Dancing with Stars i láthair arís i mbliana. Beidh an damhsóir gairmiúil a bhfuil Dancing with the Stars buaite faoi dhó aici, Karen Byrne, ar an bpainéal moltóireachta i mbliana i dteannta Loraine Barry, Brian Redmond agus Arthur Gourounlian.

-CRÍOCH-

Is féidir íomhánna ardghléine a íoslódáil anseo: https://we.tl/t-lhARVqFd1y

Creidiúint ghrianghrafadóireachta: Barry McCall

Tuilleadh eolais:

Rayna Connery, Preasoifigeach Sinsearach RTÉ | rayna.connery@rte.ie

Éadaoin Nic Giolla Chomhaill, Preasoifigeach RTÉ | eadaoin.nicgiolla@rte.ie

Nótaí d’Eagarthóirí:

MAIDIR LE DANCING WITH THE STARS 2025

Sa tsraith seo ar RTÉ One cuirfear gáifeacht agus galántacht ar fáil gach oíche Dé Domhnaigh ó mhí Eanáir ar aghaidh agus beidh 11 pearsa mór le rá i dteannta damhsóir gairmiúil chun dreas damhsa beo a dhéanamh gach seachtain. Beidh ar gach beirt máistreacht a fháil ar sheánra damhsa difriúil gach seachtain, idir dhamhsa Charleston agus damhsa hip hap, agus ní bheidh ach seacht lá acu chun barr feabhais a chur ar an dreas damhsa sula ndéanann siad an damhsa beo don náisiún.

Cuirfidh sainphainéal de cheathrar moltóirí agus an pobal sa bhaile a bheidh ag breathnú ar an gclár scór ar fáil do gach beirt cháiliúla agus gnóthóidh an bheirt bhuacach an corn liathróide gealra, a bhfuil an oiread tóir air, ag deireadh na sraithe.

Is iad ShinAwiL a léiríonn Dancing with the Stars do RTÉ.

Is ábhar mór mórtais do Hyundai urraíocht a dhéanamh ar Dancing with the Stars.

Chun an nuacht is déanaí agus luaidreáin ón gcúlstáitse ar Dancing with the Stars a fháil, coinnigh súil ar na cainéil shóisialta:

Instagram: @RTEOne & @DWTSIrl

TikTok: @RTEOne

Facebook: @RTEOne

Twitter: @RTEOne @DWTSIrl

#DWTSIrl

Is ar Paul O’Donovan a bronnadh Pearsa Spóirt na Bliana

Is ar Katie George Dunlevy agus Linda Kelly a bronnadh Foireann na Bliana

Is ar Willie Mullins a bronnadh Bainisteoir na Bliana

Is í Róisín Ní Riain a ainmníodh mar Phearsa Spóirt Óg na Bliana

Craoladh Gradaim Spórt RTÉ 2024  ar RTÉ One agus ar an RTÉ Player os comhair lucht féachana beo sa stiúideo in RTÉ anocht (Dé Domhnaigh an 15 Nollaig 2024). Arna chur i láthair ag Joanne Cantwell, Darragh Maloney agus Jacqui Hurley, rinneadh éachtaí spóirt na hÉireann sa bhliain 2024 a cheiliúradh agus tugadh urraim dóibhsean a bhain na héachtaí sin amach, ar bliain dhochreidte amach is amach a bhí inti do chúrsaí spóirt na tíre.

Ainmníodh Paul O’Donovan mar Phearsa Spóirt na Bliana RTÉ, bliain inar éirigh leis a bheith ar an gcéad Oilimpeach as Éirinn a bhuaigh boinn ag trí chluichí Oilimpeacha as a chéile. Bhuaigh sé Bonn Óir i gcomórtas céaslaire beirte i bPáras – agus Bonn Óir i gcomórtas céaslaire aonair ag Craobhchomórtas Rámhaíochta an Domhain.

Ainmníodh Róisín Ní Riain mar Phearsa Spóirt Óg Spórt na Bliana RTÉ ós rud é gur bhuaigh sí dhá bhonn Pharailimpeacha, an Bonn Airgid agus an Bonn Cré-Umha ag Cluichí Parailimpeacha na bliana seo i bPáras sa Snámh Droma S13 100m agus sa Mheascra Aonair SM13 200m, agus bhuaigh sí dhá Bhonn Óir ag Craobhchomórtas na hEorpa sa Snámh Droma 100m agus sa Snámh Brollaigh 100m.

Fógraíodh gurb é Willie Mullins Bainisteoir na Bliana Spórt RTÉ ós rud é gurb é anois an chéad traenálaí curaidh ar gach aon taobh de Mhuir Éireann ó bhí ré Vincent O’Brien ann in 1954. D’éirigh leis freisin an líon is mó Grád 1 riamh a bhaint amach in aon bhliain amháin in 2024, lena n-áirítear ocht gcinn ag Cheltenham agus bhuaigh sé tuilleadh ag an Aintree Grand National le “I Am Maximus”.

Is iad Katie-George Dunlevy agus Linda Kelly a thug leo Foireann na Bliana Spórt RTÉ ó tharla gur bhuaigh siad bonn óir agus bonn airgid sa Rothaíocht Bhóthair ag Cluichí Parailimpeacha 2024 i bPáras agus ós rud é gur Curaidh Dhomhanda faoi dhó iad.

Agus ar deireadh, rinneadh an tOilimpeach agus dornálaí gairmiúil, Michael Carruth, a ionduchtú i nDámhachtain na Laoch Spórt RTÉ. Chun clabhsúr a chur le hoíche iontach do phobal spóirt na tíre tugadh urraim don dornálaí Marcmheáchain, a bhuaigh bonn Óir ag Cluichí Oilimpeacha na bliana 1992 in Barcelona, as an méid a bhain sé amach le linn a ghairme.

Is éard a dúirt Declan McBennett, Grúpcheannasaí Spóirt, RTÉ faoi ghradaim na hoíche anocht: “Ba bhliain dhochreidte amach is amach a bhí inti agus léiríonn an méid a bhuaigh lúthchleasaithe iontacha na tíre agus an chaoi ar bhuaigh siad iad go bhfuil na caighdeáin ag ardú agus ag ardú. Tá an rath sin ag teacht chun cinn in an oiread sin disciplíní agus cód anois gur as an mbliain 2024 a éireoidh éachtaí níos mó fós sna blianta amach romhainn de réir mar a spreagtar glúin nua a leithéid de ghaiscí as cuimse a chonacthas ar fud chainéil RTÉ i mbliana a dhéanamh iad féin.”

Mheall sé an saol mór cheana féin lena ghlór binn ach an meallfaidh sé na moltóirí lena scileanna damhsa chun go dtabharfaidh sé leis trófaí na liathróide gealra?

Beidh ar Mickey Joe Harte a ghiotár uaine a chur i leataobh ar feadh scaithimh mar go mbeidh sé ag baint deatach as a bhróga damhsa ar an ochtú sraith de Dancing with the Stars. Tosóidh an tsraith ar RTÉ One agus ar an RTÉ Player i mí Eanáir 2025.

Tharraing Mickey Joe Harte aird an náisiúin den chéad uair scór bliain ó shin, nuair d’éirigh leis an chéad You’re a Star a bhuachan. Ina dhiaidh sin, rinne sé ionadaíocht thar ceann na hÉireann ag comórtas na hEoraifíse i Ríge, an Laitvia sa bhliain 2023 nuair a chan sé an t-amhrán ‘We’ve Got the World Tonight’. Bhain sé an t-aonú háit déag amach ar an scórchlár leis an amhrán sin agus bhain sé barr na gcairteacha amach sa bhaile. Bhí sé ar an singil is mó díol an bhliain sin, a chinnte go mbeadh sé ar cheann de na hamhráin sin a chanfaí go deo na ndeor.

Is éard a dúirt Mickey Joe faoina chinneadh cultacha seacaineacha a chaitheamh air féin: “Cheap mé go raibh sé in am. Leis an bhfírinne a rá, ní cheapfainn go mbeinn chomh sásta céanna é a dhéanamh fiú cúpla bliain ó shin. Ach is dóigh liom, i bhfianaise chomh maith is a d’éirigh le Bambie Thug ag comórtas na hEoraifíse anuraidh, gur airigh mé go raibh scleondar deas ag baint leis uilig. Ceapaim gurb é anois an t-am ceart agus ní in aois na hóige atá mé ag dul!”

Ó laethanta na hEoraifíse i leith, tá neart cleachtaidh ag Mickey Joe ar an ardán agus choinnigh sé a áit i saol siamsaíochta na hÉireann. D’eisigh sé ‘We’ve Got the World Tonight’ arís mar dhíséad Gaeilge leis an DJ raidió Cathal Minogue agus chuaigh sé ar camchuairt in éineacht leis The 2 Johnnies. Chuaigh Mickey Joe i gcomhar leis an amhránaí eile as Dún na nGall, Rory

Gallagher, chun dísréad Nollag nua a scríobh agus a thaifeadadh, tá ‘Hey! Home For Christmas’, amuigh anois.

Fágfaidh Mickey Joe cnoic Dhún na nGall ina dhiaidh ar feadh tamaill agus tabharfaidh sé aghaidh ar shoilse geala an bhálseomra. Beidh ar dul i gcleachtadh ar bheith faoin spotsolas gan a ghiotár. Is éard a dúirt sé faoi sin: “Ní bheidh mo chrann taca agam, an giotár agus an micreafón. Tá nós agam a bheith ag caint le linn na ngigeanna agus an slua a ghríosadh. Níl le déanamh agat ach dul amach ansin, do chion a dhéanamh, damhsa agus a bheidh cinnte go ndéanann tú i gceart é. Ní bhfaighidh tú deis téamh suas roimh an ghig, caitear isteach sa bhearna bhaoil thú!”

Bí ag faire go bhfaighidh tú amach an féidir leis an bhfear a bhfuil seantaithí aige ar chomórtas na hEoraifíse an fuinneamh céanna a shaothraigh ‘douze points’ dó tráth a thabhairt go dtí urlár an damhsa!

Is é Mickey Joe an cúigiú duine cáiliúil atá fógartha. Fógraíodh Oilimpeach taecuando na hÉireann, Jack Woolley, ar maidin. Fógraíodh go mbeadh Mickey Joe páirteach sa tsraith ar RTÉ Today inniu le Maura Derrane agus Dáithí Ó Sé.

Fógraíodh i dtús na seachtaine seo gurb iad an fuirseoir, Gearóid Farrelly, an t-aisteoir ó Mrs. Brown’s Boys Danny O’Carroll agus iar-Miss Universe Ireland, Aishah Akorede an chéad triúr a bheidh san iomaíocht agus súil acu trófaí na liathróide gealra a thabhairt leo i dtús na bliana 2025. Fógrófar na cúig iomaitheoir cáiliúla eile a bheidh páirteach sa tsraith nua de Dancing with the Stars ar an Late Late Show oíche amárach, 9.35pm ar RTÉ One agus ar an RTÉ Player.

Beidh neart ócáidí gáifeachta, galántachta, agus teannais sa tsraith nuair a fhillfidh an séasúr nua ar RTÉ One agus ar RTÉ Player an mhí seo chugainn.

Is iad Jennifer Zamparelli agus Doireann Garrihy a chuirfidh Dancing with Stars i láthair arís i mbliana. Beidh an damhsóir gairmiúil a bhfuil Dancing with the Stars buaite faoi dhó aici, Karen Byrne, ar an bpainéal moltóireachta i mbliana i dteannta Loraine Barry, Brian Redmond agus Arthur Gourounlian.

-CRÍOCH-

Dáta: Déardaoin an 12 Nollaig 2024

Is féidir íomhánna ardghléine a íoslódáil anseo: https://we.tl/t-7j7mNsIu3t

Creidiúint ghrianghrafadóireachta: Barry McCall

Tuilleadh eolais:

Rayna Connery, Preasoifigeach Sinsearach RTÉ | rayna.connery@rte.ie

Éadaoin Nic Giolla Chomhaill, Preasoifigeach RTÉ | eadaoin.nicgiolla@rte.ie

Tá Jack, an tíotán taecuando é féin, réidh le tabhairt faoin tangó!

Tá sé fógartha gurb é an tOilimpeach Éireannach, Jack Woolley, an ceathrú duine cáiliúil a bheidh ag dul san iomaíocht in Dancing with the Stars nuair a fhillfidh an séasúr nua ar RTÉ One agus ar RTÉ Player an mhí seo chugainn.

Is é Jack an chéad lúthchleasaí riamh a rinne ionadaíocht ar son na hÉireann i taecuando ag na Cluichí Oilimpeacha. Throid sé den chéad uair d’Fhoireann na hÉireann ag Cluichí Oilimpeacha Tóiceo 2020 agus le déanaí, bhí sé san iomaíocht i gCluichí Oilimpeacha Pháras 2024 níos luaithe i mbliana. Mar aon lena éachtaí ag na Cluichí Oilimpeacha, bronnadh boinn airgid ar Jack ag Craobhchomórtais na hEorpa in 2022 agus ag na Cluichí Eorpacha in 2023, agus bhuaigh sé boinn chré-umha ag an Taekwondo Grand Prix in 2018 agus in 2022.

Is éard a dúirt Jack, “Táim ar bís. Ní dhearna mé a leithéid seo riamh cheana. Ceapaim go gcuideoidh an taecuando liom mar go bhfuilim solúbtha agus tá an-tuiscint agam ar mo cholainn féin, ach is rud nua uilig é cuimhneamh ar na steipeanna damhsa. Leis an taecuando, bím i mo sheasamh os comhair duine atá ag bogadh, agus braitheann an méid a dhéanaimse ar an méid a dhéanann siadsan. Táim á dtroid agus níl a fhios agat céard a tharlóidh. Ach leis seo, tá steipeanna agat a chaithfidh tú a dhéanamh in am. Rud nua uilig a bheidh ansin domsa. Tús maith leath na hoibre, mar ar an dea-uair, táim aclaí, ach ní fhéadfaidh mé talamh slán a dhéanamh de sin!’

Le teann magaidh, is éard dúirt sé faoin ngné is mó atá ag déanamh imní dó: “Leis an bhfírinne a rá, is mó imní a bhí orm faoi spraedhonnúchán a fháil! Bhí faitíos orm go mbeadh mé breacdhonn agus go mbeadh cuma sheafóideach orm. Ach d’éirigh go maith leis an gcéad ceann, mar sin, cá bhfios? B’fhéidir gur cineál diva a bheadh ionam ina dhiaidh seo, i ndiaidh spraedhonnúchán, mo chuid gruaige agus mo chuid smididh a fháil déanta gach seachtain ar an seó! Táim ag glacadh leis faoi láthair.”

I mí Lúnasa na bliana 2021, gan ach cúig lá caite i ndiaidh deireadh a bheith tagtha leis na Cluichí Oilimpeacha, cuireadh Jack san ospidéal mar go ndearnadh ionsaí air i mBaile Átha Cliath. Fuair sé go leor tacaíochta nuair a roinn sé slám grianghraf de féin agus nuair a rinne sé cur síos ar an eachtra ar na meáin shóisialta agus labhair sé go hoscailte ina dhiaidh sin faoin ionsaí ar The Late Late Show. Thug Jack cuntas thar a bheith macánta freisin ar na dúshláin mheabhairshláinte ar thug sé aghaidh orthu agus é san iomaíocht ag leibhéal ard.

Is é Jack an ceathrú duine cáiliúil atá fógartha. Fógraíodh an fuirseoir Gearóid Farrelly inné, fógraíodh an t-aisteoir Danny O’Carroll ó Mrs. Brown’s Boys Dé Máirt agus fógraíodh iar-Miss Universe Ireland, Aishah Akorede Dé Luain. Déanfar an chuid eile de na daoine mór le rá a bheidh páirteach sa tsraith nua de Dancing with the Stars a fhógairt gach lá an tseachtain seo.

Beidh neart ócáidí gáifeachta, galántachta, agus teannais sa tsraith nuair a fhillfidh an séasúr nua ar RTÉ One agus ar RTÉ Player an mhí seo chugainn.

Is iad Jennifer Zamparelli agus Doireann Garrihy a chuirfidh Dancing with Stars i láthair arís i mbliana. Beidh an damhsóir gairmiúil a bhfuil Dancing with the Stars buaite faoi dhó aici, Karen Byrne, ar an bpainéal moltóireachta i mbliana i dteannta Loraine Barry, Brian Redmond agus Arthur Gourounlian.

-CRÍOCH-

Dáta: Dé Céadaoin an 11 Nollaig 2024

Tuilleadh eolais:

Rayna Connery, Preasoifigeach Sinsearach RTÉ | rayna.connery@rte.ie

Éadaoin Nic Giolla Chomhaill, Preasoifigeach RTÉ | eadaoin.nicgiolla@rte.ie

Nótaí d’Eagarthóirí:

Is féidir íomhánna ardghléine a íoslódáil anseo: https://we.tl/t-VqH4PmRZxP

Creidiúint ghrianghrafadóireachta: Barry McCall

MAIDIR LE DANCING WITH THE STARS 2025

Sa tsraith seo ar RTÉ One cuirfear gáifeacht agus galántacht ar fáil gach oíche Dé Domhnaigh ó mhí Eanáir ar aghaidh agus beidh 11 pearsa mór le rá i dteannta damhsóir gairmiúil chun dreas damhsa beo a dhéanamh gach seachtain. Beidh ar gach beirt máistreacht a fháil ar sheánra damhsa difriúil gach seachtain, idir dhamhsa Charleston agus damhsa hip hap, agus ní bheidh ach seacht lá acu chun barr feabhais a chur ar an dreas damhsa sula ndéanann siad an damhsa beo don náisiún.

Cuirfidh sainphainéal de cheathrar moltóirí agus an pobal sa bhaile a bheidh ag breathnú ar an gclár scór ar fáil do gach beirt cháiliúla agus gnóthóidh an bheirt bhuacach an corn liathróide gealra, a bhfuil an oiread tóir air, ag deireadh na sraithe.

Is iad ShinAwiL a léiríonn Dancing with the Stars do RTÉ.

Is ábhar mór mórtais do Hyundai urraíocht a dhéanamh ar Dancing with the Stars.

Chun an nuacht is déanaí agus luaidreáin ón gcúlstáitse ar Dancing with the Stars a fháil, coinnigh súil ar na cainéil shóisialta:

Instagram: @RTEOne & @DWTSIrl

TikTok: @RTEOne

Facebook: @RTEOne

Twitter: @RTEOne @DWTSIrl

#DWTSIrl

Beidh Gearóid ag damhsa le páirtí comhghnéis sa séasúr nua de Dancing with the Stars

Tá sé i gceist ag an bhfuirseoir, podchraoltóir agus pearsantacht teilifíse, Gearóid Farrelly, fuadar a chur faoi bhoinn a bhróg damhsa in áit a bheith ag fuirseoireacht ar na boinn ar feadh scaithimh agus é ag tabhairt aghaidh ar an ochtú séasúr de Dancing with the Stars. Tosóidh an tsraith ar RTÉ One agus ar an RTÉ Player i mí Eanáir 2025.

Tá an-chur amach ag Gearóid ar bheith ar ardán ina ghairm fuirseoireachta, gairm a tháinig chun cinn go mór nuair a bhain sé an babhta ceannais den chomórtas So You Think You’re Funny? amach ag Féile Dhún Éideann. Tá an t-ardán roinnte aige le sárfhuirseoirí agus chuir sé tús le seónna do leithéidí Joan Rivers, Sarah Millican, Patton Oswalt, Neil Delamere agus Joanne McNally. Tá ardmholadh faighte aige as a chuid seónna aonair, lena n-áirítear an clú agus cáil a bhain sé amach dá chéad seó ag Féile Dhún Éideann, Turbulence.

Is éard a bhí le rá ag Gearóid faoi bhróga an fhir ghrinn a chur i leataobh le go mbainfidh sé triail as na bróga damhsa, “Tá scéin ionam. Bhuel, bhí scéin ionam sular casadh gach duine eile orm, i ndáiríre, ní raibh an oiread faitís riamh orm agus a bhí nuair a shiúil mé isteach sa seomra sin. Ach tá gach uile dhuine an-deas, táimid ag tarraingt le chéile go maith cheana féin agus táim ag baint sásamh as gach soicind de.”

Beidh Gearóid ag damhsa le fear eile ar an seó. Fógrófar a pháirtí damhsa Dé Luain an 16 Nollaig nuair a bheifear ag cur na réalta agus na damhsóirí gairmiúla ina mbeirteanna.

Is éard a dúirt Gearóid faoina pháirtí damhsa: “Dá mbeadh beirt fhear feicthe agamsa ag damhsa le chéile nuair a bhí mé i mo leaid óg aerach thabharfadh sé an oiread faoisimh dom. Rinneadh bulaíocht airsean freisin ar scoil mar gur damhsóir a bhí ann. Mar sin, táimid beirt sa bhád céanna. Tá sé iontach. Bhí beagán imní orm i dtosach faoi bheith i mullach an fhir seo, mar go bhfuilimse aerach agus níl seisean, agus ní raibh mé ag iarraidh go mbeadh sé míchompordach, nó go mbraithfeadh sé go raibh gá dó é seo a dhéanamh. Mar sin, bhí comhrá againn freisin agus tá seisean breá sásta é seo a dhéanamh ó thaobh na cóiréagrafaíochta.”

Is éard a dúirt Gearóid faoin gcomhairle atá faighte aige ó chuid de na hiomaitheoirí a bhí ar an tsraith roimhe seo, “Bhí mé ar dhuine den lucht féachana ar Dancing with the Stars cheana. Bhí mé ann le tacú le Deirdre O’Kane, Fred Cooke, Kevin McGahern agus Bernard O’Shea, is cairde liom iad agus is aoibhinn liom an seó. Dúirt siad ar fad go raibh sé i measc na taithí is fearr a bhí acu riamh agus dúirt siad liom gan cuimhneamh an iomarca air, sult a bhaint as gach soicind de agus mé féin a chaitheamh isteach sa bhearna bhaoil.

Nuair nach mbíonn Gearóid ar an ardán cuireann sé an podchraoladh Fascinated i láthair, ina dtugann sé cuairt isteach d’aíonna, a bhfuil sé féin i measc a lucht leanta, chun comhrá a bheith acu faoina ngairm bheatha agus faoina gcuid oibre. Tá podchraoladh eile aige, Agony Rants, ina gcuireann sé comhairle ar chách i dteannta a chara a bhfuil comórtas na hEoraifíse buaite aici, Niamh Kavanagh.

Is é Gearóid an tríú duine cáiliúil atá fógartha. Fógraíodh Aishah Akorede, mainicín agus iar-Miss Universe Ireland, Dé Luain agus fógraíodh an t-aisteoir Danny O’Carroll as Mrs. Brown’s Boys inné. Déanfar gach duine eile den ochtar mór le rá atá fanta agus a bheidh páirteach sa tsraith nua de Dancing with the Stars a fhógairt gach lá an tseachtain seo.

Beidh neart ócáidí gáifeachta, galántachta, agus teannais sa tsraith nuair a fhillfidh an séasúr nua ar RTÉ One agus ar RTÉ Player an mhí seo chugainn.

Is iad Jennifer Zamparelli agus Doireann Garrihy a chuirfidh Dancing with Stars i láthair arís i mbliana. Beidh an damhsóir gairmiúil a bhfuil Dancing with the Stars buaite faoi dhó aici, Karen Byrne, ar an bpainéal moltóireachta i mbliana i dteannta Loraine Barry, Brian Redmond agus Arthur Gourounlian.

-CRÍOCH-

Dáta: Déardaoin an 10 Nollaig 2024

Tuilleadh eolais:

Rayna Connery, Preasoifigeach Sinsearach RTÉ | rayna.connery@rte.ie

Éadaoin Nic Giolla Chomhaill, Preasoifigeach RTÉ | eadaoin.nicgiolla@rte.ie

Nótaí d’Eagarthóirí:

Is féidir íomhánna ardghléine a íoslódáil anseo:  https://we.tl/t-0eURXf9fVf

Creidiúint ghrianghrafadóireachta: Barry McCall

MAIDIR LE DANCING WITH THE STARS 2025

Sa tsraith seo ar RTÉ One cuirfear gáifeacht agus galántacht ar fáil gach oíche Dé Domhnaigh ó mhí Eanáir ar aghaidh agus beidh 11 pearsa mór le rá i dteannta damhsóir gairmiúil chun dreas damhsa beo a dhéanamh gach seachtain. Beidh ar gach beirt máistreacht a fháil ar sheánra damhsa difriúil gach seachtain, idir dhamhsa Charleston agus damhsa hip hap, agus ní bheidh ach seacht lá acu chun barr feabhais a chur ar an dreas damhsa sula ndéanann siad an damhsa beo don náisiún.

Cuirfidh sainphainéal de cheathrar moltóirí agus an pobal sa bhaile a bheidh ag breathnú ar an gclár scór ar fáil do gach beirt cháiliúla agus gnóthóidh an bheirt bhuacach an corn liathróide gealra, a bhfuil an oiread tóir air, ag deireadh na sraithe.

Is iad ShinAwiL a léiríonn Dancing with the Stars do RTÉ.

Is ábhar mór mórtais do Hyundai urraíocht a dhéanamh ar Dancing with the Stars.

Chun an nuacht is déanaí agus luaidreáin ón gcúlstáitse ar Dancing with the Stars a fháil, coinnigh súil ar na cainéil shóisialta:

Instagram: @RTEOne & @DWTSIrl

TikTok: @RTEOne

Facebook: @RTEOne

Twitter: @RTEOne @DWTSIrl

Tá Buster Brady ó Mrs. Brown’s Boys meáite ar a dhícheall a dhéanamh amuigh ar an urlár!

Is é an t-aisteoir agus léiritheoir Danny O’Carroll, ar fearr aithne air as bheith i bpáirt Buster Brady ar an stáitse agus ar an scáileán in Mrs Brown’s Boys, an dara hiomaitheoir cáiliúil a bheith ag déanamh cúpla steip ar Dancing with the Stars. Craolfar an t-ochtú sraith ar RTÉ One agus ar an RTÉ Player i mí Eanáir 2025.

Tá caidreamh seanbhunaithe ag foireann aisteoirí Mrs. Brown’s Boys le Dancing with the Stars. Bhí duine eile den fhoireann sin, agus a aintín, Eilish O’Carroll, í féin páirteach sa chlár in 2019, agus chaith Rory Cowan air a bróga damhsa i dtús na bliana seo le súil go dtabharfadh sé leis trófaí na liathróide gealra, trófaí a bhfuil an-tóir air. Bhí sé páirteach freisin i seachshraith Mrs. Brown’s Boys All Round to Mrs. Brown’s agus in For Facts Sake agus tá sé ar camchuairt ar fud na tíre faoi láthair le Mrs. Brown’s Boys D’Live Show.

Is éard a bhí le rá ag Danny: “Bhí mé ag iarraidh páirt a ghlacadh in Dancing with the Stars le ceithre bliana anuas ach bhí mé i gcónaí ar camchuairt le Mrs. Brown’s Boys sa Ríocht Aontaithe i mí Eanáir, mar sin ní fhéadfainn é. Ach táimid ar camchuairt in Éirinn i mbliana den chéad uair le dhá bhliain déag, agus beidh mé ábalta an turas chuig na cleachtaí a dhéanamh, mar sin d’oibrigh sé amach go maith. Tá lúcháir orm go mbeidh mé in ann é a dhéanamh ar deireadh thiar!”

Maidir leis an spreagadh atá á fháil aige ó fhoireann aisteoirí Mrs. Brown’s Boys: “Bhain an tacaíocht atá gach duine ag tabhairt dom siar asam. Tá m’aintín Eilish ag impí orm fanacht istigh chomh fada agus atá mé in ann. Táim ag iarraidh mo dhícheall a dhéanamh. Ní damhsóir mé, mar sin is dúshlán dom é, ach déanfaidh mé gach is féidir liom a dhéanamh leis an mbabhta ceannais a bhaint amach… déanfaidh mé mo sheacht ndícheall!”

Is é Danny an dara hiomaitheoir cáiliúil atá fógartha don tsraith. Fógraíodh inné gurb í Aishah Akorede, mainicín agus iar-Miss Universe Ireland, an chéad iomaitheoir cáiliúil a bheidh ag tabhairt faoin urlár i mí Eanáir. Déanfar gach duine eile den naonúr mór le rá a bheidh páirteach sa tsraith nua de Dancing with the Stars a fhógairt gach lá an tseachtain seo.

Beidh neart ócáidí gáifeachta, galántachta, agus teannais sa tsraith nuair a fhillfidh an séasúr nua ar RTÉ One agus ar RTÉ Player an mhí seo chugainn.

Is iad Jennifer Zamparelli agus Doireann Garrihy a chuirfidh Dancing with Stars i láthair arís i mbliana. Beidh an damhsóir gairmiúil a bhfuil Dancing with the Stars buaite faoi dhó aici, Karen Byrne, ar an bpainéal moltóireachta i mbliana i dteannta Loraine Barry, Brian Redmond agus Arthur Gourounlian.

-CRÍOCH-

Dáta: Dé Luain an 9 Nollaig 2024

Creidiúint ghrianghrafadóireachta: Barry McCall

Tuilleadh eolais:

Rayna Connery, Preasoifigeach Sinsearach RTÉ | rayna.connery@rte.ie

Éadaoin Nic Giolla Chomhaill, Preasoifigeach RTÉ | eadaoin.nicgiolla@rte.ie

Nótaí d’Eagarthóirí:

MAIDIR LE DANCING WITH THE STARS 2025

Sa tsraith seo ar RTÉ One cuirfear gáifeacht agus galántacht ar fáil gach oíche Dé Domhnaigh ó mhí Eanáir ar aghaidh agus beidh 11 pearsa mór le rá i dteannta damhsóir gairmiúil chun dreas damhsa beo a dhéanamh gach seachtain. Beidh ar gach beirt máistreacht a fháil ar sheánra damhsa difriúil gach seachtain, idir dhamhsa Charleston agus damhsa hip hap, agus ní bheidh ach seacht lá acu chun barr feabhais a chur ar an dreas damhsa sula ndéanann siad an damhsa beo don náisiún.

Cuirfidh sainphainéal de cheathrar moltóirí agus an pobal sa bhaile a bheidh ag breathnú ar an gclár scór ar fáil do gach beirt cháiliúla agus gnóthóidh an bheirt bhuacach an corn liathróide gealra, a bhfuil an oiread tóir air, ag deireadh na sraithe.

Is iad ShinAwiL a léiríonn Dancing with the Stars do RTÉ.

Is ábhar mór mórtais do Hyundai urraíocht a dhéanamh ar Dancing with the Stars.

Chun an nuacht is déanaí agus luaidreáin ón gcúlstáitse ar Dancing with the Stars a fháil, coinnigh súil ar na cainéil shóisialta:

Instagram: @RTEOne & @DWTSIrl

TikTok: @RTEOne

Facebook: @RTEOne

Twitter: @RTEOne @DWTSIrl

#DWTSIrl

Oíche Dé Domhnaigh (15 Nollaig, 9.30pm), beo ar RTÉ One agus cuirfidh RTÉ Player, Joanne Cantwell, Darragh Maloney agus Jacqui Hurley Gradaim Spóirt RTÉ 2024 ó Studio 4 i láthair in RTÉ. I measc na nGradam atá á mbronnadh ar an oíche os comhair lucht féachana de réaltaí spóirt na hÉireann tá RTÉ Sport Sportsperson of the Year, Foireann Spóirt na Bliana RTÉ, Bainisteoir Spóirt na Bliana RTÉ agus Spórt RTÉ Young Sportsperson na Bliana. Tá ainmniúcháin na bliana seo do Bhainisteoir Spóirt na Bliana RTÉ liostaithe thíos.

AINMNITHE MAR BHAINISTEOIR SPÓIRT RTÉ NA BLIANA 2024

ANDY FARRELL – RUGBAÍ NA HÉIREANN

Thug an Sasanach craobh na Sé Náisiún ar ais d’Éirinn.

KIERAN MCGEENEY – PEIL ARD MHACHA

Threoraigh siad Contae an Úlloird go dtí a gcéad Sam Maguire le 18 mbliana anuas, rud a d’fhág nach raibh ach an dara bua Uile-Éireann acu riamh.

BRIAN LOHAN – IOMÁNAÍOCHT AN CHLÁIR

Thug fear na Sionainne an Clár aghaidh ar Chill Chainnigh sa chluiche ceannais, rud a thug a gcéad bhua do Liam McCarthy le 11 bliain.

WILLIE MULLINS – TRAENÁLAÍ SEAIMPÍNÍ

Ba é Vincent O’Brien an chéad traenálaí seaimpíní ar an dá thaobh de Mhuir Éireann i 1954. Taifead briseadh Grád 1s i mbliain lena n-áirítear 8 ag Cheltenham, phioc sé suas an Aintree Grand National le I Am Maximus freisin.

GER MANLEY – CAMÓGAÍOCHT CHORCAÍ

D’éirigh le hiar-iománaí Chorcaí bua Camógaíochta Sinsear na hÉireann a bhaint amach do Chorcaigh nuair a bhuaigh siad ar Ghaillimh i bPáirc an Chrócaigh.

DECLAN QUILL/DARRAGH LONG – PEIL CHIARRAÍ – COMHBHAINISTEOIRÍ

Chuir Ciarraí, faoi stiúir na gcomhbhainisteoirí Quill agus Long, deireadh le triomach Sinsir na hÉireann 31 bliain nuair a bhuaigh siad ar Ghaillimh sa chluiche ceannais i bPáirc an Chrócaigh.

AIDAN O’BRIEN – TRAENÁLAÍ SEAIMPÍNÍ NA HÉIREANN AGUS NA RÍOCHTA AONTAITHE

In 2024, bhuaigh an traenálaí atá lonnaithe i dTiobraid Árann an traenálaí cothrom seaimpíní in Éirinn don 27ú huair agus traenálaí seaimpíní ar an árasán sa Bhreatain den seachtú huair. I measc na mbuaiteoirí suntasacha bhí an 10ú bua sa Epsom Derby, bua 400ú Grúpa1/Grád 1 agus bua 20ú Corn Póraitheoirí.

DAMIEN DUFF – SÍOL DHÉAGLÁIN

Thug finscéal peile na hÉireann shelbourne gan aithne ar theideal Premier Division Sraith SSE Airtricity den chéad uair le 18 mbliana.

-CRÍOCH-

Dáta: Dé Luain 9 Nollaig 2024

Cumarsáid RTÉ: Adam Thibault agus Fergus McCormack